လံာ်မၢ်ကူး 12:40 - Sgaw Karen Common Bible

⁴⁰ အဝဲသ့ၣ်ဂုာ်ဆူၣ်ပျိဆူၣ်မုၣ်ကမဲတဖၣ်အဟံၣ်ဒီးအစုလီၢ်ခီၣ် ခိၣ်, ဒီးပာ်မၤအသးဒ်အမ့ၢ်ပှၤဂ့ၤပှၤဝါအသိးခီဖျိတၢ်ဃ့ထု ကဖၣ်တၢ်ထီထီကလဲာ်န့ၣ်လီၤ. လၢမုၢ်စံၣ်ညီၣ်အနံၤန့ၣ်အဝဲသ့ၣ်ကဘၣ်တၢ်စံၣ်ညီၣ်အီၤနးန့ၢ် ပှၤဂၤတက့ၢ်န့ၣ်လီၤ.”

လံာ်မၢ်ကူး 12:40 Iomraidhean Croise

လံာ်ယဃ့းစက့လး 22:25

ပှၤခိၣ်ပှၤနၢ်တဖၣ်န့ၣ်လီၤဂာ်ဒ်ခ့ယုၢ်တဖၣ်လၢအကညီၤထီၣ်ဝဲလၢ ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအလိၤအသိးန့ၣ်လီၤ. အဝဲသ့ၣ်မၤသံပှၤဂီၢ်မုၢ်, ဟံးန့ၢ်ကွံာ်ကျိၣ်စ့ခဲလၢာ်ဒီး အတၢ်စုလီၢ်ခီၣ်ခိၣ်တဖၣ်လၢအမၤန့ၢ်ဝဲသ့, ဒီးခီဖျိအဝဲသ့ၣ် အတၢ်မၤသံမၤဝီန့ၣ်, ပိာ်မုၣ်အါဂၤအိၣ်လီၤတဲာ်ဝဲဒ်ပှၤမုၣ်ကမဲတဖၣ်အသိးန့ၣ်လီၤ.

လံာ်မံကၤ 2:2

ဖဲအသးလီစံာ်ဧိၤပှဲၤဧိၤတဖၣ်န့ၣ်, ဂုာ်န့ၢ်ဆူၣ်ဝဲလီၤ. ဖဲအသးလီဟံၣ်ဧိၤဃီဧိၤတဖၣ်န့ၣ်ဟံးန့ၢ်ကွံာ်ဝဲလီၤ. တပျဲပူၤဘၣ်ပှၤအဟံၣ်အဃီဒီးအစုလီၢ်ခီၣ်ခိၣ်နီတဂၤဘၣ်.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မးသဲ 23:14

(ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဃုသုဘျုးလၢပှၤမုၣ်ကမဲတဖၣ်အဖီခိၣ်, တုၤလၢသုဂုာ်န့ၢ်ဆူၣ်အဝဲသ့ၣ်အဟံၣ်အဃီ, ဒီးသုပာ်မၤသုသးဒ်ပှၤဂ့ၤပှၤဝါအသိး, ခီဖျိတၢ်ဃ့ဘါထုကဖၣ်ဖးထီတၢ်န့ၣ်လီၤ. လၢတၢ်အံၤအဃိ, သုကဘၣ်တၢ်စံၣ်ညီၣ်ဃၣ်သုနးဒၣ်တၢ်တက့ၢ်လီၤ.)

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မးသဲ 6:7

ဖဲသုဃ့ဘါထုကဖၣ်ယွၤန့ၣ်တဘၣ်စံးဝံၤစံးက့ၤတၢ်လၢအခီပညီ တအိၣ်ဘၣ်ဒ်ပှၤတသ့ၣ်ညါယွၤတဖၣ်မၤဝဲအသိးန့ၣ်တဂ့ၤ. အဂ့ၢ်ဒ်အံၤအဝဲသ့ၣ်ဆိကမိၣ်ဝဲလၢယွၤကနၢ်ဟူအီၤလၢအဃ့ဘါထုကဖၣ်တၢ်ထီထီအဃိန့ၣ်လီၤ.

လံာ်မၢ်ကူး 12:39

လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤန့ၣ်အဝဲသ့ၣ်အဲၣ်ဒိး န့ၢ်ဘၣ်တၢ်လီၢ်အဂ့ၤကတၢၢ်, ဒီးလၢတၢ်အီၣ်အမူးပူၤန့ၣ်အဲၣ်ဒိးန့ၢ်ဘၣ်တၢ်လီၢ်လၢ ပှၤပာ်လီၤဆီတဖၣ်န့ၣ်လီၤ.

လံာ်လူၤကၣ် 20:47

တၢ်လီၢ်အဂ့ၤကတၢၢ်ဖဲဘူၣ်အဆၢကတီၢ်, ပှၤလၢအဟံးန့ၢ်တၢ်အခွဲးအယာ်လၢ မုၣ်ကမဲတဖၣ်အဖီခိၣ်ဒီးဂုာ်န့ၢ်ဝာ်န့ၢ်အဟံၣ်အဃီတဖၣ်, ဒီးအန့ၣ်ဝံၤအလီၢ်ခံပာ်မၤအသးခီဖျိအဃ့ဘါထု ကဖၣ်တၢ်ထီထီကလဲာ်တဖၣ်န့ၣ်တက့ၢ်. တၢ်စံၣ်ညီၣ်လၢအဝဲသ့ၣ်အဂီၢ်ကမ့ၢ်တၢ်အအၢကတၢၢ်လီၤ.”

၂ ကရံၣ်သူး 11:20

သုဝံသးစူၤပှၤတဂၤဂၤလၢအမၢထီၣ်မၢလီၤသုဆူအံၤ ဆူဘး, မ့တမ့ၢ်ဟံးန့ၢ်တၢ်အခွဲးအယာ်လၢသုဖီခိၣ်, မ့တမ့ၢ်ဃုဖီၣ်န့ၢ်သု, မ့တမ့ၢ်ကွၢ်တလီၤသု, မ့တမ့ၢ်ဒဲသုမဲာ်န့ၣ်လီၤ.

၂ တံၤမသ့း 3:6

အဝဲသ့ၣ်တနီၤလဲၤနုာ်ဆူပှၤအဟံၣ်ပူၤဒီးကွဲန့ၢ်လွဲန့ၢ်ပိာ် မုၣ်ဂံၢ်စၢ်ဘါစၢ်တဖၣ်လၢအအိၣ်ဒီးတၢ်ဒဲးဘးအတၢ်ဝံ တၢ်ယိးဒီးပိာ်ထွဲတၢ်သူၣ်လီသးကွံအကလုာ်ကလုာ် အခံန့ၣ်လီၤ.