လံာ်မံကၤ 7:9 - Sgaw Karen Common Bible

⁹ ပမၤတ့ၢ်တၢ်ဒဲးဘးထီဒါယွၤလီၤ. မၤသးဒ်န့ၣ်ဒီးခဲကနံၣ်အံၤပကဘၣ်တူၢ်အတၢ်သးဒိၣ်တစိၢ်တလီၢ် လီၤ. ဘၣ်ဆၣ်လၢခံကတၢၢ်န့ၣ်အဝဲဒၣ်ကလိာ်န့ၢ်ပကွီၢ်ဒီးမၤတၢ် စံၣ်ညီၣ်တီလၢပဂီၢ်လီၤ. အဝဲကဒုးဟဲထီၣ်ပှၤဆူတၢ်ကပီၤအပူၤ, ဒီးပကအိၣ်မူဒ်သိးပကထံၣ်ဘၣ်အတၢ်အုၣ်က့ၤခီၣ်က့ၤပှၤလီၤ.

လံာ်မံကၤ 7:9 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:17

စီၤဒၤဝံးထံၣ်ကလူးလၢအမၤသံပှၤဂီၢ်မုၢ်န့ၣ်ဒီးစံးဘၣ်ယွၤ, “ယမ့ၢ်ပှၤတဂၤလၢအတၢ်ကမၣ်အိၣ်လီၤ. ယမ့ၢ်ပှၤတဂၤလၢအမၤကမၣ်တၢ်လီၤ. ပှၤလၢအလီၤသးကညီၤတဖၣ်အံၤ မၤတ့ၢ်တၢ်မနုၤတမံၤလဲၣ်. နကြၢးစံၣ်ညီၣ်ယၤဒီးယပှၤဟံၣ်ဖိန့ၣ်လီၤ.”

လံာ်စီၤယိၤဘး 23:10

ကစၢ်ယွၤသ့ၣ်ညါယခီၣ်ကါကိးခါဒဲးလီၤ. အဝဲမ့ၢ်မၤကွၢ် ယၤဒီးအဝဲကထံၣ်လၢယကဆှီယဲဒ်ထူအသိးန့ၣ်လီၤ.

လံာ်စီၤယိၤဘး 35:14

စီၤယိၤဘးဧၢ, နစံးတၢ်လၢနထံၣ်ကစၢ်ယွၤတသ့ဘၣ်လီၤ. ဘၣ်ဆၣ်အိၣ်ခိးလၢတၢ်သးစူၤအပူၤတက့ၢ်. နတၢ်ဂ့ၢ်အိၣ် လၢအမဲာ်ညါလီၤ.

စံးထီၣ်ပတြၢၤ 119:154

အိၣ်ပှိၤယကွီၢ်, ဒီးမၤပူၤဖျဲးယၤတက့ၢ်. ဒ်နတၢ်အၢၣ်လီၤအသိးန့ၣ်ဟ့ၣ်လၢ်ယၤ တၢ်မူန့ၣ်တက့ၢ်.

စံးထီၣ်ပတြၢၤ 37:6

အဝဲကမၤဖျါထီၣ်နတၢ်တီတၢ်လိၤဒ် မုၢ်ဆ့ၣ်အတၢ်ကပီၤအသိး, ဒီးနတၢ်စံၣ်ညီၣ်တီ ဒ်မုၢ်ထူၣ်အတၢ်ကပီၤအသိးန့ၣ်လီၤ.

စံးထီၣ်ပတြၢၤ 43:1

ကစၢ်ယွၤဧၢ, နဲၣ်ဖျါထီၣ်လၢယတၢ်ကမၣ်တအိၣ်ဘၣ်, ဒီးဒီဒၣ်ယတၢ်ဂ့ၢ်တၢ်ကျိၤထီဒါ ပှၤတယူးတယီၣ်ယွၤန့ၣ်တက့ၢ်. မၤပူၤဖျဲးယၤလၢပှၤလီတၢ်ဒီး ပှၤအၢပှၤသီန့ၣ်တက့ၢ်.

စံးထီၣ်ပတြၢၤ 7:6

ယွၤဧၢ, ဂဲၤဆၢထၢၣ်လၢနတၢ်သးထီၣ်အပူၤတက့ၢ်. ဆၢထၢၣ်ထီဒါယဒုၣ်ယဒါသ့ၣ်တဖၣ် အတၢ်သးကဲၤထီၣ်, ဖုသံနီၣ်ဒီးမၤစၢၤလၢ်ယၤတက့ၢ်. တၢ်တီတၢ်လိၤန့ၣ်မ့ၢ်တၢ်လၢ နဃ့ဒီးမၤလိာ်အီၤန့ၣ်လီၤ.

စံးထီၣ်ပတြၢၤ 94:15

တၢ်စံၣ်ညီၣ်တီကအိၣ်က့ၤကဒီးလၢ ကွီၢ်ဘျီၣ်တဖၣ်အပူၤ ဒီးပှၤတီပှၤလိတဖၣ် ကဆီၣ်ထွဲမၤစၢၤအီၤလီၤ.

