လံာ်မၢ်ကူး 12:2 - Sgaw Karen Common Bible

² တုၤစပံးသၣ်မံထီၣ်အကတီၢ်ဘၣ်ဒီး, အဝဲဒၣ်မၢလီၤအခ့အပှၤတဂၤလၢအကလဲၤဟံးန့ၢ်စပံးသၣ်လၢ အဝဲဒၣ်ကြၢးန့ၢ်ဘၣ်ဝဲန့ၣ်လီၤ.

လံာ်မၢ်ကူး 12:2 Iomraidhean Croise

လံာ်စီၤပၤခံဘ့ၣ်တဘ့ၣ် 17:13

ယွၤဆှၢလီၤတ့ၢ်အပှၤစိာ်တၢ်ကစီၣ်တဖၣ်, ဒီးအဝံတဖၣ်လၢကဟ့ၣ် ပလီၢ်ကီၢ်အံၣ်စရ့လးဒီးကီၢ်ယူဒၤဒ်အံၤ, “ပာ်တ့ၢ်ကွံာ်သုကျဲအၢကျဲသီတဖၣ်ဒီးစူၢ်ယတၢ်မၤလိာ်တဖၣ် လၢအအိၣ်လၢယူဒၤတၢ်သိၣ်တၢ်သီ, လၢယဟ့ၣ်လီၤသုမိၢ်ပၢ်ဖံဖုလၢပျၢၤတဖၣ်ဒီးယဟ့ၣ်ခီလီၤအီၤ ဆူသုအိၣ်ခီဖျိယခ့ယပှၤဝံတဖၣ်န့ၣ်တက့ၢ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 36:15

ယွၤ, အဝဲသ့ၣ်အမိၢ်ပၢ်ဖံဖုလၢပျၢၤတဖၣ်အကစၢ်ယွၤ, ဆှၢလီၤတ့ၢ်ဝံသ့ၣ်တဖၣ်တထံၣ်ဃီလၢကဟ့ၣ်ပလီၢ်အပှၤဂီၢ်မုၢ်, မ့ၢ်လၢအဝဲအသးအိၣ်ဒုးပူၤဖျဲးအဝဲသ့ၣ်မ့ၢ်ဂ့ၤ, ယွၤအတၢ်လုၢ်ဟံၣ်မ့ၢ်ဂ့ၤအဃိန့ၣ်လီၤ.

လံာ်စီၤဧ့စြၤ 9:11

လၢနဟ့ၣ်တ့ၢ်ပှၤခီဖျိနခ့နပှၤဝံတဖၣ်န့ၣ်ဘၣ်. အဝဲသ့ၣ်တဲဘၣ်ပှၤလၢကီၢ်လၢပကလဲၤမၤန့ၢ်အီၤန့ၣ်မ့ၢ်ကီၢ်လၢ တကဆှီဘၣ်မ့ၢ်လၢပှၤဂီၢ်မုၢ်လၢအအိၣ်ဆိးလၢအပူၤတဖၣ်, မၤပှဲၤအီၤဒီးတၢ်ဖံးတၢ်မၤလၢအလီၤသးဘၣ်အၢဒီးတၢ်ဘၣ်အၢဘၣ် သီတဖၣ်ဒီတကီၢ်ညါအဃိန့ၣ်လီၤ.

စံးထီၣ်ပတြၢၤ 1:3

ဒီးကလီၤဂာ်ဒ်သ့ၣ်သူၣ်လီၤအသးလၢ ထံဖိကျိအနံၤ, လၢအသၣ်ထီၣ်လၢအကတီၢ်ဒၣ်ဝဲ, ဒီးအလၣ်တလီၤညွံးဘၣ်အသိးန့ၣ်လီၤ. တၢ်မၤတမံၤလၢ်လၢ်လၢအမၤဝဲန့ၣ် ကကဲထီၣ်လိၣ်ထီၣ်ဝဲလီၤ.

လံာ်ယံးရမံယၤ 35:15

ယဆှၢလီၤန့ၢ်သုလၢယခ့ယပှၤဝံတဖၣ် တပယူာ်ဃီ, ဒီးအဝဲသ့ၣ်တဲဘၣ်တ့ၢ်သုလၢ သုကညိကွံာ်သုကျဲ အအၢအသီတဖၣ်, ဒီးကမၤတၢ်လၢ အဘၣ်န့ၣ်လီၤ. အဝဲသ့ၣ်ဟ့ၣ်ပလီၢ်တ့ၢ်သုလၢ သုတဘၣ်ဘူၣ်ထီၣ် ဘါထီၣ်ဒီး မၤကစၢ်အဂၤတဖၣ် အတၢ်မၤဘၣ်, ဒ်သိးသုကအိၣ်ဆိးဘၣ်ဒံးလၢကီၢ်ပူၤ, ကီၢ်လၢယဟ့ၣ်လီၤတ့ၢ် သုဒီးသုမိၢ်ပၢ်ဖံဖုလၢပျၢၤတဖၣ်န့ၣ်လီၤ. ဘၣ်ဆၣ်ဒီး သုတဒိကနၣ် ယၤဘၣ်ဒီးတကနၣ်ဃုာ်တၢ်လၢ ယစံးန့ၣ်ဘၣ်.

လံာ်ယံးရမံယၤ 44:4

ယဆှၢန့ၢ် သုယခ့ယပှၤဝံတဖၣ် တပယူာ်ဃီ, လၢအစံးဘၣ်တဲဘၣ်တ့ၢ်သုလၢ, သုတဘၣ်မၤတၢ်လီၤပျံၤလီၤဖုးတမံၤအံၤလၢယသးဟ့အီၤ, တဂ့ၤန့ၣ်လီၤ.

