လံာ်မံကၤ 6:8 - Sgaw Karen Common Bible

⁸ တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်မံကၤ 6:8 Iomraidhean Croise

လံာ်တၢ်ကဲထီၣ်အခီၣ်ထံး 18:19

ယဃုထၢတ့ၢ်လံအီၤလၢကမၤလိာ်အဖိခွါတဖၣ်ဒီးအစၢၤအသွဲၣ်တဖၣ် လၢအကစူၢ်ယၤ, ဒီးကမၤတၢ်အဘၣ်ဒီးတၢ်အတီန့ၣ်လီၤ. အဝဲသ့ၣ်မ့ၢ်မၤဝဲဒီးယကမၤကယဲၢ်တၢ်ခဲလၢာ်လၢအဂီၢ်ဒ်ယအၢၣ်လီၤ တ့ၢ်အသိးန့ၣ်လီၤ.”

လံာ်တၢ်ကဲထီၣ်အခီၣ်ထံး 5:22

အန့ၣ်ဝံၤအလီၢ်ခံစီၤဃနိာ်ရ့လိာ်သကိးအသးဒီးကစၢ်ယွၤအနံၣ် သၢကယၤဒီးထီၣ်ဖိအဖိအဂုၤအဂၤတဖၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 30:11

ပှၤအိၣ်ဒံးတနီၤလၢအၤၡ့ၢ်, မနၤၡ့ၤဒီးစဘူလိၣ်အဒူၣ်တဖၣ်အပူၤ လၢအသးအိၣ်ဟဲဝဲဆူဝ့ၢ်ယရူၤရှလ့ၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 32:26

ဘၣ်ဆၣ်ဒီးလၢခံကတၢၢ်န့ၣ်, စီၤဃံးစကံယၤဒီးဝ့ၢ်ယရူၤရှလ့ၣ် အပှၤဂီၢ်မုၢ်ဆီၣ်လီၤအသး, ဒီးလၢတၢ်န့ၣ်အဃိ, တချုးဒံးဘၣ်လၢစီၤဃံးစကံယၤသံဝံၤန့ၣ်ယွၤတစံၣ် ညီၣ်ဘၣ်ပှၤဂီၢ်မုၢ်ဘၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:23

ဘၣ်ဆၣ်အဝဲတဆီၣ်လီၤအသးဒီးဃၣ်က့ၤအသးဆူယွၤအအိၣ်ဒ်အပၢ်မၤ တ့ၢ်ဝဲအသိးန့ၣ်ဘၣ်. အဝဲမၤတၢ်ဒဲးဘးဒိၣ်န့ၢ်ဒံးအပၢ်ဒၣ်လဲာ်တက့ၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:27

ဒီးနပီၢ်ယၢ်လီၤက့ၤတ့ၢ်နသးဒီးဆီၣ်လီၤတ့ၢ်နသးလၢယမဲာ်ညါ, နဖှီနကူနသိးတဖၣ်ဒီးဟီၣ်တၢ်ယၢၤတၢ်ဖဲနနၢ်ဟူတ့ၢ်ယတၢ်မၤ ပျံၤမၤဖုးလၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ် န့ၣ်လီၤ. ယနၢ်ဟူတ့ၢ်လံနတၢ်ထုကဖၣ်,

လံာ်စီၤနဃ့မယၤ 9:13

နဟဲလီၤလၢမူခိၣ်ဖဲကစၢၢ်စံၤနါအလိၤ, နကတိၤတ့ၢ်တၢ်ဒီးနပှၤဂီၢ်မုၢ် ဒီးဟ့ၣ်အဝဲသ့ၣ်လၢတၢ်သိၣ်တၢ်သီအဂ့ၤတဖၣ်ဒီးတၢ်သိၣ်လိလၢအ ကြၢးဝဲဘၣ်ဝဲတဖၣ်န့ၣ်လီၤ.

စံးထီၣ်ပတြၢၤ 101:1

ယတၢ်သးဝံၣ်မ့ၢ်တၢ်သးတီဒီး တၢ်စံၣ်ညီၣ်တီအဂ့ၢ်, ဒီးယကသးဝံၣ်အီၤဆူနအိၣ်, ယွၤဧၢ

စံးထီၣ်ပတြၢၤ 112:4

တၢ်ကပီၤကပီၤထီၣ်လၢ တၢ်ခံးကျါ လၢပှၤအဂ့ၤတဖၣ်အဂီၢ် လၢပှၤတဖၣ်လၢ အသူၣ်ကညီၤသးကညီၤတၢ် သးအိၣ်တၢ်ဒီး တီဝဲလိၤဝဲအဂီၢ်န့ၣ်လီၤ.

