လံာ်မၢ်ကူး 11:33 - Sgaw Karen Common Bible

³³ အန့ၣ်သတးဒီးအဝဲသ့ၣ်စံးဆၢက့ၤယ့ၣ်ၡူး, “ပတသ့ၣ်ညါဘၣ်.” ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ယဲဒၣ်စ့ၢ်ကီးယမၤတၢ်တဖၣ်အံၤယအိၣ်ဒီး တၢ်အစိကမီၤလၢလဲၣ်န့ၣ်, ယတစံးဘၣ်သုဘၣ်.”

လံာ်မၢ်ကူး 11:33 Iomraidhean Croise

လံာ်စီၤယိၤဘး 5:13

ကစၢ်ယွၤဖီၣ်န့ၢ်ပှၤလီတၢ်ဖိလၢအဝဲသ့ၣ်အတၢ်ကူၣ်လီတၢ်အကျဲ ဒၣ်ဝဲဒီးပှၤလီတၢ်အတၢ်ကူၣ်တၢ်ကျဲၤတဖၣ်န့ၣ်မၤကတၢၢ်ကွံာ် ဝဲချ့သဒံးန့ၣ်လီၤ.

လံာ်ယၡါယၤ 1:3

ဂီၤဘုၣ်ဂီၤဖံးသ့ၣ်ညါအကစၢ်, ဒီးကသ့ၣ်ယီၤတဖၣ်သ့ၣ်ညါ အကစၢ်လုၢ်အီၣ်လုၢ်အီအီၤဖဲလဲၣ်န့ၣ်လီၤ. ဘၣ်ဆၣ်တၢ်အံၤအါ န့ၢ်ဒံးတၢ်လၢယပှၤဂီၢ်မုၢ်အံၣ်စရ့လးသ့ၣ်ညါဝဲန့ၣ်လီၤ. အဝဲသ့ၣ်တနၢ်ပၢၢ်ဒၣ်လဲာ်ဘၣ်.”

လံာ်ယၡါယၤ 56:10

အဝဲစံး, “ခိၣ်နၢ်ခဲလၢာ်လၢအကဘၣ်ဟ့ၣ်ပလီၢ် ယပှၤဂီၢ်မုၢ်န့ၣ်အမဲာ်ဘျီၣ်လီၤ. အဝဲသ့ၣ်တသ့ၣ် ညါတၢ်နီတမံၤဘၣ်. အဝဲသ့ၣ်လီၤဂာ်ဒီးထွံၣ်ခိးတၢ် တဖၣ်လၢတမီၤတၢ်ဘၣ်, အိၣ်ဒၣ်ထဲစူၣ်လီၤအသးဒီးမံမီၢ်တၢ်န့ၣ်လီၤ. အဝဲသ့ၣ်အဲၣ်တၢ်မံဒိၣ်မးလဲၣ်.

လံာ်ဟိၤၡ့ 4:6

ယပှၤဂီၢ်မုၢ်ဘၣ်တၢ်စံၣ်ညီၣ်ဃါမနၤလီၤ. အဂ့ၢ်ဒ်အံၤ, အဝဲသ့ၣ်, တသ့ၣ်ညါအၢၣ်လီၤယၤဘၣ်. သုဝဲပှၤလုၢ်တၢ်အခိၣ်တဖၣ်ဂ့ၢ်လိာ်သ့ၣ်ညါအၢၣ်လီၤတ့ၢ်ယၤ, ဒီးညိကွံာ်တ့ၢ်ယတၢ်သိၣ်လိလီၤ. ဒီးလၢတၢ်န့ၣ်အဃိ, ယကညိကွံာ်သုဒီးတသ့ၣ်ညါအၢၣ်လီၤဘၣ်သုဖိခွါတဖၣ် ဒ်ပှၤလုၢ်တၢ်အခိၣ်တဖၣ်အသိးဘၣ်န့ၣ်လီၤ.

လံာ်မးသဲ 15:14

ပျဲအဝဲသ့ၣ်အိၣ်ဒၣ်အတၢ်တက့ၢ်. အဝဲသ့ၣ်မ့ၢ်ပှၤဆှၢတၢ်လၢအမဲာ်ဘျီၣ်တဖၣ်လီၤ. ဒီးဖဲပှၤမဲာ်ဘျီၣ်ဆှၢပှၤမဲာ်ဘျီၣ်န့ၣ်, အဝဲသ့ၣ်ကလီၤတဲာ်နုာ်ဆူတၢ်ပူၤခံဂၤလၢာ်န့ၣ်လီၤ.”

