လံာ်မၢ်ကူး 12:19 - Sgaw Karen Common Bible

¹⁹ “သရၣ်ဧၢ, စီၤမိၤၡ့ကွဲးဟ့ၣ်ပဝဲဒၣ်ပှၤယူဒၤဖိတဖၣ်အတၢ်သိၣ်တၢ်သီ တထံၣ်လၢအစံးဝဲ, ‘ပှၤပိာ်ခွါတဂၤအဒီပုၢ်ဝဲၢ်ခွါမ့ၢ်သံဒီးပာ်တ့ၢ် အမါဘၣ်ဆၣ်အဖိမ့ၢ်တအိၣ်နီတဂၤဘၣ်ဒီး, ပှၤတဂၤန့ၣ်ကဘၣ်ဟံးန့ၢ်အဒီပုၢ်ဝဲၢ်အမါ, ဒီးဒုးအိၣ်ထီၣ်ဖိလံၤလၢအဒီပုၢ်ဝဲၢ်ခွါအဂီၢ်လီၤ.’

လံာ်မၢ်ကူး 12:19 Iomraidhean Croise

လံာ်တၢ်ကဲထီၣ်အခီၣ်ထံး 38:8

ဒီးစီၤယူဒၤစံးဘၣ်စီၤအ့ၢ်အပုၢ်စီၤအိၤနၣ်, “လဲၤဒီးမံဃုာ်ဒီးနဝဲၢ်အမါမုၣ်ကမဲတက့ၢ်. မၤလၢပှဲၤတၢ်လၢနဂ့ၤမၤလၢအဂီၢ်ဒ်အဝၤအဒီပုၢ်ဝဲၢ်ခွါတဂၤအ သိး, ဒ်သိးနဝဲၢ်ခွါကအိၣ်ဒီးအစၢၤအသွဲၣ်တဖၣ်တက့ၢ်.”

လံာ်မၢ်ကူး 12:20

ဘၣ်တဘျီပှၤဒီပုၢ်ဝဲၢ်အိၣ်နွံဂၤထဲအပိာ်ခွါလီၤ. အဒိၣ်ကတၢၢ်တဂၤဟံးန့ၢ်အမါဒီးသံဝဲ, ဒီးဖိလံၤတအိၣ်နီတဂၤဘၣ်.

လံာ်လူၤကၣ် 20:33

မ့မ့ၢ်ဒ်န့ၣ်ဒီးဖဲတၢ်ဂဲၤဆၢထၢၣ်သမူထီၣ်က့ၤအနံၤန့ၣ်, ပိာ်မုၣ်တဂၤန့ၣ်ကမ့ၢ်ဒီပုၢ်ဝဲၢ်ခွါဖဲလဲၣ်တဂၤအမါလဲၣ်. အဝဲသ့ၣ်နွံဂၤလၢာ်န့ၢ်တ့ၢ်အမါလၢပိာ်မုၣ်တဂၤအံၤလီၤ.”

လံာ်နီၢ်ရူၤသး 4:5

အန့ၣ်ဒီးစီၤဘိၤဧးစံး, “မုၢ်တနံၤလၢနပှ့ၤဟီၣ်ခိၣ်တကဝီၤ လၢနီၢ်နၤဧမံအစုပူၤန့ၣ်, နမၤန့ၢ်စ့ၢ်ကီးပှၤမိၤဧးမုၣ်ကမဲနီၢ်ရူၤသး, ဒ်သိးနကဒုးအိၣ်ထီၣ်က့ၤတၢ်န့ၢ်သါလၢပှၤသံတဂၤအဒူၣ်ဖိ ထၢဖိအဂီၢ်န့ၣ်လီၤ.”