လံာ်မၢ်ကူး 1:13 - Sgaw Karen Common Bible

¹³ အဝဲဒၣ်အိၣ်ဖဲန့ၣ် အသီလွံၢ်ဆံဒီးဘၣ်တၢ်လ့ပစီအီၤလၢမုၣ်ကီၤလံၢ်လီၤ. ဆၣ်ဖိကီၢ်ဖိအမံၤတဖၣ်အိၣ်စ့ၢ်ကီးဖဲန့ၣ်, ဒီးမူခိၣ်ကလူးတဖၣ် ဟဲမၤတၢ်ခ့တၢ်ပှၤအတၢ်မၤလၢအဂီၢ်လီၤ.

လံာ်မၢ်ကူး 1:13 Iomraidhean Croise

လံာ်တၢ်ဟးထီၣ်ကွံာ် 24:18

စီၤမိၤၡ့လဲၤထီၣ်ဆူကစၢၢ်အလိၤလၢတၢ်အၢၣ်အကျါန့ၣ်လီၤ. ဒီးအဝဲအိၣ်ဝဲဖဲန့ၣ်အသီလွံၢ်ဆံန့ၣ်လီၤ.

လံာ်တၢ်ဟးထီၣ်ကွံာ် 34:28

စီၤမိၤၡ့အိၣ်ဖဲန့ၣ်ဒီးယွၤ, အနံၤလွံၢ်ဆံဒီးအနၤလွံၢ်ဆံလီၤ. တအီၣ်တအိတၢ်နီတမံၤဘၣ်. အဝဲကွဲးလီၤတၢ်အၢၣ်လီၤအီလီၤအတၢ်ကတိၤတဖၣ်လၢလၢၢ်ဘ့ၣ်ဘၣ်တဖၣ်အလိၤ, လၢအမ့ၢ်တၢ်မၤလိာ်အထံၣ်တဆံန့ၣ်လီၤ.

လံာ်မးသဲ 26:53

မ့ၢ်နတသ့ၣ်ညါလၢယကိးထီၣ်တၢ်မၤစၢၤလၢယပၢ်အအိၣ်သ့ဝဲ, ဒီးတဘျီဃီ ကဆှၢလီၤန့ၢ်ယၤကလူးအသုးမုၢ်အါန့ၢ်ဒံးတဆံခံဖုန့ၣ်ဘၣ်ဧါ.

လံာ်မးသဲ 4:1

တၢ်န့ၣ်ဝံၤအလီၢ်ခံယွၤအသးဆှၢယ့ၣ်ၡူးဆူပှၢ်မုၢ်ကနၢဒ်သိး အကဒိးဘၣ်တၢ်လ့ပစီအဂီၢ်လီၤ.

လံာ်လူၤကၣ် 4:1

ယ့ၣ်ၡူးလၢပှဲၤဝဲဒီးသးစီဆှံဖဲအဝဲဒၣ်ဟဲက့ၤလၢထံကျိယၢ်ဒ့ၣ်, ဒီးဘၣ်တၢ်ဆှၢအီၤလၢယွၤအသးန့ၣ်ဆူပှၢ်မုၢ်ကနၢ,

လံာ်သိၣ်လီၤသီလီၤတၢ် 9:11

မ့ၢ်လံ, တုၤအနံၤလွံၢ်ဆံဒီးအနၤလွံၢ်ဆံန့ၣ်ပူၤကွံာ်အလီၢ်ခံ ဒီးယွၤဟ့ၣ်လီၤယၤလၢလၢၢ်ဘ့ၣ်ဘၣ်ခံဘ့ၣ်ဒီးလၢအလိၤန့ၣ်အဝဲ ကွဲးတၢ်အၢၣ်လီၤအီလီၤန့ၣ်လီၤ.

လံာ်သိၣ်လီၤသီလီၤတၢ် 9:18

မၤကဒီးတစု, ယထီၣ်လီၤပှီၤယသးဒီးဆုးလီၤယခိၣ်လၢယွၤအမဲာ် ညါလၢအနံၤလွံၢ်ဆံအတီၢ်ပူၤဒီးယတအီၣ်တၢ်မ့ၢ်ဂ့ၤ, ယတအီတၢ်မ့ၢ်ဂ့ၤနီတမံၤဘၣ်. ယမၤတ့ၢ်တၢ်အံၤမ့ၢ်လၢသုမၤတ့ၢ်တၢ်ဒဲးဘးထီဒါယွၤ, ဒီးမၤသးဒိၣ်ထီၣ်အီၤအဃိန့ၣ်လီၤ.

လံာ်သိၣ်လီၤသီလီၤတၢ် 9:25

လၢတၢ်န့ၣ်အဃိ, ယထိၣ်လီၤပှီၤယသးဒီးဆုးလီၤယခိၣ်လၢယွၤ အမဲာ်ညါလၢအနံၤလွံၢ်ဆံဒီးအနၤလွံၢ်ဆံအတီၢ်ပူၤဒ်လၢအခီၣ် ထံးအသိးန့ၣ်လီၤ. အဂ့ၢ်ဒ်အံၤ, ယသ့ၣ်ညါတ့ၢ်လၢအဝဲပာ်လီၤလံအသးလၢကမၤဟးဂီၤ ကွံာ်သုန့ၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

ဧ့ၤဘြံၤ 4:15

ပပှၤလုၢ်တၢ်အခိၣ်အဒိၣ်ကတၢၢ်အံၤ တမ့ၢ်ပှၤလၢအနၢ် ပၢၢ်စၢၤပတၢ်ဂံၢ်စၢ်ဘါစၢ်တသ့ဘၣ်တဂၤန့ၣ်ဘၣ်. မ့ၢ်ပှၤတဂၤလၢအဘၣ်တၢ်လ့ပစီအီၤလၢကျဲကိးဘိဒဲးဒ်ပဝဲဒၣ် အသိးဘၣ်ဆၣ်အတၢ်ဒဲးဘးတအိၣ်ဘၣ်.