လံာ်မးသဲ 16:4

ပှၤတစိၤလၢအအၢအသီဒီးအကလုၢ်တတီဒီးယွၤတဖၣ်ဃ့တၢ်လီၤလး, ဘၣ်ဆၣ်ဒီးတၢ်လီၤလးအဂၤတဘၣ်တၢ်ဟ့ၣ်လီၤအီၤဘၣ်. ကဘၣ်တၢ်ဟ့ၣ်လီၤအီၤထဲစီၤယိၤနါအတၢ်လီၤလးတမံၤဧိၤလီၤ.” စံးတၢ်န့ၣ်ဝံၤဒီးဟးဖးဒီးအဝဲသ့ၣ်လီၤ.

လံာ်မးသဲ 21:27

လၢတၢ်န့ၣ်အဃိ, အဝဲသ့ၣ်စံးဆၢယ့ၣ်ၡူးဒီးစံး, “ပတသ့ၣ်ညါဘၣ်.” ဒီးယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ယဲစ့ၢ်ကီးယမၤတၢ်တဖၣ်အံၤလၢမတၤအစိကမီၤလဲၣ်န့ၣ်, ယတတဲသုဘၣ်.

လံာ်မၢ်ကူး 11:32

ဘၣ်ဆၣ်ဒီးပမ့ၢ်စံးဘၣ်အီၤ, ‘ဟဲလၢပှၤကညီတခီ.’ ” ဒီး, (အဝဲသ့ၣ်ပျံၤဘၣ်ပှၤအိၣ်ဖဲန့ၣ်တဖၣ်, မ့ၢ်လၢပှၤကိးဂၤဒဲးပာ်ဝဲစီၤယိၤဟၣ်လၢအမ့ၢ်ဝံနီၢ်နီၢ် တဂၤအဃိန့ၣ်လီၤ.)

လံာ်မၢ်ကူး 12:1

အန့ၣ်တစု, ယ့ၣ်ၡူးစံးကတိၤကဒီးတၢ်ဒီးပှၤတဖၣ်န့ၣ်လၢတၢ် ကတိၤဒိတဖၣ်လီၤ. တဘျီပှၤအိၣ်ဝဲတဂၤလၢအသူၣ်စပံးမုၢ်တဖၣ်လၢစပံးလီၢ်တလီၢ် အပူၤ, ကရၢဃာ်အစပံးလီၢ်ဝးတရံး, ခူၣ်လီၤဆၢၣ်ဝဲတၢ်ပူၤတပူၤလၢကဆီလီၤနီၣ်စံၢ်စပံးသၣ်အကျိး အဂီၢ်, ဝံၤဘှီထီၣ်ဝဲတၢ်လီၢ်ကစီၤထီၣ်ဖးထီတခါလီၤ. အန့ၣ်ဝံၤ, ဒိးလဲလီၤဝဲအစပံးလီၢ်လၢပှၤဒိးလဲအီၣ်တၢ်တဖၣ်အစုပူၤ ဒီးလဲၤဝဲဆူတခီထံတခီကီၢ်န့ၣ်လီၤ.

လံာ်ယိၤဟၣ် 3:10

ယ့ၣ်ၡူးစံးဆၢအီၤ, “နမ့ၢ်သရၣ်ဖးဒိၣ်တဂၤလၢပှၤအံၣ်စရ့လးဖိ အကျါဒီးနတသ့ၣ်ညါတၢ်အံၤဘၣ်ဧါ.

လံာ်ယိၤဟၣ် 9:27

အဝဲစံးဆၢတၢ်ဒီးစံးဝဲ, “ယစံးဘၣ်တဲဘၣ်သုဝံၤတ့ၢ်လံ ဒီးသုတကနၣ်ယၤဘၣ်. ဘၣ်မနုၤအဃိလၢသုအဲၣ်ဒိးနၢ်ဟူကဒီး တၢ်ဂ့ၢ်အံၤန့ၣ်လဲၣ်. ဘၣ်သ့ၣ်သ့ၣ်သုဝဲစ့ၢ်ကီးကမ့ၢ် သုအဲၣ်ဒိးကဲထီၣ်ယ့ၣ်ၡူးအပျဲၢ်အဘီၣ်တဖၣ်သၢၣ်.”

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.

၂ ကရံၣ်သူး 3:15

မုၢ်မဆါတနံၤအံၤဒၣ်လဲာ်, တဘျီလၢ်လၢ်ဖဲအဝဲသ့ၣ်ဖး စီၤမိၤၡ့အတၢ်သိၣ်တၢ်သီန့ၣ်, နီၣ်ကျၢၢ်ဘၢမဲာ်အဝဲန့ၣ်မၤဘၢဒံး အသူၣ်အသးတဖၣ်န့ၣ်လီၤ.