လံာ်မံကၤ 7:2 - Sgaw Karen Common Bible

² ပှၤသူၣ်လိၤသးဘျၢတဂၤဒၣ်လဲာ်တအိၣ်လၢၤဘၣ် လၢကီၢ်ပူၤဘၣ်. ပှၤတတီဒီးယွၤနီတဂၤဘၣ်. ပှၤကိးဂၤအိၣ်ခိးဝဲတၢ်ခွဲးတၢ်ယာ်လၢကမၤသံမၤဝီတၢ်လီၤ. ပှၤကိးဂၤဒဲးလူၤဃုဖီၣ်န့ၢ်အထံဖိကီၢ်ဖိကဒဲကဒဲလီၤ.

လံာ်မံကၤ 7:2 Iomraidhean Croise

စံးထီၣ်ပတြၢၤ 10:9

အိၣ်ခိးဝဲလၢတၢ်ခူသူၣ်အပူၤဒ် ခ့ယုၢ်လၢတပှီာ်အကျါအသိး, အိၣ်ခိးဝဲဒ်သိးကဖီၣ်န့ၢ်ပှၤဖှီၣ်ဖိယာ်ဖိ ဒီးဖီၣ်န့ၢ်အဝဲသ့ၣ်လၢအပျံၤသကွီၤအပူၤ ဒီးထုးတြူာ်ကွံာ်အီၤန့ၣ်လီၤ.

စံးထီၣ်ပတြၢၤ 12:1

ယွၤဧၢ, မၤစၢၤပှၤတက့ၢ်, ပှၤအဲၣ်ယွၤပျံၤယွၤတအိၣ်နီတဂၤလၢၤဘၣ်. ပှၤအကလုၢ်တီတဘၣ်တၢ်ထံၣ်န့ၢ်အီၤလၢ ပှၤဟီၣ်ခိၣ်ဖိအကျါလၢၤဘၣ်.

စံးထီၣ်ပတြၢၤ 12:2

အဝဲသ့ၣ်ခဲလၢာ်လီလိာ်အသးတဂၤဒီးတဂၤ, လီန့ၢ်လွဲန့ၢ်လိာ်အသးလၢ တၢ်ကတိၤအူသဖှိတၢ်န့ၣ်လီၤ.

စံးထီၣ်ပတြၢၤ 57:6

ယဒုၣ်ယဒါသ့ၣ်တဖၣ်ရၤလီၤအပှာ် ဧိၤစၤဧိၤလၢကဖီၣ်န့ၢ်ယၤအဂီၢ်လီၤ. ယဘၣ်တၢ်မၤနၢၤယၤလၢတၢ်ကိၢ်တၢ်ဂီၤန့ၣ်လီၤ. အဝဲသ့ၣ်ခူၣ်လီၤတၢ်ပူၤလၢယကျဲ, ဘၣ်ဆၣ်အကစၢ်ဒၣ်ဝဲလီၤတဲာ်လၢတၢ်ပူၤန့ၣ်လီၤ. စ့လၤ

တၢ်ကတိၤဒိ. 1:11

အဒိအဝဲသ့ၣ်ကစံး, “ဟဲ, ပကလဲၤဆူပှၤတဂၤဂၤလၢပကမၤသံအီၤ အအိၣ်တက့ၢ်. မ်ပကမၤဒၢၣ်ပှၤလၢအတၢ်ကမၣ် တအိၣ်တဖၣ်လၢတၢ်မၤမုာ်ပသးဒၣ်ဝဲအဂီၢ်တက့ၢ်.

တၢ်ကတိၤဒိ. 12:6

ပှၤတတီတလိၤတဖၣ်အတၢ်ကတိၤကူၣ်ထီၣ်တၢ်မၤသံမၤဝီလီၤ. မ့မ့ၢ်, ပှၤတီပှၤလိၤအတၢ်ကတိၤတဖၣ်န့ၣ်အုၣ်က့ၤခီၣ်က့ၤပှၤလၢ အဘၣ်တၢ်မၤပျံၤမၤဖုးအီၤတဖၣ်လီၤ.

