လံာ်မံကၤ 7:10 - Sgaw Karen Common Bible

¹⁰ တုၤနုၤတစုပဒုၣ်ပဒါတဖၣ်, ပှၤတဖုဃီလၢအဒုၣ်ဒွဲၣ် တ့ၢ်ပှၤဒီးစံး, “သုယွၤ, သုကစၢ်ယွၤအိၣ်ဖဲလဲၣ်” န့ၣ်, ကသ့ၣ်ညါနၢ်ပၢၢ်တၢ်အံၤဒီးကဘၣ်တၢ်မၤမဲာ်ဆှးအီၤလီၤ. ပကထံၣ်ဘၣ်အဝဲသ့ၣ်ဃၣ်ကွံာ်ဒီးဘၣ်တၢ်ယီၢ်တံၢ်လီၤအီၤဒ်ကပံာ်လၢ ကျဲမုၢ်တဖၣ်အပူၤအန့ၣ်သိးလီၤ.

လံာ်မံကၤ 7:10 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:43

ယတီၢ်သဘှံးအဝဲသ့ၣ်, ဒီးအဝဲသ့ၣ်ကဲထီၣ်ဒ်ဖၣ်ကမူၣ်အသိးန့ၣ် လီၤ. ယယီၢ်တံၢ်အဝဲသ့ၣ်ဒ်ကပံာ်လၢကျဲအဖီခိၣ် အသိးန့ၣ်လီၤ.

စံးထီၣ်ပတြၢၤ 109:29

မ်ယဒုၣ်ယဒါတဖၣ်ဘၣ်တၢ်ကျၢၢ်ဘၢအီၤလၢ တၢ်မၤမဲာ်ဆှးန့ၣ်တက့ၢ်. မ်အဝဲသ့ၣ်ကသိးထီၣ်အတၢ်မဲာ်ဆှး လီၤဂာ်ဒ်ဆ့ကၤတဘ့ၣ်အသိးန့ၣ်တက့ၢ်.

စံးထီၣ်ပတြၢၤ 115:2

ဘၣ်မနုၤလၢပှၤကလုာ်တဖၣ်စံးဝဲ “အကစၢ်ယွၤအိၣ်ဖဲလဲၣ်” န့ၣ်လဲၣ်.

စံးထီၣ်ပတြၢၤ 18:42

ယမၤသဘှံးအဝဲသ့ၣ်ဒီးကဲထီၣ်ဒ်ဖၣ်ကမူၣ် လၢကလံၤအူဒံကွံာ်အီၤအသိး, ယယီၢ်တံၢ်အဝဲသ့ၣ်ဒ် ကပံာ်လၢကျဲအလိၤအသိးန့ၣ်လီၤ.

စံးထီၣ်ပတြၢၤ 35:26

ပှၤလၢအသူၣ်ခုသးခုဝဲလၢယတၢ်နးတၢ်ဖှီၣ်အဃိန့ၣ်, မ်ကဘၣ်တၢ်မၤမဲာ်ဆှးဒီးတၢ်မၤနၢၤကွံာ်အီၤ လၢာ်လၢာ်ဆ့ဆ့န့ၣ်တက့ၢ်. ပှၤလၢအပာ်ဒိၣ်အသးထီဒါယၤတဖၣ်န့ၣ်, မ်အဘၣ်တၢ်ဒုးကူဒုးသိးအီၤလၢတၢ်မဲာ်ဆှးဒီး တၢ်မၤဟးဂီၤအလၤကပီၤန့ၣ်တက့ၢ်.

စံးထီၣ်ပတြၢၤ 42:10

ယဘၣ်တၢ်ဆီၣ်တံၢ်ဆီၣ်သနံးယၤလၢအဝဲသ့ၣ် အတၢ်ကတိၤဒုၣ်ဒွဲၣ် ခီဖျိအတၢ်သံကွၢ်ယၤတထံၣ်ဃီ “နကစၢ်ယွၤအိၣ်ဖဲလဲၣ်” အဃိန့ၣ်လီၤ.