လံာ်မံကၤ 7:1

တၢ်မုၢ်လၢ်တအိၣ်လၢၤဘၣ်. ယလီၤဂာ်ဒ်ပှၤလီၤဒိတဂၤလၢတထံၣ်န့ၢ်ဘၣ်သ့ၣ်သၣ်နီတဖျၢၣ်လၢ သ့ၣ်တဖၣ်အလိၤဒီးစပံးသၣ်နီတဖျၢၣ်လၢစပံးမုၢ်အလိၤအသိးန့ၣ် လီၤ. ကယဲၢ်စပံးသၣ်ခဲလၢာ်ဒီးချၢၣ်ဒၢသၣ်လၢအဝံၣ်တဖၣ်ဘၣ်တၢ်ဒဲး ကွံာ်အီၤခဲလၢာ်လံ.

လံာ်စကၤရယၤ 7:7

အအံၤမ့ၢ်တၢ်လၢယွၤစံးဝဲခီဖျိဝံလၢညါတဖၣ် ဖဲဝ့ၢ်ယရူၤၡလ့ၣ်ဘီၣ်ထီၣ်ညီထီၣ်ဒီးပှဲၤတ့ၢ်ဝဲဒီးပှၤဂီၢ်မုၢ်, ဒီးဖဲပှၤဂီၢ်မုၢ်အိၣ်ဆိးဝဲအါဂၤ, တမ့ၢ်ထဲလၢဝ့ၢ်တဖၣ်လၢအအိၣ်ဝးတရံးဝ့ၢ်ယရူၤၡလ့ၣ်အပူၤဧိၤ ဘၣ်, မ့မ့ၢ်အိၣ်ဆိးစ့ၢ်ကီးလၢကလံၤထံးလီၢ်ကဝီၤဒီးလၢမုၢ်နုာ် တၢ်လူၢ်ခီၣ်ထံးတဖၣ်အခါလီၤ.

လံာ်မးသဲ 21:34

တုၤတၢ်ဒ့စပံးသၣ်အဆၢကတီၢ်ဘူးထီၣ်ဒီး, အဝဲဆှၢလီၤအခ့အပှၤတဖၣ်ဆူ ပှၤလၢအဒိးလဲစပံးလီၢ်တဖၣ်အအိၣ်, ဒ်သိးအကန့ၢ်ဘၣ်က့ၤတၢ်လၢအဂ့ၤန့ၢ်ဘၣ်ဝဲအဂီၢ်န့ၣ်လီၤ.

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်မၢ်ကူး 12:3

ပှၤဒိးလဲအီၣ်တၢ်တဖၣ်ဖီၣ်ဃာ်တၢ်ခ့တၢ်ပှၤတဂၤန့ၣ်, ဒိအီၤတီၢ်အီၤ, ဒီးဒုးက့ၤအီၤထဲစုယၢ်ခီလီၤ.

လံာ်လူၤကၣ် 12:48

မ့မ့ၢ်တၢ်ခ့တၢ်ပှၤလၢအတသ့ၣ်ညါအကစၢ်အဲၣ်ဒိးတၢ်မနုၤ, ဒီးမၤဘၣ်တၢ်တမံၤလၢအကြၢးဒီးတၢ်ဖျ့အီၤန့ၣ်, ကဘၣ်တၢ်စံၣ်ညီၣ်ဖျ့ဒၣ်အီၤဖဲအကြၢးအဘၣ်လီၤ. ပှၤတဂၤလၢတၢ်ဟ့ၣ်တၢ်လၢအီၤအါအါကလဲာ်န့ၣ်, တၢ်ကမုၢ်လၢ်တၢ်လၢအီၤအါအါကလဲာ်လီၤ. ပှၤတဂၤလၢတၢ်ဟ့ၣ်အီၤတၢ်အါဒိၣ်ဒံးတက့ၢ်န့ၣ်, တၢ်ကမုၢ်လၢ်တၢ်လၢအီၤအါဒိၣ်ဒံးတက့ၢ်လီၤ.

လံာ်လူၤကၣ် 20:10

ဖဲတၢ်ဆၢကတီၢ်တုၤဃီၤန့ၣ်, အဝဲဒၣ်ဆှၢလီၤတၢ်ခ့တၢ်ပှၤတဂၤဆူပှၤမၤဟီၣ်ခိၣ်တဖၣ်အအိၣ်, ဒ်သိးအကဒိးန့ၢ်ဘၣ်ဟီၣ်ခိၣ်အတၤသၣ်တနီၤလၢအကြၢး ဒိးန့ၢ်ဘၣ်ဝဲန့ၣ်လီၤ. ဘၣ်ဆၣ်ဒီး, ပှၤမၤဟီၣ်ခိၣ်တဖၣ်တီၢ်တၢ်ခ့တၢ်ပှၤတဂၤန့ၣ်ဝံၤဆှၢ ကဒါက့ၤအီၤထဲအစုယၢ်ခီန့ၣ်လီၤ.

ဧ့ၤဘြံၤ 1:1

လၢပျၢၤန့ၣ်, ကစၢ်ယွၤကတိၤတ့ၢ်တၢ်ဒီးပမိၢ်ပၢ်ဖံဖုလၢပျၢၤ တဖၣ်ဘၣ်ထွဲတၢ်အါမံၤအါကလုာ်ဒီးအါဘျီခီဖျိဝံတဖၣ်လီၤ.