လံာ်မၢ်ကူး 12:36 - Sgaw Karen Common Bible

³⁶ စီၤဒၤဝံးအကစၢ်ဒၣ်ဝဲန့ၣ်သးစီဆှံထိးဘၣ်အသးဒီးစံးဝဲ, ‘ယွၤစံးဘၣ်ယကစၢ်, ဆ့ၣ်နီၤလၢယစုထွဲတခီ, တုၤယဒုးအိၣ်နဒုၣ်နဒါတဖၣ်လၢ နခီၣ်ညါသးအဖီလာ်တစုတက့ၢ်.’

လံာ်မၢ်ကူး 12:36 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:2

ယွၤအသးကတိၤတၢ်ခီဖျိယၤ, အဝဲအတၢ်ကစီၣ်အိၣ်ဝဲလၢယထးခိၣ်န့ၣ်လီၤ.

လံာ်စီၤနဃ့မယၤ 9:30

လၢတၢ်သူၣ်စူၤသးစူၤအပူၤနဟ့ၣ်ပလီၢ်အဝဲသ့ၣ် တနံၣ်ဝံၤတနံၣ်န့ၣ်လီၤ. နထိၣ်ဂဲၤထီၣ်နဝံတဖၣ်အသးလၢကစံးကတိၤတၢ်, ဘၣ်ဆၣ်နပှၤဂီၢ်မုၢ်တဖၣ်အနၢ်တအၢဝဲဒၣ်န့ၣ်လီၤ. လၢတၢ်န့ၣ်အဃိနပျဲအဝဲသ့ၣ်ဘၣ်တၢ်မၤနၢၤကွံာ်အီၤလၢပှၤကလုာ် အဂၤတဖၣ်န့ၣ်လီၤ.

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

လံာ်မးသဲ 5:35

တဘၣ်ဆိၣ်လီၤစ့ၢ်ကီးနသးခီဖျိဟီၣ်ခိၣ်တဂ့ၤ. အဂ့ၢ်ဒ်အံၤ, ဟီၣ်ခိၣ်မ့ၢ်ယွၤအခီၣ်ယီၢ်အလီၢ်လီၤ. တဘၣ်ဆိၣ်လီၤစ့ၢ်ကီးနသးခီဖျိယရူၤၡလ့ၣ်တဂ့ၤ. အဂ့ၢ်ဒ်အံၤ, ယရူၤၡလ့ၣ်မ့ၢ်စီၤပၤဖးဒိၣ်အဝ့ၢ်လီၤ.

မၤတၢ် 1:16

“ယဒီပုၢ်ဝဲၢ်သ့ၣ်ဧၢ, တၢ်ကွဲးအသးလၢအပာ်ဖျါသးစီဆှံအတၢ်ဒုးစံးဒုးကတိၤစီၤဒၤ ဝံးဖဲအဝဲကတိၤဆိပာ်စၢၤဘၣ်ဃးစီၤယူဒၤလၢအမ့ၢ်ပှၤဆှၢ ပှၤလၢအလဲၤဖီၣ်ယ့ၣ်ၡူးအဂ့ၢ်န့ၣ်, ကဘၣ်လၢထီၣ်ပှဲၤထီၣ်ဝဲလီၤ.

မၤတၢ် 28:25

ဖဲအဝဲသ့ၣ်အသးတလီၤပလိာ်ဒီးဟးထီၣ်ကွံာ်ဝဲန့ၣ်, စီၤပီလူးကတိၤတၢ်ဒီးအီၤအကတၢၢ်တဘီဒ်အံၤလီၤ. “သးစီဆှံကတိၤတၢ်ဒီးသုမိၢ်ပၢ်ဖံဖုလၢပျၢၤတဖၣ် ခီဖျိဝံယၡါယၤန့ၣ်ဘၣ်မးလီၤ.

