လံာ်မၢ်ကူး 12:1 - Sgaw Karen Common Bible

¹ အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်မၢ်ကူး 12:1 Iomraidhean Croise

လံာ်ယၡါယၤ 7:23

ဖဲတၢ်ဆၢကတီၢ်န့ၣ်တုၤဃီၤဝဲဒီး, စပံးလီၢ်အဂ့ၤတဖၣ်, လၢတလီၢ်တလီၢ်အိၣ်ဒီးစပံးမုၢ်လၢအကထိစုာ်စုာ်, ဒီးတလီၢ်တလီၢ်လၢအကၢကီၣ်စ့တကထိစုာ်စုာ်န့ၣ်, ကဘၣ်တၢ်ခဲဘၢအီၤလၢတၤဆှုၣ်တပှီာ်တဖၣ်ဒီးတၤဆှုၣ်တၤမဲတဖၣ်လီၤ.

လံာ်ယံးရမံယၤ 2:21

ယသူၣ်လီၤတ့ၢ်နၤဒ်စပံးမုၢ်တမုၢ်လၢတၢ်ဃုထၢလီၤဆီအီၤ, လၢအဟဲလၢတၢ်ချံအဂ့ၤကတၢၢ်အသိးန့ၣ်လီၤ. ဘၣ်ဆၣ်နကဲထီၣ် တၢ်ဒ်လဲၣ်န့ၣ်, ကွၢ်တက့ၢ်. နလီၤဂာ်ဒ်စပံးမုၢ်တမုၢ်လၢအအုၣ်သံ ကျၣ်သံဒီးအလုၢ်အပှ့ၤတအိၣ်ဘၣ်အသိးန့ၣ်လီၤ.

လံာ်ယဃ့းစက့လး 20:49

ဘၣ်ဆၣ်ယကတိၤဂ့ၢ်လိာ်ဒီးစံး, “ယွၤပၢဘၣ်တၢ်ခဲလၢာ်ကစၢ်ဧၢ, တဘၣ်မၢယမၤတၢ်န့ၣ်တဂ့ၤ. ပှၤကိးဂၤဒဲးကဒူးကဒ့ၣ်လံတၢ်ဒီးစံးလၢထီဘိယကတိၤ တၢ်လၢတၢ်ပှိၤပှီၢ်တဖၣ်အပူၤန့ၣ်လီၤ.”

လံာ်မးသဲ 13:3

အဝဲစံးဘၣ်တဲဘၣ်အဝဲသ့ၣ်လၢတၢ်အါမံၤခီဖျိတၢ်ကတိၤဒိ တဖၣ်ဒီးစံးဝဲ, “တဘျီပှၤဖှံတၢ်ချံတဂၤလဲၤဒီးဖှံတၢ်ချံလီၤ.

လံာ်မးသဲ 21:28

သုကစံးဒ်လဲၣ်. တၢ်စံးဝဲလၢပှၤတဂၤအဖိခွါအိၣ်ခံဂၤလီၤ. လဲၤဝဲဆူအဖိခွါအဒိၣ်တဂၤအအိၣ်ဒီးစံး, ‘ဖိခွါဧၢ, တနံၤအံၤလဲၤဒီးမၤတၢ်လၢစပံးလီၢ်အပူၤတက့ၢ်.’

လံာ်မးသဲ 21:33

ယ့ၣ်ၡူးစံးဝဲ, “ကနၣ်ကဒီးတၢ်ကတိၤဒိအဂၤတခါတက့ၢ်. တၢ်စံးဝဲတဘျီ, စပံးလီၢ်ကစၢ်အိၣ်တဂၤလၢအသူၣ်လီၤစပံးလီၢ်တလီၢ်, ဝံၤကရၢဃာ်အီၤဝးတရံး, ဒီးခူၣ်န့ၢ်တၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဒီးဘှီထီၣ်ဒဲအခီၣ်ဖးထီတဖျၢၣ်လၢပှၤကခိးစပံးလီၢ်အဂီၢ်လီၤ. တုၤနုၤတစု, ဒိးလဲလီၤဝဲလၢပှၤဒိးလဲစပံးလီၢ်တဖၣ်အစုပူၤ, ဒီးဟးထီၣ်လၢအဟံၣ်ဒီးလဲၤတၢ်လီၤ.

