လံာ်မံကၤ 6:16 - Sgaw Karen Common Bible

¹⁶ တၢ်အံၤကမၤအသးလီၤ. အဂ့ၢ်ဒ်အံၤ, သုမၤထွဲတ့ၢ်စီၤပၤစီၤဧိၢ်ရံၤဒီးအဖိခွါစီၤပၤစီၤ အၤဃာ်အလုၢ်အၢလၢ်သီတဖၣ်အခံလီၤ. သုလဲၤတၢ်လၢအဝဲသ့ၣ်အတၢ်သိၣ်တၢ်သီအကျဲတဖၣ်အပူၤဒီးတဆိ တ့ၢ်ဘၣ်သတးဒီးယကမၤဟးဂီၤသု ဒီးပှၤကိးဂၤကစူးကွံာ်ညိကွံာ်သုလီၤ. ဒီးယပှၤဂီၢ်မုၢ်လၢတၢ်လီၢ်ကိးပူၤဒဲးကသးဘၣ်အၢသုလီၤ.” revised 16-2-98

လံာ်မံကၤ 6:16 Iomraidhean Croise

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤအခီၣ်ထံးတဘ့ၣ် 9:8

ယွၤအတၢ်လုၢ်ဟံၣ်အံၤကကဲထီၣ်တၢ်ဟးဂီၤအပူၣ်တပူၣ်, ဒီးကယဲၢ်ပှၤတဂၤလၢ်လၢ်လၢအလဲၤခီဂာ်အီၤန့ၣ်ကသူၣ်ပျံၤသးဖုး ဒီးကမၢကမၣ်ဝဲဒီးကစံးဝဲ, ယွၤမၤကီၢ်အံၤဒီးယွၤအတၢ်လုၢ်ဟံၣ်အံၤဒ်သိးအံၤ, ဘၣ်မနုၤလဲၣ်.

လံာ်စီၤပၤခံဘ့ၣ်တဘ့ၣ် 16:3

ဒီးပိာ်ထွဲကီၢ်အံၣ်စရ့လးအစီၤပၤတဖၣ်အဒိအတဲာ်အခံန့ၣ်လီၤ. အဝဲလုၢ်ထီၣ်ဒၣ်လဲာ်အဖိခွါဒၣ်ဝဲဒ်တၢ်လုၢ်မ့ၣ်အူတမံၤဆူ တၢ်ဂီၤတၢ်ဖီၣ်တဖၣ်, မၤဒိးလုၢ်လၢ်လီၤသးဘၣ်အၢလၢပှၤဂီၢ်မုၢ် မၤတ့ၢ်ဝဲ, ပှၤဂီၢ်မုၢ်လၢယွၤဟီထီၣ်ကွံာ်တ့ၢ်အီၤလၢထံဧိၤကီၢ်ဧိၤအပူၤ ဖဲပှၤအံၣ်စရ့လးဖိတဖၣ်ဟဲထီၣ်ဒုးတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 21:3

အဝဲဘှီထီၣ်ကဒါက့ၤပှၤတစူၢ်တနာ်ယွၤအတၢ်ဘူၣ်ထီၣ်ဘါထီၣ်အလီၢ် တဖၣ်လၢအဝဲအပၢ်စီၤဃံးစကံယၤမၤဟးဂီၤတ့ၢ်အီၤန့ၣ်လီၤ. အဝဲဘှီထီၣ်တၢ်လုၢ်လီၢ်တဖၣ်လၢတၢ်ဘူၣ်ထီၣ်ဘါထီၣ်ဘဧၤလးအဂီၢ် ဒီးမၤထီၣ်ကစၢ်မုၣ်အၡ့ရၤအဂီၤတခါ, ဒ်ကီၢ်အံၣ်စရ့လးအစီၤပၤအၤဃာ်မၤတ့ၢ်ဝဲအသိးန့ၣ်လီၤ. စီၤမနၤၡ့ၤဘါထီၣ်စ့ၢ်ကီးဆၣ်ဧိၤဖီဧိၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 22:4

အဝဲမၤတ့ၢ်တၢ်ဒဲးဘးထီဒါယွၤ, မ့ၢ်လၢဖဲအပၢ်သံဝံၤအလီၢ်ခံ န့ၣ်, စီၤပၤအၤဃာ်အဒူၣ်ဖိထၢဖိအဂၤတဖၣ်ကဲထီၣ်အဝဲအပှၤဟ့ၣ်ကူၣ် ဟ့ၣ်ဖးတၢ်တဖၣ်, ဒီးအဝဲသ့ၣ်ဆှၢဃီၤအီၤဆူအတၢ်ဟးဂီၤအပူၤအဃိန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:25

