လံာ်မၢ်ကူး 12:33 - Sgaw Karen Common Bible

³³ ပှၤကညီတဂၤမ့ၢ်အဲၣ်ကစၢ်ယွၤလၢအသးဒီဖျၢၣ်ညါ, လၢအတၢ်ကူၣ်တၢ်ဆးတုၤအလၢာ်, ဒီးလၢအတၢ်ဂံၢ်တၢ်ဘါခဲလၢာ်, ဒီးမ့ၢ်အဲၣ်ပှၤကညီကဒဲကဒဲဒီးအီၤဒ်အအဲၣ်လီၤအသးဒၣ်ဝဲန့ၣ်, မ့ၢ်တၢ်အဂ့ၤဒိၣ်န့ၢ်ဒံးတၢ်လုၢ်မ့ၣ်အူလၢအမ့ၢ်တၢ်လုၢ်ဆၣ်ဖိကီၢ်ဖိဒီဒု, ဒီးတၢ်လုၢ်အဂၤတဖၣ်ခဲလၢာ်တက့ၢ်လီၤ.”

လံာ်မၢ်ကူး 12:33 Iomraidhean Croise

စံးထီၣ်ပတြၢၤ 50:23

ပှၤလၢအဟဲစိာ်တၢ်စံးဘျုးစံးဖှိၣ်ဒ်တၢ်လုၢ်အသိးန့ၣ် မၤလၤကပီၤယၤလီၤ. ဒီးပှၤလၢအကတဲာ်ကတီၤအကျဲန့ၣ် ယကဒုးနဲၣ်အီၤလၢ ယတၢ်အုၣ်က့ၤခီၣ်က့ၤလီၤ.”

တၢ်ကတိၤဒိ. 21:3

မၤတၢ်လၢအဘၣ်ဒီးတဖုၣ်ထံၣ်ဖုၣ်ထီဘၣ်န့ၣ်တက့ၢ်. တၢ်န့ၣ်မ့ၢ်တၢ်လၢအဘၣ်ယွၤအသးဒိၣ်န့ၢ်အါန့ၢ်ဒံးတၢ်ဟဲ စိာ်န့ၢ်အီၤတၢ်လုၢ်တၢ်ပာ်တဖၣ်န့ၣ်လီၤ.

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်မးသဲ 12:7

တၢ်ကွဲးအသးစံးဝဲ, ‘ဘၣ်ယသးလၢတၢ်သူၣ်ကညီၤသးကညီၤ ဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ (ဟိၤ. ၆:၆). သုမ့ၢ်နၢ်ပၢၢ်တၢ် ကွဲးအသးအံၤအခီပညီနီၢ်နီၢ်ဒီးသုတစံၣ်ညီၣ်ဘၣ်ပှၤလၢအတၢ် ကမၣ်တအိၣ်တဖၣ်န့ၣ်ဘၣ်.

လံာ်မးသဲ 9:13

လဲၤဒီးဃုနၢ်ပၢၢ်တၢ်ကွဲးအသးလၢအစံး, ‘ယအဲၣ်ဒိးတၢ်သူၣ် ကညီၤသးကညီၤဒီးတမ့ၢ်ဘၣ်တၢ်လုၢ်တၢ်ပာ်ဘၣ်’ အခီပညီတက့ၢ်. အဂ့ၢ်ဒ်အံၤ, ယဟဲလၢယကကိးန့ၢ် ပှၤတၢ်ဒဲးဘးဖိဒီးတမ့ၢ်ဘၣ်ပှၤတီပှၤလိၤတဖၣ်ဘၣ်.”

လံာ်သိၣ်လီၤသီလီၤတၢ် 6:5

အဲၣ်ယွၤ, နကစၢ်ယွၤလၢနသးဒီဖျၢၣ်ညါဒီးနတၢ်ကူၣ်တၢ်ဆးခဲလၢာ် ဒီးနဂံၢ်နဘါခဲလၢာ်တက့ၢ်.

ဧ့ၤဘြံၤ 10:8

ဖဲအစံးဝဲဒ်လၢထးအသိး, “နတသးလီဘၣ်တၢ်လုၢ်တၢ်ပာ်ဒီးတၢ်မၤဘူၣ်မၤတီၢ်ဘၣ်ဒီး တဘၣ်ဘၣ်နသးလၢတၢ်လုၢ်ဆိၣ်ကဲၤဒီဒုဒီးတၢ်လုၢ်တၢ်ဒဲးဘး ဘၣ်.” အကတီၢ်န့ၣ်, တၢ်သ့ၣ်တဖၣ်အံၤဘၣ်တၢ်လုၢ်ထီၣ်အီၤဒ်တၢ်သိၣ်တၢ်သီအသိး,

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.