လံာ်မၢ်ကူး 1:39 - Sgaw Karen Common Bible

³⁹ ဒီးလဲၤဝဲသကုၤကီၢ်ကၤလံၤလါ, စံၣ်တဲၤတဲလီၤတၢ်လၢဘူၣ်ဘျီၣ်လၢ အမ့ၢ်တၢ်ဘါလီၢ်တဖၣ်အပူၤဒီးဟီထီၣ်ကွံာ်တၢ်နါတဖၣ်လီၤ.

လံာ်မၢ်ကူး 1:39 Iomraidhean Croise

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 9:35

ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မၢ်ကူး 1:21

ယ့ၣ်ၡူးဒီးအပျဲၢ်အဘီၣ်တဖၣ်လဲၤဝဲဆူဝ့ၢ်ကပ့းရနီၣ်, ဒီးပှၤယူဒၤဖိအမုၢ်အိၣ်ဘှံးနံၤတုၤဃီၤဝဲတဘျီဃီ, အဝဲဒၣ်လဲၤနုာ်ဆူဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီး သိၣ်လီၤသီလီၤတၢ်လီၤ.

လံာ်မၢ်ကူး 1:23

အကတီၢ်ဖဲန့ၣ်, ပှၤလၢတၢ်နါဒိးအီၤတဂၤဟဲနုာ်ဆူဘူၣ်ဘျီၣ်လၢ အမ့ၢ်တၢ်ဘါလီၢ်အပူၤန့ၣ်လီၤ.

လံာ်မၢ်ကူး 1:38

အဝဲစံးဆၢတၢ်ဒီးစံး, “မ်ပလဲၤသကိးဆူဝ့ၢ်ဖိဝ့ၢ်ဆၣ်အဂုၤ အဂၤတက့ၢ်. ယကဘၣ်စံၣ်တဲၤတဲလီၤတၢ်လၢတၢ်လီၢ်တဖၣ်န့ၣ် အပူၤဒံး, အဂ့ၢ်ဒ်အံၤယဟဲလၢတၢ်န့ၣ်အဂီၢ်လီၤ.”

လံာ်မၢ်ကူး 3:1

ယ့ၣ်ၡူးလဲၤနုာ်ကဒီးတဘျီဆူဘူၣ်ဘျီၣ်လၢအမ့ၢ်တၢ်ဘါလီၢ်အ ပူၤ, ဒီးဖဲန့ၣ်ပှၤစုသံတခီပၤအိၣ်ဝဲတဂၤလီၤ.

လံာ်မၢ်ကူး 6:6

ဒီးကမၢကမၣ်ဝဲဒိၣ်မးလၢပှၤသ့ၣ်တဖၣ်အတၢ်နာ်အီၤတအိၣ်ဘၣ်အဃိ လီၤ. ယ့ၣ်ၡူးဟးဝ့ၤဝီၤလၢသဝီအိၣ်ဘူးအိၣ်တံၢ်တဖၣ်အပူၤဒီးသိၣ် လီၤသီလီၤတၢ်လီၤ.

လံာ်မၢ်ကူး 7:30

အဝဲဒၣ်က့ၤက့ၤဆူအဟံၣ်ဒီးထံၣ်ဘၣ်အဖိမုၣ်အိၣ်မံလီၤလၢ အလီၢ်မံခိၣ်ဒီးတၢ်နါဟးထီၣ်ကွံာ်လၢအလိၤလံန့ၣ်လီၤ.

လံာ်လူၤကၣ် 4:41

တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.” ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.