လံာ်မၢ်ကူး 1:11 - Sgaw Karen Common Bible

¹¹ ဒီးတၢ်ကလုၢ်သီၣ်ထီၣ်လၢမူခိၣ်လၢအစံးဝဲ, “နဲဒၣ်အံၤနမ့ၢ်ယဖိခွါလၢယအဲၣ်အီၤဒီးဘၣ်သူၣ်ဘၣ်သးယၤဒိၣ်မး တဂၤလီၤ.”

လံာ်မၢ်ကူး 1:11 Iomraidhean Croise

စံးထီၣ်ပတြၢၤ 2:7

စီၤပၤစံးဝဲ, “ယကစံးကတိၤ ယွၤအတၢ်မၤလိာ်န့ၣ်လီၤ. အဝဲစံးဘၣ်ယၤ, နဲဒၣ်အံၤနမ့ၢ်ယဖိခွါ, မုၢ်မဆါတနံၤအံၤယကဲထီၣ်နပၢ်လံ.

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်မးသဲ 12:18

“အအံၤမ့ၢ်ယခ့ယပှၤလၢယဃုထၢထီၣ်အီၤ, ပှၤတဂၤလၢယအဲၣ်, ဒီးဘၣ်ယသးလၢအီၤလီၤ. ယကဟ့ၣ်လီၤအီၤလၢယသး, ဒီးအဝဲကစံၣ်တဲၤတဲလီၤယတၢ်စံၣ်ညီၣ်ဆူ ပှၤကလုာ်တဖၣ်အအိၣ်လီၤ.

လံာ်မးသဲ 17:5

ဖဲအဝဲကတိၤဒံးတၢ်အဖၢမုၢ်န့ၣ်, တၢ်အၢၣ်လၢအကပီၤတလိၣ်ဟဲလီၤကဒုဘၣ်အဝဲသ့ၣ်, ဒီးတၢ်ကလုၢ်သီၣ်ထီၣ်လၢတၢ်အၢၣ်အပူၤဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤ, ဒီးဘၣ်ယသးလၢအီၤဒိၣ်မးလီၤ. ကနၣ်အကလုၢ်တက့ၢ်.”

လံာ်မးသဲ 3:17

အန့ၣ်ဒီး တၢ်အကလုၢ်သီၣ်ထီၣ်လၢမူခိၣ်ဒီးစံး, “အအံၤမ့ၢ်ယဖိခွါဒၣ်ယဲလၢယအဲၣ်အီၤဒီးဘၣ်သူၣ်ဘၣ် သးယၤဒိၣ်မးတဂၤလီၤ.”

လံာ်မၢ်ကူး 1:10

ယ့ၣ်ၡူးဟဲက့ၤထီၣ်က့ၤလၢထံကျါဝံၤတဘျီဃီအဝဲဒၣ်ထံၣ်မူ ခိၣ်အိးထီၣ်အသးဒီးယွၤအသးဟဲလီၤလၢအလိၤဒ်ထိၣ်လွံၢ် အသိးလီၤ.

လံာ်မၢ်ကူး 9:7

ဒီးတၢ်အၢၣ်တလိၣ်အိၣ်ဖျါထီၣ်ဒီးအကဒုလီၤဘၣ်လၢအဝဲသ့ၣ် အဖီခိၣ်လီၤ. တၢ်ကလုၢ်သီၣ်ထီၣ်လၢတၢ်အၢၣ်အပူၤစံးဝဲ, “အဝဲတဂၤအံၤမ့ၢ်ယဖိခွါလၢယအဲၣ်အီၤလီၤ. ကနၣ်အကလုၢ်တက့ၢ်.”

လံာ်လူၤကၣ် 3:22

ဒီးသးစီဆှံဟဲလီၤလၢအလိၤအိၣ်ဒီးနီၢ်ခိအက့ၢ်အဂီၤဒ်ထိၣ်လွံၢ် တဘ့ၣ်အသိးန့ၣ်လီၤ. ဒီးတၢ်ကလုၢ်သီၣ်လီၤလၢမူခိၣ်ဒီးစံးဝဲ, “နဲဒၣ်အံၤနမ့ၢ်ယဖိခွါဒၣ်ယဲလၢယအဲၣ်အီၤတဂၤလီၤ. ယဘၣ်သူၣ်ဘၣ်သးနၤဒိၣ်မးလီၤ.”

လံာ်လူၤကၣ် 9:35

တၢ်အကလုၢ်ဟဲသီၣ်ထီၣ်လၢတၢ်အၢၣ်အပူၤဒီးစံးဝဲ, “အဝဲအံၤ မ့ၢ်ယဖိခွါလၢယဃုထၢတ့ၢ်အီၤတဂၤလီၤ. ဒိကနၣ်အကလုၢ်တက့ၢ်.”

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 3:16

အဂ့ၢ်ဒ်အံၤ, ကစၢ်ယွၤအဲၣ်ပှၤဟီၣ်ခိၣ်ဖိ တုၤအဟ့ၣ်လီၤကွံာ်အဖိခွါအိၣ်တဂၤဃီ, ဒ်သိးကယဲၢ်ပှၤလၢအစူၢ်က့ၤနာ်က့ၤအီၤတဂၤ လၢ်လၢ်န့ၣ်, အသုတဟးဂီၤတဂ့ၤဒီးကန့ၢ်ဘၣ်တၢ်မူ အထူအယိာ်န့ၣ်လီၤ.

လံာ်ယိၤဟၣ် 5:37

ဒီးပၢ်လၢအမၢလီၤယၤန့ၣ်အုၣ်စ့ၢ်ကီးအသးလၢယဂီၢ်လီၤ. သုတနၢ်ဟူဘၣ်အကလုၢ်ဒီးထံၣ်ဘၣ်အမဲာ်နီတဘျီဘၣ်.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

ရိမ့ၤ 1:4

မ့မ့ၢ်ယွၤအတၢ်စီတၢ်ဆှံလၢအအိၣ်လၢအပူၤန့ၣ်, ပာ်ဖျါထီၣ်အီၤဒ်အမ့ၢ်ကစၢ်ယွၤအဖိခွါအိၣ်ဒီးတၢ်စိတၢ် ကမီၤဖးဒိၣ်, ခီဖျိတၢ်ဒုးဂဲၤဆၢထၢၣ်က့ၤအီၤလၢတၢ်သံ အပူၤန့ၣ်လီၤ.

ကလီးစဲ 1:13

အဝဲထုးထီၣ်ကွံာ်ပှၤလၢတၢ်ခံးတၢ်နၤအတၢ်ပၢအဖီလာ် ဒီးစိာ်ခီပှၤဆူအဖိခွါလၢတၢ်အဲၣ်အီၤတဂၤအဘီအမုၢ် အပူၤန့ၣ်လီၤ.