လံာ်မးသဲ 21:34

တုၤတၢ်ဒ့စပံးသၣ်အဆၢကတီၢ်ဘူးထီၣ်ဒီး, အဝဲဆှၢလီၤအခ့အပှၤတဖၣ်ဆူ ပှၤလၢအဒိးလဲစပံးလီၢ်တဖၣ်အအိၣ်, ဒ်သိးအကန့ၢ်ဘၣ်က့ၤတၢ်လၢအဂ့ၤန့ၢ်ဘၣ်ဝဲအဂီၢ်န့ၣ်လီၤ.

လံာ်မးသဲ 25:14

တုၤနုၤတစု, မူခိၣ်အဘီအမုၢ်ကလီၤဂာ်ဒီးတၢ်အံၤလီၤ. တဘျီပှၤအိၣ်တဂၤလၢအသါကဟးထီၣ်လၢအဟံၣ်ဒီး လဲၤတၢ်လီၤ. အဝဲကိးန့ၢ်အခ့အပှၤတဖၣ်, ဒီးဟ့ၣ်လီၤအဝဲသ့ၣ်မူဒါလၢ အကကွၢ်ထွဲအတၢ်ဖိတၢ်လံၤတဖၣ်လီၤ.

လံာ်မၢ်ကူး 11:33

အန့ၣ်သတးဒီးအဝဲသ့ၣ်စံးဆၢက့ၤယ့ၣ်ၡူး, “ပတသ့ၣ်ညါဘၣ်.” ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ယဲဒၣ်စ့ၢ်ကီးယမၤတၢ်တဖၣ်အံၤယအိၣ်ဒီး တၢ်အစိကမီၤလၢလဲၣ်န့ၣ်, ယတစံးဘၣ်သုဘၣ်.”

လံာ်မၢ်ကူး 13:34

တၢ်မၤအသးအံၤလီၤဂာ်ဒီးပှၤတဂၤလၢအဟးထီၣ်လၢ အဟံၣ်ဒီးလဲၤတၢ်န့ၣ်လီၤ. ပာ်တ့ၢ်တၢ်ခဲလၢာ်လၢအခ့အပှၤတဖၣ် အစုပူၤ, ဒီးတဂၤစုာ်စုာ်ဟ့ၣ်ဝဲမူဒါလၢကဘၣ်မၤဝဲအဂီၢ်, ဒီးမၤလိာ်တ့ၢ်ပှၤပၢၤကျဲစၢၤတဂၤန့ၣ်ဒ်သိးအကဆိးသီဝဲ အဂီၢ်န့ၣ်လီၤ.

လံာ်မၢ်ကူး 3:23

အန့ၣ်ဒီးယ့ၣ်ၡူးကိးဃီၤအဝဲသ့ၣ်ဆူအအိၣ်ဒီးကတိၤတၢ်ဒီးအဝဲ သ့ၣ်လၢတၢ်ကတိၤဒိတဖၣ်ဒီးစံးဝဲ, “မုၣ်ကီၤလံၢ်ကဟီထီၣ်ကွံာ်မုၣ်ကီၤလံၢ်န့ၣ်ကသ့ဒ်လဲၣ်.

