လံာ်မၢ်ကူး 12:37 - Sgaw Karen Common Bible

³⁷ စီၤဒၤဝံးအကစၢ်ဒၣ်ဝဲကိးအီၤလၢ ‘ကစၢ်’ သတးဒီး, အကစၢ်န့ၣ်ကကဲလၢအစၢၤအသွဲၣ်တခီကသ့ဒ်လဲၣ်.” ပှၤဂီၢ်မုၢ်ဖးဒိၣ်ဒိကနၣ်ယ့ၣ်ၡူးအတၢ်သိၣ်လီၤသီလီၤပှဲၤ ဒီးတၢ်သူၣ်ဖှံသးညီလီၤ.

လံာ်မၢ်ကူး 12:37 Iomraidhean Croise

လံာ်မးသဲ 1:23

“မုၣ်ကနီၤတဂၤကဒၢထီၣ်ဒီးကဆံးစၢ်န့ၢ်အဖိခွါတဂၤဒီး အဝဲကဘၣ်တၢ်ကိးအီၤလၢဧံးမၤနူၤအ့လး” (အခီပညီန့ၣ်ကစၢ်ယွၤအိၣ်ဒီးပှၤ) လီၤ(ၡါ. ၇:၁၄).

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 11:5

ပှၤအမဲာ်ဘျီၣ်တဖၣ်ထံၣ်ထီၣ်က့ၤတၢ်, ပှၤအခီၣ်ဟးဂီၤတဖၣ်ဟးထီၣ် က့ၤဝဲ, ပှၤဘၣ်တၢ်ဆါအၢတဖၣ်ဘျါက့ၤဝဲ, ပှၤအနၢ်တအၢတဖၣ်နၢ်ဟူထီၣ် က့ၤတၢ်ဒီးပှၤသံတဖၣ်ဘၣ်တၢ်ဒုးဂဲၤဆၢထၢၣ်က့ၤအီၤဒီးတၢ်သးခု ကစီၣ်ဘၣ်တၢ်စံၣ်တဲၤတဲလီၤအီၤဆူပှၤဖှီၣ်ဖိယာ်ဖိအအိၣ်လံ.

လံာ်မးသဲ 21:45

တုၤပှၤလုၢ်တၢ်အခိၣ်အဒိၣ်တဖၣ်, ဒီးပှၤဖၤရံၤၡဲတဖၣ်နၢ်ဟူယ့ၣ်ၡူးအတၢ်ကတိၤဒိတဖၣ်အံၤဒီး, သ့ၣ်ညါဝဲလၢအစံးတၢ်ဘၣ်ဃးဒီးအဝဲသ့ၣ်အဂ့ၢ်န့ၣ်လီၤ.

လံာ်မးသဲ 21:46

လၢတၢ်န့ၣ်အဃိ, အဝဲသ့ၣ်ဂုာ်ကျဲးစၢးဒ်သိးကဖီၣ်ဒီးဟံးဃာ်အီၤန့ၣ်လီၤ. ဘၣ်ဆၣ်, ပျံၤဝဲပှၤဂီၢ်မုၢ်တဖၣ်လၢအပာ်ယ့ၣ်ၡူးဒ်ဝံတဂၤအသိးန့ၣ်လီၤ.

လံာ်လူၤကၣ် 19:48

ဘၣ်ဆၣ်ဒီးအဝဲသ့ၣ်ကဘၣ်မၤဝဲလၢကျဲဒ်လဲၣ်န့ၣ်တသ့ၣ်ညါဝဲဘၣ်. အဂ့ၢ်မ့ၢ်လၢပှၤဂီၢ်မုၢ်ဒိကနၣ်ဒံးအတၢ်စံးတၢ်ကတိၤ, ဒီးတအဲၣ်ဒိးလၢအတၢ်ကတိၤလဲၤပူၤကွံာ်အဝဲသ့ၣ်နီ တထံၣ်ဘၣ်အဃိလီၤ.

လံာ်လူၤကၣ် 21:38

ဖဲဂီၤခီဂီၤဂီၤအဆၢကတီၢ်န့ၣ်, ပှၤဂီၢ်မုၢ်ခဲလၢာ်လဲၤဆူတၢ်လုၢ်ဟံၣ်ဒ်သိး အကဒိကနၣ်အတၢ်စံးတၢ်ကတိၤအဂီၢ်န့ၣ်လီၤ.

လံာ်ယိၤဟၣ် 12:9

ပှၤယူဒၤဖိဂီၢ်မုၢ်ဖးဒိၣ်နၢ်ဟူဝဲလၢယ့ၣ်ၡူးအိၣ်ဝဲလၢသဝီဘ့ၤသနံ သတးဒီးအဝဲသ့ၣ်လဲၤဖဲန့ၣ်, တမ့ၢ်ထဲလၢယ့ၣ်ၡူးအိၣ်ဖဲန့ၣ်အဃိ ဘၣ်. မ့မ့ၢ်လဲၤဝဲဒ်သိးကထံၣ်ဘၣ်စီၤလါစရူးလၢယ့ၣ်ၡူးဒုးဂဲၤဆၢထၢၣ် သမူထီၣ်က့ၤလၢတၢ်သံတဂၤအဂီၢ်စ့ၢ်ကီးလီၤ.

ရိမ့ၤ 9:5

အဝဲသ့ၣ်ဟဲလီၤစၢၤလၢပၢ်သ့ၣ်လၢပျၢၤဒီးခရံာ်လၢ အလိၣ်ထီၣ်အသးဒ်ပှၤကညီတဂၤအသိးန့ၣ်, မ့ၢ်ပှၤ တကလုာ်ဃီဒီးအဝဲသ့ၣ်လီၤ. မ်ကစၢ်ယွၤလၢအပၢ တၢ်ခဲလၢာ်တဂၤ, ဘၣ်တၢ်စံးထီၣ်ပတြၢၤအီၤလီၤ စိၤလီၤထီတက့ၢ်. အၤမ့ၣ်.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 22:16

“ယၤ, ယ့ၣ်ၡူး, ယဆှၢလီၤယဲယကလူးဒ်သိးအကဘိးဘၣ်သ့ၣ်ညါ သုဘၣ်ဃးတၢ်သ့ၣ်တဖၣ်အံၤလၢတၢ်အိၣ်ဖှိၣ်တဖၣ်အပူၤလီၤ. ယဟဲလီၤစၢၤယဲဒၣ်လၢစီၤဒၤဝံးအဒူၣ်အထၢ, ယမ့ၢ်ဆၣ်တူၢ်ဂီၤလၢအကပြုၢ်ကပြီၤတဖျၢၣ်န့ၣ်လီၤ.”