လံာ်မၢ်ကူး 12:6 - Sgaw Karen Common Bible

⁶ အဝဲကမၢလီၤဝဲအဂီၢ်ပှၤအိၣ်တီၢ်ထဲတဂၤလၢအမ့ၢ်အဖိခွါလၢ အအဲၣ်ဘၣ်ဝဲဒိၣ်မးန့ၣ်လီၤ. လၢခံကတၢၢ်မၢလီၤဝဲဆူပှၤဒိးလဲအီၣ်တၢ်တဖၣ်အအိၣ်လီၤ. အဝဲဒၣ်စံးဝဲ, “ယနာ်လၢအဝဲသ့ၣ်ကပာ်ကဲယဖိခွါလီၤ.”

လံာ်မၢ်ကူး 12:6 Iomraidhean Croise

လံာ်တၢ်ကဲထီၣ်အခီၣ်ထံး 22:12

ဒီးကလူးန့ၣ်စံးဘၣ်အီၤ, “မၤဆါဖိသၣ်အံၤတဂ့ၤ. မၤအီၤတၢ်နီတမံၤတဂ့ၤ. ဒီးခဲကနံၣ်အံၤယသ့ၣ်ညါလၢနယူးယီၣ် ဒီးစူၢ်ကစၢ်ယွၤန့ၣ်လီၤ. အဂ့ၢ်ဒ်အံၤ, နဖိခွါထဲတဂၤဧိၤဒၣ်လဲာ်, နကလုၢ်ထီၣ်အီၤဆူယအိၣ် န့ၣ်နတလိးကီနဲဘၣ်.”

လံာ်တၢ်ကဲထီၣ်အခီၣ်ထံး 22:2

ဒီးကစၢ်ယွၤစံးဘၣ်အီၤ, “ဟံးန့ၢ်နဖိခွါ, နဖိခွါထဲတဂၤဧိၤလၢအမ့ၢ်စီၤအံၤစဲးလၢနအဲၣ်အီၤဒိၣ်မးတ ဂၤ, ဒီးလဲၤဆူကီၢ်မိၤရံယၤန့ၣ်တက့ၢ်. ဒီးဖဲန့ၣ်လၢကစၢၢ် တဖျၢၣ်လၢယကဒုးနဲၣ်နၤအဒီခိၣ်န့ၣ်လုၢ်ထီၣ်အီၤဒ်တၢ်လုၢ်တၢ်ပာ် တမံၤဆူယအိၣ်န့ၣ်တက့ၢ်.”

လံာ်တၢ်ကဲထီၣ်အခီၣ်ထံး 37:3

စီၤယၤကိာ်အဲၣ်တ့ၢ်စီၤယိၤသးအါန့ၢ်အဖိခွါအဂၤခဲလၢာ်, မ့ၢ်လၢအဝဲအိၣ်ဖျဲၣ်ထီၣ်တ့ၢ်လၢအဝဲအဂီၢ်ဖဲအဝဲအသးပှၢ်အကတီၢ် အဃိန့ၣ်လီၤ. အဝဲမၤန့ၢ်တ့ၢ်ဆ့ကၤလီၤဆီတဘ့ၣ်လၢအဖိခွါစီၤယိၤသးအဂီၢ် န့ၣ်လီၤ.

လံာ်တၢ်ကဲထီၣ်အခီၣ်ထံး 44:20

ပစံးဆၢတ့ၢ်နၤလၢပအိၣ်ဒီးပပၢ်တဂၤလၢအသးပှၢ်တ့ၢ်လံ, ဒီးပဒီပုၢ်ဝဲၢ်ခွါအဆံးတဂၤ, လၢအအိၣ်ဖျဲၣ်ထီၣ်လၢအဂီၢ်ဖဲ အသးပှၢ်အဆၢကတီၢ်န့ၣ်လီၤ. ပိာ်ခွါဖိသၣ်န့ၣ်အဒီပုၢ်ဝဲၢ်ခွါ တဂၤသံလံ. ဒီးအဝဲမ့ၢ်ပှၤထဲတဂၤဧိၤလၢအမိၢ်အဖိတဖၣ်အကျါလၢအအိၣ်မူ ဒံး, ဒီးအပၢ်အဲၣ်အီၤဒိၣ်မးန့ၣ်လီၤ.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 2:7

စီၤပၤစံးဝဲ, “ယကစံးကတိၤ ယွၤအတၢ်မၤလိာ်န့ၣ်လီၤ. အဝဲစံးဘၣ်ယၤ, နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤယကဲထီၣ်နပၢ်လံ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မၢ်ကူး 1:11

ဒီးတၢ်ကလုၢ်သီၣ်ထီၣ်လၢမူခိၣ်လၢအစံးဝဲ, “နဲဒၣ်အံၤနမ့ၢ်ယဖိခွါလၢယအဲၣ်အီၤဒီးဘၣ်သူၣ်ဘၣ်သးယၤဒိၣ်မး တဂၤလီၤ.”

လံာ်မၢ်ကူး 12:5

စပံးလီၢ်ကစၢ်မၢလီၤအခ့အပှၤအဂၤတဂၤဒီးအဝဲတဂၤအံၤ အဝဲသ့ၣ်မၤသံကွံာ်ဝဲလီၤ. ဒီးအဝဲသ့ၣ်မၤပှၤတဘျုးဂၤဒ်န့ၣ်အသိး, ဒိဝဲတီၢ်ဝဲတနီၤဒီးမၤသံကွံာ်ဝဲတနီၤန့ၣ်လီၤ.