လံာ်မၢ်ကူး 4:2

အဝဲဒၣ်သိၣ်လီၤသီလီၤအဝဲသ့ၣ်တဖၣ်လၢတၢ်အါမံၤအါကလုာ်ခီ ဖျိတၢ်ကတိၤဒိတဖၣ်ဒီးလၢအတၢ်သိၣ်လီၤသီလီၤတၢ်အပူၤ, စံးဘၣ်အဝဲသ့ၣ်,

လံာ်လူၤကၣ် 15:13

စှၤသီအလီၢ်ခံန့ၣ်, ဖိခွါလၢအသးစၢ်တဂၤဆါကွံာ်အတၢ်စုလီၢ်ခီၣ်ခိၣ် လၢအန့ၢ်ဘၣ်သါဝဲတဖၣ်, ဒီးစိာ်ထီၣ်စ့လၢအဒိးန့ၢ်ဝဲဒီးဟးထီၣ်ကွံာ်လၢအဟံၣ်လီၤ. အဝဲဒၣ်လဲၤဆူထံကီၢ်လၢအစီၤစုၤယံၤတဘ့ၣ်, ဒီးဖဲန့ၣ်အဝဲဒၣ်မၤလၢာ်ဂီၤကွံာ်အကျိၣ်အစ့လၢတၢ်လုၣ်ကိလုၣ် ကပာ်အပူၤလီၤ.

လံာ်လူၤကၣ် 19:12

လၢတၢ်န့ၣ်အဃိအဝဲဒၣ်စံးဝဲ, “ပဒိၣ်အိၣ်ဝဲတဂၤလၢအလဲၤဆူကီၢ်အယံၤတဘ့ၣ်, ဒ်သိးအကဘၣ်တၢ်ဒုးကဲထီၣ်အီၤလၢစီၤပၤ, ဝံၤဒီးကဟဲက့ၤဆူဟံၣ်န့ၣ်လီၤ.

လံာ်လူၤကၣ် 22:9

အဝဲသ့ၣ်သံကွၢ်အီၤ, “နအဲၣ်ဒိးပကတဲာ်ကတီၤပာ်အီၤဖဲတၢ်လီၢ်မတၤတပူၤလဲၣ်.”

လံာ်လူၤကၣ် 8:10

ယ့ၣ်ၡူးစံးဆၢဝဲ, “တၢ်သ့ၣ်ညါနၢ်ပၢၢ်ဘၣ်ဃးဒီးကစၢ်ယွၤအဘီအမုၢ်အတၢ် ခူသူၣ်န့ၣ်, တၢ်ဟ့ၣ်တ့ၢ်လံအီၤလၢသုဝဲလံ. မ့မ့ၢ်ပှၤအဂၤတဖၣ်န့ၣ်, တၢ်ပာ်ဖျါထီၣ်အီၤခီဖျိတၢ်ကတိၤဒိဒ်သိး အဝဲသ့ၣ်ကကွၢ်တၢ်ဘၣ်ဆၣ်တထံၣ်တၢ်ဘၣ်, ဒီးကဒိကနၣ်တၢ်ဘၣ်ဆၣ်တနၢ်ပၢၢ်တၢ်ဘၣ်န့ၣ်လီၤ.”

မၤတၢ် 7:38

အဝဲဒၣ်အံၤမ့ၢ်ပှၤလၢအအိၣ်လၢပှၤအံၣ်စရ့လးဖိတဖၣ် အကျါ, ဖဲအဝဲသ့ၣ်တဖၣ်ပာ်ဖှိၣ်ထီၣ်အသးလၢပှၢ်မုၢ်ကနၢန့ၣ်လီၤ. အိၣ်ဝဲဖဲန့ၣ်ဒီးပမိၢ်ပၢ်ဖံဖုလၢပျၢၤတဖၣ်, ဒီးအိၣ်ဝဲဒီးကလူးလၢအကတိၤတၢ်ဒီးအီၤလၢကစၢၢ်စံၤနါအဒီ ခိၣ်, ဒီးဒိးန့ၢ်ဘၣ်ဝဲကစၢ်ယွၤအကလုၢ်ကထါလၢအမူဝဲတဖၣ်လၢ အကဟ့ၣ်ယုၢ်လီၤပဝဲဒၣ်တဖၣ်အဂီၢ်လီၤ.