လံာ်မၢ်ကူး 10:24 - Sgaw Karen Common Bible

²⁴ အတၢ်ကတိၤတဖၣ်အံၤဒုးကမၢကမၣ်အပျဲၢ်အဘီၣ်တဖၣ်, ဘၣ်ဆၣ်ယ့ၣ်ၡူးစံးကဒီးဝဲ, “ယဖိယလံၤသ့ၣ်ဧၢ, ပှၤကလဲၤနုာ်လီၤဆူကစၢ်ယွၤအဘီအမုၢ်အပူၤန့ၣ်, မ့ၢ်တၢ်ကီဒိၣ်မးလဲၣ်.

လံာ်မၢ်ကူး 10:24 Iomraidhean Croise

စံးထီၣ်ပတြၢၤ 17:14

ယွၤဧၢ, လၢနစုန့ၣ် မၤပူၤမၤဖျဲးယၤလၢပှၤဒ်သိးန့ၣ်တဖၣ် လၢအတၢ်အိၣ်မူအံၤ အတၢ်ကဲဘျုးမ့ၢ်ဒၣ်ဖဲ ဟီၣ်ခိၣ်အံၤန့ၣ်တက့ၢ်. စံၣ်ညီၣ်အဝဲသ့ၣ်လၢတၢ်နးတၢ်ဖှီၣ်တဖၣ် လၢနပာ်ဖှိၣ်တ့ၢ်လၢအဂီၢ်, ဒီးမ်ကလၢဝဲလၢ အဖိတဖၣ်အဂီၢ် ဒီးအိၣ်လီၤတဲာ်ဒံးတနီၤလၢ အဖိတဖၣ်အဖိအဂီၢ်န့ၣ်တက့ၢ်.

စံးထီၣ်ပတြၢၤ 52:7

“ကွၢ်, ပှၤတဂၤလၢအတပာ်ဘၣ်ကစၢ်ယွၤလၢ အတၢ်အိၣ်တဒၢအလီၢ်, မ့မ့ၢ်သန့ၤအသးလၢအတၢ်ထူးတၢ်တီၤ လၢအအါဒီး ဃုထံၣ်န့ၢ်အတၢ်အိၣ်တဒၢအလီၢ်လၢ လၢအတၢ်ဟးဂီၤအပူၤန့ၣ်တက့ၢ်.”

စံးထီၣ်ပတြၢၤ 62:10

သန့ၤသုသးလၢတၢ်မၤအၢတၢ်တဂ့ၤ. မုၢ်လၢ်ဒိးန့ၢ်တၢ်တမံၤမံၤလၢတၢ်မၤန့ၢ်ဆူၣ်ပှၤဂၤ အတၢ်န့ၣ်တဂ့ၤ. သုတၢ်စုလီၢ်ခီၣ်ခိၣ်န့ၣ်မ့ၢ်အါထီၣ်ဒၣ်လဲာ် ပာ်သုသးလၢအီၤန့ၣ်တဂ့ၤ.

တၢ်ကတိၤဒိ. 11:28

ပှၤတဖၣ်လၢအသန့ၤအသးလၢတၢ်ထူးတၢ်တီၤန့ၣ်ကလီၤဃံၤဝဲဒ်သ့ၣ်လၣ် လီၤဆှု လၢတၢ်ကိၢ်ထီၣ်သီအကတီၢ်အသိးန့ၣ်လီၤ. မ့မ့ၢ်ပှၤအတီအလိၤန့ၣ်ကဘီၣ်ထီၣ်ညီထီၣ်ဝဲဒ်သ့ၣ်လၣ်တဖၣ်ဒိးစၢ် ထီၣ်ဖဲတၢ်စူၤလီၤသီအကတီၢ်အသိးန့ၣ်လီၤ.

တၢ်ကတိၤဒိ. 18:11

ပှၤအထူးအတီၤတဖၣ်တခီန့ၣ်ဆိကမိၣ်ဝဲလၢအတၢ်ထူးတၢ်တီၤဒီဒၣ် အဝဲသ့ၣ်ဒ်ဝ့ၢ်တဖျၢၣ်လၢအအိၣ်ဒီးအခိၣ်ဒူတဖၣ်လၢအထီဒီးအိၣ် ဝးတရံးအီၤအသိးန့ၣ်လီၤ.

တၢ်ကတိၤဒိ. 23:5

နကျိၣ်ဧိၤစ့ဧိၤကလီၤမၢ်ကွံာ်လၢတဖျးမဲာ်အတီၢ်ပူၤ, ဒီးကမၤအသးဒ်အဒံးတဖၣ်အိၣ်ထီၣ်ဝဲဒီးယူၤထီၣ်ကွံာ်ဝဲဒ်လံာ် ကြီကြာ်တဘ့ၣ်အသိးန့ၣ်လီၤ.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်ဃဘးကူာ် 2:9

ပှၤလၢအမၤထူးထီၣ်တီၤထီၣ်အဟံၣ်ဖိဃီဖိ, ဒီးကျဲးစၢးမၤပူၤ ဖျဲးအဟံၣ်ဒၣ်ဝဲလၢတၢ်မၤအၢမၤသီဒီးတၢ်လီၤပျံၤလီၤ ဖုးခီဖျိတၢ်ဂုာ်ဆူၣ်ပျီဆူၣ်န့ၣ်, ကဘၣ်တၢ်စံၣ်ညီၣ်ဃါမနၤလီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်မးသဲ 19:25

တုၤအပျဲၢ်အဘီၣ်တဖၣ်နၢ်ဟူတၢ်ကတိၤအံၤဒီး, ကမၢကမၣ်ဝဲဒိၣ်ဒိၣ်ကလဲာ်, ဒီးသံကွၢ်တၢ်ဒီးစံးဝဲ, “မ့မ့ၢ်ဒ်န့ၣ်ဒီးမ့ၢ်မတၤဒိးန့ၢ်ဘၣ်တၢ်အုၣ်က့ၤခီၣ်က့ၤ ကသ့တဂၤလဲၣ်.”

