လံာ်မၢ်ကူး 1:27 - Sgaw Karen Common Bible

²⁷ ပှၤလၢအထံၣ်ဘၣ်တၢ်မၤအသးတဖၣ်အံၤကမၢကမၣ်ဝဲဒိၣ်မးတုၤဒၣ် လဲာ်သံကွၢ်လိာ်အသးဒီးစံးဝဲ, “တၢ်အံၤမ့ၢ်တၢ်ဒ်လဲၣ်. တၢ်သိၣ်လီၤသီလီၤအံၤမ့ၢ်တၢ်အသီလီၤ. ပှၤတဂၤအံၤအိၣ်ဒီးအစိကမီၤလၢကဒူတၢ်နါတဖၣ်အလိၤတုၤဒၣ် လဲာ်အဝဲသ့ၣ်ဒိကနၣ်အီၤလီၤ.”

လံာ်မၢ်ကူး 1:27 Iomraidhean Croise

လံာ်မးသဲ 15:31

တုၤပှၤဂီၢ်မုၢ်တဖၣ်ထံၣ်ဘၣ်ပှၤအုးအးကတိၤထီၣ်တၢ်, ပှၤအစုကၢ်အခီၣ်ချံးတဖၣ်ဂ့ၤထီၣ်က့ၤ, ပှၤအခီၣ်ဟးဂီၤတဖၣ်ဟးထီၣ်က့ၤ, ဒီးပှၤအမဲာ်ဘျီၣ်ထံၣ်ထီၣ်က့ၤတၢ်ဒီး, ကမၢကမၣ်ဝဲ ဒီးစံးထီၣ်ပတြၢၤအံၣ်စရ့လးအကစၢ်ယွၤလီၤ.

လံာ်မးသဲ 8:9

အဂ့ၢ်ဒ်အံၤ, ယဲယမ့ၢ်ပှၤတဂၤလၢအအိၣ်လၢပှၤအလီၢ်အလၤ ဒိၣ်န့ၢ်ယၤတဖၣ်အဖီလာ်ဒီးယအိၣ်ဒီးပှၤသုးဖိလၢယဖီလာ်တဖၣ်လီၤ. ယစံးဘၣ်အဝဲတဂၤ, ‘လဲၤတက့ၢ်’ ဒီးလဲၤဝဲလီၤ. ယစံးဘၣ်အဂၤတဂၤ, ‘ဟဲတက့ၢ်’ ဒီးဟဲဝဲလီၤ. ယစံးဘၣ်ယကုၢ်ယပှၤတဂၤ, ‘မၤတၢ်အံၤတက့ၢ်’ ဒီးမၤဝဲလီၤ.”

လံာ်မးသဲ 9:33

တုၤယ့ၣ်ၡူးဟီထီၣ်ကွံာ်တၢ်နါဝံၤတကတီၢ်ဃီဖဲန့ၣ်, ပှၤအုးအးန့ၣ်ကတိၤထီၣ်က့ၤတၢ်ဒီးပှၤကမၢကမၣ်ကိးဂၤဒဲးဒီးစံးဝဲ, “ပတထံၣ်တၢ်မၤအသးဒ်အံၤအသိးလၢကီၢ်အံၣ်စရ့လး အပူၤနီတစုနီတခီၣ်ဒံးဘၣ်.”

လံာ်မၢ်ကူး 1:26

ဒီးတၢ်နါတရုၤဆှဲးဆှု ပှၤတဂၤန့ၣ်နးနးကလဲာ်ဝံၤ, ကိးပသူထီၣ်လၢအကလုၢ်ဖးဒိၣ်ဒီးဟးထီၣ်ကွံာ်လၢအပူၤလီၤ.

လံာ်မၢ်ကူး 1:28

လၢတၢ်အံၤအဃိ, ယ့ၣ်ၡူးအကစီၣ်ဟူထီၣ်သါလီၤချ့မးသကုၤကီၢ်ကၤလံၤလါ အပူၤလီၤ.

လံာ်မၢ်ကူး 10:24

အတၢ်ကတိၤတဖၣ်အံၤဒုးကမၢကမၣ်အပျဲၢ်အဘီၣ်တဖၣ်, ဘၣ်ဆၣ်ယ့ၣ်ၡူးစံးကဒီးဝဲ, “ယဖိယလံၤသ့ၣ်ဧၢ, ပှၤကလဲၤနုာ်လီၤဆူကစၢ်ယွၤအဘီအမုၢ်အပူၤန့ၣ်, မ့ၢ်တၢ်ကီဒိၣ်မးလဲၣ်.

