လံာ်မၢ်ကူး 10:48 - Sgaw Karen Common Bible

⁴⁸ ပှၤအါဂၤဒူအလိၤဒီးစံးဘၣ်အီၤလၢအကအိၣ်ဘှီၣ်ကလာ်လီၤ. ဘၣ်ဆၣ်ဒီးအဝဲဒၣ်ကိးပသူထီၣ်ဒိၣ်န့ၢ်အလီၢ်တက့ၢ်, “စီၤဒၤဝံးအဖိခွါဧၢ, သူၣ်ကညီၤသးကညီၤဘၣ်ယၤတက့ၢ်.”

လံာ်မၢ်ကူး 10:48 Iomraidhean Croise

စံးထီၣ်ပတြၢၤ 62:12

ဒီးအတၢ်အဲၣ်န့ၣ်ဂၢၢ်ကျၢၤဝဲဒၣ်န့ၣ်လီၤ. ယွၤဧၢ, နနီၢ်ကစၢ်ဒၣ်နဲနဟ့ၣ်ဘျုးက့ၤ ပှၤကိးဂၤဒဲးဒ်အမၤတၢ်အသိးန့ၣ်လီၤ.

လံာ်ယံးရမံယၤ 29:13

သုကဃုယၤဒီး သုကထံၣ်န့ၢ်ယၤ, မ့ၢ်လၢသုကဃုယၤလၢ သုသးဒီဖျၢၣ်ညါ အဃိန့ၣ်လီၤ.

လံာ်မးသဲ 19:13

ပှၤတနီၤဟဲဆှၢဖိသၣ်တဖၣ်ဆူအအိၣ်, ဒ်သိးအကပာ်ထီၣ်အစုလၢ အလိၤ, ဒီးကဃ့ဘါထုကဖၣ်လၢအဂီၢ်လီၤ. ဘၣ်ဆၣ်အပျဲၢ်အဘီၣ်တဖၣ်ဒူပှၤတဖၣ်န့ၣ်အလိၤလီၤ.

လံာ်မးသဲ 20:31

ပှၤဂီၢ်မုၢ်အ့ၣ်လိာ်အဝဲသ့ၣ်အလိၤ, ဒီးမၢအဝဲသ့ၣ်အိၣ်ဘှီၣ် ကလာ်လီၤ. ဘၣ်ဆၣ်, အဝဲသ့ၣ်ကိးပသူထီၣ်ဒိၣ်ဒၣ်တၢ်တက့ၢ်, ဒီးစံး, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤပှၤတက့ၢ်.”

လံာ်မးသဲ 9:27

တုၤယ့ၣ်ၡူးဟးထီၣ်ဖဲတၢ်လီၢ်န့ၣ်ဒီးလဲၤဝဲဆူညါအခါန့ၣ်, ပှၤမဲာ်ဘျီၣ်ခံဂၤပိာ်ထီၣ်အခံဒီးကိးထီၣ်ဝဲလၢအကလုၢ်ဖးဒိၣ်, “စီၤဒၤဝံးအဖိခွါဧၢ, သူၣ်ကညီၤသးကညီၤပှၤတက့ၢ်.”

လံာ်မၢ်ကူး 10:13

ပှၤဟဲကိးဖိသၣ်တဖၣ်ဆူယ့ၣ်ၡူးအအိၣ် လၢကပာ်ထီၣ် အစုလၢအဝဲသ့ၣ်အလိၤအဂီၢ်, ဘၣ်ဆၣ်ဒီးအပျဲၢ်အဘီၣ်တဖၣ်ဒူပှၤတဖၣ်န့ၣ်အလိၤလီၤ.

လံာ်မၢ်ကူး 5:35

ဖဲယ့ၣ်ၡူးကတိၤတၢ်အဖၢမုၢ်, စီၤယၤအ့ၤရူးအပှၤဟံၣ်ဖိတနီၤဟဲတုၤဝဲဒီးစံးဘၣ်အီၤ, “နဖိမုၣ်သံလံ. ဘၣ်မနုၤနမၤတံာ်တာ်ဒံးသရၣ်လဲၣ်.”

လံာ်လူၤကၣ် 18:39

ပှၤအိၣ်လၢတၢ်မဲာ်ညါတဖၣ်ဒူအလိၤ, ဒီးမၢအဝဲဒၣ်အိၣ်ဘှီၣ်ကလာ်လီၤ. ဘၣ်ဆၣ်ဒီးအဝဲဒၣ်ကိးပသူထီၣ်ဒိၣ်န့ၢ်အလီၢ်, “စီၤဒၤဝံးအဖိခွါဧၢ, သူၣ်ကညီၤသးကညီၤယၤတက့ၢ်.”

အ့းဖ့းစူး 6:18

မၤတၢ်ခဲလၢာ်လၢတၢ်ထုကဖၣ်အပူၤဒီးဃ့ကစၢ်ယွၤအတၢ်မၤ စၢၤတက့ၢ်. ထုကဖၣ်ကိးဆၢကိးကတီၢ်ဒဲးဒ်ကစၢ်ယွၤ အသးဆှၢသုအသိးတက့ၢ်. လၢတၢ်အံၤအဂ့ၢ်န့ၣ်, ဆိးသီသုဝဲဒီးတ့ၢ်စၢ်လီၤသုဂံၢ်သုဘါတဂ့ၤ. ထုကဖၣ်ထီဘိလၢယွၤအပှၤစီဆှံခဲလၢာ်အဂီၢ်တက့ၢ်.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.