လံာ်မံကၤ 5:6 - Sgaw Karen Common Bible

⁶ အဝဲသ့ၣ်ကမၤနၢၤကွံာ်ကီၢ်အၤၡူၢ် လၢအမ့ၢ်စီၤနံးမရိးအကီၢ်ခီဖျိတၢ်စုကဝဲၤအဂံၢ်အဘါ ဒီးကမၤပူၤဖျဲးပှၤလၢပှၤအၤၡူၢ်ဖိတဖၣ်အစုပူၤဖဲ အဟဲနုာ်ဒုးပကီၢ်အခါန့ၣ်လီၤ.

လံာ်မံကၤ 5:6 Iomraidhean Croise

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 1:10

(စီၤကူၤၡးအိၣ်ဒီးအဖိခွါတဂၤလၢအမံၤမ့ၢ်ဝဲစီၤနံးမရိး, ပှၤလၢအကဲထီၣ်ဟီၣ်ခိၣ်အပှၤမၤန့ၢ်မၤနၢၤတၢ်အဆိကတၢၢ်တဂၤ န့ၣ်လီၤ.)

လံာ်ကွဲးနီၣ်တၢ်ခံဘ့ၣ်တဘ့ၣ် 33:11

လၢတၢ်န့ၣ်အဃိ, ယွၤပျဲကီၢ်စူၤရံအသုးမုၢ်အခိၣ်အနၢ်တဖၣ်လၢ ကလဲၤနုာ်လီၤဒုးကီၢ်ယူဒၤန့ၣ်လီၤ. ဒီးအဝဲသ့ၣ်ဖီၣ်န့ၢ်စီၤမနၤၡ့ၤ, ဘျးထီၣ်ထးက့ၣ်ခိၣ်တဖၣ်လၢအလိၤ, စၢဃးအီၤလၢထးသွဲဒီးက့ၤမိၤအီၤဆူကီၢ်ဘၤဘူၤလိၣ်န့ၣ်လီၤ.

လံာ်စီၤယိၤဘး 29:22

တုၤယကတိၤတၢ်ဝံၤန့ၣ်အဝဲသ့ၣ်ကတိၤအါထီၣ်တၢ်အလီၢ် တအိၣ်လၢၤဘၣ်. ယတၢ်စံးတၢ်ကတိၤတဖၣ်လီၤဂာ်ဒ်မူခိၣ် ထံလၢအဒုးစုာ်စီၣ်ဟီၣ်ခိၣ်အသိးန့ၣ်လီၤ.

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

စံးထီၣ်ပတြၢၤ 72:6

မ်စီၤပၤကလီၤဂာ်ဒ်တၢ်စူၤလၢအဟဲလီၤလၢ စံာ်ပျီလၢတၢ်ကူးအီၤဝံၤ ဒ်တၢ်သဖှံၣ်လီၤလၢအမၤဘၣ်စီၣ် ဟီၣ်ခိၣ်အသိးန့ၣ်တက့ၢ်.

လံာ်ယၡါယၤ 14:2

ပှၤကလုာ်အါကလုာ်ကမၤစၢၤပှၤအံၣ်စရ့လးဖိတဖၣ်ဒ်သိးကက့ၤ ကဒါက့ၤဘၣ်ဆူကီၢ်လၢယွၤဟ့ၣ်လီၤအဝဲသ့ၣ်န့ၣ်လီၤ. ဖဲန့ၣ်, ပှၤကလုာ်တဖၣ်ကမၤပှၤအံၣ်စရ့လးဖိတဖၣ်အတၢ် ခ့တၢ်ပှၤအတၢ်မၤဒ်ကုၢ်တဖၣ်အသိးန့ၣ်လီၤ. တဘျီပှၤလၢအမၤန့ၢ်မၤ နၢၤပှၤအံၣ်စရ့လးဖိတဖၣ်န့ၣ်, ခဲအံၤကဘၣ်တၢ်မၤန့ၢ်မၤ နၢၤအီၤလၢပှၤအံၣ်စရ့လးဖိ, ဒီးအံၣ်စရ့လးအပှၤဂီၢ်မုၢ်က ပၢပှၤတဖၣ်လၢ, တဘျီမၤနၢၤမၤဃၣ်တ့ၢ်အဝဲသ့ၣ်န့ၣ်လီၤ.

