လံာ်မၢ်ကူး 1:24 - Sgaw Karen Common Bible

²⁴ အဝဲဒၣ်ကိးပသူထီၣ်ဒီးစံး, “ပှၤနစၤရ့းဖိယ့ၣ်ၡူးဧၢ, နတၢ်ဘၣ်ဃးဒီးပှၤအိၣ်မနုၤလဲၣ်. နဟဲလၢနကမၤဟးဂီၤကွံာ် ပှၤအဂီၢ်ဧါ. နမ့ၢ်မတၤတဂၤလဲၣ်န့ၣ်ယသ့ၣ်ညါနမ့ၢ်ပှၤစီဆှံ လၢကစၢ်ယွၤမၢလီၤအီၤတဂၤန့ၣ်လီၤ.”

လံာ်မၢ်ကူး 1:24 Iomraidhean Croise

စံးထီၣ်ပတြၢၤ 16:10

အဂ့ၢ်ဒ်အံၤ, နကဟုကယာ်ယၤလၢ တၢ်သံအစိကမီၤလံန့ၣ်လီၤ. ယမၤနတၢ်လၢ တၢ်ကလုာ်တီ, ဒီးနတစူးကွံာ်ညိကွံာ်ပှၤလၢအအဲၣ်နၤ, ဆူတၢ်သံအကီၢ်ပူၤန့ၣ်ဘၣ်.

လံာ်တၢ်ဟးထီၣ်ကွံာ် 14:12

မ့ၢ်ပတတဲဘၣ်နၤတချုးပဟးထီၣ်ဒံးဘၣ်န့ၣ်လၢတၢ်ကမၤအသးဒ်သိး အံၤဘၣ်ဧါ. ပတဲတ့ၢ်နၤလၢနကပျဲပအိၣ်ဒၣ်ဒ်န့ၣ်ဒီးကဲဒၣ်ပှၤအဲၤကူပတူးဖိ တဖၣ်အကုၢ်န့ၣ်လီၤ. တၢ်ကဲကုၢ်ဖဲန့ၣ်, ဂ့ၤဒိၣ်န့ၢ်ဒံးတၢ်သံဖဲအံၤလၢပှၢ်မုၢ်ကနၢ အပူၤတက့ၢ်န့ၣ်လီၤ.”

လံာ်ဒၤနံးယ့လး 9:24

တၢ်အနံၣ်နွံဆံအဘျီနွံဝီအံၤမ့ၢ်တၢ်ဆၢကတီၢ်လၢကစၢ်ယွၤ ပာ်လီၤအီၤလၢတၢ်မၤထူၣ်ဖျဲးနပှၤဂီၢ်မုၢ်, ဒီးနဝ့ၢ်စီဆှံလၢတၢ် ဒဲးဘးဒီးတၢ်အၢတၢ်သီအပူၤလီၤ. တၢ်ဒဲးဘးကဘၣ်တၢ်ပျၢ်အီၤဒီး တၢ်စံၣ်ညီၣ်တီအထူအယိာ်ကဘၣ်တၢ်ဒုးအိၣ်ဂၢၢ်ကျၢၤအီၤ, ဒ်သိးတၢ်ထံၣ်လၢညါခီဒီးဝံအတၢ်စံးပာ်ကလၢထီၣ်ပှဲၤထီၣ်ဝဲ, ဒီးတၢ်လုၢ်ဟံၣ်စီဆှံကဘၣ်တၢ်ပာ်စီဆှံထီၣ်ကဒါက့ၤအီၤအဂီၢ်လီၤ.

လံာ်မးသဲ 2:23

ဒီးအိၣ်ဆိးဝဲလၢဝ့ၢ်နစၤရ့းလီၤ. လၢကျဲဒ်အံၤ ဝံတဖၣ်အတၢ်ကတိၤလၢ အစံး, “ခရံာ်ကဘၣ်တၢ်ကိးအီၤလၢပှၤနစၤရ့းဖိ” န့ၣ်လၢထီၣ်ပှဲၤထီၣ်ဝဲလီၤ.

လံာ်မးသဲ 8:29

တုၤအထံၣ်ယ့ၣ်ၡူးတဘျီဃီ အဝဲသ့ၣ်ကိးပသူထီၣ်ဒီးစံး, “ကစၢ်ယွၤအဖိခွါနၤဧၢ, နဘၣ်ဃးဒီးပှၤဒ်လဲၣ်. မ့ၢ်နဟဲလၢနကစံၣ်ညီၣ်မၤနးမၤဖှီၣ်ပှၤ တချုးလၢတၢ်အဆၢကတီၢ်ဘၣ်ဝဲန့ၣ်ဧါ.”

လံာ်မၢ်ကူး 1:23

အကတီၢ်ဖဲန့ၣ်, ပှၤလၢတၢ်နါဒိးအီၤတဂၤဟဲနုာ်ဆူဘူၣ်ဘျီၣ်လၢ အမ့ၢ်တၢ်ဘါလီၢ်အပူၤန့ၣ်လီၤ.

