လံာ်မၢ်ကူး 11:32 - Sgaw Karen Common Bible

³² ဘၣ်ဆၣ်ဒီးပမ့ၢ်စံးဘၣ်အီၤ, ‘ဟဲလၢပှၤကညီတခီ.’ ” ဒီး, (အဝဲသ့ၣ်ပျံၤဘၣ်ပှၤအိၣ်ဖဲန့ၣ်တဖၣ်, မ့ၢ်လၢပှၤကိးဂၤဒဲးပာ်ဝဲစီၤယိၤဟၣ်လၢအမ့ၢ်ဝံနီၢ်နီၢ် တဂၤအဃိန့ၣ်လီၤ.)

လံာ်မၢ်ကူး 11:32 Iomraidhean Croise

လံာ်မးသဲ 11:9

မ့မ့ၢ်ဒ်န့ၣ်ဒီး မ့ၢ်သုလဲၤလၢသုကထံၣ်ဘၣ်တၢ်မနုၤအဂီၢ်လဲၣ်. မ့ၢ်ဒ်သိးသုကထံၣ်ဘၣ်ဝံတဂၤန့ၣ်ဧါ. မ့မ့ၢ်ဒ်န့ၣ်ဒီးဘၣ်မး လီၤ. ဘၣ်ဆၣ်သုထံၣ်ဘၣ်တ့ၢ်လံပှၤလၢအဒိၣ်န့ၢ်ဒံးဝံတဂၤတက့ၢ်လီၤ.

လံာ်မးသဲ 14:5

စီၤဟ့ၤရိာ်သးအိၣ်မၤသံအီၤဘၣ်ဆၣ်, မ့ၢ်လၢအပျံၤပှၤယူဒၤဖိတဖၣ်လၢ အပာ်စီၤယိၤဟၣ်ဒ်ဝံတဂၤအသိးအဃိ, တမၤဝဲဘၣ်.

လံာ်မးသဲ 21:46

လၢတၢ်န့ၣ်အဃိ, အဝဲသ့ၣ်ဂုာ်ကျဲးစၢးဒ်သိးကဖီၣ်ဒီးဟံးဃာ်အီၤန့ၣ်လီၤ. ဘၣ်ဆၣ်, ပျံၤဝဲပှၤဂီၢ်မုၢ်တဖၣ်လၢအပာ်ယ့ၣ်ၡူးဒ်ဝံတဂၤအသိးန့ၣ်လီၤ.

လံာ်မၢ်ကူး 11:31

အဝဲသ့ၣ်ကတိၤဂ့ၢ်လိာ်ဘှီလိာ်အသးတဂၤဒီးတဂၤဒီးစံးဝဲ, “ပမ့ၢ်စံးဘၣ်အီၤ, ‘ဟဲလၢကစၢ်ယွၤ’ ဒီးအဝဲဒၣ်ကသံကွၢ်က့ၤ ပှၤ, ‘မ့မ့ၢ်ဒ်န့ၣ်ဒီး, ဘၣ်မနုၤသုတနာ်အီၤဘၣ်လဲၣ်.’

လံာ်မၢ်ကူး 11:33

အန့ၣ်သတးဒီးအဝဲသ့ၣ်စံးဆၢက့ၤယ့ၣ်ၡူး, “ပတသ့ၣ်ညါဘၣ်.” ယ့ၣ်ၡူးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ယဲဒၣ်စ့ၢ်ကီးယမၤတၢ်တဖၣ်အံၤယအိၣ်ဒီး တၢ်အစိကမီၤလၢလဲၣ်န့ၣ်, ယတစံးဘၣ်သုဘၣ်.”

