လံာ်မၢ်ကူး 10:33 - Sgaw Karen Common Bible

³³ အဝဲဒၣ်စံးဘၣ်အဝဲသ့ၣ်, “ကနၣ်တက့ၢ်. ခဲအံၤပကလဲၤထီၣ်ဆူဝ့ၢ်ယရူၤရှလ့ၣ်ဒီးဖဲန့ၣ်ပှၤကညီဖိခွါ အံၤ, ကဘၣ်တၢ်ဟ့ၣ်လီၤကွံာ်အီၤဆူပှၤလုၢ်တၢ်အခိၣ်အဒိၣ်တဖၣ် ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အစုပူၤလီၤ. အဝဲသ့ၣ်ကစံၣ်ညီၣ်သံကွံာ်အီၤဒီးကဟ့ၣ်လီၤကွံာ်အီၤဆူပှၤ ကလုာ်ဂၤတဖၣ်အစုပူၤလီၤ.

လံာ်မၢ်ကူး 10:33 Iomraidhean Croise

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 26:66

သုဆိကမိၣ်ဒ်လဲၣ်.” အဝဲသ့ၣ်စံးဆၢဝဲ, “အတၢ်ကမၣ်အိၣ်ဒီးကြၢးဘၣ်တၢ်မၤသံအီၤလီၤ.”

လံာ်မးသဲ 27:2

အဝဲသ့ၣ်စၢဃာ်ယ့ၣ်ၡူးအစုလၢပျံၤထးတဖၣ်, မိၤထီၣ်အီၤဒီးဟ့ၣ်လီၤအီၤဆူရိမ့ၤအပဒိၣ်ဖးဒိၣ်စီၤပံၤလးအစုပူၤလီၤ.

လံာ်မၢ်ကူး 14:64

သုနၢ်ဟူဘၣ်တ့ၢ်အတၢ်ကတိၤတရီတပါယွၤန့ၣ်လံ. သုကစံၣ်ညီၣ်ဒ်လဲၣ်.” အန့ၣ်ဒီးအဝဲသ့ၣ်ကိးဂၤဒဲးစံးဝဲလၢအတၢ်ကမၣ်အိၣ် ဒီးကြၢးလၢအဘၣ်တၢ်မၤသံအီၤလီၤ.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်မၢ်ကူး 8:31

အန့ၣ်ဝံၤယ့ၣ်ၡူးသိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤကဘၣ်တူၢ်တၢ်နးတၢ်ဖှီၣ်အကလုာ်ကလုာ် ဒီးပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ် ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ကညိကွံာ်အီၤလီၤ. ကဘၣ်တၢ်မၤသံအီၤဘၣ်ဆၣ်ဒီးသၢသီတသီန့ၣ်ကဂဲၤ ဆၢထၢၣ်က့ၤလၢတၢ်သံလီၤ.”

လံာ်မၢ်ကူး 9:12

အဝဲဒၣ်စံးဆၢဝဲ, “ဝံအ့ၤလံယၤကဘၣ်ဟဲဆိဝဲသပှၢ်ကတၢၢ်လၢကမၤ ဘၣ်လီၢ်ဘၣ်စးက့ၤတၢ်ခဲလၢာ်အဂီၢ်လီၤ. ဘၣ်ဆၣ်ဒီးဘၣ်မနုၤအဃိ တၢ်ကွဲးအသးစီဆှံဘၣ်စံးဝဲလၢပှၤကညီဖိခွါအံၤကဘၣ် တူၢ်တၢ်နးတၢ်ဖှီၣ်အဒိၣ်အအါဒီးကဘၣ်တၢ်ညိကွံာ်အီၤန့ၣ်လဲၣ်.

လံာ်မၢ်ကူး 9:31

အဂ့ၢ်ဒ်အံၤအဝဲဒၣ်သိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤ, ကဘၣ်တၢ်ဟ့ၣ်လီၤကွံာ်အီၤဆူပှၤကညီတဖၣ်အစုပူၤဒီးအဝဲသ့ၣ် ကမၤသံအီၤလီၤ. သနာ်က့ဒီးသၢသီတသီန့ၣ်, ကဂဲၤဆၢထၢၣ်က့ၤလၢတၢ်သံလီၤ.”

