လံာ်မၢ်ကူး 11:23 - Sgaw Karen Common Bible

²³ ယစံးဘၣ်သုသပှၢ်ကတၢၢ်လီၤ. ပှၤတဂၤဂၤမ့ၢ်စံးဘၣ်ကစၢၢ်တဖျၢၣ်အံၤလၢအကထုးထီၣ်ကွံာ် အသးဖဲအလီၢ်အံၤဒီးကွံာ်လီၤအသးဆူပီၣ်လဲၣ်ပူၤဒီး တၢ်သးဒ့ဒီမ့တအိၣ်လၢအသးပူၤဘၣ်, မ့မ့ၢ်နာ်ဝဲလၢတၢ်ကမၤဒၣ်အသးဒ်အစံးဘၣ်ဝဲ အသိးန့ၣ်ဒီး, တၢ်န့ၣ်ကမၤဒၣ်အသးလၢအဂီၢ်လီၤ.

လံာ်မၢ်ကူး 11:23 Iomraidhean Croise

စံးထီၣ်ပတြၢၤ 37:4

ဃုနတၢ်သးခုလၢယွၤအပူၤတက့ၢ်. ဒီးအဝဲကဟ့ၣ်နၤတၢ်လၢ နသးဆၢန့ၢ်ဘၣ်အီၤန့ၣ်လီၤ.

လံာ်မးသဲ 14:13

တုၤယ့ၣ်ၡူးနၢ်ဟူတၢ်ကစီၣ်ဘၣ်ဃးစီၤယိၤဟၣ်ဒီး, အဝဲဟးထီၣ်ဖဲတၢ်လီၢ်န့ၣ်, ဒိးထီၣ်ချံတဘ့ၣ်ဒီးလဲၤဝဲဆူတၢ်လီၢ်ဖဲပှၤတအိၣ်နီတဂၤဘၣ် လီၤ. ဘၣ်ဆၣ်တုၤပှၤဂီၢ်မုၢ်တဖၣ်နၢ်ဟူဝဲဒီး, အဝဲသ့ၣ်ဟးထီၣ်လၢအဝ့ၢ်တဖၣ်ဒီးပိာ်ထီၣ်အခံလၢအခီၣ်လီၤ.

လံာ်မးသဲ 17:20

အဝဲစံးဆၢအဝဲသ့ၣ်, “မ့ၢ်လၢသုတၢ်နာ်န့ၢ်ယွၤဆံးဝဲစှၤဝဲအဃိလီၤ. နာ်ယၤတက့ၢ်. သုတၢ်နာ်မ့ၢ်အိၣ်ထဲသိးဒီးသဘၣ်အချံတဖျၢၣ်ဒီး, သုမ့ၢ်စံးဘၣ်ကစၢၢ်အံၤ, ‘သုးကွံာ်နသးဖဲအံၤဆူန့ၣ်တက့ၢ်.’ ဒီးကသုးကွံာ်အသးလီၤ. ဒီးတၢ်လၢသုမၤတသ့ဘၣ်န့ၣ်, တအိၣ်ဘၣ်နီတမံၤဘၣ်လီၤ.

လံာ်မးသဲ 21:21

ယ့ၣ်ၡူးစံးဆၢအဝဲသ့ၣ်ဒီးစံး, “နာ်ယၤတက့ၢ်. ယစံးဘၣ်တဲဘၣ်သု, သုမ့ၢ်အိၣ်ဒီးတၢ်နာ်ဒီးသုသးမ့ၢ်တဒ့ဒီဘၣ်န့ၣ်, တၢ်လၢယမၤဘၣ်ချၢၣ်ဒၢအံၤသုမၤကသ့ဒီးအါန့ၢ်အန့ၣ်သုမ့ၢ်စံးဘၣ် ကစၢၢ်အံၤ, ‘သုးကွံာ်နသးဒီးတ့ၢ်လီၤကွံာ်နသးဆူပီၣ်လဲၣ်ပူၤတက့ၢ်’ န့ၣ်, ကမၤအသးလီၤ.

လံာ်လူၤကၣ် 17:6

ကစၢ်စံးဆၢအီၤ “သုတၢ်နာ်မ့ၢ်အိၣ်ထဲသိးဒီးသဘၣ်ချံတဖျၢၣ်န့ၣ် သုမ့ၢ်စံးဘၣ်ဝံာ်တထူၣ်အံၤ, ‘ထဲးထီၣ်ကွံာ်နသးလၢနဂံၢ်နဂဲၤတဖၣ်, ဒီးသူၣ်လီၤနသးလၢပီၣ်လဲၣ်အပူၤတက့ၢ်’ န့ၣ်ဒီးအဝဲဒၣ်ကစူၢ်သုကလုၢ်လီၤ.

လံာ်ယိၤဟၣ် 14:13

ဖဲဒၣ်သုဃ့တၢ်တမံၤလၢ်လၢ်လၢယမံၤန့ၣ် ယကမၤယဲ, ဒ်သိးပၢ်အလၤကပီၤကအိၣ်ဖျါထီၣ်ဝဲဒၣ်ခီဖျိဖိခွါအံၤန့ၣ်လီၤ.

လံာ်ယိၤဟၣ် 15:7

သုမ့ၢ်အိၣ်ဆိးလၢယပူၤဒီးယကလုၢ်ကထါမ့ၢ်အိၣ်ဆိး လၢသုပူၤန့ၣ်, သုကဃ့တၢ်တမံၤဂ့ၤတမံၤဂ့ၤလၢသုသး လီဒီးသုကဒိးန့ၢ်ဘၣ်အီၤလီၤ.

1 ကရံၣ်သူး 13:2

ယမ့ၢ်အိၣ်ဒီးဝံဧိၤမီၣ်ဧိၤအစိကမီၤ, ယမ့ၢ်အိၣ်ဒီးတၢ်သ့ၣ်ညါ နၢ်ပၢၢ်ခဲလၢာ်ဒီးသ့ၣ်ညါတၢ်ခူသူၣ်ခဲလၢာ်, ယမ့ၢ်အိၣ်ဒီးတၢ်စူၢ်တၢ်နာ်ခဲလၢာ်လၢယကသုးကစၢၢ် ကလိသ့သနာ်က့, ယတၢ်အဲၣ်တၢ်ကွံမ့ၢ်တအိၣ်နီတစဲးဒီး, ယတမ့ၢ်တၢ်နီတမံၤဘၣ်.