စံးထီၣ်ပတြၢၤ 112:9

အဝဲဟ့ၣ်တၢ်လၢတၢ်သးအိၣ် ဆူပှၤလၢအလိၣ်ဘၣ်တၢ် ဒီးအတၢ်သးကညီၤန့ၣ် တလီၤတိၢ်ဘၣ်နီတဘျီဘၣ်. အဝဲကအိၣ်ဒီးအစိအကမီၤ ဒီးကဘၣ်တၢ်ယူးယီၣ်ပာ်ကဲအီၤန့ၣ်လီၤ.

စံးထီၣ်ပတြၢၤ 37:26

ထီဘိအဝဲဟ့ၣ်ကလီတၢ်လၢတၢ်သးကညီၤအပူၤ ဒီးဒုးလိၢ်တၢ်, ဒီးအဖိအလံၤတဖၣ်ကဘၣ်တၢ်ဆိၣ်ဂ့ၤအီၤလီၤ.

စံးထီၣ်ပတြၢၤ 73:28

ဘၣ်ဆၣ်လၢယဂီၢ်တၢ်အိၣ်ဘူးဒီးကစၢ်ယွၤန့ၣ် မ့ၢ်တၢ်ဂ့ၤလီၤ. ယပာ်တၢ်စိတၢ်ကမီၤကစၢ်ယွၤ လၢယတၢ်အိၣ်တဒၢအလီၢ် ဒ်သိးယကစံးဘၣ်တဲဘၣ် အတၢ်မၤခဲလၢာ်တဖၣ်န့ၣ်လီၤ.

တၢ်ကတိၤဒိ. 21:3

မၤတၢ်လၢအဘၣ်ဒီးတဖုၣ်ထံၣ်ဖုၣ်ထီဘၣ်န့ၣ်တက့ၢ်. တၢ်န့ၣ်မ့ၢ်တၢ်လၢအဘၣ်ယွၤအသးဒိၣ်န့ၢ်အါန့ၢ်ဒံးတၢ်ဟဲ စိာ်န့ၢ်အီၤတၢ်လုၢ်တၢ်ပာ်တဖၣ်န့ၣ်လီၤ.

လံာ်ပှၤစံၣ်တဲၤတဲလီၤတၢ် 12:13

တၢ်ခဲလၢာ်ဝံၤအလီၢ်ခံန့ၣ်, တၢ်အိၣ်တီၢ်ဒၣ်ထဲတမံၤလၢတၢ်က စံးကတိၤအီၤအဂီၢ်လီၤ. အိၣ်ဒီးတၢ်ယူးယီၣ်ကစၢ်ယွၤတက့ၢ်. ဒီးစူၢ်အတၢ်မၤလိာ်တဖၣ်တက့ၢ်. အဂ့ၢ်ဒ်အံၤ, တၢ်တ့လီၤပှၤကညီလၢတၢ်အံၤအဂီၢ်လီၤ.

လံာ်ယၡါယၤ 56:1

ယွၤစံးဘၣ်အပှၤဂီၢ်မုၢ်, “မၤတၢ်လၢအတီဒီးအဘၣ်တက့ၢ်. အဂ့ၢ်ဒ်အံၤ, တယံာ်လၢၤဘၣ်ဒီးယကအုၣ်က့ၤခီၣ်က့ၤသုလီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်ယံးရမံယၤ 22:16

အဝဲစံၣ်ညီၣ်န့ၢ်ပှၤဖှီၣ်ဖိယာ်ဖိတဖၣ်အကွီၢ်တီတီလိၤလိၤ ဒီးတၢ်ခဲလၢာ်လဲၤအသးဂ့ၤဂ့ၤဘၣ်ဘၣ်လၢအဂီၢ်လီၤ. တၢ်န့ၣ်အခီပညီမ့ၢ်တၢ်သ့ၣ်ညါယွၤန့ၣ်လီၤ.

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 9:23

ယွၤစံးဝဲဒၣ်, “ပှၤကူၣ်တၢ်သ့တဖၣ်တကြၢးပာ်ကဖၢလၢအသးလၢ အတၢ်ကူၣ်သ့ အဃိမ့ၢ်ဂ့ၤ, ပှၤဂံၢ်ဆူၣ်ဘါဆူၣ်တဖၣ်လၢအတၢ်ဂံၢ်တၢ်ဘါအဃိမ့ၢ်ဂ့ၤ, ဒီးပှၤထူးပှၤတီၤတဖၣ်လၢ အတၢ်ထူးတၢ်တီၤအဃိမ့ၢ်ဂ့ၤန့ၣ်ဘၣ်.

