လံာ်မံကၤ 7:8 - Sgaw Karen Common Bible

⁸ တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်မံကၤ 7:8 Iomraidhean Croise

လံာ်စီၤယိၤဘး 31:29

ယတသူၣ်ခုသးခုဘၣ်ဖဲယဒုၣ်ယဒါသ့ၣ်တဖၣ်တူၢ်ဘၣ်ခီၣ်ဘၣ်တၢ် မ့ၢ်ဂ့ၤ, ယတသူၣ်မံသးမံဘၣ်ဖဲအဝဲသ့ၣ်ဘၣ်ကွၢ်ဆၢၣ်မဲာ်ဒီးတၢ် ဟးဂူာ်ဟးဂီၤမ့ၢ်ဂ့ၤနီတဘျီန့ၣ်ဘၣ်.

စံးထီၣ်ပတြၢၤ 112:4

တၢ်ကပီၤကပီၤထီၣ်လၢ တၢ်ခံးကျါ လၢပှၤအဂ့ၤတဖၣ်အဂီၢ် လၢပှၤတဖၣ်လၢ အသူၣ်ကညီၤသးကညီၤတၢ် သးအိၣ်တၢ်ဒီး တီဝဲလိၤဝဲအဂီၢ်န့ၣ်လီၤ.

စံးထီၣ်ပတြၢၤ 143:3

ယဒုၣ်ယဒါတဖၣ်လူၤမၤလီၤဃံၤတ့ၢ်ယၤ ဒီးမၤနၢၤကွံာ်တ့ၢ်လံယၤလၢာ်လၢာ်ဆ့ဆ့န့ၣ်လီၤ. ပာ်ယၤလၢတၢ်ခံးတၢ်နၤအတၢ်စၢဃာ်အပူၤ ဒီးယမၤယသးလီၤဂာ်ဒ် ပှၤလၢအသံတ့ၢ်ဃဲးဃဲးအသိးန့ၣ်လီၤ.

စံးထီၣ်ပတြၢၤ 20:8

ပှၤဒ်အံၤတဖၣ်အခီၣ်ကဘၣ်တိၢ်ဒီးကလီၤဃံၤဝဲ ဘၣ်ဆၣ်ပကဂဲၤထၢၣ်ဒီးဆၢထၢၣ်ဂၢၢ်ကျၢၤန့ၣ်လီၤ.

စံးထီၣ်ပတြၢၤ 27:1

ယွၤမ့ၢ်ယတၢ်ကပီၤဒီးယတၢ်အုၣ်က့ၤခီၣ်က့ၤလီၤ. ယကပျံၤမတၤတဂၤလဲၣ်. ယွၤမ့ၢ်ယသးသမူအဂံၢ်အဘါလီၤ. ယကပျံၤမတၤတဂၤလဲၣ်.

စံးထီၣ်ပတြၢၤ 35:19

တဘၣ်ပျဲယဒုၣ်ယဒါလၢအလီတၢ်သ့ၣ်တဖၣ် သူၣ်ခုသးခုလၢ ယဘၣ်တၢ်မၤနၢၤယၤအဃိန့ၣ်တဂ့ၤ. တဘၣ်ပျဲပှၤလၢအသးဟ့ယၤကွၢ်တကျ့ယၤလၢ တၢ်ဂ့ၢ်တအိၣ်ဘၣ်နီတမံၤအပူၤန့ၣ်တဂ့ၤ.

စံးထီၣ်ပတြၢၤ 37:21

ပှၤအၢပှၤသီန့ၣ်လိၢ်တၢ်ဒီးတလိးက့ၤဝဲနီတဘျီဘၣ်. ဘၣ်ဆၣ်ပှၤအဂ့ၤအဝါတဖၣ်န့ၣ် သးကညီၤတၢ်ဒီးဟ့ၣ်ညီတၢ်လီၤ.

စံးထီၣ်ပတြၢၤ 37:24

အဝဲသ့ၣ်မ့ၢ်လီၤဃံၤဒၣ်လဲာ်, တဟးဂီၤတုၤအလၢာ်ဘၣ်. အဂ့ၢ်ဒ်အံၤ, ယွၤကဟံးအစုဒီးမၤစၢၤအီၤလီၤ.

စံးထီၣ်ပတြၢၤ 38:16

အဂ့ၢ်ဒ်အံၤ, ယဃ့တ့ၢ်ယဲ, “တဘၣ်ပျဲအဝဲသ့ၣ်သးခုလၢယဖီခိၣ်တဂ့ၤ, တုၤယခီၣ်လီၤတလံာ်ဒီး တဘၣ်ပျဲအဝဲသ့ၣ်ပာ်ကဖၢလၢအသးလၢယဖီခိၣ်တဂ့ၤ.”