လံာ်ယၡါယၤ 14:25

ယကမၤဟးဂီၤပှၤအၤၡူၢ်ဖိတဖၣ်လၢယကီၢ်အံၣ်စရ့လးအပူၤ ဒီးယီၢ်တံၢ်အဝဲသ့ၣ်လၢယကစၢၢ်တဖၣ်အဒီခိၣ်န့ၣ်လီၤ. ယကမၤထူၣ်ဖျဲးယပှၤဂီၢ်မုၢ်လၢပှၤအၤၡူၢ်ဖိတဖၣ်အနီၣ်ယိးဘိ ဒီးလၢတၢ်ဝံတၢ်ယိးတဖၣ်လၢအဝဲသ့ၣ်ဘၣ်ဝံတ့ၢ်ယိးတ့ၢ်ဝဲန့ၣ်လီၤ.

လံာ်ယၡါယၤ 33:1

ပဒုၣ်ပဒါတဖၣ်ဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်ဂုာ်ဆူၣ်ပျီဆူၣ်တ့ၢ်တၢ်ဒီးဆါလီၤကွံာ်တၢ်ဖဲပှၤ တဂုာ်ဆူၣ်ပျီဆူၣ်တ့ၢ်အဝဲသ့ၣ်မ့ၢ်ဂ့ၤပှၤတဆါ လီၤကွံာ်အဝဲသ့ၣ်မ့ၢ်ဂ့ၤနီတဂၤဘၣ်အဆၢကတီၢ်န့ၣ်လီၤ. ဘၣ်ဆၣ်ဒီးအဝဲသ့ၣ်အတၢ်ဂုာ်ဆူၣ် ပျီဆူၣ်တၢ်ဒီးတၢ်ဆါလီၤကွံာ်တၢ်အ ဆၢကတီၢ်န့ၣ်ကတၢၢ်ဝဲဒီးအဝဲသ့ၣ်အကစၢ်ဒၣ် ဝဲကကဲထီၣ်ပှၤလၢတၢ်မၤနၢၤအီၤလၢ အဘၣ်တၢ်ဂုာ်ဆူၣ်ပျီဆူၣ်ဒီးလီန့ၢ်အီၤတဖၣ်န့ၣ်လီၤ.

လံာ်ယၡါယၤ 37:36

ယွၤအကလူးတဂၤလဲၤဆူပှၤအၤၡူၢ်ဖိတဖၣ်သူၣ်ဒဲအလီၢ်ဒီးမၤသံ သုးဖိတကလီၢ်ဃိးကလးယဲၢ်ကထိဂၤန့ၣ်လီၤ. လၢခံတနံၤဂီၤဂီၤန့ၣ်, အဝဲသ့ၣ်အိၣ်စူၣ်လီၤအသးဖဲန့ၣ်ဒီးသံဝဲခဲလၢာ်န့ၣ်လီၤ.

လံာ်ယၡါယၤ 37:37

အန့ၣ်ဒီး, ပှၤအၤၡူၢ်ဖိအစီၤပၤဖးဒိၣ်စၤနဃ့ရံာ်ဂုၤက့ၤဆူ အလီၢ်ခံဒီးက့ၤကဒါက့ၤဆူဝ့ၢ်နံၤနဝ့န့ၣ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်ယံးရမံယၤ 14:22

