လံာ်မၢ်ကူး 10:38 - Sgaw Karen Common Bible

³⁸ ယ့ၣ်ၡူးစံးဘၣ်အဝဲသ့ၣ်, “တၢ်လၢသုဃ့အံၤသုတနၢ်ပၢၢ်အဂ့ၢ် ဘၣ်. တၢ်နးတၢ်ဖှီၣ်အလီခီလၢယကဘၣ်အီယဲန့ၣ်မ့ၢ်သုအီဘၣ်ကကဲဧါ. တၢ်ဒိးဘျၢလၢယကဘၣ်ဒိးဘျၢယသးန့ၣ်, မ့ၢ်သုဒိးဘျၢသုသးဘၣ်ကကဲဧါ.”

လံာ်မၢ်ကူး 10:38 Iomraidhean Croise

လံာ်စီၤပၤအခီၣ်ထံးတဘ့ၣ် 2:22

စီၤပၤစံးဘၣ်အီၤ, “ဘၣ်မနုၤနဃ့ယၤလၢယကဟ့ၣ်နီၢ်အဘံၡးဆူ အီၤန့ၣ်လဲၣ်. နဂ့ၤဃ့ဃုာ်စ့ၢ်ကီးလၢယကဟ့ၣ်အီၤစီၤပၤအလီၢ်ပစိာ်န့ၣ်လီၤ. အဂ့ၢ်ဒ်အံၤအဝဲမ့ၢ်ယဝဲၢ်, ဒီးပှၤလုၢ်တၢ်အခိၣ်စီၤအ့ဘယၤသၢ် ဒီးစီၤယိၤအာ်အိၣ်လၢအအိၣ်တကပၤန့ၣ်လီၤ.”

စံးထီၣ်ပတြၢၤ 75:8

ယွၤစိာ်လီခီတဖျၢၣ်လၢအစုပူၤ, ပှဲၤဝဲဒီးအတၢ်သးထီၣ် စပံးထံလၢအဆူၣ်န့ၣ်လီၤ. အဝဲလူလီၤဝဲဒီးပှၤတတီတလိၤခဲလၢာ်အီဝဲဒၣ်, ဒီးအဝဲသ့ၣ်အီဝဲတုၤအလၢာ်န့ၣ်လီၤ.

လံာ်ယၡါယၤ 51:22

ကစၢ်, သုကစၢ်ယွၤကဟုကယာ်သုဒီးစံးဝဲ, “ယကဟံးထီၣ်ကွံာ်လီခီလၢယဟ့ၣ်သု လၢယတၢ်သးဒိၣ်သးဖျိးအပူၤန့ၣ်လီၤ. သုတဘၣ်အီလၢၤစပံးထံလၢအဒုးလဲၤသု ကနူၤနူၤကပၤပၤန့ၣ်နီတစုဘၣ်.

လံာ်ယံးရမံယၤ 25:15

ယွၤ, အံၣ်စရ့လး အကစၢ်ယွၤ, စံးဘၣ်တ့ၢ်ယၤ, “အအံၤမ့ၢ် စပံးထံအလီခီတဖျၢၣ်လၢ အပှဲၤဒီးယတၢ်သးကဲၤထီၣ်န့ၣ်လီၤ. ပှၤကလုာ်ခဲလၢာ်လၢယမၢလီၤနၤဒ်သိး နကလဲၤဆူအအိၣ်န့ၣ်, လဲၤစိာ်န့ၢ်အီၤဒီး မၢအဝဲသ့ၣ်အီအီၤတက့ၢ်.

လံာ်ယံးရမံယၤ 45:5

မ့ၢ်နဃုထံၣ်န့ၢ်တၢ်လၢကမၤန့ၢ်နၤ တၢ်လီၤလီၤဆီ ဆီလၢနဂီၢ်န့ၣ်ဧါ. မၤဒ်န့ၣ်တဂ့ၤ. ယဟဲစိာ်တၢ်တတၢးတနါလၢ ဟီၣ်ခိၣ်ဖိခဲလၢာ် အဖီခိၣ်လီၤ. ဘၣ်ဆၣ်ဒီး, အစှၤကတၢၢ်နသးသမူ ကပူၤဖျဲးဝဲဖဲနလဲၤတၢ်တပူၤလၢ်လၢ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 3:6

ပှၤတဖၣ်အံၤတဲလီၤကျဲၤလီၤအတၢ်ဒဲးဘးတဖၣ် ဒီးအဝဲဒၣ်ဘျၢအဝဲသ့ၣ်လၢထံကျိယၢ်ဒ့ၣ်အပူၤလီၤ.