လံာ်ယၡါယၤ 42:16

ယကဆှၢယပှၤမဲာ်ဘျီၣ်တဖၣ် လၢကျဲတဖၣ်လၢအဝဲသ့ၣ်တလဲၤဘၣ်ဝဲ နီတဘျီန့ၣ်လီၤ. ယကဒုးကဲထီၣ်က့ၤအဝဲသ့ၣ်အတၢ်ခံးဆူတၢ်ကပီၤဒီးမၤပၢၤထံ ကီၢ်လၢအကနၢၣ်ခိၣ်ချၢန့ၣ်, လၢအဝဲသ့ၣ်အမဲာ်ညါလီၤ. တၢ်တဖၣ်အံၤမ့ၢ်ယတၢ်အၢၣ်လီၤအီလီၤ ဒီးယကဟံးဃာ်အီၤသပှၢ်ကတၢၢ်လီၤ.

လံာ်ယၡါယၤ 42:7

သုကအိးထီၣ်ပှၤမဲာ်ဘျီၣ်တဖၣ်အမဲာ်ချံ, ဒီးမၤထူၣ်ဖျဲးထီၣ်ပှၤဘၣ်တၢ်စၢဃာ်လၢဃိာ်အဒၢးခံးသူတဖၣ် အပူၤန့ၣ်လီၤ.

လံာ်ယၡါယၤ 46:13

တၢ်မၤနၢၤအမုၢ်နံၤအံၤယဟဲစိာ်ဘူးထီၣ်အီၤလံ. တအိၣ်ယံၤလၢၤဘၣ်. ယတၢ်မၤနၢၤအံၤတၢ်တမၤယံာ်လၢၤဘၣ်အီၤဘၣ်, ယကအုၣ်က့ၤခီၣ်က့ၤဝ့ၢ်ယရူၤၡလ့ၣ်ဒီးဟဲစိာ်တၢ်လၤတၢ်ကပီၤလၢ ကီၢ်အံၣ်စရ့လးအဂီၢ်ဖဲန့ၣ်လီၤ.

လံာ်ယၡါယၤ 51:22

ကစၢ်, သုကစၢ်ယွၤကဟုကယာ်သုဒီးစံးဝဲ, “ယကဟံးထီၣ်ကွံာ်လီခီလၢယဟ့ၣ်သု လၢယတၢ်သးဒိၣ်သးဖျိးအပူၤန့ၣ်လီၤ. သုတဘၣ်အီလၢၤစပံးထံလၢအဒုးလဲၤသု ကနူၤနူၤကပၤပၤန့ၣ်နီတစုဘၣ်.

လံာ်ယၡါယၤ 56:1

ယွၤစံးဘၣ်အပှၤဂီၢ်မုၢ်, “မၤတၢ်လၢအတီဒီးအဘၣ်တက့ၢ်. အဂ့ၢ်ဒ်အံၤ, တယံာ်လၢၤဘၣ်ဒီးယကအုၣ်က့ၤခီၣ်က့ၤသုလီၤ.

လံာ်ယံးရမံယၤ 10:19

ဝ့ၢ်ယရူၤၡလ့ၣ်အပှၤဂီၢ်မုၢ်ကိးထီၣ်ဝဲ, “ပဘၣ်ဒိဘၣ်ထံးဆါနးမးလဲၣ်. ပပူၤလီၢ်တဖၣ်တဘျါဘၣ်. ဒီးပဆိကမိၣ်လၢတၢ်အံၤမ့ၢ်တၢ်တမံၤလၢပတူၢ်အီၤ ကဘၣ်သ့ကစီဒီန့ၣ်လီၤ.

လံာ်ယံးရမံယၤ 14:7

ယပှၤဂီၢ်မုၢ်ကိးထီၣ်ယၤ, ယွၤဧၢ, ဒ်နအၢၣ်လီၤတ့ၢ်ပှၤအသိး, မၤစၢၤပှၤတက့ၢ်. ပဃၣ်ကွံာ်ပသးလၢနၤအါဘျီလံ. ပမၤတ့ၢ်တၢ်ဒဲးဘးထီဒါနၤလီၤ.