စံးထီၣ်ပတြၢၤ 42:3

ဖဲယဒုၣ်ယဒါတဖၣ်သံကွၢ်ယၤတထံၣ်ဃီလၢ “နကစၢ်ယွၤအိၣ်ဖဲလဲၣ်” န့ၣ်ဒီး, ယမဲာ်ထံမဲာ်နိမ့ၢ်ယတၢ်အီၣ်လၢ မုၢ်ဆါဆဲးလၢမုၢ်နၤန့ၣ်လီၤ.

စံးထီၣ်ပတြၢၤ 58:10

ပှၤတီပှၤလိၤကသးခုဝဲဖဲ အထံၣ်တၢ်စံၣ်ညီၣ်ပှၤတၢ်ဒဲးဘးဖိတဖၣ်, ဒီးကသ့ကွံာ်အခီၣ်လၢပှၤတတီတလိၤအသွံၣ်အကျါန့ၣ်လီၤ.

စံးထီၣ်ပတြၢၤ 79:10

ဘၣ်မနုၤလၢပှၤကလုာ်တဖၣ်ကစံးဝဲ, “အကစၢ်ယွၤအိၣ်ဖဲလဲၣ်” န့ၣ်လဲၣ်. တၢ်မၤကၣ်နခ့နပှၤအသွံၣ်လၢအလူလီၤအသးန့ၣ်, မ်အအိၣ်ဖျါလၢပှၤကလုာ်တဖၣ်အကျါလၢပမဲာ်ညါန့ၣ်တက့ၢ်.

စံးထီၣ်ပတြၢၤ 92:12

ပှၤတီပှၤလိၤကဂုၤထီၣ်ပသီထီၣ်ဒ်သ့ၣ်စူၣ်ပလိၣ်အသိး, ဒီးမဲထီၣ်ဒ်သ့ၣ်ဆှိအ့ရ့းလၢ လဘၤနိၣ်အသိးန့ၣ်လီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 41:25

ယဃုထၢတ့ၢ်လံပှၤတဂၤလၢအအိၣ်လၢမုၢ်ထီၣ် တခီလီၤ. ယကဟဲကိးအီၤလၢအကဒုးတၢ်လၢကလံၤစိး တခီလီၤ. အဝဲယီၢ်တံၢ်ပှၤပၢတၢ်တဖၣ်မၤသးဒ်အဝဲသ့ၣ်မ့ၢ်ကပံာ်အသိး, ဒ်ပှၤတ့သပၢၤဖိယီၢ်ဟီၣ်ခိၣ်ကပံာ်အသိးန့ၣ်လီၤ.

လံာ်ယံးရမံယၤ 49:15

ယွၤကမၤဂံၢ်စၢ်ဘါစၢ်လီၤနၤဒီး ပှၤတပာ်ကဲနၤနီတဂၤဘၣ်.

လံာ်ယံးရမံယၤ 51:24

ယွၤစံးဝဲဒၣ်, “သုကထံၣ်ဘၣ်ယမၤဆၢက့ၤ ကီၢ်ဘၤဘူၤလိၣ်ဒီး အပှၤဂီၢ်မုၢ်လၢ တၢ်အၢတၢ်သီ ခဲလၢာ်လၢအဝဲသ့ၣ် မၤဘၣ်တ့ၢ် ဝ့ၢ်ယရူၤၡလ့ၣ်အဃိန့ၣ်လီၤ.

လံာ်ယံးရမံယၤ 51:51

သုစံးလၢ, ‘ပဘၣ်တၢ်ဒုၣ်ဒွဲၣ်ဒီး တၢ်မၤမဲာ်ဆှးတ့ၢ်ပှၤလီၤ. ပစုကတၢၢ်ခီၣ်ကတၢၢ်ဒီး မၤစၢၤလီၤပသးတဘၣ်, မ့ၢ်လၢပှၤတခီဘီမုၢ်ဖိတဖၣ် ဟံးန့ၢ်ကွံာ်တၢ်လီၢ်စီ ဆှံတဖၣ်လၢ ယွၤအတၢ်လုၢ်ဟံၣ်အပူၤလံအဃိန့ၣ်လီၤ.’

