လံာ်မၢ်ကူး 10:49 - Sgaw Karen Common Bible

⁴⁹ ယ့ၣ်ၡူးအိၣ်ကတီၢ်ဒီးစံးဝဲ, “ကိးဃီၤအီၤတက့ၢ်.” အန့ၣ်ဒီးအဝဲသ့ၣ်ကိးဃီၤပှၤမဲာ်တထံၣ်တၢ်တဂၤန့ၣ်ဒီးစံးဘၣ် အီၤ, “ပာ်နသးမုာ်မုာ်ဒီးဂဲၤဆၢထၢၣ်တက့ၢ်. အဝဲဒၣ်ကိးနၤလီၤ.”

လံာ်မၢ်ကူး 10:49 Iomraidhean Croise

စံးထီၣ်ပတြၢၤ 145:8

ယွၤသူၣ်ကညီၤသးကညီၤတၢ်, ဒီးသူၣ်အိၣ်သးအိၣ်တၢ်, ဒီးအသးထီၣ်ကီ, ဒီးအဘျုးအဖှိၣ်အိၣ်ဒိၣ်နီၢ်မးလီၤ.

စံးထီၣ်ပတြၢၤ 86:15

ဘၣ်ဆၣ်ဒီး, နဲဒၣ်ကစၢ်ယွၤဧၢ, နမ့ၢ်ကစၢ်တဂၤလၢ အသးကညီၤတၢ်ဒီးသးအိၣ်တၢ်, သးထီၣ်ကီဒီးအိၣ်ဒီးတၢ်အဲၣ်ဂၢၢ်ကျၢၤလၢအအါ, ဒီးအသူၣ်တီသးလိၤန့ၣ်လီၤ.

လံာ်မးသဲ 9:2

ပှၤဟဲစိာ်ပှၤသံတခီပၤလၢအအိၣ်မံလီၤလၢအလီၢ်မံခိၣ်တဂၤ ဆူအအိၣ်ဒီးဖဲယ့ၣ်ၡူးထံၣ်အဝဲသ့ၣ်အတၢ်နာ်အိၣ်ထဲလဲၣ်န့ၣ်, အဝဲတဲဘၣ်ပှၤသံတခီပၤန့ၣ်, “ဖိဧၢ, သးဟးဂီၤတဂ့ၤ. နတၢ်ဒဲးဘးတဖၣ်ဘၣ်တၢ်ပျၢ်လံအီၤလံ.”

လံာ်မၢ်ကူး 10:50

အဝဲဒၣ်ကွံာ်လီၤကွံာ်အဆ့ကၤဖီခိၣ်, စံၣ်ထီၣ်ဝဲ, ဒီးဟဲဝဲဆူယ့ၣ်ၡူးအအိၣ်လီၤ.

လံာ်လူၤကၣ် 18:40

လၢတၢ်န့ၣ်အဃိ, ယ့ၣ်ၡူးအိၣ်ကတီၢ်ဒီးမၢပှၤဟဲဆှၢပှၤမဲာ်ဘျီၣ် တဂၤန့ၣ်ဆူအအိၣ်လီၤ. ဖဲအဝဲဒၣ်ဟဲဘူးထီၣ်န့ၣ်ယ့ၣ်ၡူးသံကွၢ်အီၤ,

လံာ်ယိၤဟၣ် 11:28

နီၢ်မၢ်သၤစံးတၢ်ဒ်အံၤဝံၤဒီး, အဝဲက့ၤကဒါက့ၤဒီးကိး အဒီပုၢ်ဝဲၢ်မုၣ်နီၢ်မၤရံကစုဒုဒီးစံးဘၣ်အီၤ, “သရၣ်ဟဲတုၤဖဲအံၤလံဒီးအဲၣ်ဒိးထံၣ်နၤလီၤ.”

ဧ့ၤဘြံၤ 2:17

လၢတၢ်န့ၣ်အဃိအဝဲဘၣ်ကဲထီၣ်ဒ်အဒီပုၢ်ဝဲၢ်တဖၣ်အသိး လၢတၢ်ကိးမံၤဒဲးအပူၤဒ်သိးလၢအတၢ်မၤကစၢ်ယွၤအတၢ်မၤ အပူၤန့ၣ်ကမ့ၢ်ပှၤလုၢ်တၢ်အခိၣ်အဒိၣ်ကတၢၢ်လၢအသူၣ် ကညီၤသးကညီၤတၢ်ဒီးအကလုၢ်တီဝဲတဂၤသတးဒီးကမၤ ပူၤဖျဲးတၢ်လၢပှၤကညီအတၢ်ဒဲးဘးအဂီၢ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.