လံာ်သးသယုၢ်တၢ် 3:26

မၤသးဒ်န့ၣ်ဒီး, တၢ်အိၣ်ခိးယွၤလၢတၢ်သးစူၤအပူၤ, တၢ်အိၣ်ခိးအီၤလၢကအုၣ်က့ၤခီၣ်က့ၤပှၤအဂီၢ်န့ၣ်မ့ၢ်တၢ်အဂ့ၤ ကတၢၢ်လၢပဂီၢ်လီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 33:14

ဘၣ်တဘၣ်ယကဟ့ၣ်ပလီၢ်ပှၤအၢပှၤသီတဂၤလၢအဝဲကသံ, ဘၣ်ဆၣ်အဝဲမ့ၢ်ဆိကတီၢ်မၤတၢ်ဒဲးဘးဒီးမၤတၢ်လၢအဘၣ်ဒီး ဂ့ၤဝဲလီၤ.

လံာ်ဒၤနံးယ့လး 4:37

ခဲကနံၣ်အံၤ, ယၤစီၤနဘူၤကးန့စၢ်စံးထီၣ်ပတြၢၤ, ယူးယီၣ်ဒီး မၤလၤကပီၤမူခိၣ်အစီၤပၤန့ၣ်လီၤ. အဂ့ၢ်ဒ်အံၤ, အတၢ်မၤခဲလၢာ်ဘၣ်ဝဲ, ဒီးအကျဲတဖၣ်တီဝဲလိၤဝဲန့ၣ်လီၤ. ပှၤလၢအမၤတၢ်လၢတၢ် ပာ်ထီၣ်ထီအသးတဖၣ်န့ၣ်ဆီၣ်လီၤဝဲဒၣ်သ့လီၤ.”

လံာ်ဟိၤၡ့ 12:6

လၢတၢ်န့ၣ်အဃိခဲကနံၣ်အံၤ, စီၤယၤကိာ်အစၢၤအသွဲၣ်သ့ၣ်ဧၢ, နာ်န့ၢ်သုကစၢ်ယွၤဒီးဃၣ်ကဒါက့ၤသုသးဆူအအိၣ်တက့ၢ်. အိၣ်ဒီးတၢ်သးတီဒီးတၢ်တီတၢ်လိၤဒီးအိၣ်ခိးစူၤသးလၢသု ကစၢ်ယွၤကမၤတၢ်အဂီၢ်တက့ၢ်.

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:41

ဒ်သိးယကဃၣ်ယသးထီဒါအီၤဒီးဆှၢအီၤဆူအဒုၣ်အဒါတဖၣ်အကီၢ်ပူၤန့ၣ်လီၤ. လၢခံကတၢၢ်ဖဲသုစၢၤသုသွဲၣ်တဖၣ်ဆီၣ်လီၤက့ၤအသးဒီးဟ့ၣ်က့ၤ တၢ်အဘူးအလဲလၢအဝဲသ့ၣ်အတၢ် ဒဲးဘးဒီးတၢ်ပူထီၣ်ထီဒါအဂီၢ်ဒီး,

လံာ်ဧၤမိၣ် 5:24

မ့မ့ၢ်, ပျဲတၢ်တီတၢ်လိၤယွၤလီၤဒ်ထံကျိဖိအသိးဒီးတၢ်မ့ၢ် တၢ်တီဒ်ထံမိၢ်ပှၢ်လၢအလီၤသံးတသ့ဘၣ်အသိးတက့ၢ်.

လံာ်မံကၤ 6:9

တၢ်ပျံၤယွၤန့ၣ်မ့ၢ်တၢ်ကူၣ်သ့လီၤ. အဝဲဒၣ်ကိးဝဲဆူဝ့ၢ်ပူၤ, “သုဝဲပှၤဂီၢ်မုၢ်လၢအပာ်ဖှိၣ်ထီၣ်အသးလၢဝ့ၢ်ယရူၤၡလ့ၣ် အပူၤသ့ၣ်ဧၢ, ဒိကနၣ်တက့ၢ်.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်စကၤရယၤ 7:9

“ယံာ်တ့ၢ်မးလံန့ၣ်, ယဟ့ၣ်လီၤတ့ၢ်တၢ်မၤလိာ်တဖၣ်အံၤဆူ ယပှၤဂီၢ်မုၢ်အအိၣ်လီၤ. သုကဘၣ်ပာ်သူၣ်ပာ်သးလၢတၢ်စံၣ်ညီၣ်တီဘၣ်တၢ်မၤအီၤ, ပာ်ဖျါတၢ်သူၣ်အိၣ်သးအိၣ်ဒီးတၢ်သးကညီၤလိာ်သးတဂၤဒီး တဂၤန့ၣ်လီၤ.