ပှၤကလုာ်တဖၣ်အတၢ်ဂီၤတၢ်ဖီၣ်တဖၣ်လၢအဒုးစူၤလီၤတၢ်သ့န့ၣ်, တအိၣ်ဘၣ်. မူကပိာ်လိၤအကစၢ်ဒၣ်ဝဲဒုးလီၤသဖှံၣ်မူခိၣ်ထံ တသ့စ့ၢ်ကီးဘၣ်. အိ, ယွၤပကစၢ်ယွၤဧၢ, ပပာ်ပတၢ်မုၢ်လၢ်လၢနပူၤလီၤ. အဂ့ၢ်ဒ်အံၤ, နမ့ၢ်ပှၤတဂၤလၢအမၤတၢ်သ့ၣ်တဖၣ်အံၤန့ၣ်လီၤ.

လံာ်နၤဃူၣ် 2:11

ဝ့ၢ်လၢအလီၤဂာ်ဒီးခ့ယုၢ်တဖၣ်အတဝၢပူၤ, တၢ်လီၢ်ဖဲခ့ယုၢ်ဖိတဖၣ်အီၣ်တၢ်, ဖဲခ့ယုၢ်ဖါဒီးခ့ယုၢ်မိၢ်လဲၤဝဲဒီးအဖိတဖၣ်လၢကအိၣ်ပူၤဖျဲးဝဲ အဂီၢ်န့ၣ်, ခဲကနံၣ်အံၤအိၣ်ဖဲလဲၣ်.

လံာ်စဖါနယၤ 2:13

ယွၤကသူအစိအကမီၤလၢကမၤဟးဂီၤကီၢ်အၤၡူၢ်န့ၣ်လီၤ. ကဒုးကဲထီၣ်ဝ့ၢ်နံၤနဝ့လၢတၢ်ဟးဂီၤအိၣ်သယုၢ်အလီၢ်, မဲးမုၢ်ခိၣ်လၢထံတအိၣ်အလီၢ်န့ၣ်လီၤ.

လံာ်စဖါနယၤ 3:12

ဒီးဖဲန့ၣ်ယကပာ်တီၢ်တ့ၢ်ပှၤလၢအသးစူၤဒီးဆီၣ်လီၤအသးလၢ အကဟဲဆူယအိၣ်လၢတၢ်မၤစၢၤအဂီၢ်န့ၣ်လီၤ.

လံာ်လူၤကၣ် 1:71

လၢအဝဲကအုၣ်က့ၤခီၣ်က့ၤပှၤလၢ ပဒုၣ်ပဒါတဖၣ်အစုပူၤ, ဒီးကယဲၢ်ပှၤလၢအသးဟ့ပှၤတဖၣ် အတၢ်စိတၢ်ကမီၤအပူၤလီၤ.

လံာ်လူၤကၣ် 1:74

အဝဲဒၣ်အၢၣ်လီၤအီလီၤလၢအကအုၣ်က့ၤခီၣ်က့ၤပှၤလၢပဒုၣ် ပဒါတဖၣ်အစုပူၤ ဒီးပျဲပမၤအတၢ်ဖံးတၢ်မၤပူၤဖျဲးဒီးတၢ်ပျံၤတၢ်ဖုး,

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်သိၣ်လီၤသီလီၤတၢ် 32:2

ယတၢ်သိၣ်လိကမၤအသးဒ်တၢ်စူၤထံအလီၤစီၤတဖၣ်လၢအဟဲလီၤတဲာ်အသိး, ဒီးဒုးအိၣ်ထီၣ်ပစီၤထံလၢဟီၣ်ခိၣ်လိၤအသိးန့ၣ်လီၤ. ယတၢ်ကတိၤတဖၣ်ကမၤအသးဒ်ထံလူလီၤအသးအါအါဂီၢ်ဂီၢ် လၢတၢ်မုၢ်တၢ်ဘိမဲထီၣ်သီတဖၣ်အလိၤအသိး, လီၤဂာ်ဒ်တၢ်လီၤသဖှံၣ်လၢတပံာ်လၢအစၢ်အလိၤအသိးန့ၣ်လီၤ.