လံာ်မံကၤ 6:2 - Sgaw Karen Common Bible

² သုဝဲဒၣ်ကစၢၢ်တဖၣ်, ဒီးဟီၣ်ခိၣ်အခီၣ်ထံးလၢအအိၣ်လီၤထူ လီၤယိာ်သ့ၣ်ဧၢ, ဒိကနၣ်ယွၤအကွီၢ်တက့ၢ်. ယွၤအိၣ်ဒီးအကွီၢ်တမံၤထီဒါအပှၤဂီၢ်မုၢ်လီၤ. အဝဲကပာ်ဖျါထီၣ်တၢ်ဂ့ၢ်ထီဒါအံၣ်စရ့လးတမံၤလီၤ.

လံာ်မံကၤ 6:2 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:16

ပီၣ်လဲၣ်အခံဒးအိၣ်ဖျါထီၣ်ဝဲ, ဒီးဟီၣ်ခိၣ်အခီၣ်ထံးတဖၣ်ဘၣ်တၢ်မၤဖျါထီၣ်အီၤ, ဖဲယွၤသိၣ်ဃီၣ်အဒုၣ်အဒါတဖၣ်ဒီးသါသဖှိဘၣ် အဝဲသ့ၣ် လၢတၢ်သးဒိၣ်အပူၤအခါန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 22:8

တုၤနုၤတစု, ဟီၣ်ခိၣ်ကနိးကစုာ်ဒီးဟူးဝးဆှဲးဆှိးဝဲ, မူကပိာ်လိၤအခီၣ်ထံးတဖၣ်ဟူးဂဲၤဝဲဒီးကနိးကစုာ်ဝဲ, မ့ၢ်လၢကစၢ်ယွၤအသးဒိၣ်အဃိန့ၣ်လီၤ.

စံးထီၣ်ပတြၢၤ 104:5

နပာ်လီၤဂၢၢ်ကျၢၤဟီၣ်ခိၣ်လၢ အခီၣ်ထံးတဖၣ်အဖီခိၣ် ဒ်သိးအသုတဟူးတဝးဘၣ်နီတဘျီတဂ့ၤန့ၣ်လီၤ.

တၢ်ကတိၤဒိ. 8:29

ဒီးဖဲအဟ့ၣ်လီၤတ့ၢ်အကလုၢ်လၢပီၣ်လဲၣ်အထံတဖၣ်အသုတဟဲ ထီၣ်အါန့ၢ်အစံးပာ်တ့ၢ်ဝဲတဂ့ၤအဂီၢ်န့ၣ်လီၤ. ယအိၣ်လံဖဲန့ၣ်, ဖဲအဝဲပာ်လီၤဟီၣ်ခိၣ်အခီၣ်ထံးတဖၣ်န့ၣ်လီၤ.

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 3:13

ယွၤအိၣ်ကတဲာ်ကတီၤအသးလၢကတဲဖျါထီၣ်အကွီၢ်, ဒီးအိၣ်ကတဲာ်ကတီၤအသးလၢကစံၣ်ညီၣ်အပှၤဂီၢ်မုၢ်လီၤ.

လံာ်ယၡါယၤ 43:26

မ်ပကလဲၤဆူကွီၢ်ဘျီၣ်တက့ၢ်. ဟဲစိာ်နတၢ်လိာ်ဘၢလိာ်ကွီၢ် အဂ့ၢ်တက့ၢ်. ဆှၢထီၣ်နတၢ်ဂ့ၢ်ဒ်သိးနကဘၣ်တၢ်ပာ်တီပာ်လိၤနၤအဂီၢ်တက့ၢ်.

လံာ်ယၡါယၤ 5:3

လၢတၢ်န့ၣ်အဃိခဲအံၤယတံၤသကိးစံးဝဲဒၣ်, “သုဝဲလၢအအိၣ်လၢဝ့ၢ်ယရူၤၡလ့ၣ်ဒီးကီၢ်ယူဒၤတဖၣ်ဧၢ, စံၣ်ညီၣ်တၢ်လၢယၤဒီးယစပံးလီၢ်အဘၢၣ်စၢၤတက့ၢ်.

လံာ်ယံးရမံယၤ 2:9

သတးဒီးယၤ, ယွၤအံၤယကပာ်ဖျါထီၣ်ကဒီး ယကွီၢ်ထီဒါယပှၤဂီၢ်မုၢ်လီၤ. ယကပာ်တၢ်ကမၣ်ထီဒါအဝဲသ့ၣ်အစၢၤအသွဲၣ်တဖၣ်လီၤ.

