လံာ်မၢ်ကူး 10:32 - Sgaw Karen Common Bible

³² ယ့ၣ်ၡူးဒီးပှၤလၢအလဲၤသကိးဒီးအီၤတဖၣ်လဲၤဝဲလၢကျဲလၢ အလဲၤထီၣ်ဆူဝ့ၢ်ယရူၤၡလ့ၣ်န့ၣ်လီၤ. ယ့ၣ်ၡူးဟးဝဲဒၣ်လၢ အဝဲသ့ၣ်အမဲာ်ညါ, ဒီးအပျဲၢ်အဘီၣ်တဖၣ်အသးလီၤကတုၤဝဲဒၣ်လီၤ. မ့မ့ၢ်ပှၤလၢအပိာ်ထီၣ်အဝဲသ့ၣ်အခံတဖၣ် အသးပှဲၤဝဲ ဒီးတၢ်ပျံၤတၢ်ဖုးလီၤ. ယ့ၣ်ၡူးကိးဃီၤကဒီးထဲအပျဲၢ်အဘီၣ်တဆံခံဂၤဆူအအိၣ်ဒီးစံးဘၣ် အဝဲသ့ၣ်လၢတၢ်ကဘၣ်မၤအသးဒီးအီၤအဂ့ၢ်န့ၣ်လီၤ.

လံာ်မၢ်ကူး 10:32 Iomraidhean Croise

လံာ်စကၤရယၤ 3:8

ပှၤလုၢ်တၢ်အခိၣ်အဒိၣ်ကတၢၢ်စီၤယိၤၡူဧၢ, ဒိကနၣ်တက့ၢ်. အတံၤသကိးကဒဲကဒဲပှၤလုၢ်တၢ်အခိၣ်တဖၣ်, သုဝဲလၢအမ့ၢ်တၢ်ပနီၣ်အဂ့ၤတမံၤလၢခါဆူညါအဂီၢ်သ့ၣ်ဧၢ, ဒိကနၣ်တက့ၢ်. ယကလီၣ်ဖျါထီၣ်ယခ့ယပှၤ, လၢအဘၣ်တၢ်ကိးအီၤလၢတၢ်အဒ့န့ၣ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 13:11

ယ့ၣ်ၡူးစံးဆၢဝဲ, “ယွၤဟ့ၣ်ဒုးသ့ၣ်ညါသုလၢတၢ်မ့ၢ်တၢ်တီ အတၢ်ခူသူၣ်ဘၣ်ဃးဒီးမူခိၣ်အဘီအမုၢ်, ဘၣ်ဆၣ်အဝဲသ့ၣ်တဘၣ်တၢ်ဟ့ၣ်ဒုးသ့ၣ်ညါအီၤဘၣ်.

လံာ်မၢ်ကူး 1:27

ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်လူၤကၣ် 10:23

တုၤနုၤတစုယ့ၣ်ၡူးဃၣ်ဃီၤအသးဆူအပျဲၢ်အဘီၣ်သ့ၣ်တဖၣ်အအိၣ်ဒီး စံးဘၣ်အဝဲသ့ၣ်ကစုဒု, “သုထံၣ်တၢ်လၢသုကဘၣ်ထံၣ်သ့ၣ်တဖၣ် အံၤဒီး, သုဘၣ်ဆိၣ်ဂ့ၤဆိၣ်ဝါသုဝဲဆံးဒိၣ်လဲၣ်.

လံာ်လူၤကၣ် 19:28

ယ့ၣ်ၡူးစံးကတိၤတၢ်အံၤဝံၤဒီးလဲၤဆိဝဲဆူဝ့ၢ်ယရူၤၡလ့ၣ်လၢအဝဲသ့ၣ် အမဲာ်ညါလီၤ.

လံာ်လူၤကၣ် 9:51

ဖဲမုၢ်နံၤမုၢ်သီတဖၣ်ဘူးထီၣ်လၢယ့ၣ်ၡူးကဘၣ်တၢ်စိာ်ထီၣ် အီၤဆူမူခိၣ်န့ၣ်, အဝဲဒၣ်ပာ်လီၤအသးကျၢၤမုဆှုဒီးလဲၤဝဲဒၣ်ဆူဝ့ၢ်ယရူၤၡလ့ၣ်လီၤ.

လံာ်ယိၤဟၣ် 11:16

စီၤသိၤမါ (အခီပညီမ့ၢ်ပှၤသဃံာ်) စံးဘၣ်အပျဲၢ်အဘီၣ်သကိး ဒီးအီၤတဖၣ်, “မ်ပဝဲခဲလၢာ်ပလဲၤသကိးဒီးသရၣ်, ဒ်သိးပကသံဃုာ်ဒီးအီၤအဂီၢ်တက့ၢ်.”

လံာ်ယိၤဟၣ် 11:8

အပျဲၢ်အဘီၣ်တဖၣ်စံးဆၢအီၤ, “သရၣ်ဧၢ, ဖဲအပူၤကွံာ်တယံာ်ဒံးဘၣ်ဒၣ်လဲာ်န့ၣ်, ပှၤယူဒၤဖိတဖၣ်သါကကွံာ်သံနၤလၢလၢၢ်, ဒီးခဲအံၤနကက့ၤကဒါက့ၤကဒီးဆူန့ၣ်ဧါ.”