လံာ်ယၡါယၤ 3:5

ပှၤကိးဂၤဒဲးကဟံးန့ၢ်တၢ်ခွဲးတၢ်ယာ် လၢပှၤအဂၤကိးဂၤဒဲးအဖီခိၣ်န့ၣ်လီၤ. ပှၤသးစၢ်တဖၣ်တပာ်ကဲ အပှၤသူၣ်က့သးပှၢ်တဖၣ်ဘၣ်ဒီးပှၤလၢအလုၢ် အပှ့ၤတအိၣ်တဖၣ်တပာ်ကဲပှၤလၢအလီၢ်ထီန့ၢ်အီၤတဖၣ်ဘၣ်လီၤ.

လံာ်ယၡါယၤ 57:1

ပှၤအဂ့ၤတဖၣ်သံဝဲ, ဒီးပှၤတသ့ၣ်ညါနၢ်ပၢၢ်ဒီးပာ်သူၣ်ပာ်သး လၢအဂ့ၢ်နီတဂၤဒၣ်လဲာ်ဘၣ်. ဘၣ်ဆၣ်ဖဲအဝဲသ့ၣ်သံဝဲန့ၣ်, တၢ်တတၢးတနါမၤဘၣ်ဒိဘၣ်ထံးအဝဲသ့ၣ်တသ့နီတမံၤဘၣ်.

လံာ်ယၡါယၤ 59:7

ထီဘိန့ၣ်သုကူၣ်ကျဲၤတၢ်အၢတၢ်သီတမံၤမံၤ, ဒီးသုကမၤအီၤန့ၣ်သုခိးတကဲဒၣ်လဲာ်ဘၣ်. သုတမၤယံာ်မၤနီၢ်သုသးနီတစဲးလၢသုကမၤသံပှၤဂီၢ်မုၢ်လၢအ တၢ်ကမၣ်တအိၣ်န့ၣ်ဘၣ်. ဖဲသုလဲၤတပူၤလၢ်လၢ်န့ၣ်, သုပာ်တီၢ်တၢ်ဟးဂီၤဒီးတၢ်မၤဟးဂီၤ,

လံာ်ယၡါယၤ 9:19

မ့ၢ်လၢယွၤ, သ့တၢ်လၢာ်ကစၢ်အသးထီၣ်အဃိ, အဝဲအတၢ်စံၣ်ညီၣ်အီၣ်ကွံာ်တၢ်ဒ်မ့ၣ်အူအီၣ်တၢ်လၢထံကီၢ် ဒီဘ့ၣ်အသိး, ဒီးမၤဟးဂီၤကွံာ်ပှၤဂီၢ်မုၢ်လီၤ. ဒီးပှၤကိးဂၤဒဲးန့ၣ်မ့ၢ်ပှၤအဲၣ်လီၤထဲအသးဒၣ်ဝဲဧိၤန့ၣ်လီၤ.

လံာ်ယံးရမံယၤ 16:16

ယွၤစံးဝဲဒၣ်, “ယမၤလိာ်လံပှၤမၤညၣ်ဖိအါဂၤလၢ ကဟဲဒီးမၤန့ၢ်ပှၤဂီၢ်မုၢ်သ့ၣ်တဖၣ်အံၤန့ၣ်လီၤ. အန့ၣ်ဝံၤဒီးယ ကမၤလိာ်ပှၤဟးခးအီၣ်တၢ်ဖိအါဂၤလၢကလူၤခးအဝဲသ့ၣ်လၢက စၢၢ်ဒီးတၢ်လူၢ်ကိးဖျၢၣ်ဒဲးအဒီခိၣ်ဒီးလၢတၢ်ကအိပူၤတဖၣ်လၢလၢၢ် ဧိၤလ့ဧိၤအကျါန့ၣ်လီၤ.

လံာ်ယံးရမံယၤ 5:16

အဝဲသ့ၣ်အပှၤခးချံၣ်တဖၣ်မ့ၢ်သုးဖိလၢအဂံၢ်ဆူၣ်ဘါဆူၣ်တဖၣ် လၢမၤသံတၢ်တအိၣ်ဒီးတၢ်သးကညီၤဘၣ်န့ၣ်လီၤ.