လံာ်မၢ်ကူး 12:12

ပှၤယူဒၤဖိအခိၣ်အနၢ်လၢယ့ၣ်ၡူးကတိၤတ့ၢ်တၢ်ဒီးအီၤတဖၣ်နၢ် ပၢၢ်ဝဲလၢတၢ်ကတိၤဒိအံၤမ့ၢ်တၢ်ကတိၤထီဒါအဝဲသ့ၣ်အဃိ, ဃုကျဲလၢအကဖီၣ်န့ၢ်အီၤလီၤ. ဘၣ်ဆၣ်ဒီးမ့ၢ်လၢအဝဲသ့ၣ်ပျံၤဘၣ်ပှၤဂီၢ်မုၢ်တဖၣ်အဃိ, ပာ်တ့ၢ်အီၤဒီးဟးထီၣ်ကွံာ်ဝဲဖဲန့ၣ်လီၤ.

လံာ်မၢ်ကူး 6:20

စီၤပၤဟ့ၤရိာ်ပျံၤစီၤယိၤဟၣ်မ့ၢ်လၢအသ့ၣ်ညါဝဲလၢစီၤယိၤ ဟၣ်မ့ၢ်ပှၤတီပှၤလိၤဒီးပှၤစီပှၤဆှံတဂၤသတးဒီးကဟုကယာ် ဃာ်ဝဲဂ့ၤဂ့ၤလီၤ. တဘျီလၢ်လၢ်တုၤအနၢ်ဟူဘၣ်အတၢ်စံးတၢ်ကတိၤဒီး, အဝဲဒၣ်အသးဘၣ်တံာ်တာ်ဒိၣ်ဒိၣ်ကလဲာ်ဘၣ်ဆၣ်သးခုဒိကနၣ်အီၤ လီၤ.

လံာ်လူၤကၣ် 20:19

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးပှၤလုၢ်တၢ်အခိၣ်အဒိၣ်တဖၣ်ဂုာ်ကျဲးစၢးဟံးဃာ် ယ့ၣ်ၡူးတဘျီဃီဖဲန့ၣ်, အဂ့ၢ်မ့ၢ်လၢအဝဲသ့ၣ်သ့ၣ်ညါလၢ ယ့ၣ်ၡူးကတိၤတၢ်ကတိၤဒိအဝဲအံၤထီဒါအဝဲသ့ၣ်အဃိ န့ၣ်လီၤ. ဘၣ်ဆၣ်ဒီးအဝဲသ့ၣ်ပျံၤပှၤဂီၢ်မုၢ်လီၤ.

လံာ်လူၤကၣ် 22:2

ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဂုာ်ကျဲးစၢးဃုဝဲကျဲတဘိဘိလၢအကမၤသံ ယ့ၣ်ၡူးလၢတၢ်ခူသူၣ်လီၤ. အဂ့ၢ်မ့ၢ်လၢအဝဲသ့ၣ်ပျံၤပှၤဂီၢ်မုၢ်အဃိလီၤ.

လံာ်ယိၤဟၣ် 10:41

ဒီးပှၤဟဲအါဂၤဆူအအိၣ်ဒီးအဝဲသ့ၣ်စံးဝဲ, “စီၤယိၤဟၣ်တမၤတၢ်လီၤလးနီတမံၤဘၣ်. ဘၣ်ဆၣ်ကယဲၢ်တၢ်လၢအဝဲစံးဝဲဘၣ်ဃးပှၤတဂၤအံၤအဂ့ၢ် အကျိၤန့ၣ်, မ့ၢ်ဝဲတီဝဲခဲလၢာ်လီၤ.”

မၤတၢ် 5:26

အန့ၣ်ဒီး, ပှၤပၢၤတၢ်ဖိအခိၣ်ဒီးအပှၤပၢၤတၢ်ဖိတဖၣ်လဲၤဝဲဒီးဟဲက့ၤ ကိးပှၤတၢ်မၢဖိတဖၣ်န့ၣ်လီၤ. အဝဲသ့ၣ်တမၤဆူၣ်မၤစိးတၢ်မၢဖိ တဖၣ်ဘၣ်. အဂ့ၢ်မ့ၢ်လၢအပျံၤဘၣ်ဝဲပှၤကကွံာ်ဘၣ်ဖုးအဝဲသ့ၣ် လၢလၢၢ်အဃိန့ၣ်လီၤ.