စံးထီၣ်ပတြၢၤ 84:11

အဂ့ၢ်ဒ်အံၤ, ယွၤ, ကစၢ်ယွၤန့ၣ်မ့ၢ်မုၢ်, ဒီးကတီၤတဘ့ၣ်လီၤ. အဝဲဟ့ၣ်လီၤတၢ်ဘျုးတၢ်ဖှိၣ်ဒီး တၢ်လၤတၢ်ကပီၤလီၤ. တတြီဘၣ်တၢ်ဂ့ၤလၢပှၤလဲၤတၢ် တီတီလိၤလိၤတဖၣ်န့ၣ်နီတမံၤဘၣ်.

စံးထီၣ်ပတြၢၤ 97:11

တၢ်ကပီၤကပီၤထီၣ်ဝဲလၢပှၤတီပှၤလိၤအဂီၢ်, ဒီးတၢ်သူၣ်ခုသးခုလၢ ပှၤလၢအသူၣ်တီသးလိၤအဂီၢ်န့ၣ်လီၤ.

လံာ်ယၡါယၤ 2:5

ခဲအံၤ, စီၤယၤကိာ်အစၢၤအသွဲၣ်သ့ၣ်ဧၢ, မ်ပလဲၤတၢ်လၢတၢ်ကပီၤလၢယွၤဟ့ၣ်လီၤပှၤအပူၤန့ၣ်တက့ၢ်.

လံာ်ယၡါယၤ 49:9

ယကစံးဘၣ်ပှၤဘၣ်တၢ်စၢဃာ်လၢဃိာ်ပူၤတဖၣ်, ဟးထီၣ်လၢတၢ်သဘျ့အပူၤတက့ၢ်, ဒီးပှၤအိၣ်လၢတၢ်ခံးကျါတဖၣ်, ဟဲထီၣ်ဆူတၢ်ကပီၤအပူၤတက့ၢ်. အဝဲသ့ၣ်ကလီၤဂာ်ဒ်သိတဖၣ်လၢအအီၣ်အဆၣ်လၢတၢ်လူၢ်တဖၣ် အလိၤအသိးန့ၣ်လီၤ.

လံာ်ယၡါယၤ 50:10

သုဝဲခဲလၢာ်လၢအယူးယီၣ်ပာ်ဒိၣ်ယွၤ ဒီးစူၢ်အခ့အပှၤအတၢ်ကတိၤတဖၣ်န့ၣ်, ကျဲလၢသုပိာ်အီၤ, ကခံးဝဲနီၢ်နီၢ်လီၤ. ဘၣ်ဆၣ်ဒီး, ပာ်သုတၢ်နာ်လၢယွၤအပူၤ, ဒီးသန့ၤသုသးလၢသု ကစၢ်ယွၤန့ၣ်တက့ၢ်.

လံာ်ယၡါယၤ 9:2

ပှၤလၢအဟးတ့ၢ်ဝဲလၢတၢ်ခံးတၢ်နၤအပူၤတဖၣ် ထံၣ်တ့ၢ်တၢ်ကပီၤဖးဒိၣ်လီၤ. အဝဲသ့ၣ်အိၣ်မူတ့ၢ်ဝဲလၢကီၢ်လၢအပှဲၤဒီးတၢ်ကဒုတဖၣ်, ဘၣ်ဆၣ်ဒီးအခဲအံၤတၢ်ကပီၤဆဲးလီၤဘၣ်အဝဲသ့ၣ်လီၤ.

လံာ်ယံးရမံယၤ 48:27

ကီၢ်မိၤအးဧၢ, သ့ၣ်နီၣ်ထီၣ်က့ၤနကတိၤဆါ ကီၢ်အံၣ်စရ့လး ပှၤဂီၢ်မုၢ်ဒ်လဲၣ်န့ၣ်တက့ၢ်. နမၤတ့ၢ်အဝဲသ့ၣ်ဒ် ပှၤလၢအဘၣ်တၢ်ဖီၣ်န့ၢ် ဃုာ်အီၤဒီးတမျိၤတမျာ်အသိးန့ၣ်လီၤ.