လံာ်ယံးရမံယၤ 5:26

ပှၤအၢပှၤသီတဖၣ်အိၣ်ဆိးဝဲလၢယပှၤဂီၢ်မုၢ်အကျါလီၤ. အဝဲသ့ၣ်အိၣ်ခိးခူသူၣ်တၢ်ဒ်ပှၤတဖၣ်လၢအသလၣ် လီၤအပှာ်ဧိၤစၤဧိၤလၢအကဖီၣ်န့ၢ်ထိၣ်တဖၣ်အဂီၢ်အသိး, ဘၣ်ဆၣ်ဒီးအဝဲသ့ၣ်ပာ်လီၤအထုတဖၣ်လၢကဖီၣ်န့ၢ်ပှၤကညီတဖၣ် အဂီၢ်တခီန့ၣ်လီၤ.

လံာ်ယံးရမံယၤ 8:6

ယဒိကနၣ်တၢ်လီၤတံၢ်လီၤဆဲး, ဘၣ်ဆၣ်ဒီးသုတကတိၤတၢ်မ့ၢ်တၢ်တီဘၣ်. သုတသးအုးလၢသုတၢ်အၢတၢ်သီအဃိနီတဂၤဘၣ်. သုတသံကွၢ်တ့ၢ်နီတဂၤလၢ ‘မ့ၢ်ယမၤကမၣ်တၢ်မနုၤလဲၣ်’ န့ၣ်ဘၣ်. ပှၤကိးဂၤဒဲးလဲၤဒၣ်လၢအကျဲဒၣ်ဝဲ, ဒ်ကသ့ၣ် တဒုဃ့ၢ်သဖှိဃီၤဆူတၢ်ဒုးအပူၤအသိးန့ၣ်လီၤ.

လံာ်သးသယုၢ်တၢ် 4:18

ဒုၣ်ဒါန့ၣ်ခိးကွၢ်ပှၤဒီးပလဲၤတၢ်လၢကျဲတဖၣ် အပူၤဒၣ်လဲာ်တသ့ဘၣ်. ပမုၢ်နံၤတဖၣ်လၢာ်ကွံာ်ဝဲ, တၢ်အကတၢၢ်ဟဲတုၤလံ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 24:6

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲဒၣ်န့ၣ်လီၤ. “ပှၤမၤသံတၢ်ဖိတဖၣ်အဝ့ၢ်န့ၣ်ဘၣ်တၢ်စံၣ်ညီၣ်ဃါမနၤလီၤ. ဝ့ၢ်န့ၣ်လီၤဂာ်ဒ်သပၢၤတဖျၢၣ်လၢအထီၣ်အ့ၣ်လၢတၢ်တမၤကဆှဲ ကဆှီထီၣ်အီၤနီတဘျီဘၣ်န့ၣ်လီၤ. တၢ်ညၣ်တကူာ်ဘၣ်တကူာ်ဘၣ်တၢ်ထုးထီၣ်ကွံာ်အီၤဒီးတအိၣ်လီၤ တဲာ်တ့ၢ်နီတကူာ်ဘၣ်.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်ဟိၤၡ့ 6:9

ပှၤလုၢ်တၢ်အခိၣ်တဖၣ်လီၤဂာ်ဒ်တမျာ်အဖုတဖၣ်လၢအခိးခူ သူၣ်တၢ်ဒ်သိးကဒုးပှၤတဂၤန့ၣ်လီၤ. လၢကျဲလၢအလဲၤဆူတၢ်လီၢ်စီဆှံ ၡက့ၣ်ဒၣ်လဲာ်န့ၣ်အဝဲသ့ၣ်မၤသံတၢ်လီၤ. ဒီးအဝဲသ့ၣ်ခဲလၢာ်မၤတၢ်အၢတၢ်သီတဖၣ်အံၤအိၣ်ဒီးအတၢ်ကူၣ် ထီၣ်ဖးလီၤန့ၣ်လီၤ.

လံာ်မံကၤ 2:8

ယွၤစံးဝဲ, “သုဒုးတၢ်ထီဒါယပှၤဂီၢ်မုၢ်ဒ်ဒုၣ်ဒါတဖၣ်အသိးလီၤ. ပှၤဟဲက့ၤလၢတၢ်ဒုးတဖၣ်, ဆိကမိၣ်ဝဲတၢ်ပူၤဖျဲးအိၣ်လၢဟံၣ် လီၤ. ဘၣ်ဆၣ်သုခိးတၢ်ဖဲန့ၣ်ဒ်သိးသုကဂုာ်န့ၢ်အတၢ်ကူ တၢ်သိးတဖၣ်လၢအလိၤလီၤ.

