လံာ်မၢ်ကူး 11:13 - Sgaw Karen Common Bible

¹³ အဝဲဒၣ်ထံၣ်စိဃီၤချၢၣ်ဒၢတထူၣ်လၢအယံၤလၢအအိၣ်ပှဲၤဒီး အလၣ်ဒီးလဲၤဃီၤဝဲဒ်သိးကထံၣ်န့ၢ်အသၣ်လၢအလိၤလီၤ. ဘၣ်ဆၣ်ဒီးဖဲအလဲၤတုၤဃီၤတခီထံၣ်ဝဲထဲအလၣ်လီၤ. မ့ၢ်လၢအသၣ်အဆၢကတီၢ်တဘၣ်ဒံးဘၣ်အဃိန့ၣ်လီၤ.

လံာ်မၢ်ကူး 11:13 Iomraidhean Croise

လံာ်ယၡါယၤ 5:2

အဝဲခူၣ်ကဖီထီၣ်ဟီၣ်ခိၣ်ဒီးထုးထီၣ်ကွံာ်လၢၢ်ဖိတဖၣ် ဒီးသူၣ်လီၤဖျးလီၤစပံးမုၢ်အဂ့ၤကတၢၢ်တဖၣ်လီၤ. အဝဲဘှီထီၣ်ပၢၤတၢ်အလီၢ်လၢတၢ်ပၢၤစပံးမုၢ်တဖၣ်အဂီၢ် ဒီးခူၣ်လီၤတၢ်ပူၤတပူၤလၢတၢ်ယီၢ်စပံး သၣ်တဖၣ်အဂီၢ်လီၤ. အဝဲခိးဝဲဒ်သိးစပံးသၣ်တဖၣ်ကမံထီၣ်အဂီၢ်, ဘၣ်ဆၣ်စပံးသၣ်ကိးဖျၢၣ်ဒဲးန့ၣ်ဆံၣ်ဝဲလီၤ.

လံာ်ယၡါယၤ 5:7

ကီၢ်အံၣ်စရ့လးမ့ၢ်ယွၤသ့တၢ်လၢာ်အစပံးလီၢ် ဒီးကီၢ်ယူဒၤအပှၤဂီၢ်မုၢ်မ့ၢ်စပံးမုၢ်လၢ အဝဲသူၣ်လီၤဖျးလီၤဝဲလီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်လၢအဂ့ၤ, ဘၣ်ဆၣ်အခိၣ်တလိာ်န့ၣ်, အဝဲသ့ၣ်မၤသံမၤဝီတၢ်လီၤ. အဝဲမုၢ်လၢ်ဝဲလၢအဝဲသ့ၣ်ကမၤတၢ်အဘၣ်, ဘၣ်ဆၣ်ဒီးပှၤလၢအဝဲသ့ၣ်မၤအၢမၤသီတ့ၢ်တဖၣ်ကိးထီၣ်လၢတၢ် စံၣ်ညီၣ်တီအဂီၢ်လီၤ.

လံာ်မးသဲ 21:19

အဝဲထံၣ်ချၢၣ်ဒၢတထူၣ်လၢကျဲကပၤဒီးလဲၤဝဲဆူအခီၣ်ထံး, ဘၣ်ဆၣ်တထံၣ်န့ၢ်အသၣ်နီတဖျၢၣ်ဘၣ်, ထံၣ်ဝဲထဲအလၣ်ဧိၤလီၤ. ဒီးအဝဲစံးဘၣ်သ့ၣ်န့ၣ်, “မ်နသုတသၣ်ထီၣ်နီတဘျီလၢၤတဂ့ၤ.” တဘျီဃီချၢၣ်ဒၢတထူၣ်န့ၣ်ဃ့ထီကွံာ်ဝဲလီၤ.

လံာ်မၢ်ကူး 11:12

လၢခံတနံၤဖဲအဝဲသ့ၣ်ဟဲက့ၤလၢသဝီဘ့ၤသနံန့ၣ်, တၢ်သၣ်ဝံၤယ့ၣ်ၡူးအသးလီၤ.

လံာ်မၢ်ကူး 11:14

ယ့ၣ်ၡူးစံးဘၣ်သ့ၣ်တထူၣ်န့ၣ်, “လီၤစိၤလီၤဃၣ်မ်ပှၤသုတအီၣ်ဘၣ်လၢၤနသၣ်နီတဂၤတဂ့ၤ.” ဒီးအပျဲၢ်အဘီၣ်တဖၣ်နၢ်ဟူဝဲအတၢ်ကတိၤအံၤန့ၣ်လီၤ.

လံာ်လူၤကၣ် 10:31

တၢ်မၤအသးလၢပှၤလုၢ်တၢ်အခိၣ်တဂၤလဲၤဘၣ်အတီၤဖဲကျဲအဝဲန့ၣ်လီၤ. ဖဲအဝဲဒၣ်ထံၣ်ပှၤတဂၤန့ၣ်, အဝဲဒၣ်လဲၤပူၤကွံာ်အီၤလၢကျဲအဂၤတကပၤလီၤ.

လံာ်နီၢ်ရူၤသး 2:3

တုၤနုၤတစု, နီၢ်ရူၤသးလဲၤဆူစံာ်ပျီတဖၣ်အပူၤဒီးဟးဝဲ လၢပှၤကူးဘုတဖၣ်အလီၢ်ခံ, ဒီးထၢထီၣ်ဝဲဘုအစဲၤတဖၣ်လၢအဝဲ သ့ၣ်ပာ်လီၤတဲာ်န့ၣ်လီၤ. ဒီးတၢ်မၤအသးလၢအဝဲလဲၤဘၣ်ဆူ စီၤဘိၤဧးအစံာ်ပျီပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 6:9

တုၤနုၤတစုကွၢ်ထွဲအတၢ်လဲၤတက့ၢ်. ဒီးမ့ၢ်လဲၤတၢ်လိၤလိၤဆူ ဝ့ၢ်ဘ့ၤသၡ့မ့ၣ်န့ၣ်, တၢ်အံၤအခီပညီမ့ၢ်ဝဲကီၢ်အံၣ်စရ့လးအကစၢ်ယွၤဆှၢလီၤတၢ်နးတၢ်ဖှီၣ်အၢအၢသီသီလၢပဖီခိၣ်လီၤ. ဘၣ်ဆၣ်ဒီးမ့တမ့ၢ်ဒ်န့ၣ်ဘၣ်န့ၣ်, ပကသ့ၣ်ညါလၢအဝဲတဆှၢလီၤတၢ်သံသတြိာ်ဘၣ်. မ့ၢ်ဒၣ်တၢ်ဘၣ်ဆၢၣ်ဘၣ်တီၤတမံၤန့ၣ်လီၤ.”