လံာ်မၢ်ကူး 12:39 - Sgaw Karen Common Bible

³⁹ လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤန့ၣ်အဝဲသ့ၣ်အဲၣ်ဒိး န့ၢ်ဘၣ်တၢ်လီၢ်အဂ့ၤကတၢၢ်, ဒီးလၢတၢ်အီၣ်အမူးပူၤန့ၣ်အဲၣ်ဒိးန့ၢ်ဘၣ်တၢ်လီၢ်လၢ ပှၤပာ်လီၤဆီတဖၣ်န့ၣ်လီၤ.

လံာ်မၢ်ကူး 12:39 Iomraidhean Croise

လံာ်မးသဲ 23:1

တုၤနုၤတစုယ့ၣ်ၡူးကတိၤတၢ်ဒီးပှၤဂီၢ်မုၢ်တဖၣ်, ဒီးအပျဲၢ်အဘီၣ်တဖၣ်ဒီးစံးဝဲ,

လံာ်မးသဲ 23:6

လၢတၢ်အီၣ်တၢ်အီအမူးတဖၣ်အပူၤန့ၣ်, အဝဲသ့ၣ်အဲၣ်ဒိးဆ့ၣ်နီၤလၢတၢ်လီၢ်အဂ့ၤကတၢၢ်တဖၣ်, ဒီးလၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤန့ၣ်အဲၣ်ဒိးဆ့ၣ်နီၤ ဒၣ်လၢတၢ်လီၢ်လၢအဘၣ်တၢ်ပာ်လီၤဆီအီၤတဖၣ်န့ၣ်လီၤ.

လံာ်မၢ်ကူး 12:38

လၢအတၢ်သိၣ်လီၤသီလီၤတၢ်အပူၤယ့ၣ်ၡူးစံးဝဲ, “ပလီၢ်သုသးလၢ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်တက့ၢ်. အဝဲသ့ၣ်မိၣ်ဟးထီၣ်ဟးလီၤသး, သိးဒီးဆ့ကၤဖီခိၣ်ဖးထီ, ဒီးလၢဖၠါပူၤန့ၣ်အဲၣ်ဒိးဝဲလၢပှၤကကတိၤဒိၣ်အဝဲသ့ၣ်လၢတၢ် ယူးယီၣ်ပာ်ကဲအပူၤန့ၣ်လီၤ.

လံာ်မၢ်ကူး 12:40

အဝဲသ့ၣ်ဂုာ်ဆူၣ်ပျိဆူၣ်မုၣ်ကမဲတဖၣ်အဟံၣ်ဒီးအစုလီၢ်ခီၣ် ခိၣ်, ဒီးပာ်မၤအသးဒ်အမ့ၢ်ပှၤဂ့ၤပှၤဝါအသိးခီဖျိတၢ်ဃ့ထု ကဖၣ်တၢ်ထီထီကလဲာ်န့ၣ်လီၤ. လၢမုၢ်စံၣ်ညီၣ်အနံၤန့ၣ်အဝဲသ့ၣ်ကဘၣ်တၢ်စံၣ်ညီၣ်အီၤနးန့ၢ် ပှၤဂၤတက့ၢ်န့ၣ်လီၤ.”