လံာ်ယံးရမံယၤ 51:10

ယွၤစံးဝဲဒၣ်, “ယပှၤဂီၢ်မုၢ်ကိးထီၣ်စံးဝဲလၢ, ‘ယွၤဒုးနဲၣ်တ့ၢ်လၢပအိၣ် လၢတၢ်အဘၣ်အပူၤလီၤ. မ်ပလဲၤဒီး တဲဘၣ်ပှၤဂီၢ်မုၢ်လၢ ဝ့ၢ်ယရူၢ်ၡလ့ၣ်အပူၤလၢတၢ်လၢယွၤပကစၢ်မၤတ့ၢ်ဝဲန့ၣ်တက့ၢ်.’ ”

လံာ်သးသယုၢ်တၢ် 1:18

ဘၣ်ဆၣ်ဒီးယွၤန့ၣ်မၤတၢ်တီလီၤ. အဂ့ၢ်ဒ်အံၤ, ယတဒိကနၣ်တ့ၢ်ဘၣ်အီၤဘၣ်. ဒိကနၣ်ယၤ, ပှၤဂီၢ်မုၢ်လၢတၢ်အလီၢ်ကိးပူၤဒဲးသ့ၣ်ဧၢ, ကွၢ်ဃီၤယၤလၢယတၢ်ဘၣ်ဒိဆါအံၤတက့ၢ်. ယပှၤပိာ်ခွါသးစၢ်ဒီးပိာ်မုၣ်သးစၢ်တဖၣ်ဘၣ်တၢ်စိာ်မၢကဲကုၢ် ကွံာ်လံအီၤလံ.

လံာ်တၢ်ဘူၣ်ထီၣ်ဘါထီၣ် 26:41

ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.

၂ တံၤမသ့း 4:8

ဒီးခဲကနံၣ်အံၤ, တၢ်မၤနၢၤအခိၣ်ဖးလၢအမ့ၢ်တၢ်မၤဘၣ်လိာ်က့ၤယၤဒီးကစၢ်ယွၤ န့ၣ် အိၣ်ခိးပာ်စၢၤယၤလံ. မ့ၢ်ခိၣ်ဖးလၢကစၢ်, ပှၤစံၣ်ညီၣ်တီတၢ်တဂၤကဟ့ၣ်လီၤယၤလၢမုၢ်နံၤအဝဲန့ၣ်, ဒီးထဲယၤတဂၤဧိၤတမ့ၢ်ဘၣ်, မ့ၢ်ကယဲၢ်ပှၤခဲလၢာ်လၢအအိၣ်ခိးကွၢ်လၢ် အဝဲကအိၣ်ဖျါထီၣ်အဂီၢ်စ့ၢ်ကီးန့ၣ်လီၤ.

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.

လံာ်စီၤၡမူၤအ့လးအခီၣ်ထံးတဘ့ၣ် 24:15

ယွၤကစံၣ်ညီၣ်တၢ်လီၤ. ဒီးအဝဲကနီၤဖးတၢ်လၢနၤဒီးယၤအံၤ မ့ၢ်မတၤကမၣ်လဲၣ်န့ၣ်လီၤ. မ်အကွၢ်နုာ်ဃီၤဆူတၢ်ဂ့ၢ်ပူၤ, ဒီဒၣ်အိၣ်ပှိၤယၤဒီးအုၣ်က့ၤခီၣ်က့ၤယၤလၢနစုပူၤတက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 25:39

တုၤစီၤဒၤဝံးနၢ်ဟူဘၣ်ဝဲလၢစီၤနၤဘလးသံန့ၣ်, အဝဲစံးဝဲ, “စံးထီၣ်ပတြၢၤယွၤတက့ၢ်. အဝဲဟ့ၣ်ကၣ်က့ၤလံ စီၤနၤဘလးလၢအမၤမဲာ်ဆှးယၤအဃိ, ဒီးပၢၤဃာ်ယၤလၢအမ့ၢ်အခ့ အပှၤ, လၢတၢ်မၤကမၣ်န့ၣ်လီၤ. ယွၤစံၣ်ညီၣ်လံစီၤနၤဘလးလၢအတၢ် အၢတၢ်သီအဃိလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 26:10

စီၤဒၤဝံးစံးကဒီးဝဲဆူညါ, “ခီဖျီယွၤလၢအမူဝဲတဂၤ န့ၣ်, ယသ့ၣ်ညါလၢယွၤအနီၢ်ကစၢ်ဒၣ်ဝဲကမၤသံစီၤစီလူးဖဲအမုၢ်နံၤ တုၤဃီၤဝဲလၢကဘၣ်သံဒ်ပှၤဟီၣ်ခိၣ်ဖိအန့ဆၢၣ်မ့ၢ်ဂ့ၤ, ကဘၣ်သံဝဲလၢတၢ်ဒုးတၢ်ယၤအဃိမ့ၢ်ဂ့ၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 3:18

မၤသးဒ်န့ၣ်ဒီးစီၤၡမူၤအ့လးတဲဘၣ်အီၤတၢ်ကိးမံၤဒဲးဒီး တပာ်ခူသူၣ်တ့ၢ်ဝဲတၢ်နီတမံၤဘၣ်. စီၤဧ့လံၤစံးဝဲ, “အဝဲမ့ၢ်ယွၤလီၤ. အဝဲကမၤတၢ်လၢအထံၣ်ဝဲလၢအဂ့ၤကိးမံၤဒဲးန့ၣ်လီၤ.”