လံာ်မၢ်ကူး 13:1 - Sgaw Karen Common Bible

¹ ဖဲယ့ၣ်ၡူးဟဲက့ၤထီၣ်လၢတၢ်လုၢ်ဟံၣ်ပူၤအကတီၢ်န့ၣ်, အပျဲၢ်အဘီၣ်အကျါတဂၤစံးဘၣ်အီၤ, “ကွၢ်တက့ၢ်, သရၣ်ဧၢ, လၢၢ်သ့ၣ်တဖၣ်ဒီးတၢ်သူၣ်ထီၣ်သ့ၣ်တဖၣ်မ့ၢ်တၢ်လၢ အလီၤဘီလီၤမုၢ်မးလဲၣ်.”

လံာ်မၢ်ကူး 13:1 Iomraidhean Croise

လံာ်ယံးရမံယၤ 51:61

ယတဲဘၣ်တ့ၢ် စီၤစရါယၤဒ်အံၤ, “ဖဲနလဲၤတုၤဆူ ကီၢ်ဘၤဘူလိၣ်န့ၣ်, တၢ်ကိးမံၤဒဲးလၢ တၢ်ကွဲးလီၤတ့ၢ်အီၤ ဖဲအံၤန့ၣ်, ဖးန့ၢ်ပှၤဂီၢ်မုၢ်လၢ နကလုၢ်ဖးဒိၣ်သပှၢ်တၢၢ်န့ၣ်တက့ၢ်.

လံာ်ယဃ့းစက့လး 10:19

အဝဲသ့ၣ်သလၣ်ထီၣ်အဒံးဆ့တဖၣ်ဒီးယူၤထီၣ်ဝဲလၢဟီၣ်ခိၣ်အဖီ ခိၣ်ဖဲယကွၢ်တၢ်အဖၢမုၢ်, ဒီးလ့ၣ်ဖံဘၣ်တဖၣ်သုးဃုာ်ဒီးအဝဲသ့ၣ်န့ၣ်လီၤ. အဝဲသ့ၣ်အိၣ်ကတီၢ်တစိၢ်ဖိဖဲယွၤအတၢ်လုၢ်ဟံၣ်မုၢ်ထီၣ်အတြဲၤ, ဒီးတၢ်ကပီၤဆဲးကပြုၢ်ကပြီၤထီၣ်လၢအဝဲသ့ၣ်အဖီခိၣ်လီၤ.

လံာ်ယဃ့းစက့လး 10:4

ယွၤအိၣ်ဝဲဆိးဝဲအတၢ်ကပီၤဆဲးကပြုၢ်ကပြီၤဟဲထီၣ်ဝဲလၢတၢ် ဘၣ်တ့တဖၣ်အအိၣ်, ဒီးသုးဘူးအသးဆူယွၤအတၢ်လုၢ်ဟံၣ် အကျဲစၢၤန့ၣ်လီၤ. ဝံၤဒီး, တၢ်အၢၣ်မၤပှဲၤယွၤအတၢ်လုၢ်ဟံၣ်, ဒီးဂၢၤန့ၣ်ဆဲးကပြုၢ်ဝဲဒီးတၢ်ကပီၤန့ၣ်လီၤ.

လံာ်ယဃ့းစက့လး 8:6

ကစၢ်ယွၤစံးဘၣ်ယၤ, “ပှၤကညီလၢအသံသ့ဧၢ, နထံၣ်ဘၣ်တၢ်လၢအမၤ အသးလံကစီဒီဧါ, ကွၢ်ဃီၤတၢ်လၢအလီၤသးဘၣ်အၢတဖၣ်, လၢကီၢ် အံၣ်စရ့လးအပှၤဂီၢ်မုၢ်မၤဝဲဖဲအံၤ, ဒီးနီၣ်ထီၣ်ကွံာ်ယၤယံၤထီၣ်ယံၤထီၣ်ဒီးယတၢ်လီၢ်စီဆှံန့ၣ်တက့ၢ်. နကထံၣ်ဘၣ်ဒံးတၢ်လီၤမဲာ်ဆှးတဖၣ်အါန့ၢ်ဒိၣ်န့ၢ်ဒံးဒၣ်လဲာ်တၢ် အံၤန့ၣ်လီၤ.”