လံာ်ယဃ့းစက့လး 7:18

အဝဲသ့ၣ်ကကူထီၣ်ကၤထီၣ်ထၢၣ်တၢ်ကံးယာ်ဒီးအဝဲသ့ၣ်ကကနိး ကစုာ်ဝဲဒီဂၤညါန့ၣ်လီၤ. အခိၣ်တဖၣ်ကဘၣ်တၢ်လူၤကွံာ်အီၤ, ဒီးအဝဲသ့ၣ်ခဲလၢာ်ကဘၣ်တၢ်မၤမဲာ်ဆှးအီၤန့ၣ်လီၤ.

လံာ်ဒၤနံးယ့လး 3:15

ခဲကနံၣ်အံၤ, တုၤသုနၢ်ဟူကွဲၤ, ပံ, တနၢ်, တနၢ်သၢနၢၣ်, သီတူၢ်ဒီးတၢ်ဒ့တၢ်အူအဂၤခဲလၢာ်သီၣ်ထီၣ်န့ၣ်သုကဘၣ်ချံး ခီၣ်တီၤလီၤဒီးဘူၣ်ထီၣ်ဘါထီၣ်တၢ်ဂီၤန့ၣ်လီၤ. ဘၣ်ဆၣ်ဒီးသုမ့ၢ်တဘူၣ်ထီၣ်ဘါထီၣ်န့ၣ်သုကဘၣ်တၢ်တ့ၢ်လီၤ ကွံာ်သုတဘျီဃီဆူမ့ၣ်အူကဲၤကဖးအဖၣ်ကပူၤအပူၤန့ၣ်လီၤ. ကစၢ်လၢအမၤပူၤဖျဲးသုလၢယစုပူၤကန့ၢ်အိၣ်ဝဲတဂၤဂၤဧါ.”

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်ဧိၤဘါဒယၤ 1:10

မ့ၢ်လၢနဂုာ်ဆူၣ်ပျီဆူၣ်ဒီးမၤသံနဒီပုၢ်ဝဲၢ်စီၤယၤကိာ် အစၢၤအသွဲၣ်တဖၣ်အဃိ, နကဘၣ်တၢ်မၤဟးဂီၤကွံာ်နၤ ဒီးနကဘၣ်တၢ်မၤမဲာ်ဆှးနၤလီၤထူလီၤယိာ်လီၤ.

လံာ်ဧိၤဘါဒယၤ 1:12

လၢနဒီပုၢ်ဝဲၢ်တဖၣ်လၢကီၢ်ယူဒၤဘၣ်ကီဘၣ်ခဲအမုၢ်နံၤန့ၣ်, နတကြၢးကွၢ်ကီအီၤဒီးဆၢကျၢၤသးအီၤဘၣ်. လၢပှၤယူဒၤဖိဘၣ်တၢ်မၤဟးဂီၤအီၤအမုၢ်နံၤန့ၣ်နတကြၢးသး ခုလၢအဖီခိၣ်ဘၣ်, လၢအဝဲသ့ၣ်ဘၣ်တၢ်ကိၢ်တၢ်ဂီၤအမုၢ်နံၤန့ၣ်နတ ကြၢးကတိၤတၢ်အိၣ်ဒီးတၢ်ပာ်နသးကဖၢလၢဘၣ်.

