လံာ်မၢ်ကူး 12:17 - Sgaw Karen Common Bible

¹⁷ ယ့ၣ်ၡူးစံးဘၣ်အဝဲသ့ၣ်, “ဂ့ၤလံ, မ့မ့ၢ်ဒ်န့ၣ်ဒီး ရိမ့ၤအစီၤပၤဖးဒိၣ် အတၢ်န့ၣ်ဟ့ၣ်ရိမ့ၤအစီၤပၤဖးဒိၣ်, ဒီးကစၢ်ယွၤအတၢ်န့ၣ်ဟ့ၣ်ကစၢ်ယွၤတက့ၢ်.” ယ့ၣ်ၡူးစံးတၢ်အံၤဒုးကမၢကမၣ်အဝဲသ့ၣ်ဒိၣ်ဒိၣ်ကလဲာ်လီၤ.

လံာ်မၢ်ကူး 12:17 Iomraidhean Croise

တၢ်ကတိၤဒိ. 23:26

ဖိခွါဧၢ, ပာ်သူၣ်ပာ်သးတံၢ်တံၢ်နီၢ်နီၢ်သပှၢ်ပှၢ်, ဒီးပျဲယတၢ်အိၣ်မူကဲဒိကဲတဲာ်လၢနဂီၢ်တက့ၢ်.

တၢ်ကတိၤဒိ. 24:21

ယဖိခွါဧၢ, ယူးယီၣ်ယွၤတက့ၢ်. ဒီးပာ်ကဲစီၤပၤတက့ၢ်. မၤဃါဃုာ်နသးဒီးပှၤလၢအပူထီၣ်ထီဒါအဝဲသ့ၣ်တဂ့ၤ.

လံာ်မၤလကံ 1:6

တၢ်သုးမုၢ်ဂီၢ်မုၢ်အယွၤစံးဘၣ်ပှၤလုၢ်တၢ်အခိၣ်တဖၣ်ဒ်အံၤ, “ဖိခွါမၤလၤကပီၤအပၢ်, ဒီးတၢ်ခ့တၢ်ပှၤမၤလၤကပီၤအကစၢ်လီၤ. ယဲဒၣ်အံၤယမ့ၢ်သုပၢ်လီၤ, ဘၣ်မနုၤအဃိသုတမၤလၤကပီၤယၤလဲၣ်. ယဲဒၣ်အံၤယမ့ၢ်သုကစၢ်, ဘၣ်မနုၤအဃိသုတပာ်ကဲယၤလဲၣ်. သုမၤတရီတပါယၤဒီးသုသံကွၢ်, ပမၤတရီတပါနၤဒ်လဲၣ်.”

လံာ်မးသဲ 22:21

အဝဲသ့ၣ်စံးဆၢဝဲ, “မ့ၢ်ရိမ့ၤအစီၤပၤဖးဒိၣ်အခိၣ်အဂီၤဒီးအမံၤလီၤ.” တုၤနုၤတစု, ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, တၢ်လၢအဘၣ်ဃးဒီးရိမ့ၤအစီၤပၤဖးဒိၣ်န့ၣ်, ဟ့ၣ်ရိမ့ၤအစီၤပၤဖးဒိၣ်, ဒီးတၢ်လၢအဘၣ်ဃးဒီးကစၢ်ယွၤန့ၣ်, ဟ့ၣ်ကစၢ်ယွၤတက့ၢ်.”

လံာ်မးသဲ 22:22

တုၤအဝဲသ့ၣ်နၢ်ဟူတၢ်အံၤဒီး, ကမၢကမၣ်ဝဲဒိၣ်မး, ဒီးဟးထီၣ်ကွံာ်လၢယ့ၣ်ၡူးအအိၣ်, ဒီးက့ၤက့ၤဝဲလီၤ.

လံာ်မးသဲ 22:33

တုၤပှၤဂီၢ်မုၢ်တဖၣ်နၢ်ဟူတၢ်အံၤဒီး, အဝဲသ့ၣ်ကမၢကမၣ်ဝဲဒိၣ်မးလၢယ့ၣ်ၡူးအတၢ်သိၣ်လီၤသီလီၤ အဃိလီၤ.

လံာ်မးသဲ 22:46

ပှၤစံးဆၢက့ၤယ့ၣ်ၡူးတသ့နီတဘီနီတဂၤဘၣ်. ဒီးစးထီၣ်လၢမုၢ်တနံၤန့ၣ်, ပှၤသံကွၢ်အီၤတၢ်တဘူၣ်နီတမံၤနီတဂၤလၢၤဘၣ်.

လံာ်မးသဲ 8:10

တုၤယ့ၣ်ၡူးနၢ်ဟူတၢ်အံၤဒီး, ကမၢကမၣ်ဝဲဒီးစံးဘၣ်ပှၤလၢအပိာ်အခံတဖၣ်, “ယတဲသုတၢ်မ့ၢ်တၢ်တီလီၤ. ယတထံၣ်န့ၢ်ပှၤအိၣ်ဒီးတၢ်နာ်ဒ်အံၤအသိးလၢကီၢ်အံၣ်စရ့လး အပူၤနီတဂၤဘၣ်.

