လံာ်မၢ်ကူး 1:44 - Sgaw Karen Common Bible

⁴⁴ “မ်နသုတစံးဘၣ်တဲဘၣ်တၢ်ဂ့ၢ်အံၤလၢပှၤနီတဂၤတဂ့ၤ. မ့မ့ၢ်လဲၤနဲတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤတက့ၢ်. အန့ၣ်ဝံၤ, ဒ်သိးကကဲဒၣ်ဝဲတၢ်အုၣ်အသးလၢပှၤကိးဂၤဒဲးအမဲာ်ညါ လၢနဘျါက့ၤလံဒီး, လုၢ်ထီၣ်တၢ်လုၢ်ဒ်စီၤမိၤၡ့မၤလိာ် အသိးန့ၣ်တက့ၢ်.”

လံာ်မၢ်ကူး 1:44 Iomraidhean Croise

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မၢ်ကူး 1:43

အန့ၣ်တစုယ့ၣ်ၡူးမၢအဟးထီၣ်ဒီးမၤလိာ်အီၤဆူၣ်ဆူၣ် ကလဲာ်ဒီးစံးဝဲ,

လံာ်လူၤကၣ် 17:14

ယ့ၣ်ၡူးထံၣ်အဝဲသ့ၣ်ဒီးစံးဘၣ်အီၤ, “လဲၤဒီးဒုးနဲၣ်သုသးလၢပှၤလုၢ်တၢ်အခိၣ်တဖၣ်တက့ၢ်.” ဖဲအဝဲသ့ၣ်လဲၤလၢကျဲန့ၣ်, ကဆှီထီၣ်က့ၤဝဲလီၤ.

လံာ်လူၤကၣ် 5:14

ယ့ၣ်ၡူးခါလီၤအကလုၢ်ဒီးစံးဝဲ, “တဘၣ်စံးဘၣ်တဲဘၣ်ပှၤနီတဂၤတဂ့ၤ. မ့မ့ၢ်လဲၤတဘျီဃီဆူပှၤလုၢ်တၢ်အခိၣ်အအိၣ်ဒီးဒုးနဲၣ်နသးလၢအီၤတက့ၢ်. အန့ၣ်ဝံၤအလီၢ်ခံ, ဒ်သိးတၢ်အုၣ်အသးကအိၣ်လၢပှၤကိးဂၤဒဲးအမဲာ်ညါ လၢနဘၣ်တၢ်မၤဘျါနၤလံအဂီၢ်န့ၣ်, လုၢ်ထီၣ်ပာ်ထီၣ်တၢ်ဒ်စီၤမိၤၡ့မၤလိာ်တ့ၢ်ဝဲအသိးန့ၣ်တက့ၢ်.”

မၤတၢ် 23:22

တုၤနုၤတစုပှၤသုးဖိတကထိအခိၣ်စံးဘၣ်အီၤ, “တဘၣ်တဲပှၤနီတဂၤလၢနဒုးသ့ၣ်ညါယၤလၢတၢ်ဂ့ၢ်တမံၤအံၤ န့ၣ်တဂ့ၤ.” ဝံၤဒီးအဝဲဒၣ်ပျဲက့ၤပိာ်ခွါသးစၢ်တဂၤအံၤန့ၣ်လီၤ.

ရိမ့ၤ 15:4

တၢ်ကိးမံၤဒဲးလၢတၢ်ကွဲးအသးစီဆှံအပူၤန့ၣ်ဘၣ်တၢ် ကွဲးအီၤလၢတၢ်ကသိၣ်လိပှၤအဂီၢ်, ဒ်သိးပကအိၣ်ဒီးတၢ်မုၢ်လၢ်ခီဖျိတၢ်ကွဲးအသးစီဆှံ အတၢ်ဟ့ၣ်ပှၤတၢ်သူၣ်စူၤသးစူၤဒီးတၢ်ဟ့ၣ်ဂံၢ်ဟ့ၣ်ဘါအဃိ န့ၣ်လီၤ.

1 ကရံၣ်သူး 10:11

တၢ်သ့ၣ်တဖၣ်အံၤခဲလၢာ်မၤအသးဒီးအဝဲသ့ၣ်ဒ်သိးအကကဲ ထီၣ်တၢ်အဒိအတဲာ်လၢပှၤဂၤတဖၣ်အဂီၢ်ဒီးဘၣ်တၢ်ကွဲးနီၣ် ကွဲးဃါအီၤဒ်သိးအကကဲထီၣ်တၢ်ဟ့ၣ်ပလီၢ်လၢပဂီၢ်လီၤ. အဂ့ၢ်ဒ်အံၤ, ပအိၣ်မူပဝဲဖဲဆၢကတီၢ်လၢတၢ်အကတၢၢ်ဘူး ကတုၤအိၣ်ပှၤလံန့ၣ်လီၤ.