လံာ်မၢ်ကူး 10:21 - Sgaw Karen Common Bible

²¹ ယ့ၣ်ၡူးကွၢ်အီၤပှဲၤဒီးတၢ်အဲၣ်တၢ်ကွံဒီးစံးဘၣ်အီၤ, “တၢ်လၢနမၤတလၢတပှဲၤဒံးဘၣ်န့ၣ်အိၣ်တမံၤလီၤ. လဲၤဒီးဆါကွံာ်ကယဲၢ်တၢ်လၢအအိၣ်ဒီးနၤန့ၣ် ဒီးကျိၣ်စ့လၢနန့ၢ်ဘၣ်န့ၣ် ဟ့ၣ်နီၤလီၤပှၤဖှီၣ်ဖိယာ်ဖိတ ဖၣ်, ဒီးနကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်မၢ်ကူး 10:21 Iomraidhean Croise

လံာ်တၢ်ကဲထီၣ်အခီၣ်ထံး 34:19

ဒီးစီၤၡက့ၣ်တသုးဆၢသုးကတီၢ်လၢကမၤတၢ်ဒ်အဘၣ်တၢ်ဟ့ၣ်ကူၣ်အီၤ ဘၣ်လီၤ. အဂ့ၢ်ဒ်အံၤ, အဝဲအဲၣ်လိာ်အသးဒီးစီၤယၤကိာ်အဖိမုၣ်န့ၣ်လီၤ. အဝဲဒၣ်န့ၣ်မ့ၢ်ပှၤအကါဒိၣ်ကတၢၢ်တဂၤလၢအဟံၣ်ဒူၣ်ဃီထၢအပူၤ န့ၣ်လီၤ.

တၢ်ကတိၤဒိ. 23:23

တၢ်မ့ၢ်တၢ်တီ, တၢ်ကူၣ်သ့, တၢ်မၤလိမၤဒိး, တၢ်သ့ၣ်ညါတၢ်ဂ့ၤ, တၢ်သ့ၣ်တဖၣ်အံၤကၢကီၣ်ဝဲလၢတၢ်ကဟ့ၣ် အပှ့ၤလၢတၢ်မၤန့ၢ်အီၤအဂီၢ်လီၤ. ဘၣ်ဆၣ်လုၢ်ဒိၣ်ပှ့ၤဒိၣ်ကဲၣ်ဆိးလၢနကဆါကွံာ်အီၤန့ၣ်လီၤ.

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်မၢ်ကူး 10:22

တုၤမ့ၢ်ယ့ၣ်ၡူးစံးတၢ်န့ၣ်ဝံၤဒီး, ပှၤတဂၤန့ၣ်အမဲာ်လီၤ သပှၢ်ဝဲဒၣ်, ဒီးဟးထီၣ်ကွံာ်ဝဲပှဲၤဒီးတၢ်သူၣ်အုးသးအုးမ့ၢ်လၢ အတၢ်စုလီၢ်ခီၣ်ခိၣ်အိၣ်အါမးအဃိလီၤ.

လံာ်မၢ်ကူး 8:34

ဝံၤဒီးယ့ၣ်ၡူးကိးဃီၤပှၤဂီၢ်မုၢ်ဃုာ်ဒီးအပျဲၢ်အဘီၣ်တဖၣ် ဆူအအိၣ်ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအသးအိၣ်ကဲထီၣ်ယပျဲၢ်ယဘီၣ်န့ၣ်, ကဘၣ်ညိကွံာ်အသးဒၣ်ဝဲ, ဟံးထီၣ်ဒီးယိးထီၣ်အထူၣ်စုညါ, ဒီးပိာ်ထီၣ်ယခံန့ၣ်လီၤ.