လံာ်မၢ်ကူး 12:7

ဘၣ်ဆၣ်ဒီးပှၤဒိးလဲအီၣ်တၢ်တဖၣ်စံးလိာ်အသးတဂၤဒီးတဂၤ, “အဝဲတဂၤအံၤမ့ၢ်စပံးလီၢ်ကစၢ်အဖိခွါလၢကန့ၢ်ဘၣ် သါတၢ်ဖိတၢ်လံၤလီၤ. ဟဲဃီၤ, မ်ပကမၤသံကွံာ်အီၤ, အန့ၣ်ဒီးတၢ်ဖိတၢ်လံၤလၢအကြၢးန့ၢ်ဘၣ်ဝဲန့ၣ်ကကဲပတၢ်လီၤ.”

လံာ်မၢ်ကူး 9:7

ဒီးတၢ်အၢၣ်တလိၣ်အိၣ်ဖျါထီၣ်ဒီးအကဒုလီၤဘၣ်လၢအဝဲသ့ၣ် အဖီခိၣ်လီၤ. တၢ်ကလုၢ်သီၣ်ထီၣ်လၢတၢ်အၢၣ်အပူၤစံးဝဲ, “အဝဲတဂၤအံၤမ့ၢ်ယဖိခွါလၢယအဲၣ်အီၤလီၤ. ကနၣ်အကလုၢ်တက့ၢ်.”

လံာ်လူၤကၣ် 3:22

ဒီးသးစီဆှံဟဲလီၤလၢအလိၤအိၣ်ဒီးနီၢ်ခိအက့ၢ်အဂီၤဒ်ထိၣ်လွံၢ် တဘ့ၣ်အသိးန့ၣ်လီၤ. ဒီးတၢ်ကလုၢ်သီၣ်လီၤလၢမူခိၣ်ဒီးစံးဝဲ, “နဲဒၣ်အံၤနမ့ၢ်ယဖိခွါဒၣ်ယဲလၢယအဲၣ်အီၤတဂၤလီၤ. ယဘၣ်သူၣ်ဘၣ်သးနၤဒိၣ်မးလီၤ.”

လံာ်လူၤကၣ် 9:35

တၢ်အကလုၢ်ဟဲသီၣ်ထီၣ်လၢတၢ်အၢၣ်အပူၤဒီးစံးဝဲ, “အဝဲအံၤ မ့ၢ်ယဖိခွါလၢယဃုထၢတ့ၢ်အီၤတဂၤလီၤ. ဒိကနၣ်အကလုၢ်တက့ၢ်.”

လံာ်ယိၤဟၣ် 1:14

တၢ်ကလုၢ်န့ၣ်ကဲထီၣ်ပှၤကညီ, ဒီးလၢပှဲၤဝဲဒီးတၢ်ဘျုးတၢ်ဖှိၣ် ဒီးတၢ်မ့ၢ်တၢ်တီဒီးအိၣ်ဝဲဆိးဝဲလၢပကျါန့ၣ်လီၤ. ဒီးပထံၣ်ဘၣ်အလၤကပီၤလၢအဒိးန့ၢ်ဝဲဒ်ပၢ်အဖိခွါတဂၤဃီ အသိးန့ၣ်လီၤ.

လံာ်ယိၤဟၣ် 1:18

ပှၤတထံၣ်ဘၣ်ကစၢ်ယွၤနီတခီၣ်နီတဂၤဘၣ်. အဖိခွါထဲတဂၤဧိၤလၢအမ့ၢ်တၢ်တမံၤဃီဒီးအီၤ ဒီးအိၣ်ဘူးဒီးအီၤန့ၣ်, လီၣ်ဖျါထီၣ်အီၤလံန့ၣ်လီၤ.

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 3:35

ပၢ်အဲၣ်အဖိခွါဒီးဟ့ၣ်လီၤတၢ်ခဲလၢာ်လၢအစုပူၤလီၤ.

လံာ်ယိၤဟၣ် 5:23

ဒ်သိးပှၤခဲလၢာ်ကယူးယီၣ်ဖိခွါဒ်အယူးယီၣ်ပၢ်အသိး န့ၣ်လီၤ. ပှၤလၢတယူးယီၣ်ဘၣ်ဖိခွါန့ၣ်, တယူးယီၣ်ဘၣ်ပၢ်လၢအမၢလီၤအီၤတဂၤန့ၣ်ဘၣ်.

ဧ့ၤဘြံၤ 1:6

မ့မ့ၢ်ဖဲကစၢ်ယွၤကဆှၢလီၤအဖိဝဲၢ်ကိဆူဟီၣ်ခိၣ်န့ၣ် စံးဝဲ, “မ်ကစၢ်ယွၤအကလူးခဲလၢာ်တီၤလီၤဘါအီၤတက့ၢ်.”

၁ ယိၤဟၣ် 4:9

ကစၢ်ယွၤဒုးနဲၣ်တ့ၢ်အတၢ်အဲၣ်တၢ်ကွံလၢပှၤ, ဖဲအမၢလီၤအဖိခွါထဲတဂၤဧိၤဆူဟီၣ်ခိၣ်ချၢဒ်သိး ပကဒိးန့ၢ်ဘၣ်တၢ်မူခီဖျိအီၤန့ၣ်လီၤ.

၃ ယိၤဟၣ် 1:1

လၢပှၤသးပှၢ်, ဆူစီၤကါယူးသးဘိ, ပှၤလၢယအဲၣ်ဘၣ်အီၤလၢတၢ်အဲၣ်နီၢ်နီၢ် တဂၤအအိၣ်,