လံာ်မံကၤ 7:4 - Sgaw Karen Common Bible

⁴ ပှၤအဂ့ၤကတၢၢ်ဒီးပှၤအသူၣ်လိၤသးဘျၢကတၢၢ်လၢအဝဲသ့ၣ်အကျါဒၣ် လဲာ်အလုၢ်အပှ့ၤတအိၣ်ဘၣ်ဒ်သိးဒၣ်နီၣ်ဧိၤမံၤဧိၤတဖၣ်လီၤ. မုၢ်နံၤလၢကစၢ်ယွၤကစံၣ်ညီၣ်အပှၤဂီၢ်မုၢ်ဒ်အဟ့ၣ်ပလီၢ်ပာ်တ့ၢ် ဝဲခီဖျိအပှၤပၢၤတၢ်, ဝံတဖၣ်န့ၣ်ဟဲတုၤဝဲလံ. ခဲကနံၣ်အံၤအဝဲသ့ၣ်အိၣ်လၢတၢ်သဘံၣ်ဘုၣ်အပူၤလီၤ.

လံာ်မံကၤ 7:4 Iomraidhean Croise

လံာ်ယၡါယၤ 10:3

ယွၤမ့ၢ်စံၣ်ညီၣ်သုဒီးသုကမၤဒ်လဲၣ်. ယွၤမ့ၢ်ဒုးဘၣ်သုလၢတၢ် နးတၢ်ဖှီၣ်ဖးဒိၣ်လၢအဟဲလၢထံကီၢ်လၢအယံၤတဘ့ၣ်ဒီး, သုကမၤဒ်လဲၣ်. လၢတၢ်မၤစၢၤအဂီၢ်, သုကဃ့ၢ်ဆူ လဲၣ်ခီလဲၣ်. သုတၢ်ထူးတၢ်တီၤတဖၣ်, သုကပာ်ခူသူၣ်အီၤဖဲလဲၣ်.

လံာ်ယၡါယၤ 22:5

အအံၤမ့ၢ်တၢ်ဆၢကတီၢ်တခါလၢတၢ်ပျံၤတၢ်ဖုး, တၢ်ဃၣ်ကွံာ်, ဒီးတၢ်သဘံၣ်ဘုၣ်မၤအသး လၢတၢ်ထံၣ်လၢညါခီအကစၢၢ်ကဆူးအပူၤ, ဒီးယွၤစိဒိၣ်ကမီၤထီ, သ့တၢ်လၢာ်ကစၢ်ဆှၢ လီၤတ့ၢ်အီၤလၢပဖီခိၣ်န့ၣ်လီၤ. ပဝ့ၢ်အခိၣ်ဒူတဖၣ်ဘၣ်တၢ်တီၢ် လီၤပှီၢ်ကွံာ်အီၤ, ဒီးတၢ်ကိးထီၣ်လၢတၢ်မၤစၢၤအဂီၢ်သီၣ် ကဒါက့ၤလၢကစၢၢ်တဖၣ်အကျါန့ၣ်လီၤ.

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယံးရမံယၤ 10:15

အဝဲသ့ၣ်အလုၢ်အပှ့ၤတအိၣ်ဘၣ်ဒီးကြၢးဘၣ် တၢ်သးဘၣ်အၢအီၤလီၤ. ဖဲကစၢ်ဟဲလၢကသဂၢၢ်လိာ်အသးဒီးအဝဲသ့ၣ်န့ၣ်, အဝဲသ့ၣ်ကဘၣ်တၢ်မၤဟးဂီၤကွံာ်အီၤန့ၣ်လီၤ.

လံာ်ယံးရမံယၤ 11:23

ယပာ်လီၤတၢ်ဆၢကတီၢ်အကတီၢ်လၢယကဟဲစိာ်တၢ်တတၢးတနါ လၢဧၤနသိးအပှၤဂီၢ်မုၢ်အဖီခိၣ်, ဒီးဖဲတၢ်ဆၢကတီၢ်န့ၣ်ဟဲတုၤ ဝဲဒီး, အဝဲသ့ၣ်တအိၣ်လီၤတဲာ်နီတဂၤဘၣ်.”

လံာ်ယံးရမံယၤ 46:21

အသုးဖိတဖၣ်လၢ အဒိးလဲန့ၢ်ဝဲဒၣ်လဲာ် မၤစၢၤလီၤက့ၤအသးတသ့ဘၣ်ဒ် ဂီၤဖံးဖိတဖၣ်အသိးန့ၣ်လီၤ. အဝဲသ့ၣ် တဆၢထၢၣ်ဒီး ဒုးတၢ်ဘၣ်. အဝဲသ့ၣ်ခဲလၢာ်ဃၣ်အသးဒီး ဃ့ၢ်ကွံာ်ဝဲလီၤ. တၢ်စံၣ်ညီၣ်ဃါမနၤအမုၢ်တနံၤတုၤ အိၣ်အဝဲသ့ၣ်လံ. မ့ၢ်အဝဲသ့ၣ်အတၢ်ဟးဂီၤအဆၢကတီၢ်န့ၣ်လီၤ.

