လံာ်မၢ်ကူး 10:51 - Sgaw Karen Common Bible

⁵¹ ယ့ၣ်ၡူးသံကွၢ်အီၤ, “နအဲၣ်ဒိးယကမၤတၢ်မနုၤတမံၤလၢနဂီၢ်လဲၣ်.” ပှၤမဲာ်တထံၣ်တၢ်တဂၤန့ၣ်စံးဆၢက့ၤအီၤ, “သရၣ်ဧၢ, ယအဲၣ်ဒိးထံၣ်ထီၣ်က့ၤတၢ်လီၤ.”

လံာ်မၢ်ကူး 10:51 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 1:7

လၢမုၢ်တနၤန့ၣ်ကစၢ်ယွၤလီၣ်ဖျါထီၣ်အသးဆူစီၤၡလိၤမိၤဒီး သံကွၢ်အီၤ, “နအဲၣ်ဒိးလၢယကဘၣ်ဟ့ၣ်နၤမနုၤလဲၣ်.”

လံာ်မးသဲ 23:7

အဝဲသ့ၣ်အဲၣ်ဒိးပှၤပာ်ဖျါပှၤအတၢ်ယူးယီၣ်အီၤဖဲပှၤထံၣ် အီၤလၢတၢ်ဆါတၢ်ပှ့ၤအလီၢ်, ဒီးအဲၣ်ဒိးပှၤကိးအီၤလၢသရၣ်န့ၣ်လီၤ.

လံာ်မးသဲ 23:8

မ့မ့ၢ်သုဝဲန့ၣ်, တဘၣ်ပျဲပှၤကိးသုလၢသရၣ်တဂ့ၤ. အဂ့ၢ်ဒ်အံၤ သုမ့ၢ်ဒၣ်ဒီပုၢ်ဝဲၢ်ခဲလၢာ်, ဒီးသုသရၣ်အိၣ်ဒၣ်ထဲတဂၤလီၤ.

လံာ်မးသဲ 6:8

တဘၣ်ဘါထုကဖၣ်ယွၤဒ်အဝဲသ့ၣ်အသိးတဂ့ၤ. အဂ့ၢ်ဒ်အံၤ တချုးလၢသုဃ့ဒံးတၢ်ဘၣ်န့ၣ်, သုပၢ်သ့ၣ်ညါတၢ်လၢသုန့ၢ်ဘၣ်အလီၢ်အိၣ်တဖၣ်လီၤ.

လံာ်မးသဲ 7:7

ဃ့တၢ်လၢယွၤတက့ၢ်ဒီးသုကဒိးန့ၢ်ဘၣ်လီၤ. ဃုတၢ်တက့ၢ်ဒီးသုကထံၣ်န့ၢ်တၢ်လီၤ. ဒိတကျိာ်တၢ်တက့ၢ် ဒီးယွၤကအိးထီၣ်န့ၢ်တၢ်လၢသုဂီၢ်လီၤ.

လံာ်မၢ်ကူး 10:36

ယ့ၣ်ၡူးသံကွၢ်အဝဲသ့ၣ်, “တၢ်လၢသုအဲၣ်ဒိးယကမၤန့ၢ်လၢသုဂီၢ်န့ၣ်မ့ၢ်မနုၤတမံၤလဲၣ်.”

လံာ်မၢ်ကူး 10:50

အဝဲဒၣ်ကွံာ်လီၤကွံာ်အဆ့ကၤဖီခိၣ်, စံၣ်ထီၣ်ဝဲ, ဒီးဟဲဝဲဆူယ့ၣ်ၡူးအအိၣ်လီၤ.

လံာ်ယိၤဟၣ် 20:16

ယ့ၣ်ၡူးကိးထီၣ်အီၤ, “နီၢ်မၤရံဧၢ” အဝဲဃၣ်အသးဆူအအိၣ်ဒီးကိးဆၢက့ၤအီၤလၢဧ့ၤဘြံၤ အကျိာ် “ရၤဘူနံၤဧၢ” (အခီပညီမ့ၢ် ‘သရၣ်’ လီၤ.)

မၤတၢ် 23:19

ပှၤသုးဖိတကထိအခိၣ်ဖီၣ်ထီၣ်အဝဲဒၣ်အစု, ဒီးဆှၢအီၤဆူ တၢ်တဒၢအလီၢ်, ဒီးသံကွၢ်အီၤကစုဒု, “နအဲၣ်ဒိးတဲ ယၤတၢ်ဂ့ၢ်မနုၤတမံၤလဲၣ်.”

ဖံလံးပံၤ 4:6

တဘၣ်သူၣ်ကိၢ်သးဂီၤလၢတၢ်နီတမံၤအဂ့ၢ်တဂ့ၤ. မ့မ့ၢ်, လၢသုတၢ်ထုကဖၣ်ခဲလၢာ်အပူၤန့ၣ်ဃ့ကစၢ်ယွၤတၢ်လၢသု လိၣ်ဘၣ်အီၤ, ဒီးဃ့အီၤလၢတၢ်စံးဘျုးစံးဖှိၣ်အသးအပူၤန့ၣ် တက့ၢ်.