လံာ်မၢ်ကူး 12:16

အဝဲသ့ၣ်ဟဲစိာ်စ့ဒန့ၤရံတဘ့ၣ်ဆူအအိၣ်, ဒီးအဝဲဒၣ်သံကွၢ် အဝဲသ့ၣ်, “တၢ်အံၤမ့ၢ်မတၤအခိၣ်အဂီၤဒီးအမံၤလဲၣ်.” အဝဲသ့ၣ်စံးဆၢက့ၤ, “မ့ၢ်ရိမ့ၤအစီၤပၤဖးဒိၣ်ကဲစၢ်အဂီၤဒီးအမံၤလီၤ.”

လံာ်မၢ်ကူး 12:30

ဒီးသုဘၣ်အဲၣ်သုယွၤသုကစၢ်ယွၤလၢသုသးဒီဖျၢၣ်ညါ, လၢသုသူၣ်ကံၢ်သးလဲ, လၢသုတၢ်ကူၣ်တၢ်ဆးတုၤအလၢာ်, ဒီးသုဂံၢ်သုဘါခဲလၢာ်လီၤ.’

လံာ်လူၤကၣ် 20:25

မၤသးဒ်န့ၣ်ဒီးယ့ၣ်ၡူးစံးဝဲ, “မ့မ့ၢ်ဒ်န့ၣ်ဒီး, ဟ့ၣ်ကဲစၢ်လၢကဲစၢ်အတၢ်, ဒီးဟ့ၣ်ကစၢ်ယွၤလၢကစၢ်ယွၤအတၢ်တက့ၢ်.”

ရိမ့ၤ 12:1

လၢတၢ်န့ၣ်အဃိယဒီပုၢ်ဝဲၢ်သ့ၣ်ဧၢ, မ့ၢ်လၢကစၢ်ယွၤအတၢ်သးကညီၤဒိၣ်ဝဲအါဝဲလၢပဖီခိၣ်အဃိ, ယဃ့ကညးသုလၢသုကလုၢ်ထီၣ်သုသး ဒ်တၢ်လုၢ်မူစီဆှံ ဆူကစၢ်ယွၤအအိၣ်အသိး, ပာ်စီဆှံသုသးလၢအတၢ်မၤအဂီၢ်, ဒီးမၤသးမုာ်သးခုအီၤတက့ၢ်. တၢ်အံၤမ့ၢ်တၢ်ဘူၣ်ထီၣ်ဘါထီၣ်အမ့ၢ်အတီလၢသုကြၢးမၤ အီၤန့ၣ်လီၤ.

ရိမ့ၤ 13:7

မ့မ့ၢ်ဒ်န့ၣ်ဒီး, ဟ့ၣ်တၢ်လၢသုကဘၣ်ဟ့ၣ်အဝဲသ့ၣ်န့ၣ်တက့ၢ်. ကယဲၢ်တၢ်ခိတၢ်သွဲလၢအလီၤဘၣ်သုတမံၤလၢ်လၢ်န့ၣ်ဟ့ၣ် အီၤတက့ၢ်. ဒီးဒုးနဲၣ်တၢ်ယူးယီၣ်ဒီးတၢ်မၤလၤကပီၤလၢ အဝဲသ့ၣ်ခဲလၢာ်အဂီၢ်တက့ၢ်.

ရိမ့ၤ 6:13

တဘၣ်ဟ့ၣ်လီၤသုနီၢ်ခိအက့ၢ်အဂီၤတဖၣ်ဆူတၢ်ဒဲးဘး အစုပူၤလၢတၢ်ကသူအီၤလၢတၢ်အၢတၢ်သီအဂီၢ်နီတမံၤ တဂ့ၤ. မ့မ့ၢ်, ဟ့ၣ်လီၤသုသးဆူကစၢ်ယွၤအစုပူၤဒ်ပှၤသ့ၣ် တဖၣ်လၢအဘၣ်တၢ်မၤမူထီၣ်က့ၤအီၤလၢတၢ်သံ, ဒီးဟ့ၣ်လီၤသုသးဒီးနီၢ်ခိဒီဂၤညါဆူအစုပူၤဒ် သိးတၢ်ကသူအီၤလၢတၢ်တီတၢ်လိၤအဂီၢ်န့ၣ်တက့ၢ်.

၁ ပ့းတရူး 2:17

ယူးယီၣ်ပာ်ကဲပှၤခဲလၢာ်တက့ၢ်. အဲၣ်ပှၤလၢအစူၢ်က့ၤနာ်က့ၤတၢ်ကဒဲကဒဲဒီးသုတဖၣ်တက့ၢ်. ပျံၤကစၢ်ယွၤဒီးယူးယီၣ်ပာ်ကဲစီၤပၤတက့ၢ်.