လံာ်မၢ်ကူး 12:31 - Sgaw Karen Common Bible

³¹ တၢ်မၤလိာ်အဒိၣ်ကတၢၢ်ခံထံၣ်တထံၣ်မ့ၢ်အအံၤလီၤ. သုဘၣ်အဲၣ်ပှၤဂၤဒ်သုအဲၣ်လီၤသုသးဒၣ်သုဝဲအသိးန့ၣ်လီၤ. တၢ်မၤလိာ်အဂၤလၢအဒိၣ်န့ၢ်တၢ်ခံထံၣ်အံၤတအိၣ်ဘၣ်.”

လံာ်မၢ်ကူး 12:31 Iomraidhean Croise

လံာ်တၢ်ဘူၣ်ထီၣ်ဘါထီၣ် 19:13

သုတအီၣ်ကဘျံးကဘျၣ်ပှၤလၢသုဃၢၤအတၢ်တဂ့ၤ, ဂုာ်န့ၢ်အတၢ်တဂ့ၤ. ပှၤလၢအဒိးလဲအသးတဂၤအဘူးအလဲ န့ၣ်ဒုးအိၣ်ဒီးနၤသီတနၤကျၢၤတုၤမုၢ်ဆ့ၣ်ထီၣ်တဂ့ၤ.

လံာ်တၢ်ဘူၣ်ထီၣ်ဘါထီၣ် 19:18

မၤဆၢတၢ်အၢလၢပှၤနီတဂၤတဂ့ၤ. ဒီးသးဟ့စ့ၢ်ကီးအီၤတဂ့ၤ. မ့မ့ၢ်အဲၣ်ပှၤလၢသုဃၢၤဒ်သု အဲၣ်လီၤသုသးဒၣ်ဝဲအသိးန့ၣ်တက့ၢ်. ယဲဒၣ်အံၤယမ့ၢ်ယွၤလီၤ.

လံာ်မးသဲ 22:39

ဒီးတၢ်မၤလိာ်လၢအဒိၣ်ကတၢၢ်ခံထံၣ်တထံၣ်န့ၣ်လီၤဂာ်ဒီးအီၤလီၤ. ‘အဲၣ်ပှၤလၢနဃၢၤ, ဒ်နအဲၣ်လီၤနသးဒၣ်နဲအသိးန့ၣ်တက့ၢ်’ (ဘူၣ်ဘါ. ၁၉:၁၈).

လံာ်မးသဲ 7:12

ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

လံာ်မၢ်ကူး 12:32

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဂၤန့ၣ်စံးဘၣ်ယ့ၣ်ၡူး, “သရၣ်ဧၢ, နစံးတၢ်န့ၣ်ဘၣ်ဂ့ၤမးလီၤ. နစံးလၢထဲယွၤတဂၢၤဧိၤမ့ၢ်ကစၢ်ယွၤန့ၣ်မ့ၢ်တၢ်ကတိၤအမ့ၢ် အတီလီၤ. ယွၤအဂၤတအိၣ်နီတဂၤဘၣ်.

လံာ်လူၤကၣ် 10:27

ပှၤတဂၤန့ၣ်စံးဆၢတၢ်ဒီးစံးဝဲ, “နကဘၣ်အဲၣ်ကစၢ်ယွၤနကစၢ်လၢနသူၣ်ကံၢ်သးလဲ, လၢနသးဒီဖျၢၣ်, လၢနဂံၢ်နဘါခဲလၢာ်, ဒီးလၢနတၢ်ကူၣ်တၢ်ဆးခဲလၢာ်, ဒီးနကဘၣ်အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးလီၤ.”

ကလၤတံ 5:14

အဂ့ၢ်ဒ်အံၤ, တၢ်သိၣ်တၢ်သီခဲလၢာ်ဘၣ်တၢ်ပာ်ဖှိၣ်အီၤလၢ တၢ်မၤလိာ်တထံၣ်အပူၤ “အဲၣ်ပှၤလၢနဃၢၤဒ်နအဲၣ်လီၤနသးဒၣ်နဲအသိးတက့ၢ်” န့ၣ်လီၤ.

၁ ယိၤဟၣ် 4:21

ဒီးတၢ်မၤလိာ်လၢပဒိးန့ၢ်ဘၣ်လၢခရံာ်အအိၣ်မ့ၢ်အအံၤ, ပှၤလၢအအဲၣ်အကွံကစၢ်ယွၤန့ၣ်, ကဘၣ် အဲၣ်အဒီပုၢ်ဝဲၢ်စ့ၢ်ကီးလီၤ.