လံာ်လူၤကၣ် 23:21

ဘၣ်ဆၣ်ဒီးအဝဲသ့ၣ်ကိးပသူဆၢက့ၤဝဲ, “ပျၤထီအီၤလၢထူၣ်စုညါအလိၤတက့ၢ်. ပျၤထီအီၤလၢထူၣ်စုညါအလိၤတက့ၢ်.”

လံာ်လူၤကၣ် 9:22

ဒီးတဲအါထီၣ်ကဒီးဝဲ, “ပှၤကညီဖိခွါကဘၣ်တူၢ်တၢ်အါမံၤအါကလုာ်, ဒီးကဘၣ်တၢ်ညိကွံာ်အီၤလၢပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်န့ၣ်လီၤ. အဝဲဒၣ်ကဘၣ်တၢ်မၤသံအီၤ, ဒီးဖဲသၢနံၤတနံၤန့ၣ် အဝဲကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤလီၤ.”

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

လံာ်ယိၤဟၣ် 18:32

(တၢ်အဝဲအံၤမၤအသးမ့ၢ်ဒ်သိးတၢ်လၢယ့ၣ်ၡူးစံးတ့ၢ်ဝဲဘၣ်ထွဲဒီး အဝဲကဘၣ်သံလၢတၢ်သံဒ်လဲၣ်န့ၣ်, ကလၢထီၣ်ပှဲၤထီၣ်ဝဲအဂီၢ် န့ၣ်လီၤ.)

လံာ်ယိၤဟၣ် 19:11

ယ့ၣ်ၡူးစံးဆၢတၢ်ဒီးစံးဝဲ, “နအိၣ်ဒီးတၢ်စိတၢ်ကမီၤလၢ ယဖီခိၣ်မ့ၢ်ဒၣ်လၢကစၢ်ယွၤဟ့ၣ်လီၤနၤတၢ်စိတၢ်ကမီၤအံၤ အဃိန့ၣ်လီၤ. လၢတၢ်န့ၣ်အဃိ, ပှၤလၢအဟ့ၣ်လီၤယၤဆူ နစုပူၤအံၤန့ၣ်, အတၢ်ဒဲးဘးဒိၣ်ဒၣ်တၢ်တက့ၢ်န့ၣ်လီၤ.”

မၤတၢ် 13:27

အဂ့ၢ်ဒ်အံၤ, ပှၤအိၣ်ဝဲဆိးဝဲလၢဝ့ၢ်ယရူၤၡလ့ၣ်ဒီးအပှၤခိၣ်ပှၤနၢ် တဖၣ်တသ့ၣ်ညါလၢအဝဲဒၣ်မ့ၢ်ပှၤအုၣ်က့ၤခီၣ်က့ၤတၢ်အကစၢ်, ဒီးတနၢ်ပၢၢ်စ့ၢ်ကီးဝံတဖၣ်အကလုၢ်ကထါလၢအဘၣ်တၢ် ဖးဖျါထီၣ်အီၤကိးမုၢ်အိၣ်ဘှံးနံၤဒဲးန့ၣ်ဘၣ်လီၤ. မ့ၢ်သနာ်က့ဒ်န့ၣ်ဒီး, အဝဲသ့ၣ်ဒုးလၢထီၣ်ပှဲၤထီၣ်ဝံတဖၣ်အကလုၢ်ကထါခီဖျိအစံၣ်ညီၣ် သံယ့ၣ်ၡူးန့ၣ်လီၤ.

မၤတၢ် 20:22

ဒီးခဲကနံၣ်အံၤ, လၢတၢ်စူၢ်ဒီးတၢ်ဒိကနၣ်သးစီဆှံအကလုၢ် အပူၤန့ၣ်, ယကလဲၤယဲဆူဝ့ၢ်ယရူၤၡလ့ၣ်, ဒီးတၢ်ကမၤအသးဒီးယၤဖဲန့ၣ်ဒ်လဲၣ်ဒ်လဲၣ်န့ၣ်, ယတသ့ၣ်ညါဘၣ်.

ယၤကိာ် 5:6

သုစံၣ်ညီၣ်ဒီးမၤသံကွံာ်ပှၤလၢအတၢ်ကမၣ်တအိၣ်တဖၣ်, ဒီးအဝဲသ့ၣ်တခီၣ်ဆၢသုဘၣ်.