လံာ်မၢ်ကူး 10:35 - Sgaw Karen Common Bible

³⁵ စီၤယၤကိာ်ဒီးစီၤယိၤဟၣ်လၢအမ့ၢ်စီၤစ့းဘ့းဒဲအဖိခွါတဖၣ် န့ၣ်ဟဲသုးဘူးဃီၤအသးဆူယ့ၣ်ၡူးအအိၣ်ဒီးစံးဘၣ်အီၤ, “သရၣ်ဧၢ, တၢ်တမံၤလၢပကဃ့သကွံၢ်ကညးနၤန့ၣ်ပအဲၣ်ဒိးလၢနကမၤန့ၢ်လၢပဂီၢ်လီၤ.”

လံာ်မၢ်ကူး 10:35 Iomraidhean Croise

လံာ်စီၤပၤအခီၣ်ထံးတဘ့ၣ် 2:16

ဒီးခဲကနံၣ်အံၤယအဲၣ်ဒိးဃ့သကွံာ်ကညးတၢ်တမံၤန့ၣ်လီၤ. ဝံသးစူၤဂ့ၢ်လိာ်ယၤတဂ့ၤ.” ဒီးနီၢ်ဘၤသၡ့ဘၤသံကွၢ်ဝဲ, “မ့ၢ်တၢ်မနုၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 2:20

နီၢ်ဘၤသၡ့ဘၤစံးဘၣ်အီၤ, “ယအဲၣ်ဒိးဃ့နၤ, တၢ်သကွံာ်ကညးအဆံးဖိတမံၤလၢနကဟ့ၣ်ယၤလီၤ. တဘၣ်ဂ့ၢ်လိာ်ယၤတဂ့ၤ.” အဝဲဒၣ်စံးဝဲ, “ယမိၢ်ဧၢ, ဃ့တက့ၢ်. ယတဂ့ၢ်လိာ်နၤဘၣ်.”

လံာ်မးသဲ 4:21

လဲၤကဒီးဆူညါဒီးယ့ၣ်ၡူးထံၣ်န့ၢ်ဝဲပှၤဒီပုၢ်ဝဲၢ်အဂၤခံဂၤ, စီၤယၤကိာ်ဒီးစီၤယိၤဟၣ်လၢအမ့ၢ်စီၤစ့းဘ့းဒဲအဖိခွါတဖၣ် လီၤ. အဝဲသ့ၣ်အိၣ်လၢချံပူၤဃုာ်ဒီးအပၢ်ဒီးကတဲာ်ကတီၤဆးက့ၤ အစၤတဖၣ်လီၤ. ယ့ၣ်ၡူးကိးအဝဲသ့ၣ်,

လံာ်မၢ်ကူး 10:36

ယ့ၣ်ၡူးသံကွၢ်အဝဲသ့ၣ်, “တၢ်လၢသုအဲၣ်ဒိးယကမၤန့ၢ်လၢသုဂီၢ်န့ၣ်မ့ၢ်မနုၤတမံၤလဲၣ်.”

လံာ်မၢ်ကူး 14:33

အဝဲဒၣ်ကိးန့ၢ်ဝဲစီၤပ့းတရူး, စီၤယၤကိာ်, ဒီးစီၤယိၤဟၣ်လၢအကလဲၤသကိးဒီးအီၤလီၤ. အကတီၢ်ဖဲန့ၣ်အသးဘၣ်တံာ်တာ်ဒီးတၢ်သူၣ်ကိၢ်သးဂီၤအိၣ်ဝဲလၢ အပူၤဒိၣ်ဒိၣ်မုၢ်မုၢ်,

လံာ်မၢ်ကူး 5:37

အန့ၣ်ဒီးအဝဲဒၣ်တပျဲပှၤအဂၤကလဲၤပိာ်အခံဆူညါနီတဂၤလၢၤဘၣ်. ပျဲဝဲထဲစီၤပ့းတရူးဒီးစီၤယၤကိာ်, ဒီးအဒီပုၢ်ဝဲၢ်စီၤယိၤဟၣ်ဧိၤလီၤ.

လံာ်မၢ်ကူး 9:2

လၢခံဃုသီပူၤကွံာ်န့ၣ်, ယ့ၣ်ၡူးကိးထီၣ်စီၤပ့းတရူး, စီၤယၤကိာ် ဒီးစီၤယိၤဟၣ်ဒီးလဲၤထီၣ်ဝဲဆူကစၢၢ်ဖးထီတဖျၢၣ်အလိၤလီၤ. ဒီးဖဲအအိၣ်ဒၣ်ထဲအဝဲသ့ၣ်ဧိၤန့ၣ်, ယ့ၣ်ၡူးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါလီၤ.