လံာ်မံကၤ 7:3 - Sgaw Karen Common Bible

³ အဝဲသ့ၣ်ခဲလၢာ်မ့ၢ်ပှၤစဲၣ်နီးလၢတၢ်မၤတၢ်အၢန့ၣ်လီၤ. ပဒိၣ်ဖးဒိၣ်တဖၣ်ဒီးပှၤစံၣ်ညီၣ်ကွီၢ်တဖၣ်ဃ့ခိၣ်ဖးလာ် ဆှိးတဖၣ်လီၤ. ပှၤဟံးစိဟံးကမီၤတဲဘၣ်အဝဲသ့ၣ်တၢ်လၢအသးလီဝဲသတးဒီးအဝဲ သ့ၣ်ကူၣ်ထီၣ်သကိးတၢ်အၢလီၤ.

လံာ်မံကၤ 7:3 Iomraidhean Croise

တၢ်ကတိၤဒိ. 16:30

ပလီၢ်သုသးလၢပှၤတဖၣ်လၢအနံၤကမှံထီၣ်ဒီးဖျးတဆံးအမဲာ်လၢ သုတက့ၢ်. အဝဲသ့ၣ်ကူၣ်ထီၣ်တၢ်အၢတၢ်သီတမံၤမံၤလံ.

တၢ်ကတိၤဒိ. 17:23

စံၣ်ညီၣ်ကွီၢ်တတီတတြၢ်တဖၣ်တူၢ်လိာ်တၢ်ဟ့ၣ်ခူသူၣ်ခိၣ်ဖး လာ်ဆှိးလီၤ. အန့ၣ်ဒီးတၢ်စံၣ်ညီၣ်တီတမၤအသးဘၣ်.

လံာ်ယၡါယၤ 1:23

နပှၤခိၣ်ပှၤနၢ်တဖၣ်န့ၣ်မ့ၢ်ပှၤပူထီၣ်တၢ်ဒီးမ့ၢ်တၢ်ဘျၣ်တဖၣ်အတံၤ သကိးလီၤ. အဝဲသ့ၣ်တူၢ်လိာ်တၢ်ဟ့ၣ်တဖၣ်ဒီးခိၣ်ဖးလာ်ဆှိးတဖၣ် ထီဘိလီၤ. အဝဲသ့ၣ်တဒီဒၣ်အိၣ်ပှိၤပှၤဖိၣ်ဃဲတဖၣ်လၢ ကွီၢ်ဘျီၣ်ပူၤမ့ၢ်ဂ့ၤ, တဒိကနၣ်ဝဲဒၣ်ဖဲမုၣ်ကမဲတဖၣ်ဆှၢထီၣ် အကွီၢ်မ့ၢ်ဂ့ၤနီတစုဘၣ်ဒီးပှၤမုၣ်ကမဲတဖၣ်အတၢ်လိာ်ကွီၢ်န့ၣ်, တဒိကနၣ်ဝဲဘၣ်.

လံာ်ယၡါယၤ 26:21

ယွၤကဟဲဝဲလၢအလီၢ်ပစိာ်လၢမူခိၣ်ဒ်သိးကစံၣ်ညီၣ်ပှၤဂီၢ်မုၢ်လၢ ဟီၣ်ခိၣ်အံၤလၢအဝဲသ့ၣ်အတၢ်ဒဲးဘးဒၣ်ဝဲအဃိလီၤ. တၢ်မၤသံမၤဝီတဖၣ်လၢတၢ်မၤတ့ၢ်အီၤလၢတၢ်ခူသူၣ်အပူၤလၢ ဟီၣ်ခိၣ်အံၤ, ကဘၣ်တၢ်မၤဖျါထီၣ်အီၤလီၤ. ဒီးဟီၣ်ခိၣ်တပာ်ခူသူၣ်လၢၤပှၤလၢအဘၣ်တၢ်မၤသံတ့ၢ်အီၤ တဖၣ်လၢၤဘၣ်.

