လံာ်မၢ်ကူး 10:34 - Sgaw Karen Common Bible

³⁴ အန့ၣ်ဒီးပှၤကလုာ်ဂၤတဖၣ်ကကတိၤတရီတပါအီၤ, ကထူးပှဲာ်အီၤ, ကတီၢ်အီၤ, ဒီးကမၤသံကွံာ်အီၤ, ဘၣ်ဆၣ်ဒီးသၢသီတသီန့ၣ်ကဂဲၤဆၢထၢၣ်သမူထီၣ်က့ၤလီၤ.”

လံာ်မၢ်ကူး 10:34 Iomraidhean Croise

လံာ်စီၤယိၤဘး 30:10

အဝဲသ့ၣ်ပာ်ယၤဒ် တၢ်လီၤသးဘၣ်အၢ အလီၢ်န့ၣ်လီၤ. အဝဲသ့ၣ် ဆိကမိၣ်ဝဲလၢ အဂ့ၤကဲာ်ဆိးလၢ ယဂီၢ်, ဒီးဟဲဒီးထူးပှဲာ်ယမဲာ်ဒၣ်လဲာ်န့ၣ်လီၤ.

စံးထီၣ်ပတြၢၤ 16:10

အဂ့ၢ်ဒ်အံၤ, နကဟုကယာ်ယၤလၢ တၢ်သံအစိကမီၤလံန့ၣ်လီၤ. ယမၤနတၢ်လၢ တၢ်ကလုာ်တီ, ဒီးနတစူးကွံာ်ညိကွံာ်ပှၤလၢအအဲၣ်နၤ, ဆူတၢ်သံအကီၢ်ပူၤန့ၣ်ဘၣ်.

စံးထီၣ်ပတြၢၤ 22:13

အဝဲသ့ၣ်အိးထီၣ်အထးခိၣ်ဒ်ခ့ယုၢ်တဖၣ်လၢ အကညီၤထီၣ်ဒီးအ့ၣ်ဖှီယၤအသိးန့ၣ်လီၤ.

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်ဟိၤၡ့ 6:2

လၢခံနံၤမ့ၢ်ဂ့ၤ, သၢနံၤမ့ၢ်ဂ့ၤ, အဝဲကမၤမူထီၣ်က့ၤပှၤဒီး ပကအိၣ်ဆိးလၢအဝဲအမဲာ်ညါန့ၣ်လီၤ.

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 26:67

တုၤနုၤတစု, အဝဲသ့ၣ်ထူးပှဲာ်ယ့ၣ်ၡူးအမဲာ်ဒီးဒိအီၤတီၢ်အီၤလီၤ. ပှၤလၢအဒဲယ့ၣ်ၡူးအမဲာ်တဖၣ်

လံာ်မးသဲ 27:63

ဒီးစံး, “တၢ်ဒိၣ်ဧၢ, ပသ့ၣ်နီၣ်ထီၣ်လၢပှၤလီတၢ်ဖိတဂၤန့ၣ်, ဖဲအမူဒံးအခါစံးတ့ၢ်ဝဲ, ‘သၢသီတသီန့ၣ်ယကဂဲၤဆၢထၢၣ်သမူထီၣ်က့ၤလီၤ.’

လံာ်မၢ်ကူး 14:63

ပှၤလုၢ်တၢ် အခိၣ်အဒိၣ်ကတၢၢ်တဂၤန့ၣ်ဖှီယာ်ကွံာ်အကူအသိး တဖၣ်ဒီးစံးဝဲ, “ပတလိၣ်အါထီၣ်ပှၤလၢကအုၣ်အသးထီဒါအီၤနီတဂၤလၢၤဘၣ်.

လံာ်မၢ်ကူး 14:65

ထဲန့ၣ်ဒီး, ပှၤတနီၤထူးပှဲာ်ယ့ၣ်ၡူးဒီးမၤဘၢအမဲာ်ဒီးထိအီၤလီၤ. ဒီးစံးဘၣ်အီၤ, “တယာ်ဒီးတဲတဘီ, မ့ၢ်မတၤထိနၤလဲၣ်.” ဒီးပှၤပၢၤတၢ်ဖိတဖၣ်ဒဲအီၤလီၤ.

လံာ်မၢ်ကူး 9:31

အဂ့ၢ်ဒ်အံၤအဝဲဒၣ်သိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤ, ကဘၣ်တၢ်ဟ့ၣ်လီၤကွံာ်အီၤဆူပှၤကညီတဖၣ်အစုပူၤဒီးအဝဲသ့ၣ် ကမၤသံအီၤလီၤ. သနာ်က့ဒီးသၢသီတသီန့ၣ်, ကဂဲၤဆၢထၢၣ်က့ၤလၢတၢ်သံလီၤ.”

လံာ်လူၤကၣ် 23:11

စီၤဟ့ၤရိာ်ဒီးအသုးဖိတဖၣ်နံၤဘၣ်ဖၣ်လဲယ့ၣ်ၡူး, ဒီးမၤအီၤတရီတပါလီၤ. အဝဲသ့ၣ်ဒုးကူဒုးသိးထီၣ်အီၤဆ့ကၤဖး ထီလၢအဂ့ၤ, ဒီးဆှၢက့ၤအီၤဆူစီၤပံၤလးအအိၣ်လီၤ.

လံာ်ယိၤဟၣ် 1:17

ကစၢ်ယွၤဟ့ၣ်လီၤတၢ်သိၣ်တၢ်သီခီဖျိစီၤမိၤၡ့, မ့မ့ၢ်တၢ်ဘျုးတၢ်ဖှိၣ်ဒီးတၢ်မ့ၢ်တၢ်တီန့ၣ် ဟဲခီဖျိယ့ၣ်ၡူးခရံာ်န့ၣ်လီၤ.

လံာ်ယိၤဟၣ် 2:10

ဒီးစံးဘၣ်အီၤ, “ပှၤကိးဂၤဒဲးဒုးအီပှၤသမှံၤတဖၣ်စပံးထံအဂ့ၤ ကတၢၢ်လၢညါဒီးအဝဲသ့ၣ်အီဘျဲးအီဝဲဝံၤမး, ဒုးအီက့ၤဝဲစပံးထံလၢအဂ့ၤဖဲအကြၢးလၢခံန့ၣ်လီၤ. မ့မ့ၢ်နဲ နပာ်ဒံးစပံးထံလၢအဂ့ၤကတၢၢ်တုၤခဲအံၤန့ၣ်လီၤ.”

1 ကရံၣ်သူး 15:4

လၢအဝဲဒၣ်ဘၣ်တၢ်ခူၣ်လီၤအီၤဒီးဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဖဲသၢသီဝံၤအလီၢ်ခံ, ဒ်အအိၣ်ကွဲးအသးလၢတၢ်ကွဲးအသးစီဆှံအပူၤအသိးန့ၣ်,