လံာ်မၢ်ကူး 10:32

ယ့ၣ်ၡူးဒီးပှၤလၢအလဲၤသကိးဒီးအီၤတဖၣ်လဲၤဝဲလၢကျဲလၢ အလဲၤထီၣ်ဆူဝ့ၢ်ယရူၤၡလ့ၣ်န့ၣ်လီၤ. ယ့ၣ်ၡူးဟးဝဲဒၣ်လၢ အဝဲသ့ၣ်အမဲာ်ညါ, ဒီးအပျဲၢ်အဘီၣ်တဖၣ်အသးလီၤကတုၤဝဲဒၣ်လီၤ. မ့မ့ၢ်ပှၤလၢအပိာ်ထီၣ်အဝဲသ့ၣ်အခံတဖၣ် အသးပှဲၤဝဲ ဒီးတၢ်ပျံၤတၢ်ဖုးလီၤ. ယ့ၣ်ၡူးကိးဃီၤကဒီးထဲအပျဲၢ်အဘီၣ်တဆံခံဂၤဆူအအိၣ်ဒီးစံးဘၣ် အဝဲသ့ၣ်လၢတၢ်ကဘၣ်မၤအသးဒီးအီၤအဂ့ၢ်န့ၣ်လီၤ.

လံာ်မၢ်ကူး 16:5

တုၤအဝဲသ့ၣ်လဲၤနုာ်ဝဲဆူတၢ်သွၣ်ခိၣ်အပူၤန့ၣ်ဒီး, ထံၣ်ဝဲပိာ်ခွါသးစၢ်တဂၤဆ့ၣ်နီၤလၢအဝဲသ့ၣ်အစုထွဲတကပၤ, သိးဒီးဆ့ကၤဝါဖးထီတဘ့ၣ်, ဒီးအဝဲသ့ၣ်ဖုးဘၣ်အသးဒီးအသးလီၤကတုၤဝဲဒၣ်လီၤ.

လံာ်မၢ်ကူး 16:6

ဒီးအဝဲဒၣ်စံးဘၣ်အဝဲသ့ၣ်, “ပျံၤတၢ်တဂ့ၤ. သုဃုထံၣ်ပှၤနစၤရ့းဖိယ့ၣ်ၡူး, ပှၤလၢအဘၣ်တၢ်ပျၤထီအီၤလၢထူၣ်စုညါအလိၤတဂၤန့ၣ်လီၤ. အဝဲဒၣ်ဂဲၤဆၢထၢၣ်က့ၤလံ. တအိၣ်ဖဲအံၤလၢၤဘၣ်. ကွၢ်တက့ၢ်. အအံၤမ့ၢ်တၢ်လီၢ်လၢတၢ်ပာ်လီၤအီၤန့ၣ်လီၤ.

လံာ်မၢ်ကူး 7:37

အဝဲသ့ၣ်တဖၣ်န့ၣ်တၢ်လီၤကမၢကမၣ်ဘၣ်အီၤဒိၣ်မးဒီးစံးဝဲ, “အဝဲဒၣ်တဂၤအံၤ, မၤတၢ်ကိးမံၤဒဲးသ့ဝဲဂ့ၤဂ့ၤဘၣ်ဘၣ်လီၤ. ပှၤလၢအနၢ်တအၢဒၣ်လဲာ်န့ၣ်ဒုးနၢ်ဟူထီၣ်က့ၤဝဲတၢ်, ဒီးပှၤလၢအအုးအးန့ၣ်ဒုးကတိၤထီၣ်က့ၤဝဲတၢ်လီၤ.”

လံာ်လူၤကၣ် 4:36

ပှၤဂီၢ်မုၢ်တဖၣ်ကမၢကမၣ်ဝဲကိးဒံကိးဂၤဒဲးဒီးစံးလိာ်အသးတဂၤဒီးတဂၤ, “တၢ်စံးတၢ်ကတိၤတဖၣ်အံၤမ့ၢ်တၢ်ကတိၤဒ်လဲၣ်တကလုာ်လဲၣ်. ပှၤတဂၤအံၤခါလီၤအကလုၢ်အိၣ်ဒီးအသူးအသ့ၣ်ဒီးအစိအကမီၤလၢ တၢ်နါအအၢအသီတဖၣ်အဖီခိၣ်, ဒီးအဝဲသ့ၣ်ဟးထီၣ်ကွံာ်ဝဲလီၤမးလဲၣ်.”

လံာ်လူၤကၣ် 9:1

ယ့ၣ်ၡူးကိးဖှိၣ်အပျဲၢ်အဘီၣ်တဆံခံဂၤ, ဒီးဟ့ၣ်အဝဲသ့ၣ်လၢတၢ်စိတၢ်ကမီၤဒီး ဟ့ၣ်စိဟ့ၣ်ကမီၤအဝဲသ့ၣ်လၢအကဟီထီၣ်ကွံာ်တၢ်ဝံတၢ်နါ, ဒီးကမၤဘျါက့ၤတၢ်ဆူးတၢ်ဆါတဖၣ်အဂီၢ်လီၤ.

မၤတၢ် 17:19

လၢတၢ်န့ၣ်အဃိအဝဲသ့ၣ်လဲၤကိးစီၤပီလူးဆူဝ့ၢ်အကီၣ်ကး အမဲာ်ညါဖဲတၢ်လူၢ်အၤရံဒီးစံးဘၣ်အီၤ, “ပသးအိၣ်သ့ၣ်ညါဘၣ်ဃးတၢ်သိၣ်လိအသီတမံၤလၢနစံး ကတိၤလၢအဂ့ၢ်လီၤ.