လံာ်မံကၤ 3:10

သုသူၣ်ထီၣ်ကစၢ်ယွၤအဝ့ၢ်ယရူၤၡလ့ၣ်လၢတၢ်မၤသံမၤဝီ ဒီးတၢ်စံၣ်ညီၣ်လီအခီၣ်ထံးအဖီခိၣ်လီၤ.

လံာ်မံကၤ 3:2

အန့ၣ်ဒၣ်လဲာ်, သုသးဟ့တၢ်လၢအဂ့ၤဒီးအဲၣ်တၢ်လၢအအၢအသီလီၤ. သုအုၣ်ကွံာ်မူဒံးယပှၤဂီၢ်မုၢ်အဖံးဒီး အိးကွံာ်အညၣ်လၢအဃံတဖၣ်အလိၤလီၤ.

လံာ်စကၤရယၤ 11:6

(ယွၤစံးဝဲဒၣ်, “ယတသးကညီၤလၢၤဘၣ်ပှၤနီတဂၤလၢဟီၣ်ခိၣ်အံၤဘၣ်. ယကစၢ်ဒၣ်ယဲယကပာ်ပှၤဂီၢ်မုၢ်ခဲလၢာ်လၢအပှၤပၢတၢ်တဖၣ်အတၢ်စိတၢ် ကမီၤအပူၤလီၤ. ပှၤပၢတၢ်တဖၣ်န့ၣ်ကမၤဟးဂီၤကွံာ်ဟီၣ်ခိၣ်ဒိၣ်ဒိၣ်မုၢ်မုၢ်, ဒီးယတအုၣ်က့ၤခီၣ်က့ၤဘၣ်အီၤလၢအဝဲသ့ၣ်အတၢ်စိတၢ်ကမီၤအပူၤ ဘၣ်.”)

မၤတၢ် 24:9

ပှၤယူဒၤဖိတဖၣ်စ့ၢ်ကီးပာ်တၢ်ကမၣ်ထီဒါစီၤပီလူးဒ်န့ၣ်အသိး, ဒီးစံးဝဲလၢတၢ်သ့ၣ်တဖၣ်အံၤခဲလၢာ်မ့ၢ်ဝဲတီဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 24:11

ကွၢ်တက့ၢ်, ယပၢ်ဧၢ, ကွၢ်ဃီၤနဆ့ကၤဖးထီအက့တက့လၢယဖီၣ်ဃး အီၤအံၤတက့ၢ်. ယမၤသံနၤသ့လီၤ. ဘၣ်ဆၣ်ဒီး, အခိၣ်တလိာ်န့ၣ်, ယကူးတဲာ်ထဲတၢ်အံၤဧိၤလီၤ. တၢ်အံၤဒုးနၢ်ပၢၢ်လီၤတံၢ်နၤလၢယတအိၣ်ဒၣ်လဲာ်ဒီးတၢ်ဆိကမိၣ် လၢတၢ်ပူထီၣ်ထီဒါနၤမ့ၢ်ဂ့ၤမၤဆါနၤမ့ၢ်ဂ့ၤဘၣ်. နလူၤဖီၣ်န့ၢ်ယၤလၢနကမၤသံယၤအဂီၢ်ဖဲယတမၤကမၣ်ဘၣ်နၤနီတမံၤ ဘၣ်ဒၣ်လဲာ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 26:20

တဘၣ်ပျဲယဘၣ်တၢ်မၤသံယၤလၢပှၤတခီဘီမုၢ်ဖိအဟီၣ်ခိၣ်လိၤ, ယံၤဒီးယွၤန့ၣ်တဂ့ၤ. ဘၣ်မနုၤလၢကီၢ်အံၣ်စရ့လးအစီၤပၤဟဲဒ်သိး ကမၤသံတၢ်အကျံတဘ့ၣ်ဒ်ယၤအသိးအံၤန့ၣ်လဲၣ်. ဘၣ်မနုၤလၢအဝဲဘၣ်လူၤခးယၤဒ်ထိၣ်မံၤအသိးန့ၣ်လဲၣ်.”