လံာ်ယံးရမံယၤ 50:11

ယွၤစံးဝဲဒၣ်, “ကီၢ်ဘၤဘူၤလိၣ်အပှၤဂီၢ်မုၢ်သ့ၣ်ဧၢ, သုဂုာ်ဆူၣ်ပျီဆူၣ်တ့ၢ်ယပှၤကလုာ်န့ၣ်လီၤ. သုသူၣ်ဖှံသးညီဒီး သူၣ်ခုသးခုဒီး သုဝ့ၤဝီၤသုသးဒ်ဂီၤဖံးမိၢ်တဒုလၢ အယီၢ်ဘုအသိးမ့ၢ်ဂ့ၤ, ကသ့ၣ်လၢအကဟဲးမ့ၢ်ဂ့ၤ

လံာ်ယံးရမံယၤ 8:4

ယွၤတဲဘၣ်ယၤလၢယကစံးဘၣ်အပှၤဂီၢ်မုၢ်, “ဖဲပှၤတဂၤဂၤလီၤ ဃံၤဝဲဒီး, အဝဲတဆၢထၢၣ်ကဒါက့ၤဝဲဘၣ်ဧါ. ဖဲပှၤတဂၤဂၤ ဟးဖျိးကျဲဒီး, တဃၣ်ကဒါက့ၤအသးဘၣ်ဧါ.

လံာ်ယဃ့းစက့လး 25:6

အအံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ, သုဒဲသုစုတဖၣ်ဒီးစံၣ်ထီၣ်လၢတၢ်သူၣ်ခုသးခုအပူၤန့ၣ်လီၤ. သုမၤလီၤသးဘၣ်အၢကီၢ်အံၣ်စရ့လးန့ၣ်လီၤ.

လံာ်ယဃ့းစက့လး 35:15

ဒ်သိးဒၣ်, သုသူၣ်ဖှံသးညီသုဝဲလၢကီၢ်အံၣ်စရ့လးလၢအမ့ၢ်ယတၢ် ဒၣ်ယဲအတၢ်မၤဟးဂူာ်ဟးဂီၤအဃိန့ၣ်လီၤ. စ့ဧၢ်အကစၢၢ်ကလိတဖၣ် မ့ၢ်မး, ကီၢ်အဒိၣ်ဒီဘ့ၣ်ညါမ့ၢ်ဂ့ၤကအိၣ်သယုၢ်လီၤဃီန့ၣ်လီၤ. အန့ၣ်တစုပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.”

လံာ်ယဃ့းစက့လး 36:5

ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လၢယတၢ် သးဒိၣ်ကဲၤထီၣ်အပူၤထီဒါပှၤကလုာ်တဖၣ်လၢအအိၣ်ခိၣ်အိၣ်ဃၢၤ ဒီးလီၤဆီဒၣ်တၢ်ထီဒါကီၢ်အဒိၣ်န့ၣ်လီၤ. လၢတၢ်နံၤဘၣ်ဖၣ်လဲ ဒီးတၢ်တပာ်လ့ၢ်ပာ်ကဲအပူၤ, အဝဲသ့ၣ်မၤန့ၢ်ကွံာ်ယကီၢ် ဒီးဟံးန့ၢ်ကွံာ်အတၢ်အီၣ်ဆၣ်အလီၢ်တဖၣ်န့ၣ်လီၤ.

လံာ်ဧၤမိၣ် 9:11

ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်ဧိၤဘါဒယၤ 1:12

လၢနဒီပုၢ်ဝဲၢ်တဖၣ်လၢကီၢ်ယူဒၤဘၣ်ကီဘၣ်ခဲအမုၢ်နံၤန့ၣ်, နတကြၢးကွၢ်ကီအီၤဒီးဆၢကျၢၤသးအီၤဘၣ်. လၢပှၤယူဒၤဖိဘၣ်တၢ်မၤဟးဂီၤအီၤအမုၢ်နံၤန့ၣ်နတကြၢးသး ခုလၢအဖီခိၣ်ဘၣ်, လၢအဝဲသ့ၣ်ဘၣ်တၢ်ကိၢ်တၢ်ဂီၤအမုၢ်နံၤန့ၣ်နတ ကြၢးကတိၤတၢ်အိၣ်ဒီးတၢ်ပာ်နသးကဖၢလၢဘၣ်.

လံာ်မံကၤ 4:10

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ဝံာ်ပကံးန သးဒီးကအုကစွါဒ်ပိာ်မုၣ်တဂၤလၢအကဆံးစၢ်အသိးန့ၣ်တက့ၢ်. အဂ့ၢ်ဒ်အံၤ, ခဲကနံၣ်အံၤသုကဘၣ်ဟးထီၣ်လၢဝ့ၢ်ပူၤဒီးအိၣ်လၢတၢ်ပျီပူၤလီၤ. သုကဘၣ်လဲၤဆူကီၢ်ဘၤဘူၤလိၣ်, ဘၣ်ဆၣ်ဒီးဖဲန့ၣ်ယွၤကအုၣ်က့ၤခီၣ်က့ၤသုလၢသုဒုၣ်သုဒါတဖၣ်အစုပူၤလီၤ.