လံာ်မးသဲ 5:3

“ပှၤလၢအဖှီၣ်လၢသူၣ်လၢသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, မူခိၣ်အဘီအမုၢ်မ့ၢ်ပှၤသ့ၣ်တဖၣ်န့ၣ် အတၢ်လီၤ.

လံာ်မးသဲ 5:7

ပှၤလၢအသူၣ်ကညီၤသးကညီၤပှၤဂၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, အဝဲသ့ၣ် ကဘၣ်တၢ်သးကညီၤအီၤလၢကစၢ်ယွၤလီၤ.

လံာ်လူၤကၣ် 10:42

ဘၣ်ဆၣ်ဒီးတၢ်လၢအလိၣ်အိၣ်ဝဲထဲတမံၤဧိၤလီၤ. နီၢ်မၤရံဃုထၢတ့ၢ်ဝဲတၢ်လၢအဂ့ၤအဘၣ်တမံၤဒီးပှၤ တဟံးထီၣ်ကွံာ်အီၤလၢအအိၣ်နီတဂၤဘၣ်လီၤ.”

လံာ်လူၤကၣ် 11:42

ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. ဟီၣ်ဝီၤသွ့, ဒီးပံကနၣ်အဒိးဒီးကသံၣ်အမုၢ်အဂၤတမံၤလၢ်လၢ်န့ၣ် သုဟ့ၣ်မၤဘူၣ်ဆူကစၢ်ယွၤအအိၣ်အပူတဆံန့ၣ်တပူလီၤ. ဘၣ်ဆၣ်သုကွၢ်ကပာ်တၢ်စံၣ်ညီတီဒီးတၢ်အဲၣ်ကစၢ်ယွၤလီၤ. တၢ်သ့ၣ်တဖၣ်အံၤ, သုကြၢးအိၣ်မူထွဲအခံ, ဒီးသုတကြၢးကွၢ်ကပာ်ကွံာ်စ့ၢ်ကီးတၢ်အဂၤတဖၣ်န့ၣ်ဘၣ်.

လံာ်လူၤကၣ် 12:14

ယ့ၣ်ၡူးစံးဆၢအီၤ, “စီၤဧၢ, မ့ၢ်မတၤဟ့ၣ်ယၤတၢ်စိတၢ်ကမီၤလၢယကစံၣ်ညီၣ်တၢ်, မ့တမ့ၢ်ဘၣ်ဒီးကနီၤဖးလီၤတၢ်စုလီၢ်ခီၣ်ခိၣ်လၢ သုခံဂၤအဘၢၣ်စၢၤန့ၣ်လဲၣ်.”

လံာ်လူၤကၣ် 6:36

အိၣ်ဒီးတၢ်သးကညီၤ, ဒ်သုပၢ်သးကညီၤတၢ်အသိးတက့ၢ်.

ရိမ့ၤ 7:16

ဖဲယမၤတၢ်လၢယတသးအိၣ်မၤန့ၣ်, မ့ၢ်ယအၢၣ်လီၤယဲလၢတၢ်သိၣ်တၢ်သီမ့ၢ်တၢ်လၢ အဂ့ၤဝဲဘၣ်ဝဲန့ၣ်လီၤ.

ရိမ့ၤ 9:20

ဘၣ်ဆၣ်ဒီးပှၤကညီနၤဧၢ, နမ့ၢ်မတၤတဂၤလၢအကကတိၤ ဆၢက့ၤကစၢ်ယွၤန့ၣ်လဲၣ်. သပၢၤဟီၣ်ခိၣ်တဖျၢၣ်တသံကွၢ် က့ၤပှၤလၢအတ့အီၤတဂၤ, “ဘၣ်မနုၤအဃိနတ့ယၤဒ်အံၤလဲၣ်” န့ၣ်ဘၣ်.

1 ကရံၣ်သူး 7:16

မါပှၤခရံာ်ဖိဧၢ, နတအုၣ်က့ၤခီၣ်က့ၤနဝၤန့ၣ်, နသ့ၣ်ညါလီၤတံၢ် ကသ့ဝဲလၢကျဲဒ်လဲၣ်. မ့တမ့ၢ်ဘၣ်ဒီး, ဝၤပှၤခရံာ်ဖိဧၢ, နတအုၣ်က့ၤခီၣ်က့ၤနမါန့ၣ်, နသ့ၣ်ညါလီၤတံၢ်ကသ့ဝဲလၢကျဲဒ်လဲၣ်.