အဝဲသ့ၣ်ညိကွံာ်တ့ၢ်ယၤဒီးလုၢ်ထီၣ်ပာ်ထီၣ်တၢ်လုၢ်တၢ်ပာ်ဆူ ကစၢ်အဂၤတဖၣ်အအိၣ်, ဒီးလၢတၢ်န့ၣ်အဃိ, ထိၣ်ဂဲၤထီၣ်ယတၢ်သးဒိၣ်ထီၣ်ခီဖျိတၢ်လၢအဝဲသ့ၣ်မၤတ့ၢ်ဝဲ ခဲလၢာ်န့ၣ်လီၤ. ယတၢ်သးဒိၣ်ထီၣ်ထီဒါဝ့ၢ်ယရူၤၡလ့ၣ်လၢအဘၣ် တၢ်ထိၣ်ဂဲၤထီၣ်တ့ၢ်အီၤန့ၣ်, တလီၤပံာ်ကွံာ်ဝဲဘၣ်.

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 44:13

ပှၤအိၣ်လၢပဃၢၤတဖၣ်ထံၣ်ဝဲတၢ်လၢနမၤတ့ၢ်ပှၤ, ဒီးအဝဲသ့ၣ်ဒုၣ်ဒွဲၣ်ပှၤဒီးနံၤဘၣ်ဖၣ်လဲပှၤန့ၣ်လီၤ.

စံးထီၣ်ပတြၢၤ 44:14

နဒုးကဲထီၣ်ပှၤလၢတၢ်လီၤသးဘၣ်အၢ လၢပှၤကလုာ်တဖၣ်အကျါ, အဝဲသ့ၣ်ကျၢၢ်ကျာ်အခိၣ်လၢ တၢ်တပာ်ကဲဘၣ်ပှၤအပူၤန့ၣ်လီၤ.

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 9:16

ပှၤလၢအဆှၢပှၤသ့ၣ်တဖၣ်အံၤဆှၢကမၣ်တ့ၢ်အဝဲသ့ၣ်ဒီး မၤကဒံကဒါအဝဲသ့ၣ်လၢာ်လၢာ်ဆ့ဆ့လီၤ.

လံာ်ယံးရမံယၤ 19:8

ယကဟဲစိာ်တၢ်မၤဟးဂီၤလီၤပျံၤလီၤဖုးဒ်န့ၣ်သိးလၢဝ့ၢ်အံၤအဖီခိၣ် ဒ်သိးပှၤခဲလၢာ်လၢအလဲၤခီဘၣ်ဝ့ၢ်အံၤကပျံၤတၢ်ဖုးတၢ်ဒီး ကကမၢကမၣ်ဝဲန့ၣ်လီၤ.

လံာ်ယံးရမံယၤ 25:18

ဝ့ၢ်ယရူၤၡလ့ၣ်ဒီး ကီၢ်ယူဒၤအဝ့ၢ်တဖၣ်ခဲလၢာ်, ဃုာ်ဒီး အစိကမီၤတဖၣ်ဒီး အခိၣ်အနၢ်တဖၣ် ဘၣ်တၢ်မၢအီၤလၢ ကအီဝဲ, ဒ်သိးအဝဲသ့ၣ် ကကဲထီၣ်မဲးမုၢ်ခိၣ်တတီၤ, တၢ်ထံၣ်ဘၣ်အလီၢ်လၢအလီၤပျံၤလီၤဖုးဒီး လီၤကမၢကမၣ်သတးဒီး ပှၤဂီၢ်မုၢ်ကသူအဝဲသ့ၣ်အမံၤဒ်တၢ်ဆိၣ်အၢဒ် အဝဲသ့ၣ်မၤဒံးဝဲခဲအံၤအသိးန့ၣ်လီၤ.