လံာ်မံကၤ 7:10

တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.

လံာ်စကၤရယၤ 12:8

ဖဲအဆၢကတီၢ်အဝဲန့ၣ်, ယွၤကဒီဒၣ်အိၣ်ပှိၤပှၤလၢအအိၣ်လၢဝ့ၢ်ယရူၤၡလ့ၣ်အပူၤ, ဒီးပှၤလၢအဂံၢ်စၢ်ဘါစၢ်ကတၢၢ်လၢအဝဲသ့ၣ်အကျါတဖၣ်ဒၣ်လဲာ် န့ၣ်ကကဲထီၣ်ပှၤလၢအဂံၢ်ဆူၣ်ဘါဆူၣ်ဒ်စီၤဒၤဝံးမ့ၢ်တ့ၢ်အသိး န့ၣ်လီၤ. ဒီးစီၤဒၤဝံးအစၢၤအသွဲၣ်တဖၣ်ကဆှၢအဝဲသ့ၣ်ဒ်ယွၤ အကလူးအသိး, ဒီးဒ်ကစၢ်ယွၤအနီၢ်ကစၢ်ဒၣ်ဝဲအသိးန့ၣ်လီၤ.

လံာ်မၤလကံ 4:2

မ့မ့ၢ်သုဝဲ, ပှၤလၢအစူၢ်ယၤန့ၣ်, ယတၢ်အုၣ်က့ၤခီၣ်က့ၤအစိကမီၤ ကအိၣ်ထီၣ်လၢသုဖီခိၣ်ဒ်မုၢ်အသိးဒီးကဟဲစိာ်တၢ်မၤဘျါ က့ၤဒ်မုၢ်အတၢ်ကပီၤအယဲၤတဖၣ်အသိးန့ၣ်လီၤ. ဒီးသုကထူၣ်ဖျဲးဒီးသးဖှံဒ်ဂီၤ ဖံးဖိတဖၣ်လၢအဘၣ်တၢ်ပျၢ်ကွံာ်အီၤလၢအကရၢၢ်အသိးန့ၣ်လီၤ.

လံာ်မးသဲ 4:16

ပှၤတဖၣ်လၢအအိၣ်ဆိးလၢတၢ်ခံးကျါ ထံၣ်ဘၣ်တၢ်ကပီၤဖးဒိၣ်လံ. တၢ်ကပီၤထီၣ်လၢပှၤတဖၣ်လၢအအိၣ်ဝဲလၢ တၢ်သံအကီၢ်အဂီၢ်လံ” (ၡါ. ၉:၁-၂).

လံာ်ယိၤဟၣ် 16:20

ယစံးဘၣ်တဲဘၣ်သုတၢ်မ့ၢ်တၢ်တီ, သုကဟီၣ်သုကယၢၤဘၣ်ဆၣ်ဒီး ဟီၣ်ခိၣ်ကသးခုလီၤ. သုကသူၣ်အုးသးအုးဘၣ်ဆၣ်ဒီး သုတၢ်သူၣ်အုးသးအုးန့ၣ်, ကကဲထီၣ်ကဒါက့ၤလၢ တၢ်သူၣ်ခုသးခု န့ၣ်လီၤ.

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

၂ ကရံၣ်သူး 4:6

ကစၢ်ယွၤလၢအစံးဝဲ, “လၢတၢ်ခံးတၢ်နၤအပူၤန့ၣ်, တၢ်ကပီၤ ကကပီၤထီၣ်ဝဲ” န့ၣ်မ့ၢ်ကစၢ်ယွၤတဂၤဃီလၢအဒုးကပီၤလီၤအတၢ်ကပီၤလၢပသူၣ် ပသးတဖၣ်အပူၤ, ဒ်သိးအကဟဲစိာ်န့ၢ်ပှၤတၢ်သ့ၣ်ညါဘၣ်ဃး ဒီးယွၤအလၤကပီၤလၢအကပီၤထီၣ်လၢခရံာ်အမဲာ်အလိၤန့ၣ်လီၤ.

၂ ကရံၣ်သူး 4:9

ပအိၣ်ဒီးပဒုၣ်ပဒါအါဒံအါဂၤ, ဘၣ်ဆၣ်ဒီးတံၤတအိၣ်သကိးတအိၣ်န့ၣ်တအိၣ်နီတဘျီ ဘၣ်. ဒီးတဘျီဘျီပဘၣ်ဒိဆါနးမးသနာ်က့ပတဘၣ် တၢ်မၤဟးဂုာ်ဟးဂီၤကွံာ်ပှၤဘၣ်.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.