လံာ်မၢ်ကူး 1:20 - Sgaw Karen Common Bible

²⁰ တဘျီဃီယ့ၣ်ၡူးကိးအဝဲသ့ၣ်, ဒီးအဝဲသ့ၣ်ပာ်တ့ၢ်အပၢ်စီၤစ့းဘ့းဒဲဒီးတၢ်ခ့တၢ်ပှၤ ဒိးလဲအသးတဖၣ်ဖဲချံပူၤန့ၣ်ဝံၤပိာ်ထီၣ်အခံလီၤ.

လံာ်မၢ်ကူး 1:20 Iomraidhean Croise

လံာ်စီၤပၤအခီၣ်ထံးတဘ့ၣ် 19:20

အန့ၣ်ဒီး, စီၤအလံၤၡါပာ်တီၢ်အဂီၤဖံးဖါတဖၣ်, ဃ့ၢ်ပိာ်ထွဲစီၤအ့ၤလံယၤအခံဒီးစံးဝဲ, “ပျဲယက့ၤနၢမူယမိၢ်ဒီးယပၢ် တက့ၢ်. ဝံၤဒီးယကပိာ်နခံလီၤ.” စီၤအ့ၤလံယၤစံးဆၢအီၤ, “ဂ့ၤလံ, က့ၤကဒါက့ၤတက့ၢ်. ယတတြီနၤဘၣ်.”

လံာ်မးသဲ 10:37

ပှၤတဂၤလၢ်လၢ်လၢအအဲၣ်အမိၢ်မ့တမ့ၢ်အပၢ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်. ဒီးပှၤလၢအအဲၣ်အဖိခွါမ့တမ့ၢ်အဖိမုၣ်အါန့ၢ်အအဲၣ်ယၤန့ၣ်, တကြၢးဘၣ်ဒီးယၤဘၣ်.

လံာ်မၢ်ကူး 1:19

အဝဲလဲၤယံၤထီၣ်ကဒီးဆူညါတစဲးဒီးထံၣ်ဘၣ်စီၤစ့းဘ့းဒဲ အဖိခွါစီၤယၤကိာ်ဒီးအပုၢ်စီၤယိၤဟၣ်အိၣ်လၢချံပူၤဒီးဆးက့ၤ အစၤတဖၣ်လီၤ.

လံာ်မၢ်ကူး 1:21

ယ့ၣ်ၡူးဒီးအပျဲၢ်အဘီၣ်တဖၣ်လဲၤဝဲဆူဝ့ၢ်ကပ့းရနီၣ်, ဒီးပှၤယူဒၤဖိအမုၢ်အိၣ်ဘှံးနံၤတုၤဃီၤဝဲတဘျီဃီ, အဝဲဒၣ်လဲၤနုာ်ဆူဘူၣ်ဘျီၣ်လၢအမ့ၢ်တၢ်ဘါလီၢ်အပူၤဒီး သိၣ်လီၤသီလီၤတၢ်လီၤ.

လံာ်မၢ်ကူး 10:29

ယ့ၣ်ၡူးစံးဘၣ်အဝဲသ့ၣ်, “ယစံးယဲသပှၢ်ကတၢၢ်လီၤ. လၢယဃိဒီးလၢတၢ်သးခုကစီၣ်အဃိပှၤတဂၤလၢ်လၢ် လၢအပာ်တ့ၢ်ကွံာ်အဟံၣ်အဃီမ့ၢ်ဂ့ၤ, အဒီပုၢ်ဝဲၢ်ပိာ်ခွါမ့ၢ်ဂ့ၤ, အဒီပုၢ်ဝဲၢ်ပိာ်မုၣ်မ့ၢ်ဂ့ၤ, အမိၢ်မ့ၢ်ဂ့ၤ, အပၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အစံာ်အပှဲၤမ့ၢ်ဂ့ၤ,

လံာ်လူၤကၣ် 14:26

ပှၤတဂၤလၢ်လၢ်လၢအဟဲဆူယအိၣ်န့ၣ်, မ့တမ့ၢ်လၢအဝဲဒၣ်အဲၣ်ယၤအါန့ၢ်အပၢ်, ဒီးအမိၢ်, အမါဒီးအဖိအလံၤတဖၣ်, အဒီပုၢ်ဝဲၢ်ခွါတဖၣ်, ဒီးအဒီပုၢ်ဝဲၢ်မုၣ်တဖၣ်, ဒီးအနီၢ်ကစၢ်ဒၣ်ဝဲစ့ၢ်ကီးဘၣ်ဒီး, ကဲယပျဲၢ်ယဘီၣ်တသ့ဘၣ်.

လံာ်လူၤကၣ် 5:11

အဝဲသ့ၣ်တွံၢ်ထီၣ်အချံတဖၣ်လၢထံကၢၢ်နံၤ, ပာ်တ့ၢ်ကွံာ်တၢ်ခဲလၢာ်ခဲဆ့ဒီးပိာ်ထီၣ်ယ့ၣ်ၡူးအခံန့ၣ်လီၤ.

၂ ကရံၣ်သူး 5:16

လၢတၢ်န့ၣ်အဃိ, ပတစံၣ်ညီၣ်လၢၤပှၤတဂၤဂၤလၢပှၤဟီၣ်ခိၣ်ဖိ အနီၣ်ထိၣ်ဘၣ်. တဘျီန့ၣ်ပမ့ၢ်စံၣ်ညီၣ်တ့ၢ်လံခရံာ်လၢပှၤဟီၣ်ခိၣ်ဖိ အနီၣ်ထိၣ်သနာ်က့, ပတမၤလၢၤပဝဲဒ်န့ၣ်ဘၣ်.

လံာ်သိၣ်လီၤသီလီၤတၢ် 33:9

အဝဲသ့ၣ်ဒုးနဲၣ်အတၢ်သးတီဒိၣ်ထီၣ်ဒီးနၤဒိၣ်န့ၢ်ဒံးအတၢ်သးတီဒီးအမိၢ်အပၢ်တဖၣ်, အဒီပုၢ်ဝဲၢ်ခွါတဖၣ်ဒီးအဖိတဖၣ်မ့ၢ်ဂ့ၤန့ၣ်လီၤ. အဝဲသ့ၣ်စူၢ်တ့ၢ်နတၢ်မၤလိာ်တဖၣ်, ဒီးအိၣ်ဒီးတၢ်သူၣ်တီသးရၤဒီးနတၢ်အၢၣ်လီၤအီလီၤန့ၣ်လီၤ.