အ့းဖ့းစူး 4:32

ဒီးဝံသးစူၤလိာ်သုသး, သူၣ်ကညီၤသးကညီၤလိာ်သုသး, ပျၢ်လိာ်သုတၢ်ကမၣ်ဒ်ကစၢ်ယွၤအိၣ်လၢခရံာ်အပူၤပျၢ်သုတၢ်ကမၣ်အသိးန့ၣ်တက့ၢ်.

လံာ်သိၣ်လီၤသီလီၤတၢ် 27:10

လၢတၢ်န့ၣ်အဃိစူၢ်အီၤဒီးတိၢ်န့ၢ်ဖံးဃာ်ကယဲၢ်အဝဲအတၢ်ဘူၣ်တၢ် ဘါအတၢ်သိၣ်တၢ်သီတဖၣ်လၢယဟ့ၣ်လီၤသုတနံၤအံၤန့ၣ်တက့ၢ်.”

လံာ်သိၣ်လီၤသီလီၤတၢ် 30:15

တနံၤအံၤယဟ့ၣ်လီၤသုတၢ်ဃုထၢတမံၤလၢတၢ်ဂ့ၤဒီးတၢ်အၢအဘၢၣ် စၢၤ, လၢတၢ်မူဒီးတၢ်သံအဘၢၣ်စၢၤန့ၣ်လီၤ.

ကလီးစဲ 3:12

သုမ့ၢ်ကစၢ်ယွၤအပှၤဂီၢ်မုၢ်ပှၤလၢယွၤအဲၣ်ဒိးဃုထၢထီၣ်အီၤ လၢအကမ့ၢ်အတၢ်ဒၣ်ဝဲလီၤ. လၢတၢ်န့ၣ်အဃိ, ကူထီၣ်သိးထီၣ်တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်ဆီၣ်လီၤသး, တၢ်ပာ်သးကပုာ်လုး, တၢ်ဝံသးစူၤတဖၣ်တက့ၢ်.

၂ သ့းစၤလနံ 2:16

မ်ပကစၢ်ယ့ၣ်ၡူးခရံာ်အနီၢ်ကစၢ်ဒၣ်ဝဲ, ဒီးပပၢ်ကစၢ် ယွၤ, လၢအအဲၣ်ပှၤဒီးလၢအဘျုးအဖှိၣ်အဃိဟ့ၣ်ပှၤတၢ်သးဒူလၢ အအိၣ်စံာ်အိၣ်ကျၢၤဒီးတၢ်မုၢ်လၢ်အဂၢၢ်အကျၢၤတဂၤန့ၣ်,

ယၤကိာ် 2:20

ပှၤဟးဂီၤဖိဧၢ, မ့ၢ်နသးအိၣ်လၢတၢ်ကဒုးနဲၣ်နၤတၢ်စူၢ်တၢ်နာ်လၢအတအိၣ် ဒီးတၢ်မၤန့ၣ်မ့ၢ်တၢ်လၢအတဂိာ်တသီၣ်ဘၣ်န့ၣ်ဧါ.

လံာ်စီၤယိၤၡူ 24:14

လၢတၢ်န့ၣ်အဃိ, ပျံၤယွၤဒီးမၤအတၢ်လၢတၢ်သးအိၣ်ဒီးတၢ်သး တီအပူၤတက့ၢ်. ပာ်ကွံာ်ကစၢ်တဖၣ်လၢသုမိၢ်ပၢ်ဖံဖုလၢပျၢၤမၤအတၢ်လၢထံမိၢ်ပှၢ်ဝၢ်ဘးခီ ဒီးလၢကီၢ်အဲၤကူပတူးဒီးမၤယွၤအတၢ်တက့ၢ်.

၁ ပ့းတရူး 3:8

လၢခံကတၢၢ်န့ၣ်, သုဝဲခဲလၢာ်သုကဘၣ်အိၣ်ဒီးတၢ်ပာ်သူၣ်ပာ် သးဒီးတၢ်ဆိကမိၣ်ဆိကမးတမံၤဃီလီၤ. အဲၣ်လိာ်သုသးတဂၤဒီးတဂၤဒ်ဒီပုၢ်ဝဲၢ်တဖၣ်အသိး, ဒီးအိၣ်ဒီးတၢ်သးကညီၤဒီးတၢ်ဆီၣ်လီၤသးလၢတဂၤဒီးတဂၤ အဖီလာ်န့ၣ်တက့ၢ်.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.