လံာ်မံကၤ 7:11 - Sgaw Karen Common Bible

¹¹ ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, အကတီၢ်ကတုၤဝဲလၢတၢ်ကဘှီထီၣ် ကဒါက့ၤသုဝ့ၢ်ခိၣ်ဒူတဖၣ်လီၤ. ဖဲန့ၣ်အကတီၢ်သုထံဆၢကီၢ်ဆၢတဖၣ်ကဘၣ်တၢ်မၤလဲၢ်ထီၣ်အီၤလီၤ.

လံာ်မံကၤ 7:11 Iomraidhean Croise

လံာ်စီၤနဃ့မယၤ 2:17

တုၤနုၤတစုယစံးဘၣ်အဝဲသ့ၣ် “သုထံၣ်တၢ်ကိၢ်တၢ်ဂီၤလၢပအိၣ်လၢ အပူၤလီၤ. အဂ့ၢ်ဒ်အံၤ, ဝ့ၢ်ယရူၤၡလ့ၣ်ဟးဂီၤလံ. ဒီးအပဲတရီတဖၣ်ဘၣ်တၢ်ဆူးထီၣ်ကွံာ်အီၤလၢမ့ၣ်အူလံ. ဟဲဘှီထီၣ်ကဒါက့ၤဝ့ၢ်ယရူၤၡလ့ၣ်အခိၣ်ဒူဒ်သိးပသုတကဲ လၢၤတၢ်ဒုၣ်ဒွဲၣ်အလီၢ်တဂ့ၤန့ၣ်တက့ၢ်.”

လံာ်စီၤနဃ့မယၤ 2:8

ဒီးယဃ့စ့ၢ်ကီးစီၤပၤလၢကကွဲးန့ၢ်ယၤလံာ်ပရၢတဘ့ၣ်ဆူပှၤ ပၢၤစီၤပၤအသ့ၣ်ပှၢ်စီၤအၤစာ်အအိၣ်ဒီးမၢအီၤလၢအကဟ့ၣ်ယၤသ့ၣ် လၢယွၤအတၢ်လုၢ်ဟံၣ်အဃၢၤတိာ်လၢအဒီသဒၢအီၤအကျဲစၢၤတဖၣ်အထူၣ် အဂီၢ်, ဒီးလၢဝ့ၢ်အခိၣ်ဒူအဂီၢ်ဒီးလၢဟံၣ်လၢယကအိၣ်အဂီၢ်န့ၣ်လီၤ. ဒီးစီၤပၤဟ့ၣ်ယၤကယဲၢ်တၢ်လၢယဃ့ယဲခဲလၢာ်မ့ၢ်လၢကစၢ်ယွၤ အိၣ်ဒီးယၤအဃိန့ၣ်လီၤ.

လံာ်စီၤနဃ့မယၤ 4:3

ဒီးပှၤဧၣ်မိၣ်ဖိစီၤတိၤဘံယၤဆၢထၢၣ်ဖဲန့ၣ်လၢအကပၤဒီးစံး ဝဲဒၣ် “ဝ့ၢ်ခိၣ်ဒူလၢအမၤဝဲန့ၣ်မ့ၢ်မနုၤလဲၣ်. ထွံၣ်ဟီၣ်ခိၣ်တဒုဒၣ်လဲာ်မၤလီၤပှီၢ်ကွံာ်သ့ဝဲဒၣ်န့ၣ်လီၤ.”

လံာ်စီၤနဃ့မယၤ 4:6

ဒီးပဘှီဝ့ၢ်ခိၣ်ဒူဒီးဝံၤဝဲတုၤအကစီၤထီၣ်အဖးဖီမ့ၢ်လၢ ပှၤဂီၢ်မုၢ်တဖၣ်အိၣ်ဒီးတၢ်သးဆူၣ်လၢကမၤတၢ်အဂီၢ်အဃိန့ၣ်လီၤ.

လံာ်ယၡါယၤ 54:11

ယွၤစံးဝဲ, “အိ, ဝ့ၢ်ယရူၤၡလ့ၣ်, ဝ့ၢ်လၢဘၣ်တူၢ်တၢ်, မၤစၢၤလီၤအသးတသ့ဘၣ်, ဒီးပှၤကမၤမုာ်အသးတအိၣ်နီ တဂၤဘၣ်နဲဒၣ်ဧၢ, ယကသူၣ်ထီၣ်က့ၤနတၢ်အခီၣ်ထံးတဖၣ်လၢလၢၢ်လုၢ်ဒိၣ်ပှ့ၤဒိၣ်တဖၣ်လီၤ.

လံာ်ယၡါယၤ 54:2

မၤလဲၢ်ထီၣ်ဒဲလၢနအိၣ်လၢအပူၤတက့ၢ်. မၤထီထီၣ်အပျံၤတဖၣ်ဒီးမၤခၢၣ်သနၢၣ်အတၢၣ်ဖိတဖၣ်တက့ၢ်.

လံာ်ယၡါယၤ 58:12

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

လံာ်ယၡါယၤ 61:4

အဝဲသ့ၣ်ကသူၣ်ထီၣ်ဘှီထီၣ်ကဒါက့ၤဝ့ၢ်တဖၣ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤန့ၣ်လီၤ.

လံာ်ဒၤနံးယ့လး 9:25

ပာ်သူၣ်ပာ်သးတၢ်ဂ့ၢ်အံၤဒီးနၢ်ပၢၢ်အီၤတက့ၢ်. စးထီၣ်လၢတၢ်ဟ့ၣ် လီၤတၢ်ကလုၢ်လၢဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ်အီၤ အကတီၢ်တုၤလီၤလၢပှၤခိၣ်ပှၤနၢ်လၢကစၢ်ယွၤဃုထၢအီၤတဂၤဟဲဝဲန့ၣ်, တၢ်ဆၢကတီၢ်ကပူၤကွံာ်နွံနံၣ်နွံဘျီန့ၣ်လီၤ. ဝ့ၢ်ယရူၤၡလ့ၣ်ကဘၣ်တၢ်သူၣ်ထီၣ်ဘှီထီၣ် ကဒါက့ၤအီၤဃုာ်ဒီးကျဲမုၢ်ကျဲဘိတဖၣ်, ဝ့ၢ်ခိၣ်ဒူအဒိၣ်အကျၢၤဒီးကအိၣ်ခၢၣ်သ နၢၣ်ဃုဆံခံနံၣ်အဘျီနွံဘျီန့ၣ်လီၤ. ဘၣ်ဆၣ်ဒီးအဝဲအံၤကမ့ၢ်တၢ်ကိၢ်တၢ်ဂီၤအကတီၢ်န့ၣ်လီၤ.