1 ကရံၣ်သူး 15:25

အဂ့ၢ်ဒ်အံၤ, ခရံာ်ကဘၣ်ပၢတၢ်တုၤလီၤလၢကစၢ်ယွၤမၤနၢၤ ကွံာ်ဒုၣ်ဒါခဲလၢာ်ဒီးပာ်အဝဲသ့ၣ်လၢအဝဲဒၣ်အခီၣ်ဖီလာ်တစုန့ၣ်လီၤ.

၂ တံၤမသ့း 3:16

တၢ်ကွဲးအသးခဲလၢာ်န့ၣ်ဘၣ်တၢ်ကွဲးအီၤလၢကစၢ်ယွၤ အသးစီဆှံဒီးဂ့ၤလၢတၢ်သိၣ်လိတၢ်မ့ၢ်တၢ်တီအဂီၢ်, သိၣ်ဃီၣ်တၢ်ကမၣ်အဂီၢ်, ဘှီဘၣ်က့ၤတၢ်လၢအကမၣ် တဖၣ်အဂီၢ်, ဒီးသိၣ်လိနဲၣ်လိတၢ်လၢတၢ်အိၣ်မူအဂ့ၤ အဘၣ်အဂီၢ်,

ဧ့ၤဘြံၤ 1:13

ကစၢ်ယွၤတစံးဘၣ်အကလူးနီတဂၤနီတဘျီလၢ “ဆ့ၣ်နီၤဖဲအံၤလၢယစုထွဲတခီ တုၤယပာ်လီၤနဒုၣ်နဒါခဲလၢာ် ဒ်နခီၣ်ယီၢ်အသိးလၢနခီၣ်အဖီလာ်” န့ၣ်ဘၣ်.

ဧ့ၤဘြံၤ 4:7

တၢ်အံၤအိၣ်ဖျါထီၣ်ခီဖျိကစၢ်ယွၤဃုထၢပာ်လီၤမုၢ်နံၤလီၤ ဆီလၢအဘၣ်တၢ်ကိးအီၤလၢ “မုၢ်တနံၤအံၤ” န့ၣ်လီၤ. အါနံၣ်အါလါဝံၤအလီၢ်ခံတၢ်ကတိၤလၢအဘၣ်တၢ်ယၢၤထီၣ် တ့ၢ်လံအံၤဘၣ်တၢ်စံးကတိၤအီၤခီဖျိစီၤဒၤဝံး, “တၢ်တနံၤအံၤဖဲသုနၢ်ဟူအကလုၢ်ဒီး မၤကိၤသုခိၣ်တဂ့ၤ.”

၁ ပ့းတရူး 1:11

အဝဲသ့ၣ်ကျဲးစၢးဃုသ့ၣ်ညါဝဲတၢ်ဆၢကတီၢ်ကမ့ၢ်ဖဲလဲၣ် အခါဒီးတၢ်ကမၤအသးဒ်လဲၣ်န့ၣ်လီၤ. တၢ်အံၤမ့ၢ်တၢ်ဆၢကတီၢ်လၢခရံာ်အသးလၢအအိၣ်လၢ အပူၤဒုးနဲၣ်အီၤ, လၢတၢ်ကတိၤဆိပာ်တၢ်နးတၢ်ဖှီၣ်တဖၣ်လၢခရံာ်ကဘၣ် တူၢ်ဝဲဒီးတၢ်လၤကပီၤလၢကပိာ်ထွဲထီၣ်အခံန့ၣ်လီၤ.

၂ ပ့းတရူး 1:21

အဂ့ၢ်ဒ်လဲၣ်န့ၣ်, ဝံအတၢ်ကစီၣ်တဟဲလၢပှၤကညီ အတၢ်ဘၣ်အသးဒၣ်ဝဲနီတဘျီဘၣ်. မ့မ့ၢ်ဒ်သးစီဆှံ ပၢၤဒီးထိၣ်ဂဲၤအသးအသိး, အဝဲသ့ၣ်ကတိၤတၢ်ကစီၣ်လၢ အဟဲလၢကစၢ်ယွၤအအိၣ်န့ၣ်လီၤ.