လံာ်ယၡါယၤ 3:5

ပှၤကိးဂၤဒဲးကဟံးန့ၢ်တၢ်ခွဲးတၢ်ယာ် လၢပှၤအဂၤကိးဂၤဒဲးအဖီခိၣ်န့ၣ်လီၤ. ပှၤသးစၢ်တဖၣ်တပာ်ကဲ အပှၤသူၣ်က့သးပှၢ်တဖၣ်ဘၣ်ဒီးပှၤလၢအလုၢ် အပှ့ၤတအိၣ်တဖၣ်တပာ်ကဲပှၤလၢအလီၢ်ထီန့ၢ်အီၤတဖၣ်ဘၣ်လီၤ.

လံာ်ယၡါယၤ 32:7

ပှၤဟးဂီၤဖိတဂၤအၢဝဲသီဝဲဒီးမၤတၢ်အၢတၢ်သီတဖၣ်လီၤ. အဝဲကူၣ်ကျဲၤဝဲဒ်သိးကမၤဟးဂီၤပှၤဖှီၣ်ဖိယာ်ဖိတဖၣ် လၢတၢ်လီတၢ်ဝ့ၤတဖၣ်ဒီးကတြီဃာ်အီၤလၢ ကမၤန့ၢ်တၢ်လၢအကြၢးဒိးန့ၢ်ဝဲတဖၣ်လီၤ.

လံာ်ယၡါယၤ 5:23

ဘၣ်ဆၣ်, ထဲလၢခိၣ်ဖးတခါအဃိသုပျဲပူၤပှၤလၢအတၢ်ကမၣ် အိၣ်တဖၣ်, ဒီးသုတြီဃာ်ပှၤလၢအတၢ်ကမၣ်တအိၣ်ဒ်သိး အသုတန့ၢ်ဘၣ်တၢ်စံၣ်ညီၣ်တီတဂ့ၤအဂီၢ်လီၤ.

လံာ်ယံးရမံယၤ 3:5

တမ့ၢ်နကသးဒိၣ်ယၤထီဘိတထံၣ်ဃီဘၣ်. တမ့ၢ်နကသးဖျိးယၤ လီၤထူလီၤယိာ်ဘၣ်.’ ကီၢ်အံၣ်စရ့လးဧၢ, နစံးတ့ၢ်ယၤတၢ်ဒ်န့ၣ်, ဘၣ်ဆၣ်ဒီးနမၤတ့ၢ်တၢ်အၢလၢနမၤသ့ခဲလၢာ်န့ၣ်လီၤ.”

လံာ်ယံးရမံယၤ 4:22

ယွၤစံးဝဲဒၣ်, “ယပှၤဂီၢ်မုၢ်တဖၣ်အံၤမၢးဒိၣ်မးဒီး တသ့ၣ်ညါယၤဘၣ်. အဝဲသ့ၣ်လီၤဂာ်ဒီးဖိသၣ်လၢသးတဆးတဖၣ် ဒီးအတၢ်သ့ၣ်ညါနၢ်ပၢၢ်တအိၣ်နီတမံၤဘၣ်. အဝဲသ့ၣ်မ့ၢ်ပှၤစဲၣ်နိးတဖၣ်, လၢတၢ်မၤတၢ်အၢအပူၤဘၣ် ဆၣ်လၢတၢ်မၤတၢ်ဂ့ၤန့ၣ်, အဝဲသ့ၣ်ဃၣ်ကွံာ်ဝဲလီၤ.”