လံာ်ယံးရမံယၤ 25:9

“ယကမၤလိာ်ကယဲၢ်ပှၤဂီၢ်မုၢ်လၢ ကလံၤစိးတခီ, ဒီးယခ့ယပှၤ ကီၢ် ဘၤဘူၤလိၣ်အစီၤပၤနဘူၤကးန့စၢ်န့ၣ်လီၤ. ယကမၢအဝဲသ့ၣ် ဟဲထီၣ်ဒီးဒုးတၢ်ထီဒါကီၢ်ယူဒၤဒီး ပှၤအိၣ်ဆိးလၢအပူၤတဖၣ်, ဒီးထီဒါစ့ၢ်ကီးပှၤကလုာ်ခဲလၢာ်လၢ အအိၣ်ဘူးအိၣ်တံၢ်ဒီးအီၤန့ၣ်လီၤ. ယကမၤဟးဂီၤကွံာ်ပှၤတကလုာ်အံၤဒီး ပှၤအိၣ်လၢ အဃၢၤတဖၣ် ဒီးပာ်တ့ၢ်အဝဲသ့ၣ်လၢတၢ်ဟးဂီၤအပူၤအစိၤစိၤ အဃၣ်ဃၣ်, ဒီးကကဲထီၣ်တၢ်ထံၣ်ဘၣ်တမံၤဘၣ်တမံၤလၢ အလီၤပျံၤလီၤဖုးဒီး လီၤကမၢကမၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.

လံာ်ယံးရမံယၤ 29:18

ယကလူၤအဝဲသ့ၣ်လၢ တၢ်ဒုးတၢ်ယၤ, တၢ်သၣ်ဝံၤ လီၤဒိ, ဒီးတၢ်ဆူးတၢ်ဆါဒီး ကယဲၢ်ပှၤကလုာ်လၢ ဟီၣ်ခိၣ်ချၢကဘၣ် တၢ်မၤပျံၤမၤဖုးအီၤလၢ တၢ်လၢ အဝဲသ့ၣ်ထံၣ်ဘၣ်ဝဲအဃိန့ၣ်လီၤ. တပူၤလၢ်လၢ် ဖဲယမၤလီၤပြံလီၤပြါအဝဲသ့ၣ်န့ၣ် ပှၤဂီၢ်မုၢ်ကကမၢကမၣ်ဒီး အိၣ်ဒီးတၢ်ပျံၤတၢ်ဖုးလၢ တၢ်လၢအမၤတ့ၢ်အသးဒီး အဝဲသ့ၣ်အဃိန့ၣ်လီၤ. ပှၤဂီၢ်မုၢ်ကဒုၣ်ဒွဲၣ်အဝဲသ့ၣ်ဒီး သူအဝဲသ့ၣ်အမံၤဒ် တၢ်ဆိၣ်အၢ တမံၤအသိးန့ၣ်လီၤ.

လံာ်ယံးရမံယၤ 51:51

သုစံးလၢ, ‘ပဘၣ်တၢ်ဒုၣ်ဒွဲၣ်ဒီး တၢ်မၤမဲာ်ဆှးတ့ၢ်ပှၤလီၤ. ပစုကတၢၢ်ခီၣ်ကတၢၢ်ဒီး မၤစၢၤလီၤပသးတဘၣ်, မ့ၢ်လၢပှၤတခီဘီမုၢ်ဖိတဖၣ် ဟံးန့ၢ်ကွံာ်တၢ်လီၢ်စီ ဆှံတဖၣ်လၢ ယွၤအတၢ်လုၢ်ဟံၣ်အပူၤလံအဃိန့ၣ်လီၤ.’

လံာ်ယံးရမံယၤ 7:24

ဘၣ်ဆၣ်ဒီးအဝဲသ့ၣ်တစူၢ်တၢ်မ့ၢ်ဂ့ၤ, တကနၣ်ဃုာ်တၢ်မ့ၢ်ဂ့ၤန့ၣ် ဘၣ်. အခိၣ်တလိာ်, တၢ်တမံၤလၢ်လၢ်လၢအဝဲသ့ၣ်အသးလၢ အကိၤဒီးအအၢတဖၣ်မၢအီၤလၢကမၤဝဲန့ၣ်, အဝဲသ့ၣ်မၤတ့ၢ်ဝဲသတး ဒီး, လၢအဝဲသ့ၣ်ကဂ့ၤထီၣ်အလီၢ်န့ၣ်, အၢသီဒိၣ်ထီၣ်တခီန့ၣ်လီၤ.

