လံာ်မၢ်ကူး 11:28 - Sgaw Karen Common Bible

²⁸ ဒီးသံကွၢ်အီၤ, “နမၤတၢ်တဖၣ်အံၤသ့ဝဲန့ၣ်မ့ၢ်နန့ၢ်ဘၣ်တၢ်စိတၢ်ကမီၤဖဲ လဲၣ်. မ့ၢ်မတၤတဂၤဟ့ၣ်စိဟ့ၣ်ကမီၤနၤန့ၣ်လဲၣ်.”

လံာ်မၢ်ကူး 11:28 Iomraidhean Croise

လံာ်တၢ်ဟးထီၣ်ကွံာ် 2:14

ပှၤတဂၤန့ၣ်စံးဆၢဝဲ, “မ့ၢ်မတၤပာ်နၤလၢပဒိၣ်ဒီးစံၣ်ညီၣ် ကွီၢ်တဂၤလၢပဖီခိၣ်န့ၣ်လဲၣ်. မ့ၢ်နဆိကမိၣ်လၢနကမၤသံယၤဒ်နမၤသံပှၤအဲၤကူပတူးဖိတဂၤ အသိးစ့ၢ်ကီးဧါ.” တုၤနုၤတစုစီၤမိၤၡ့ပျံၤတၢ်ဒီးဆိကမိၣ်လၢအသးပူၤ, “ပှၤသ့ၣ်ညါတၢ်လၢယမၤတ့ၢ်အီၤန့ၣ်လံ.”

လံာ်တၢ်ဂံၢ် 16:13

နထုးထီၣ်ကွံာ်ပှၤလၢကီၢ်အဲၤကူပတူးလၢအပှဲၤဒီးဟီၣ်ခိၣ်ညၣ် ထ့ၣ်တဘ့ၣ်အပူၤဒ်သိးနကမၤသံကွံာ်ပှၤဖဲအံၤလၢပှၢ်မုၢ်ကနၢ အပူၤန့ၣ်တဘၣ်ဒံးဘၣ်ဧါ. မ့ၢ်နအဲၣ်ဒိးလိာ်ကစၢ်နသးလၢပဖီခိၣ်ဒံးဧါ.

လံာ်တၢ်ဂံၢ် 16:3

အဝဲသ့ၣ်ပာ်ဖှိၣ်ထီၣ်အသးလၢစီၤမိၤၡ့ဒီးစီၤအၤဟရိၣ်အမဲာ် ညါဒီးစံးဘၣ်အဝဲသ့ၣ်, “သုမၤတၢ်နးကဲာ်ဆိးလံ. ကယဲၢ်ကရၢဖိတဖၣ်လၢတၢ်အိၣ်မူကရူၢ်ပူၤအံၤဘၣ်ဃးဒီးယွၤ, ဒီးယွၤအိၣ်ဒီးပဝဲခဲလၢာ်လီၤ. မ့ၢ်လၢတၢ်န့ၣ်အဃိ, စီၤမိၤၡ့ဧၢ, နပာ်ထီၣ်နသးဒၣ်နဲလၢယွၤအကမျၢၢ်အဖီခိၣ်န့ၣ်မ့ၢ်အဘၣ်မနုၤလဲၣ်.”

လံာ်မၢ်ကူး 11:27

အဝဲသ့ၣ်လဲၤတုၤကဒီးတဘျီလၢဝ့ၢ်ယရူၤၡလ့ၣ်လီၤ. ဖဲယ့ၣ်ၡူးဟးဝဲလၢတၢ်လုၢ်ဟံၣ်အပူၤအခါ, ပှၤလုၢ်တၢ်အခိၣ်အဒိၣ်တဖၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးပှၤယူဒၤဖိကရၢအခိၣ်အနၢ်တဖၣ်ဟဲဃီၤဆူအအိၣ်,

လံာ်မၢ်ကူး 11:29

ယ့ၣ်ၡူးစံးဆၢက့ၤအဝဲသ့ၣ်, “ယကသံကွၢ်သုတၢ်သံကွၢ်တထံၣ် လီၤ. စံးဆၢက့ၤယၤတက့ၢ်. သုမ့ၢ်စံးဆၢယၤဒီးယကတဲဘၣ်သု မ့ၢ်မတၤတဂၤဟ့ၣ်စိဟ့ၣ်ကမီၤယၤလဲၣ်န့ၣ်လီၤ.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.