လံာ်မၢ်ကူး 12:44 - Sgaw Karen Common Bible

⁴⁴ အဂ့ၢ်ဒ်လဲၣ်န့ၣ်, အဝဲသ့ၣ်တဖၣ်ဟ့ၣ်မၤဘူၣ်လီၤဒၣ်အတၢ်အိၣ်ဘျဲၣ် အိၣ်စဲၢ်လီၤ. မ့မ့ၢ်ပိာ်မုၣ်တဂၤအံၤ, လၢအတၢ်ဖှီၣ်တၢ်ယာ်အပူၤဒၢနုာ်လီၤဝဲကယဲၢ်တၢ်အိၣ်ဒီးအီၤန့ၣ် ခဲလၢာ်, တၢ်လၢကလုၢ်အီၣ်အသးသမူအဂီၢ်န့ၣ်လီၤ.”

လံာ်မၢ်ကူး 12:44 Iomraidhean Croise

လံာ်မၢ်ကူး 12:43

ယ့ၣ်ၡူးကိးဃီၤအပျဲၢ်အဘီၣ်တဖၣ်ဒီးစံးဘၣ်အဝဲသ့ၣ်, “ယစံးဘၣ်သုတီတီလီၤ. မုၣ်ကမဲလၢအဖှီၣ်တဂၤအံၤဒၢနုာ်တိၢ်မၤဘူၣ်လၢတလါအပူၤ အါန့ၢ်ပှၤအဂၤတဖၣ်ခဲလၢာ်တက့ၢ်လီၤ.

လံာ်မၢ်ကူး 14:8

ပိာ်မုၣ်အံၤတၢ်လၢအမၤဝဲသ့န့ၣ်မၤတ့ၢ်ဝဲလံ. ဟဲဒီးဖှူဆိပာ်လံ ယလိၤဒ်အမ့ၢ်တၢ်ကတဲာ်ကတီၤယနီၢ်ခိလၢတၢ်ခူၣ်လီၤအီၤ အဂီၢ်န့ၣ်လီၤ.

လံာ်လူၤကၣ် 15:12

ဖိလၢအသးစၢ်တဂၤန့ၣ်စံးဘၣ်အပၢ်, ‘ပၢ်ဧၢ, ယတၢ်န့ၢ်သါလၢယကဘၣ်ဒိးန့ၢ်အီၤန့ၣ်ဟ့ၣ်လီၤယၤခဲကနံၣ်အံၤ တက့ၢ်.’ လၢတၢ်န့ၣ်အဃိအဝဲဒၣ်နီၤဖးလီၤတၢ်စုလီၢ်ခီၣ်ခိၣ်လၢဖိခံ ဂၤန့ၣ်အဂီၢ်လီၤ.

လံာ်လူၤကၣ် 15:30

မ့မ့ၢ်နဖိခွါတဂၤအံၤမၤလၢာ်ဂီၤနတၢ်စုလီၢ်ခီၣ်ခိၣ်ခဲလၢာ်လၢတၢ်ဂဲၤ ဃုာ်ဒီးဃဲသဲမုၣ်, ဒီးဖဲအဝဲဒၣ်ဟဲက့ၤတုၤဟံၣ်န့ၣ်နမၤသံဂီၤဖံးဖိအဘီၣ်ကတၢၢ် တဒုလၢအဝဲဒၣ်အဂီၢ်လီၤ.’

လံာ်လူၤကၣ် 8:43

ပိာ်မုၣ်အိၣ်ဝဲဒၣ်တဂၤလၢအတူၢ်ဘၣ်တ့ၢ်ဝဲတၢ်ဆါသွံၣ်လီၤနးမးလၢ တဆံခံနံၣ်အတီၢ်ပူၤဒီးအဝဲဒၣ်လၢာ်ဘူၣ်လၢာ်စ့ၤလၢကသံၣ် သရၣ်တဖၣ်ကမၤဘျါအီၤအဂီၢ်တုၤဒၣ်လဲာ်တၢ်လၢ အအိၣ်ဒီးအီၤလၢာ်ကွံာ်ဝဲခဲလၢာ်ဘၣ်ဆၣ်ဒီးပှၤမၤဘျါအီၤ တန့ၢ်နီတဂၤဘၣ်.

လံာ်သိၣ်လီၤသီလီၤတၢ် 24:6

တုၤသုဒုးလိၢ်လီၤပှၤတဂၤလၢတၢ်တမံၤမံၤန့ၣ်, ဟံးန့ၢ်အဝဲအဆၢၣ်ဂူာ်လၢၢ်လၢအဂံၢ်ဘျဲးဘုခ့ဒ်တၢ်ဟ့ၣ်ကီၤအသိးတဂ့ၤ. တၢ်အံၤကဟံးန့ၢ်ကွံာ်အဝဲအဟံၣ်ဖိဃီဖိအကျဲလၢ အကတဲာ်ကတီၤတၢ်အီၣ်တၢ်အီဒ်သိးကမူဝဲအဂီၢ်န့ၣ်လီၤ.

၁ ယိၤဟၣ် 3:17

ပှၤအထူးအတီၤတဂၤမ့ၢ်ထံၣ်အဒီပုၢ်ဝဲၢ်လိၣ်ဘၣ်တၢ်, ဘၣ်ဆၣ်တသးကညီၤအီၤဘၣ်န့ၣ်, ကစၢ်ယွၤအတၢ်အဲၣ်တၢ်ကွံအိၣ်လၢအပူၤကသ့ဒ်လဲၣ်.