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

လံာ်လူၤကၣ် 12:33

ဆါကွံာ်သုတၢ်ဖိတၢ်လံၤတဖၣ်ဒီးဟ့ၣ်မၤဘူၣ်ပှၤဖှီၣ်ဖိယာ်ဖိတက့ၢ်. မၤန့ၢ်လၢသုဂီၢ်, စ့အထၢၣ်လၢအယာ်ကွံာ်တသ့ဘၣ်တဖၣ်, ဒီးပာ်ဖှိၣ်သုတၢ်ထူးတၢ်တီၤလၢမူခိၣ်, ဖဲအဝဲသ့ၣ်တစှၤလီၤနီတဘျီဘၣ်အလီၢ်န့ၣ်တက့ၢ်. အဂ့ၢ်မ့ၢ်လၢတၢ်ဘျၣ်ဟုၣ်အီၤတန့ၢ်ဒီးတၢ်ဖိဃၢ်မၤဟးဂီၤအီၤ တသ့ဘၣ်အဃိန့ၣ်လီၤ.

လံာ်လူၤကၣ် 16:9

ဒီးယ့ၣ်ၡူးကတိၤတၢ်ဒီးစံးဝဲ, “ဒီးလၢတၢ်န့ၣ်အဃိယစံးဘၣ်တဲဘၣ်သု, ဒ်သိးသုကမၤန့ၢ်တံၤသကိးအဂီၢ်, သူဟီၣ်ခိၣ်အတၢ်ထူးတၢ်တီၤ, ဒီးတုၤအလၢာ်ကွံာ်ဒီး သုကဘၣ်တၢ်တူၢ်လိာ်ခီၣ်ဆၢသုလၢဟံၣ်အထူအယိာ်န့ၣ်တက့ၢ်.

လံာ်လူၤကၣ် 18:22

ဖဲယ့ၣ်ၡူးနၢ်ဟူတၢ်ကတိၤအဝဲအံၤန့ၣ်, အဝဲဒၣ်စံးဘၣ်အီၤ, “တၢ်လၢအလိၣ်ဒီးနၤအိၣ်ဒံးဝဲတမံၤလီၤ. ဆါကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်နီၤလီၤပှၤဖှီၣ်ဖိယာ်ဖိတက့ၢ်. ဒီးနကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤအလီၢ်ခံ, ဟဲဒီးကဲထီၣ်ယပျဲၢ်ယဘီၣ်တက့ၢ်.”

လံာ်လူၤကၣ် 19:41

အဝဲဒၣ်ဟဲဘူးထီၣ်ဒီးဝ့ၢ်ယရူၤၡလ့ၣ်, ဒီးဖဲအထံၣ်ဘၣ်ဝ့ၢ်န့ၣ်, ဟီၣ်ဝဲလၢအဃိဒီး

လံာ်လူၤကၣ် 9:23

ဒီးအဝဲဒၣ်စံးဘၣ်ပှၤကိးဂၤဒဲး, “ပှၤမ့ၢ်သးအိၣ်ပိာ်ယခံတဂၤဂၤန့ၣ်, အဝဲဒၣ်ကဘၣ်ညိကွံာ်အသး, ဟံးထီၣ်အထူၣ်စုညါကိးနံၤဒဲးဒီးကဲထီၣ်ယပျဲၢ်ယဘီၣ်လီၤ.

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 16:33

ယစံးဘၣ်တ့ၢ်သုတၢ်အံၤဒ်သိးသုကအိၣ်ဒီးတၢ်ဃူတၢ်ဖိးလၢ ယပူၤအဂီၢ်လီၤ. ဟီၣ်ခိၣ်ကမၤနးမၤဖှီၣ်သုလီၤ. ဘၣ်ဆၣ်ဒီး, ပာ်သုသးဒူဒူတက့ၢ်. ယမၤနၢၤလံဟီၣ်ခိၣ်လံ.

မၤတၢ် 2:45

အဝဲသ့ၣ်ဆါလီၤကွံာ်အတၢ်စုလီၢ်ခီၣ်ခိၣ်ဒီးအတၢ်ဖိတၢ်လံၤတဖၣ်, ဒီးဟ့ၣ်နီၤလီၤဝဲစ့ဒ်တဂၤဒီးတဂၤလိၣ်ဘၣ်ဝဲအသိးန့ၣ်လီၤ.