လံာ်မၢ်ကူး 1:27

ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်မၢ်ကူး 10:23

ယ့ၣ်ၡူးကွၢ်တရံးတၢ်ဆူအပျဲၢ်အဘီၣ်တဖၣ်အအိၣ်ဒီးစံးဘၣ် အဝဲသ့ၣ်, “ပှၤလၢအအိၣ်ဒီးတၢ်စုလီၢ်ခီၣ်ခိၣ်အါအါဂီၢ်ဂီၢ်တဖၣ် ကလဲၤနုာ်ဆူကစၢ်ယွၤအဘီအမုၢ်အပူၤန့ၣ်, မ့ၢ်တၢ်ကီဒိၣ်မးလဲၣ်.”

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

လံာ်ယိၤဟၣ် 13:33

ယဖိယလံၤသ့ၣ်ဧၢ, ယတအိၣ်ဒီးသုယံာ်ယံာ်လၢၤဘၣ်. သုကဃုယၤဘၣ်ဆၣ်ဒီးဒ်ယစံးဘၣ်တ့ၢ်ပှၤယူဒၤဖိအခိၣ် အနၢ်တဖၣ်အသိးန့ၣ်, ယစံးဘၣ်တဲဘၣ်သုခဲကနံၣ်အံၤ, ‘တၢ်လီၢ်လၢယလဲၤန့ၣ်သုလဲၤတသ့ဘၣ်.’

လံာ်ယိၤဟၣ် 21:5

အန့ၣ်ဒီး, ယ့ၣ်ၡူးသံကွၢ်အဝဲသ့ၣ်, “ဖိသ့ၣ်လံၤသ့ၣ်ဧၢ, မ့ၢ်သုမၤအီၣ်ညၣ်တန့ၢ်ဘၣ်ဧါ.” အဝဲသ့ၣ်စံးဆၢအီၤ, “တန့ၢ်နီတဘ့ၣ်ဘၣ်.”

လံာ်ယိၤဟၣ် 6:60

အပျဲၢ်အဘီၣ်အါဂၤနၢ်ဟူတၢ်အံၤဒီးစံးဝဲ, “တၢ်သိၣ်လိသီလိအံၤတလၢကွံာ်အခၢးလီၤ. မ့ၢ်မတၤတူၢ်လိာ်အီၤကသ့တဂၤလဲၣ်.”

ကလၤတံ 4:19

ယဖိဆံးသးဘိသ့ၣ်ဧၢ, ဒ်မိၢ်တဂၤလၢအဆံးစၢ်ထီၣ်အဖိအသိး န့ၣ်, ယတူၢ်ဘၣ်တၢ်ဆါတမံၤဃီလၢသုဂီၢ်တုၤခရံာ်အက့ၢ်အဂီၤ ကဲထီၣ်လိၣ်ထီၣ်လၢသုပူၤန့ၣ်လီၤ.

၁ တံၤမသ့း 6:17

မၤလိာ်ပှၤအထူးအတီၤတဖၣ်လၢဟီၣ်ခိၣ်ချၢအံၤလၢအသုတပာ် ကဖၢလၢအသးတဂ့ၤ. မ့မ့ၢ်ကပာ်အတၢ်မုၢ်လၢ်, တမ့ၢ်လၢတၢ်ထူးတၢ်တီၤလၢအတဂၢၢ်တကျၢၤတဖၣ်အပူၤ ဘၣ်. မ့မ့ၢ်, ကမ့ၢ်ဒၣ်ဝဲလၢကစၢ်ယွၤလၢအဟ့ၣ်ပှၤတၢ်ခဲလၢာ် ထူးထူးတီၤတီၤလၢပတၢ်မုာ်လၤသးခုအဂီၢ်, တဂၤအပူၤန့ၣ် တက့ၢ်.

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.

၁ ယိၤဟၣ် 4:4

ဘၣ်ဆၣ်ဒီး, ယဖိယလံၤသ့ၣ်ဧၢ, သုဘၣ်ဃးဒီးကစၢ်ယွၤ ဒီးမၤနၢၤမၤဃၣ်တ့ၢ်လံဝံအဘျၣ်တဖၣ်, မ့ၢ်လၢယွၤအသးလၢအအိၣ်လၢသုပူၤအံၤအစိကမီၤဒိၣ် န့ၢ်ဒံးသးလၢအအိၣ်လၢပှၤလၢအဘၣ်ဃးဒီးဟီၣ်ခိၣ် တဖၣ်အပူၤအဃိန့ၣ်လီၤ.

၁ ယိၤဟၣ် 5:21

ယဖိယလံၤသ့ၣ်ဧၢ, ပလီၢ်သုသးလၢကစၢ်ယွၤအတမ့ၢ်တတီတဖၣ်န့ၣ်တက့ၢ်.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.