လံာ်မၢ်ကူး 1:25

ဘၣ်ဆၣ်ယ့ၣ်ၡူးဒူအလိၤဒီးစံး, “အိၣ်ဘှီၣ်ဒီးဟးထီၣ်ကွံာ်လၢပှၤတဂၤအံၤအပူၤတက့ၢ်.”

လံာ်မၢ်ကူး 10:47

တုၤအဝဲဒၣ်နၢ်ဟူလၢပှၤလၢအဟဲလၢကျဲန့ၣ်မ့ၢ်ပှၤနစၤရ့းဖိ ယ့ၣ်ၡူးဒီး, တဘျီဃီကိးပသူထီၣ်ဝဲ, “စီၤဒၤဝံးအဖိခွါယ့ၣ်ၡူးဧၢ, သူၣ်ကညီၤသးကညီၤဘၣ်ယၤတက့ၢ်.”

လံာ်မၢ်ကူး 14:67

တုၤအထံၣ်စီၤပ့းတရူးဆူးမ့ၣ်အူန့ၣ်ဒီး, ကွၢ်ထံကွၢ်ဆးအီၤဒီးစံးဝဲ, “နဲစ့ၢ်ကီး, နမ့ၢ်တ့ၢ်ပှၤအိၣ်တပူၤဃီဒီးပှၤနစၤရ့းဖိယ့ၣ်ၡူးန့ၣ်လီၤ.”

လံာ်မၢ်ကူး 16:6

ဒီးအဝဲဒၣ်စံးဘၣ်အဝဲသ့ၣ်, “ပျံၤတၢ်တဂ့ၤ. သုဃုထံၣ်ပှၤနစၤရ့းဖိယ့ၣ်ၡူး, ပှၤလၢအဘၣ်တၢ်ပျၤထီအီၤလၢထူၣ်စုညါအလိၤတဂၤန့ၣ်လီၤ. အဝဲဒၣ်ဂဲၤဆၢထၢၣ်က့ၤလံ. တအိၣ်ဖဲအံၤလၢၤဘၣ်. ကွၢ်တက့ၢ်. အအံၤမ့ၢ်တၢ်လီၢ်လၢတၢ်ပာ်လီၤအီၤန့ၣ်လီၤ.

လံာ်မၢ်ကူး 5:7

ဒီးကိးပသူထီၣ်လၢအကလုၢ်ဖးဒိၣ်ဒီးစံးဝဲ, “ယွၤလၢအဒိၣ်ကတၢၢ်ထီကတၢၢ်တဂၤအဖိခွါယ့ၣ်ၡူးဧၢ, မ့ၢ်နဘၣ်ဃးဒီးယၤဒ်လဲၣ်. ယဃ့ကညးနၤလၢယွၤအမဲာ်ညါမၤအၢမၤနးယၤတဂ့ၤ.”

လံာ်လူၤကၣ် 1:35

ကလူးစံးဆၢတၢ်ဒီးစံးဝဲ, “သးစီဆှံကဟဲလီၤလၢနလိၤဒီး ကစၢ်ယွၤအစိကမီၤအကဒုကလီၤဘၣ်နၤလီၤ. လၢတၢ်ဂ့ၢ်တမံၤအံၤအဃိ, ဖိသၣ်စီဆှံတဂၤန့ၣ်ကဘၣ်တၢ်ကိးအီၤလၢကစၢ်ယွၤအဖိခွါန့ၣ်လီၤ.

လံာ်လူၤကၣ် 24:19

အဝဲသံကွၢ်ဝဲ, “တၢ်မနုၤတဖၣ်လဲၣ်.” အဝဲသ့ၣ်စံးဆၢဝဲ, “တၢ်လၢအမၤတ့ၢ်အသးဒီးပှၤနစၤရ့းဖိယ့ၣ်ၡူးအဂ့ၢ်တဖၣ်န့ၣ် လီၤ. ပှၤတဂၤအံၤမ့ၢ်ဝဲဝံတဂၤ, ဒီးကစၢ်ယွၤဒီးပှၤဂီၢ်မုၢ်ခဲလၢာ်ပာ်အီၤဒ် အအိၣ်ဒီးတၢ်စိတၢ်ကမီၤလၢ တၢ်စံးတၢ်ကတိၤဒီးတၢ်ဖံးတၢ်မၤန့ၣ်လီၤ.

လံာ်လူၤကၣ် 4:34

“အၣ်လါ, နအဲၣ်ဒိးမၤပှၤဒ်လဲၣ်. ပှၤနစၤရ့းဖိယ့ၣ်ၡူးဧၢ. နဟဲဖဲအံၤဒ်သိးနကမၤဟးဂီၤကွံာ်ပှၤဧါ. နမ့ၢ်မတၤလဲၣ်န့ၣ်ယသ့ၣ်ညါယဲလီၤ. နမ့ၢ်ယွၤအပှၤစိာ်တၢ်ကစီၣ်အစီအဆှံတဂၤလီၤ.”