၂ ကရံၣ်သူး 12:15

တၢ်လၢအအိၣ်ဒီးယၤခဲလၢာ်, ဒီးယနီၢ်ကစၢ်ဒၣ်ယဲစ့ၢ်ကီးန့ၣ်ယကသးခုသူအီၤဒ်သိး အကကဲတၢ်မၤစၢၤလၢသုဂီၢ်လီၤ. ယအဲၣ်သုဒိၣ်မးအဃိ ဒီး, မ့ၢ်သုကအဲၣ်ယၤစှၤန့ၢ်တၢ်န့ၣ်ဧါ.

၂ တံၤမသ့း 3:12

ပှၤကိးဂၤဒဲးလၢအသးအိၣ်အိၣ်မူတၢ်အဲၣ်ထူအဲၣ်ယွၤ အတၢ်အိၣ်မူလၢယ့ၣ်ၡူးခရံာ်အပူၤန့ၣ်, ကဘၣ်တၢ်မၤအၢမၤနးအီၤလီၤ.

ဧ့ၤဘြံၤ 10:34

အဂ့ၢ်ဒ်အံၤ, သုသးအိၣ်သးကညီၤဘၣ်ပှၤလၢအလီၤဘၣ်လၢ ဃိာ်ပူၤတဖၣ်ဒီးဖဲတၢ်လၢအအိၣ်ဒီးသုတဖၣ်ဘၣ်တၢ်ဟံးန့ၢ် ကွံာ်အီၤလၢသုအိၣ်န့ၣ်, သုတူၢ်အီၤလၢတၢ်သးမုာ်သးခုအပူၤမ့ၢ်လၢသုသ့ၣ်ညါ လၢတၢ်လၢအဂ့ၤဒီးဂၢၢ်ကျၢၤဒိၣ်န့ၢ်အန့ၣ်တက့ၢ်အိၣ်ဒံး ဒီးသုအဃိန့ၣ်လီၤ.

ယၤကိာ် 2:10

ပှၤတဂၤဂ့ၤတဂၤဂ့ၤလၢအလုၣ်သ့ၣ်ခါပတာ်တၢ်မၤလိာ်တဘီ န့ၣ်, အတၢ်ကမၣ်အိၣ်ဝဲလၢအလုၣ်သ့ၣ်ခါပတာ်တၢ်မၤလိာ် ခဲလၢာ်န့ၣ်လီၤ.

လံာ်လီၣ်ဖျါ 2:14

ဘၣ်ဆၣ်ဒီးတၢ်ဂ့ၢ်အိၣ်ဝဲစှၤမံၤလၢယကပာ်တၢ်ကမၣ်လၢ နလိၤအဂီၢ်လီၤ. ပှၤအိၣ်ဝဲလၢသုသိးသုကျါတနီၤ, လၢအပိာ်ထွဲစီၤဘံးလၣ်အတၢ်သိၣ်လိ, စီၤဘံးလၣ်လၢအသိၣ်လိစီၤဘၤလးဒ်သိးအကဆှၢ အံၣ်စရ့လးအပှၤဂီၢ်မုၢ်တဖၣ်ဆူတၢ်ဒဲးဘး, ခီဖျိအသဆၣ်ထီၣ်အဝဲသ့ၣ်အခံဒ်သိးအကအီၣ် တၢ်အီၣ်လၢအဘၣ်တၢ်လုၢ်ထီၣ်အီၤဆူတၢ်ဂီၤတၢ်ဖီၣ်, ဒီးအကမၤကမၣ်မုၣ်ကမၣ်ခွါအဂီၢ်န့ၣ်လီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.

လံာ်လီၣ်ဖျါ 2:4

ဘၣ်ဆၣ်ဒီး, ယပာ်တၢ်ကမၣ်လၢနလိၤတမံၤဒ်အံၤလီၤ. ခဲကနံၣ်အံၤနတအဲၣ်ယၤထဲသိးနအဲၣ်ယၤလၢညါန့ၣ်ဘၣ်.