လံာ်မံကၤ 4:11

ပှၤအါကလုာ်ပာ်ဖှိၣ်တ့ၢ်အသးဒ်သိးအကဒုးတၢ်ဒီးသုလီၤ. အဝဲသ့ၣ်စံး, “မ်ဝ့ၢ်ယရူၤၡလ့ၣ်အတၢ်စီဆှံကဘၣ်တၢ်မၤတ ရီတပါကွံာ်အီၤတက့ၢ်. ဒီးပကကွၢ်ဝ့ၢ်အံၤအိၣ်လၢတၢ်ဟးဂီၤအပူၤလီၤ”.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်စဖါနယၤ 3:15

ယွၤဆိကတီၢ်ကွံာ်တၢ်စံၣ်ညီၣ်လၢသုဂီၢ်, အဝဲသုးကွံာ်ကယဲၢ်သုဒုၣ်သုဒါခဲလၢာ်န့ၣ်လံ. ယွၤ, အံၣ်စရ့လးအစီၤပၤအိၣ်ဒီးသု, ဒီးခဲအံၤတၢ်ဂ့ၢ်တအိၣ်လၢၤနီတမံၤ လၢသုကဘၣ်ပျံၤတၢ်ဖုးတၢ်န့ၣ်ဘၣ်.

လံာ်စကၤရယၤ 10:5

ကီၢ်ယူဒၤအပှၤဂီၢ်မုၢ်ကမၤနၢၤတၢ်ဒ်ပှၤ သုးဖိတဖၣ်လၢယီၢ်တံၢ်လီၤအဒုၣ်အဒါတဖၣ် လၢကျဲဘိတဖၣ်အကပံၢ်အကျါအသိးန့ၣ်လီၤ. အဝဲသ့ၣ်ကဒုးတၢ်မ့ၢ်လၢကစၢ်ယွၤအိၣ်ဒီးအဝဲသ့ၣ်အဃိဒီးအဝဲ သ့ၣ်ကမၤနၢၤဒၣ်လဲာ်ဒုၣ်ဒါအပှၤဒိးကသ့ၣ်တဖၣ်န့ၣ်လီၤ.

လံာ်မၤလကံ 1:5

အံၣ်စရ့လးအပှၤဂီၢ်မုၢ်ကထံၣ်ဘၣ်တၢ်အံၤလၢအမဲာ်ချံဒၣ်ဝဲတဖၣ်, ဒီးအဝဲသ့ၣ်ကစံးဝဲ, “ယွၤန့ၣ်ဒိၣ်ဝဲလၢအံၣ်စရ့လးအကီၢ်အချၢဒၣ် လဲာ်လီၤ.”

လံာ်မၤလကံ 4:3

မုၢ်တနံၤလၢယမၤတၢ်န့ၣ်, သုကမၤနၢၤကွံာ်ပှၤတတီတလိၤ, ဒီးအဝဲသ့ၣ်ကလီၤဂာ်ဒ်ဖၣ်ဆါလၢသုခီၣ်အဖီလာ်အသိးန့ၣ်လီၤ.

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

လံာ်စီၤယိၤၡူ 7:9

ပှၤကနၤဧၣ်ဖိတဖၣ်ဒီးပှၤအဂၤခဲလၢာ်လၢထံကီၢ်အပူၤကနၢ်ဟူတၢ်ဂ့ၢ်အံၤ, ကကဝီၤဃာ်ပှၤဒီးကမၤသံပှၤခဲလၢာ်လီၤ. ဒီးနကမၤမနုၤလၢနကဒီဒၣ်နမံၤအလၤကပီၤအဂီၢ်န့ၣ်လဲၣ်.”

လံာ်လီၣ်ဖျါ 18:20

သးခုလၢအဝဲဒၣ်အတၢ်ဟးဂီၤကွံာ်အဃိတက့ၢ်. မူခိၣ်ဧၢ, သးခုတက့ၢ်, ကစၢ်ယွၤအပှၤဂီၢ်မုၢ်ဒီးတၢ်မၢဖိဒီးဝံသ့ၣ်တဖၣ်ဧၢ, အဂ့ၢ်ဒ်အံၤ, ကစၢ်ယွၤစံၣ်ညီၣ်ဃၣ်လံအီၤလၢတၢ်လၢ အမၤတ့ၢ်သုန့ၣ်အဃိလံ.