လံာ်ယံးရမံယၤ 8:10

လၢတၢ်န့ၣ်အဃိ, ယကဟ့ၣ်လီၤကွံာ်အဝဲသ့ၣ်အစံာ်ဧိၤပှဲၤဧိၤ တဖၣ်ဆူအကစၢ်အသီတဖၣ်အစုပူၤဒီးအဝဲသ့ၣ်အမါတဖၣ်ဆူ ပှၤပိာ်ခွါအဂၤတဖၣ်အအိၣ်န့ၣ်လီၤ. ပှၤကိးဂၤဒဲး, ဒိၣ်မ့ၢ်ဂ့ၤဆံးမ့ၢ်ဂ့ၤ, ကျဲးစၢးမၤန့ၢ်စ့လၢတၢ်တတီတလိၤအပူၤလီၤ. ဝံတဖၣ်ဒီးပှၤလုၢ်တၢ်အခိၣ်တဖၣ်ဒၣ်လဲာ်လီအီၣ်ပှၤဂီၢ်မုၢ်န့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 22:27

တၢ်ပၢတၢ်ပြးအပဒိၣ်ပပှၢ်တဖၣ်လီၤဂာ်ဒ်ထွံၣ်မံၤတဖၣ်လၢအအ့ၣ်ဖှီ ကွံာ်ဆၣ်ဖိကီၢ်ဖိတဖၣ်လၢအမၤသံတ့ၢ်ဝဲအသိးန့ၣ်လီၤ. အဝဲသ့ၣ်မၤသံတၢ်ဒ်သိးကထူးထီၣ်တီၤထီၣ်ဝဲအဂီၢ်န့ၣ်လီၤ.

လံာ်ယဃ့းစက့လး 22:6

ကယဲၢ်ကီၢ်အံၣ်စရ့လးအခိၣ်အနၢ်ခဲလၢာ်နာ်န့ၢ်လီၤအဂံၢ်အဘါဒၣ် ဝဲဒီးမၤသံတၢ်န့ၣ်လီၤ.

လံာ်ယဃ့းစက့လး 34:21

သုဆီၣ်ကပၤကွံာ်သိလၢအဆူးအဆါတဖၣ်ဒီးဘျၢၣ်ဖျိးကွံာ် အဝဲသ့ၣ်လၢသိတဖုအအိၣ်န့ၣ်လီၤ.

လံာ်ယဃ့းစက့လး 9:9

ကစၢ်ယွၤစံးဆၢတၢ်ဒီးစံးဝဲ, “ကီၢ်အံၣ်စရ့လးဒီးကီၢ်ယူဒၤ အပှၤဂီၢ်မုၢ်တဖၣ်မၤတၢ်ဒဲးဘးတဖၣ်လၢအလီၤပျံၤလီၤဖုးန့ၣ်လီၤ. အဝဲသ့ၣ်မၤသံတ့ၢ်တၢ်လၢထံကီၢ်ဒီဘ့ၣ်ညါဒီးမၤပှဲၤဝ့ၢ် ယရူၤၡလ့ၣ်ဒီးတၢ်မၤကမၣ်တၢ်သိၣ်တၢ်သီန့ၣ်လီၤ. အဝဲသ့ၣ်စံးဝဲလၢယၤ, ယွၤအံၤ, ပာ်လီၤတဲာ်ကွံာ်အဝဲသ့ၣ်အထံ အကီၢ်ဒီးလၢယတထံၣ်အဝဲသ့ၣ်ဘၣ်န့ၣ်လီၤ.

လံာ်ဟိၤၡ့ 4:18

ဖဲအအီလုၣ်ကိစပံးထံဝံၤန့ၣ်, အဝဲသ့ၣ်မုာ်လၤလၢတၢ်မၤဃဲသဲ မုၣ်အတၢ်မၤအပူၤ, ဘၣ်သူၣ်ဘၣ်သးလၢကမၤလၤကပီၤတၢ်မဲာ်ဆှးန့ၣ် လီၤ.

လံာ်ဟိၤၡ့ 7:3

ယွၤစံးဝဲဒၣ်, ပှၤဂီၢ်မုၢ်တဖၣ်ကူၣ်လီဝဲစီၤပၤဒီးအပဒိၣ်ပပှၢ်တဖၣ် ခီဖျိတၢ်အၢတဖၣ်လၢအကူၣ်ထီၣ်ဖးလီၤဝဲဒၣ်လီၤ.