လံာ်ယံးရမံယၤ 25:31

ဒီးတၢ်အသီၣ်ကဟူကဒါက့ၤ တုၤလၢဟီၣ်ခိၣ် အကတၢၢ်န့ၣ်လီၤ. ယွၤအိၣ်ဒီး အကွီၢ်ထီဒါပှၤကလုာ်တဖၣ်လီၤ. အဝဲကဟဲစိာ်ပှၤဂီၢ်မုၢ်ခဲလၢာ်ဆူ ကွီၢ်ဘျီၣ်ပူၤ ဒီးစံၣ်ညီၣ်ပှၤအအၢအသီတဖၣ်လၢ တၢ်သံန့ၣ်လီၤ. ယွၤကတိၤလံတၢ်လံၤ.”

လံာ်ယံးရမံယၤ 31:37

ဖဲမုၢ်တနံၤလၢ ပှၤထိၣ်မူကပိာ်လိၤမ့ၢ်သ့, ဒီးဟီၣ်ခိၣ်အခီၣ်ထံး တဖၣ် တၢ်ဃုသ့ၣ်ညါအီၤဒုးမ့ၢ်သ့န့ၣ်ဒီး, အဝဲကညိကွံာ်ကီၢ်အံၣ်စရ့လး အပှၤဂီၢ်မုၢ်, လၢတၢ်လၢ အဝဲသ့ၣ်မၤတ့ၢ်ဝဲခဲလၢာ် အဃိန့ၣ်လီၤ. ယွၤကတိၤလံတၢ်လံ.

လံာ်ဟိၤၡ့ 12:2

ယွၤအိၣ်ဒီးတၢ်ပာ်တၢ်ကမၣ်တမံၤလၢကဟဲစိာ်ဝဲထီဒါကီၢ် ယူဒၤအပှၤဂီၢ်မုၢ်လီၤ. အဝဲသါကစံၣ်ညီၣ်စ့ၢ်ကီးကီၢ်အံၣ်စရ့လးလၢအတၢ်ဖံးတၢ်မၤ အဂီၢ်လီၤ. အဝဲကဟ့ၣ်ဆၢက့ၤအဝဲသ့ၣ်လၢတၢ်လၢအဝဲသ့ၣ် အပှၤဂီၢ်မုၢ်မၤအဃိန့ၣ်လီၤ.

လံာ်ဟိၤၡ့ 12:3

အဝဲသ့ၣ်အပၢ်ဖးဒိၣ်လၢပျၢၤစီၤယၤကိာ်ဂဲၤလိာ်တၢ်ဒီးအဝဲၢ်ခွါ တဃံာ်လၢအမ့ၢ်စီၤဧ့ၡီၤဖဲအဝဲသ့ၣ်ခံဂၤလၢာ်အိၣ်ဒံးဒၣ်လၢ အမိၢ်အဒၢလီၢ်ပူၤန့ၣ်လီၤ. ဖဲစီၤယၤကိာ်ဒိၣ်ထီၣ်န့ၣ်အဝဲ ဂဲၤပျုၢ်ထီဒါကစၢ်ယွၤ,

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်မံကၤ 6:1

ကနၣ်ယွၤအကွီၢ်ထီဒါကီၢ်အံၣ်စရ့လးတက့ၢ်. ဂဲၤထၢၣ်, ယွၤဧၢ, ပာ်ဖျါထီၣ်နကွီၢ်, ဒီးပျဲကစၢၢ်တဖၣ်ဒီးတၢ်လုၢ်တဖၣ်နၢ်ဟူတၢ်လၢနစံးတက့ၢ်.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

လံာ်သိၣ်လီၤသီလီၤတၢ် 4:26

ယကိးထီၣ်မူခိၣ်ဒီးဟီၣ်ခိၣ်ဒ်တၢ်အုၣ်အသးတဖၣ်လၢအထီဒါသု တနံၤအံၤလၢသုမ့ၢ်တစူၢ်ဘၣ်ယၤဘၣ်ဒီး, တယံာ်ဘၣ်န့ၣ်သုကဟါမၢ်ကွံာ်လၢကီၢ်တဘ့ၣ်အံၤအပူၤန့ၣ်လီၤ. သုတအိၣ်ဆိးဘၣ်ယံာ်ယံာ်ထၢထၢလၢကီၢ်တဘ့ၣ်အံၤလၢအအိၣ်လၢထံ ကျိယၢ်ဒ့ၣ်အဘးခီအပူၤလၢ, ဘူးတ့ၢ်မးလၢသုကမၤန့ၢ်အီၤလံန့ၣ်ဘၣ်. သုကဘၣ်တၢ်မၤဟးဂီၤ သုလၢာ်လၢာ်ဆ့ဆ့န့ၣ်လီၤ.