လံာ်သးသယုၢ်တၢ် 5:1

ယွၤဧၢ, သ့ၣ်နီၣ်ထီၣ်တၢ်မၤအသးဒီးပှၤတက့ၢ်. ကွၢ်ဃီၤပှၤဒီးထံၣ်ပတၢ်မဲာ်ဆှးတက့ၢ်.

လံာ်ယဃ့းစက့လး 39:26

တုၤအဝဲသ့ၣ်အိၣ်ဆိးဘၣ်ကဒီးတဘျီလၢတၢ်ပူၤဖျဲးအပူၤလၢ အကီၢ်ဒၣ်ဝဲအပူၤ, တအိၣ်ဒီးပှၤလၢကမၤပျံၤမၤဖုးအီၤနီတဂၤန့ၣ်, အဝဲသ့ၣ်သးပ့ၤနီၣ်ကွံာ်ဝဲလၢအဘၣ်တၢ်မၤမဲာ် ဆှးအီၤဒ်လဲၣ်. လၢအတတီဒီးယၤအဃိသ့ဝဲလီၤ.

လံာ်ဒၤနံးယ့လး 9:16

နအိၣ်ပှိၤတ့ၢ်ပှၤလၢပျၢၤလီၤ. မၤသးဒ်န့ၣ်ဒီးသးဒိၣ်ဝ့ၢ်ယရူၤ ၡလ့ၣ်လၢၤတဂ့ၤ. မ့ၢ်ဝဲနဝ့ၢ်, နကစၢၢ်စီဆှံလီၤ. ကယဲၢ်ပှၤ ဂီၢ်မုၢ်ခဲလၢာ်လၢအအိၣ်လၢထံကီၢ်ခိၣ်ဃၢၤတဖၣ်ကွၢ်တလီၤ ဝ့ၢ်ယရူၤၡလ့ၣ်ဒီးနပှၤဂီၢ်မုၢ်, လၢပတၢ်ဒဲးဘးတဖၣ်အဃိ, ဒီးတၢ်အၢတၢ်သီလၢမိၢ်ပၢ် ဖံဖုလၢပျၢၤတဖၣ်မၤတ့ၢ်ဝဲအဃိန့ၣ်လီၤ.

လံာ်ဟိၤၡ့ 12:14

ကီၢ်အံၣ်စရ့လးအပှၤဂီၢ်မုၢ်ထိၣ်ဂဲၤထီၣ်ယွၤ အတၢ်သးထီၣ်နးနးကလဲာ်လီၤ. အဝဲသ့ၣ်ကြၢးဒီးတၢ်သံလၢအဝဲသ့ၣ်အတၢ်ကမၣ်တဖၣ်အဃိလီၤ. ယွၤကစံၣ်ညီၣ်အဝဲသ့ၣ်လၢတၢ်ဒုၣ်ဒွဲၣ်လၢအဝဲသ့ၣ် ဟဲစိာ်အီၤလၢအလိၤအဃိန့ၣ်လီၤ.

လံာ်ဟိၤၡ့ 5:11

ကီၢ်အံၣ်စရ့လးတူၢ်ဘၣ်တၢ်မၤနးမၤဖှီၣ်, အဝဲအထံအကီၢ်လၢအမ့ၢ်အတၢ်နီၢ်နီၢ်လီၤမၢ်ကွံာ်ဝဲ, မ့ၢ်လၢအဝဲလဲၤဃု တၢ်မၤစၢၤသပှၢ်ပှၢ်လၢပှၤလၢအဟ့ၣ်အီၤတသ့ဘၣ်အအိၣ်အဃိန့ၣ်လီၤ.

လံာ်မံကၤ 2:6

ပှၤဂီၢ်မုၢ်ကတိၤကလီကလီတၢ်ဒီးယၤဒီးစံး, “စံၣ်တဲၤတဲလီၤတၢ်လၢပှၤတဂ့ၤ. စံၣ်တဲၤတဲလီၤကယဲၢ်တၢ်ဂ့ၢ်တဖၣ်န့ၣ်တဂ့ၤ. ကစၢ်ယွၤတမၤမဲာ်ဆှးဘၣ်ပှၤဘၣ်.

လံာ်မံကၤ 6:13

မၤသးဒ်န့ၣ်ဒီးယစးထီၣ်မၤတ့ၢ်သုတၢ်ဟးဂီၤဒီးတၢ်လီၤပှီၢ်လၢ သုတၢ်ဒဲးဘးတဖၣ်အဃိလီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.