လံာ်မၢ်ကူး 14:36

ဒီးအဝဲဒၣ်စံးဝဲ, “အးဘၤ, ပၢ်ဧၢ, နမၤတၢ်သ့ခဲလၢာ်လီၤ. တၢ်နးတၢ်ဖှီၣ်အလီခီအံၤဒုးလဲၤပူၤကွံာ်လၢယၤတက့ၢ်. သနာ်က့ဒီး, အသုတမ့ၢ်ဒ်တၢ်ဘၣ်ယသးအသိးတဂ့ၤ. မ်အမ့ၢ်ဒ်တၢ်ဘၣ်နသးအသိးတက့ၢ်.”

လံာ်လူၤကၣ် 12:50

တၢ်ဒိးဘျၢတမံၤလၢယကဘၣ်ဒိးဘျၢယသးန့ၣ်အိၣ်ဝဲ, ဒီးတချုးဒံးလၢယဒိးယဲန့ၣ်ယသးဘၣ်ကိၢ်ဘၣ်ဂီၤမးယဲဆံးဒိၣ်လဲၣ်.

လံာ်လူၤကၣ် 22:42

“ပၢ်ဧၢ,” အဝဲဒၣ်စံးဝဲ, “မ့ၢ်ဘၣ်နသးဒီးထုးကွံာ်လၢ်လီခီအံၤလၢယအိၣ်တက့ၢ်. ဘၣ်ဆၣ်ဒီး, တမ့ၢ်ဖဲဒၣ်ယသးဘၣ်. မ်နတၢ်ဘၣ်နသးဘၣ်တၢ်မၤလၢထီၣ်ပှဲၤထီၣ်အီၤတက့ၢ်.”

လံာ်ယိၤဟၣ် 18:11

ယ့ၣ်ၡူးစံးဘၣ်စီၤပ့းတရူး, “ဖျီၣ်နုာ်က့ၤနနးဆူအတြိးပူၤန့ၣ် တက့ၢ်. မ့ၢ်ယတဘၣ်အီတၢ်နးတၢ်ဖှီၣ်အလီခီလၢယပၢ်ဟ့ၣ်လီၤ ယၤန့ၣ်ဘၣ်ဧါ.”

ရိမ့ၤ 8:26

ဒ်န့ၣ်အသိးယွၤအသးစ့ၢ်ကီးဟဲလၢကမၤစၢၤပှၤအဂီၢ်, ဒ်ပမ့ၢ်ပှၤဂံၢ်စၢ်ဘါစၢ်တဖၣ်အသိးလီၤ. အဂ့ၢ်ဒ်လဲၣ်န့ၣ်, ပကြၢးဃ့ထုကဖၣ်တၢ်ဒ်လဲၣ်န့ၣ်ပတသ့ၣ်ညါဘၣ်. ယွၤအသးဒၣ်ဝဲဃ့သကွံၢ်ကညးကစၢ်ယွၤလၢပဂီၢ်လၢတၢ် ကအုကစွါဖးဒိၣ်လၢပတဲဖျါလၢတၢ်ကတိၤတသ့ဒၣ်လဲာ်ဘၣ် အပူၤန့ၣ်လီၤ.

ယၤကိာ် 4:3

ဒီးဖဲသုဃ့တၢ်န့ၣ်သုတဒိးန့ၢ်အီၤဘၣ်, အဂ့ၢ်မ့ၢ်လၢသုတၢ်တိာ်တဖၣ်အၢဝဲသီဝဲအဃိလီၤ. သုဃ့တၢ်လၢသုကသူအီၤလၢသုတၢ်မုာ်လၤသးဖှံဒၣ်ဝဲ အဂီၢ်အဃိန့ၣ်လီၤ.