လံာ်ဧၤမိၣ် 5:12

ယသ့ၣ်ညါသုတၢ်ဒဲးဘးတဖၣ်အၢဝဲသီ ဝဲဆံးဒိၣ်လဲၣ်ဒီးသုမၤတ့ၢ်တၢ်သရူးကမၣ်တဖၣ်ဆံးအါလဲၣ်န့ၣ် လီၤ. သုမၤအၢမၤနးပှၤတီပှၤလိၤ, ဟံးန့ၢ်ခိၣ်ဖးလာ်ဆှိးတဖၣ်ဒီး တြီပှၤဖှီၣ်ဖိယာ်ဖိလၢအကဒိးန့ၢ်တၢ်စံၣ်ညီၣ်တီလၢကွီၢ် ဘျီၣ်တဖၣ်အပူၤန့ၣ်လီၤ.

လံာ်မံကၤ 2:8

ယွၤစံးဝဲ, “သုဒုးတၢ်ထီဒါယပှၤဂီၢ်မုၢ်ဒ်ဒုၣ်ဒါတဖၣ်အသိးလီၤ. ပှၤဟဲက့ၤလၢတၢ်ဒုးတဖၣ်, ဆိကမိၣ်ဝဲတၢ်ပူၤဖျဲးအိၣ်လၢဟံၣ် လီၤ. ဘၣ်ဆၣ်သုခိးတၢ်ဖဲန့ၣ်ဒ်သိးသုကဂုာ်န့ၢ်အတၢ်ကူ တၢ်သိးတဖၣ်လၢအလိၤလီၤ.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်မံကၤ 3:2

အန့ၣ်ဒၣ်လဲာ်, သုသးဟ့တၢ်လၢအဂ့ၤဒီးအဲၣ်တၢ်လၢအအၢအသီလီၤ. သုအုၣ်ကွံာ်မူဒံးယပှၤဂီၢ်မုၢ်အဖံးဒီး အိးကွံာ်အညၣ်လၢအဃံတဖၣ်အလိၤလီၤ.

လံာ်မးသဲ 26:15

ဒီးသံကွၢ်ဝဲ, “ယမ့ၢ်ဟ့ၣ်လီၤကွံာ်ယ့ၣ်ၡူးဆူသုစုပူၤန့ၣ်, သုကဟ့ၣ်ယၤတၢ်မနုၤလဲၣ်.” ဒီးအဝဲသ့ၣ်ဂံၢ်န့ၢ်စ့ညၣ်အဘ့ၣ်သၢဆံဝံၤဟ့ၣ်လီၤအီၤန့ၣ်လီၤ.

1 ကရံၣ်သူး 4:5

လၢတၢ်န့ၣ်အဃိတချုးတၢ်ဆၢကတီၢ်အဘၣ်တုၤဃီၤဒံးဘၣ်န့ၣ်, သုတကြၢးဟ့ၣ်တၢ်စံၣ်ညီၣ်ဘၣ်ဃးဒီးပှၤနီတဂၤဘၣ်. တၢ်စံၣ်ညီၣ်လၢခံကတၢၢ်န့ၣ်, ကဘၣ်အိၣ်ခိးတုၤလၢကစၢ်ဟဲတုၤ တစုလီၤ. အဝဲကလီၣ်ဖျါထီၣ်တၢ်ခူသူၣ်အိၣ်တဒၢလၢတၢ်ခံးတၢ်နၤ အပူၤတဖၣ်ဒီးမၤဖျါထီၣ်တၢ်တိာ်ပာ်ခူသူၣ်အိၣ်လၢ ပှၤကညီအသူၣ်ကံၢ်သးလဲအပူၤန့ၣ်လီၤ. တုၤနုၤတစုပှၤကိးဂၤဒဲးကဒိးန့ၢ်တၢ်စံးထီၣ်ပတြၢၤလၢအ ကြၢးဒီးအီၤလၢကစၢ်ယွၤအအိၣ်န့ၣ်လီၤ.