လံာ်လူၤကၣ် 8:28

ဖဲအဝဲဒၣ်ထံၣ်ယ့ၣ်ၡူးန့ၣ်ကိးထီၣ်ဝဲလၢအကလုၢ်ဖးဒိၣ်, ထိၣ်လီၤပှီၤအသးလၢအမဲာ်ညါ, ဒီးကတိၤတၢ်လၢအကလုၢ်ဖးဒိၣ်, “တၢ်ထီကတၢၢ်ကစၢ်ယွၤအဖိခွါယ့ၣ်ၡူးဧၢ, နဘၣ်ဃးဒီးယၤဒ်လဲၣ်. ယဃ့ကညးနၤ, တဘၣ်စံၣ်ညီၣ်ယၤတဂ့ၤ.”

လံာ်လူၤကၣ် 8:37

တုၤနုၤတစုပှၤဂီၢ်မုၢ်လၢအအိၣ်ဖဲကီၢ်ကဒါရၤအခိၣ်အဃၢၤ တဖၣ်ခဲလၢာ်မၢယ့ၣ်ၡူးဟးထီၣ်ကွံာ်, အဂ့ၢ်မ့ၢ်လၢအဝဲသ့ၣ်ပျံၤတၢ်ဖုးတၢ်နးနးကလဲာ်အဃိလီၤ. သတးဒီးယ့ၣ်ၡူးနုာ်လီၤဆူချံပူၤဒီးဟးထီၣ်ကွံာ်ဝဲဒၣ်လီၤ.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

မၤတၢ် 2:27

အဂ့ၢ်ဒ်အံၤ, နတပာ်တ့ၢ်ကွံာ်ယသးသမူလၢ ပှၤသံတဖၣ်အကီၢ်ပူၤဘၣ်. နတပျဲစ့ၢ်ကီးနခ့နပှၤလၢအသးတီဒီးနၤ ကအုၣ်သံကျၣ်သံန့ၣ်ဘၣ်.

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

မၤတၢ် 4:27

အဂ့ၢ်ဒ်အံၤ, စီၤဟ့ၤရိာ်ဒီးစီၤပီၣ်တံၤပံၤလး, ပှၤကလုာ်ဂၤတဖၣ်, ဒီးပှၤအံၣ်စရ့လးဖိတဖၣ်, အိၣ်ဖှိၣ်သကိးနီၢ်နီၢ်ဖဲဝ့ၢ်အံၤအပူၤဒီးကူၣ်ထီၣ်သကိးတၢ်ထီ ဒါနခ့နပှၤစီဆှံယ့ၣ်ၡူး, ပှၤလၢနဖှူအီၤလၢသိဒီးဒုးကဲအီၤလၢခရံာ် န့ၣ်လီၤ.

ယၤကိာ် 2:19

မ့ၢ်နနာ်လၢကစၢ်ယွၤအိၣ်ထဲတဂၤဧိၤန့ၣ်ဧါ. ဂ့ၤလီၤ. တၢ်နါတဖၣ်စ့ၢ်ကီးနာ်ဝဲဒ်န့ၣ်, ဒီးကနိးကစုာ်လၢတၢ်ပျံၤတၢ်ဖုး အပူၤလီၤ.

၁ ယိၤဟၣ် 2:20

ဘၣ်ဆၣ်ဒီး, ခရံာ်လူလီၤဂၢ်လီၤသးစီဆှံလၢသုလိၤ, ဒီးသုဝဲခဲလၢာ်သုသ့ၣ်ညါတၢ်မ့ၢ်တၢ်တီန့ၣ်လီၤ.

လံာ်လီၣ်ဖျါ 3:7

ဆူဝ့ၢ်ဖံၤလဒ့းလဖံတၢ်အိၣ်ဖှိၣ်အကလူးအအိၣ်န့ၣ်, ကွဲးတၢ်ဒ်အံၤတက့ၢ်. “အဝဲအံၤမ့ၢ်တၢ်ကစီၣ်ဟဲလၢပှၤတဂၤလၢအစီဝဲဆှံဝဲ, ဒီးတီဝဲလိၤဝဲအအိၣ်န့ၣ်လီၤ. အဝဲဒၣ်အိၣ်ဒီးနီၣ်ဝံာ်လၢ အမ့ၢ်စီၤဒၤဝံးအတၢ်, ဒီးဖဲအဝဲဒၣ်အိးထီၣ်တြဲၤတဘ့ၣ်န့ၣ်, ပှၤကးတံာ်အီၤတန့ၢ်နီတဂၤဘၣ်, ဒီးဖဲအကးတံာ်ဝဲန့ၣ်ပှၤအိးထီၣ်အီၤတန့ၢ်နီတဂၤဘၣ်.