လံာ်မၢ်ကူး 1:10 - Sgaw Karen Common Bible

¹⁰ ယ့ၣ်ၡူးဟဲက့ၤထီၣ်က့ၤလၢထံကျါဝံၤတဘျီဃီအဝဲဒၣ်ထံၣ်မူ ခိၣ်အိးထီၣ်အသးဒီးယွၤအသးဟဲလီၤလၢအလိၤဒ်ထိၣ်လွံၢ် အသိးလီၤ.

လံာ်မၢ်ကူး 1:10 Iomraidhean Croise

လံာ်ယၡါယၤ 42:1

ယွၤစံးဝဲ, “အအံၤမ့ၢ်ယခ့ယပှၤလၢယဟ့ၣ်ဂံၢ်ဟ့ၣ်ဘါအီၤ, ပှၤတဂၤလၢယဃုထၢအီၤဒီးဘၣ်သူၣ်ဘၣ်သးယၤဒိၣ်မးန့ၣ်လီၤ. ယမၤပှဲၤအီၤဒီးယသးဒၣ်ယဲ, ဒီးအဝဲကဟဲစိာ်တၢ်စံၣ်ညီၣ်တီဆူ ပှၤကိးကလုာ်ဒဲးလီၤ.

လံာ်ယၡါယၤ 64:1

နတအိးထီၣ်မူကပိာ်လိၤဒီးဟဲလီၤန့ၣ်ဘၣ်မနုၤအဃိလဲၣ်. ကစၢၢ်တဖၣ်ကထံၣ်ဘၣ်နၤဒီးကဟူးဝးဝဲလၢတၢ်ပျံၤတၢ်ဖုး အပူၤလီၤ.

လံာ်ယဃ့းစက့လး 1:1

လၢသၢဆံနံၣ်တနံၣ်, လွံၢ်လါတလါ, လါထီၣ်ယဲၢ်သီတသီန့ၣ်, ယၤ, စီၤဘူၤစံအဖိခွါ, ပှၤလုၢ်တၢ်အခိၣ်စီၤယဃ့းစက့လး အိၣ်ဆိးဒီးပှၤယူဒၤဖိလၢတၢ်စိာ်မၢကဲကုၢ်အီၤတဖၣ်လၢထံ ကျိကဘၢ်အနံၤလၢကီၢ်ဘၤဘူၤလိၣ်အပူၤလီၤ. မူကပိာ်လိၤအိးထီၣ်အသးဒီးယထံၣ်တၢ်ထံၣ်လၢညါခီတမံၤဘၣ်ဃး ဒီးကစၢ်ယွၤလီၤ.

လံာ်မးသဲ 3:16

တုၤယ့ၣ်ၡူးဘၣ်တၢ်ဘျၢအီၤဝံၤဟဲက့ၤထီၣ်လၢထံကျါန့ၣ်, တၢ်မၤအသးလၢမူခိၣ်ဘၣ်တၢ်အိးထီၣ်အီၤဒီးအဝဲထံၣ်ဘၣ်ကစၢ်ယွၤ အသးဟဲလီၤလၢအလိၤမၤအသးဒ်ထိၣ်လွံၢ်ယူၤလီၤဒီးစီၢ်လီၤဝဲ အသိးန့ၣ်လီၤ.

လံာ်မၢ်ကူး 1:11

ဒီးတၢ်ကလုၢ်သီၣ်ထီၣ်လၢမူခိၣ်လၢအစံးဝဲ, “နဲဒၣ်အံၤနမ့ၢ်ယဖိခွါလၢယအဲၣ်အီၤဒီးဘၣ်သူၣ်ဘၣ်သးယၤဒိၣ်မး တဂၤလီၤ.”

လံာ်မၢ်ကူး 1:9

တၢ်န့ၣ်ဝံၤအလီၢ်ခံတယံာ်တမီၢ်ဘၣ်န့ၣ်, ယ့ၣ်ၡူးဟဲဝဲလၢဝ့ၢ်နစၤရ့းဘၣ်ဃးဒီးကီၢ်ကၤလံၤလါဒီးဒိး ဘျၢအသးလၢစီၤယိၤဟၣ်အစုပူၤလၢထံကျိယၢ်ဒ့ၣ်အပူၤန့ၣ်လီၤ.

လံာ်လူၤကၣ် 3:22

ဒီးသးစီဆှံဟဲလီၤလၢအလိၤအိၣ်ဒီးနီၢ်ခိအက့ၢ်အဂီၤဒ်ထိၣ်လွံၢ် တဘ့ၣ်အသိးန့ၣ်လီၤ. ဒီးတၢ်ကလုၢ်သီၣ်လီၤလၢမူခိၣ်ဒီးစံးဝဲ, “နဲဒၣ်အံၤနမ့ၢ်ယဖိခွါဒၣ်ယဲလၢယအဲၣ်အီၤတဂၤလီၤ. ယဘၣ်သူၣ်ဘၣ်သးနၤဒိၣ်မးလီၤ.”