လံာ်မၢ်ကူး 10:5 - Sgaw Karen Common Bible

⁵ ယ့ၣ်ၡူးစံးဘၣ်အဝဲသ့ၣ်, “စီၤမိၤၡ့ကွဲးန့ၢ်သုတၢ်သိၣ်တၢ်သီအံၤမ့ၢ်လၢသုသးကိၤ ဒိၣ်မးအဃိန့ၣ်လီၤ.

လံာ်မၢ်ကူး 10:5 Iomraidhean Croise

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

လံာ်မးသဲ 19:8

ယ့ၣ်ၡူးစံးဆၢအဝဲသ့ၣ်, “မ့ၢ်လၢပှၤသိၣ်က့ၤသီက့ၤသုကီဒိၣ်မးအဃိ, စီၤမိၤၡ့ဟ့ၣ်သုတၢ်ပျဲလၢသုကပာ်မၢ်သုမါလီၤ. ဘၣ်ဆၣ်ဒီး လၢယွၤတ့လီၤသီတၢ်အခီၣ်ထံးန့ၣ်, တမ့ၢ်ဘၣ်ဒ်န့ၣ်အသိးဘၣ်.

မၤတၢ် 7:51

စီၤစတ့းဖၣ်စံးကဒီးဝဲ, “သုဝဲသ့ၣ်သုခိၣ်ကိၤနးမးလဲၣ်. သုသးလီၤဂာ်ဒီးပှၤတသ့ၣ်ညါထူတသ့ၣ်ညါကစၢ်ယွၤ အသး, သုနၢ်တအၢဝဲလၢကစၢ်ယွၤအကလုၢ်ကထါအဂီၢ်နးမးလဲၣ်. သုမၤဒၣ်ဒ်သုမိၢ်ပၢ်ဖံဖုလၢပျၢၤမၤဝဲအသိး, ဒီးသးစီဆှံန့ၣ် သုတြီဆၢဒၣ်အီၤထီဘိလီၤ.

လံာ်သိၣ်လီၤသီလီၤတၢ် 24:1

ပစံးဒၣ်ကလိာ်ပှၤပိာ်ခွါတဂၤဒိးတ့ဒိးဖျီအသးဒီးပိာ်မုၣ်တဂၤ, ဒီးလၢခံန့ၣ်အဝဲပာ်လီၤအသးလၢအတသးလီလၢၤအီၤဘၣ်, မ့ၢ်လၢ အဝဲထံၣ်ဘၣ်အမါမၤကမၣ်တၢ်လၢအလီၤမဲာ်ဆှးတမံၤ လၢတဘၣ်သူၣ်ဘၣ်သးအီၤအဃိန့ၣ်လီၤ. လၢတၢ်န့ၣ်အဃိအဝဲကွဲးလံာ်လီၤဖှၣ်တဖၣ် ဒီးဟ့ၣ်လီၤအီၤ, ဒီးမၢအဟးထီၣ်ကွံာ်လၢဟံၣ်န့ၣ်လီၤ.

လံာ်သိၣ်လီၤသီလီၤတၢ် 31:27

ယသ့ၣ်ညါလၢအဝဲသ့ၣ်မ့ၢ်ပှၤအခိၣ်ကိၤဒီးပူထီၣ်ထီဒါတၢ်ထဲ လဲၣ်န့ၣ်လီၤ. အဝဲသ့ၣ်ပူထီၣ်ထီဒါတ့ၢ်ယွၤလၢယအိၣ်မူအစိၤ, ဒီးအဝဲသ့ၣ်ကပူထီၣ်တၢ်အါန့ၢ်ဒံးအလီၢ်ဖဲယသံဝံၤအလီၢ်ခံ န့ၣ်လီၤ.

လံာ်သိၣ်လီၤသီလီၤတၢ် 9:6

သုသ့ၣ်ညါသပှၢ်ကတၢၢ်သ့ဝဲလၢယွၤတဟ့ၣ်သုကီၢ်လၢအပှဲၤဒီးဟီၣ် ခိၣ်ညၣ်ထ့ၣ်ဂ့ၤအံၤ, မ့ၢ်လၢသုဂ့ၤဒိးန့ၢ်အီၤအဃိဘၣ်. တမ့ၢ်ဘၣ်. သုမ့ၢ်ပှၤဂီၢ်မုၢ်တဖုလၢအခိၣ်ကိၤဝဲန့ၣ်လီၤ.