လံာ်မၢ်ကူး 1:32 - Sgaw Karen Common Bible

³² ဒီးဟါအဝဲန့ၣ်ဖဲမုၢ်လီၤနုာ်ဝံၤအလီၢ်ခံ, ပှၤဟဲစိာ်ကယဲၢ်ပှၤဘၣ်ဆူးဘၣ်ဆါဒီးပှၤလၢတၢ်နါဒိးအီၤ တဖၣ်ဆူယ့ၣ်ၡူးအအိၣ်လီၤ.

လံာ်မၢ်ကူး 1:32 Iomraidhean Croise

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 8:16

တုၤမုၢ်ဟါလီၤဒီး, ပှၤဟဲဆှၢန့ၢ်ယ့ၣ်ၡူးလၢပှၤအါဒံအါဂၤလၢတၢ်နါဒိးအီၤ တဖၣ်လီၤ. ယ့ၣ်ၡူးဟီထီၣ်ကွံာ်သးအအၢတဖၣ်လၢအကလုၢ်တဘီ ဒီးမၤဘျါက့ၤပှၤဆူးပှၤဆါခဲလၢာ်လီၤ.

လံာ်မးသဲ 8:17

တၢ်အံၤယ့ၣ်ၡူးမၤဝဲဒ်သိးတၢ်လၢဝံယၡါယၤစံးတ့ၢ်ဝဲ, “အဝဲဟံးထီၣ်ကွံာ်ပတၢ်ဆိးက့မံနီၤတဖၣ်ဒီးစိာ်ထီၣ်ကွံာ် ပတၢ်ဆူးတၢ်ဆါတဖၣ်” ကလၢထီၣ်ပှဲၤထီၣ်ဝဲအဂီၢ်လီၤ(ၡါ. ၅၃:၄).

လံာ်မၢ်ကူး 1:21

ယ့ၣ်ၡူးဒီးအပျဲၢ်အဘီၣ်တဖၣ်လဲၤဝဲဆူဝ့ၢ်ကပ့းရနီၣ်, ဒီးပှၤယူဒၤဖိအမုၢ်အိၣ်ဘှံးနံၤတုၤဃီၤဝဲတဘျီဃီ, အဝဲဒၣ်လဲၤနုာ်ဆူဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီး သိၣ်လီၤသီလီၤတၢ်လီၤ.

လံာ်မၢ်ကူး 1:31

ယ့ၣ်ၡူးလဲၤဃီၤဆူအအိၣ်, ဟံးထီၣ်အစုဒီးဝံၢ်ထီၣ်အီၤလီၤ. အတၢ်လိၤကိၢ်လီၤက့ၤတကီၢ်ခါဒီးအဝဲဒၣ်ဒုးအီၣ်ဒုးအီ အဝဲသ့ၣ်လီၤ.

လံာ်မၢ်ကူး 3:2

ပှၤအိၣ်စ့ၢ်ကီးဖဲန့ၣ်တနီၤလၢအအဲၣ်ဒိးပာ်တၢ်ကမၣ်လၢယ့ၣ်ၡူး အလိၤသတးဒီးကွၢ်ဟုၣ်ကွၢ်စုာ်ဝဲမ့ၢ်အဝဲဒၣ်ကမၤဘျါက့ၤ ပှၤတဂၤန့ၣ်လၢပှၤယူဒၤဖိအမုၢ်အိၣ်ဘှံးနံၤဧါန့ၣ်လီၤ.

လံာ်လူၤကၣ် 4:40

ဖဲမုၢ်လီၤနုာ်ဝံၤအလီၢ်ခံန့ၣ်, ကယဲၢ်ပှၤအိၣ်ဒီးတံၤသကိးလၢအအိၣ်ဒီး တၢ်ဆူးတၢ်ဆါအကလုာ်ကလုာ်တဖၣ်ဟဲဆှၢပှၤဆါတဖၣ်န့ၣ်ဆူ ယ့ၣ်ၡူးအအိၣ်, ဒီးအဝဲဒၣ်ပာ်ထီၣ်အစုခံခီလၢ အဝဲသ့ၣ်တဂၤဘၣ်တဂၤအလိၤ, ဒီးမၤဘျါအဝဲသ့ၣ်ကိးဂၤဒဲးလီၤ.

လံာ်လူၤကၣ် 4:41

တၢ်နါဟးထီၣ်ကွံာ်စ့ၢ်ကီးလၢပှၤအါဒံအါဂၤအလိၤ, အိၣ်ဒီးတၢ်ကိးပသူထီၣ်, “နမ့ၢ်ကစၢ်ယွၤအဖိခွါလီၤ.” ယ့ၣ်ၡူးဒူတၢ်နါတဖၣ်အလိၤဒီးတပျဲအဝဲသ့ၣ်ကတိၤတၢ်ဘၣ်. အဂ့ၢ်မ့ၢ်လၢအဝဲသ့ၣ်သ့ၣ်ညါလၢအဝဲဒၣ်မ့ၢ်ခရံာ်အဃိလီၤ.