လံာ်ယံးရမံယၤ 8:12

ယပှၤဂီၢ်မုၢ်သ့ၣ်ဧၢ, လၢသုမၤတ့ၢ်တၢ်လီၤသးဘၣ်အၢဒ်သိးအံၤ တဖၣ်အဃိ, မ့ၢ်သုတမဲာ်ဆှးတ့ၢ်ဘၣ်ဧါ. သုတမဲာ်ဆှး လ့ၤတက့ၤဘၣ်. သုတသ့ၣ်ညါဘၣ်ဒၣ်လဲာ်လၢသုကဘၣ်မဲာ်ကိၢ်နါကိၢ်ဒ်လဲၣ်န့ၣ်ဘၣ်. လၢတၢ်န့ၣ်အဃိသုကလီၤဃံၤဝဲဒ်ပှၤဂၤတဖၣ် လီၤဃံၤဝဲအသိးန့ၣ်လီၤ. ဖဲယစံၣ်ညီၣ်သုန့ၣ်, အဝဲန့ၣ်ကမ့ၢ်တၢ်အကတၢၢ်လၢသုဂီၢ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 2:6

ဘၣ်ဆၣ်နဲဒၣ်, ပှၤကညီလၢအသံသ့အံၤ, နတဘၣ်ပျံၤအဝဲသ့ၣ်မ့ၢ် ဂ့ၤ, တၢ်လၢအဝဲသ့ၣ်စံးဝဲတမံၤမံၤမ့ၢ်ဂ့ၤန့ၣ်ဘၣ်. အဝဲသ့ၣ်ကခီၣ်ဆၢနၤဒီးကပာ်နၤဒ်ပှၤလၢတဂိာ်တသီၣ်တၢ်ဘၣ် န့ၣ်လီၤ. တၢ်န့ၣ်ကမၤအသးဒ်တၢ်အိၣ်ဆိးလၢပတ့ၤချဲးတဖၣ် အကျါအသိးန့ၣ်လီၤ. အန့ၣ်ဒၣ်လဲာ်ပျံၤပှၤပူထီၣ်တၢ်ဖိ တဖၣ်န့ၣ်မ့ၢ်ဂ့ၤ, တၢ်တမံၤမံၤလၢအဝဲသ့ၣ်စံးဝဲမ့ၢ်ဂ့ၤ, န့ၣ်တဂ့ၤ.

လံာ်ယဃ့းစက့လး 28:24

ယွၤစံးဝဲဒၣ်, “ပှၤကလုာ်တဖၣ်လၢအအိၣ်ဝးတရံးကီၢ်အံၣ်စရ့လး, လၢအမၤတရီတပါအီၤန့ၣ်, တကဲထီၣ်လၢၤတၤဆှုၣ်တၤမဲတဖၣ် လၢကမၤဆါကဒီးအီၤနီတဖုလၢၤဘၣ်. ဒီးအဝဲသ့ၣ်ကသ့ၣ်ညါဝဲ လၢယမ့ၢ်ယွၤပၢဘၣ်တၢ်ခဲလၢာ်အကစၢ်န့ၣ်လီၤ.”

လံာ်ဧၤမိၣ် 8:2

ယွၤသံကွၢ်ယၤ, စီၤဧၤမိၣ်ဧၢ, နထံၣ်တၢ်မနုၤလဲၣ်. ဒီးယစံးဆၢ တၤသၣ်မံတနာ်” လီၤ. ဒီးယွၤစံးဝဲဒၣ်, တၢ်အကတၢၢ်တုၤဃီၤလံလၢယပှၤဂီၢ်မုၢ်အံၣ်စရ့လးအဂီၢ်န့ၣ်လံ. ယတပျဲပူၤလၢၤဘၣ်အီၤဘၣ်.

လံာ်နၤဃူၣ် 1:10

ဒ်မ့ၣ်အူအီၣ်ကွံာ်တၤဆှုၣ်တၤမဲဘံဘူအသးတဖၣ် ဒီးဘုလီၢ်ခိၣ်ဆၢၣ်အဃ့အသိးန့ၣ်, သုဝဲပှၤအီမူၤအသးသ့ၣ်တဖၣ်ဒီးသုတၢ်အိတၢ်အီၣ်တဖၣ် မ့ၣ်အူကအီၣ်ကွံာ်န့ၣ်လီၤ.

လံာ်လူၤကၣ် 21:25

တၢ်ပနီၣ်တဖၣ်ကအိၣ်ဝဲလၢမုၢ်, လါ, ဒီးဆၣ်တဖၣ်အပူၤန့ၣ်လီၤ. လၢဟီၣ်ခိၣ်အဖီခိၣ်န့ၣ်, ပှၤကလုာ်တဖၣ်ကအိၣ်ဝဲလၢတၢ်သူၣ်ကိၢ်သးဂီၤနးမး, ဒီးတၢ်သးသဘံၣ်ဘုၣ်ဖဲ ပီၣ်လဲၣ်အလပီသီၣ်ထီၣ်ရုၢ်ရုၢ်ဒီး စံၣ်စုးအခါန့ၣ်လီၤ.

ဧ့ၤဘြံၤ 6:8

ဘၣ်ဆၣ်ဒီးဟီၣ်ခိၣ်မ့ၢ်ဒုးမဲထီၣ်တၤဆှုၣ်တၤမဲ, တပှီာ်တပှာ်ဒီးအဘျုးတအိၣ်ဘၣ်သတးဒီးအိၣ်ဘူးထီၣ်ဒီးတၢ်ဘၣ် ဆိၣ်အၢဒီးလၢခံကတၢၢ်န့ၣ်, ကဘၣ်တၢ်ဆူးထီၣ်ကွံာ်အီၤလၢမ့ၣ် အူန့ၣ်လီၤ.