လံာ်မံကၤ 5:12 - Sgaw Karen Common Bible

¹² ယကမၤဟးဂီၤတၢ်သမူပယၢ်လၢသုသူတဖၣ်ဒီး ပာ်လီၤတဲာ်သုတအိၣ်ဘၣ်ဒီးပှၤဖးတၢ်ဟဲဝံနီတဂၤဘၣ်.

လံာ်မံကၤ 5:12 Iomraidhean Croise

လံာ်ယၡါယၤ 2:18

တၢ်ဂီၤတၢ်ဖီၣ်တဖၣ်ကဟါမၢ်ကွံာ်ဝဲလၢာ်လၢာ်ဆ့ဆ့ဒီးထဲယွၤ တဂၤဧိၤကဘၣ်တၢ်ပာ်ထီၣ်ထီအီၤလၢမုၢ်နံၤအဝဲန့ၣ်, န့ၣ်လီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 27:9

ဘၣ်ဆၣ်ဒီးကီၢ်အံၣ်စရ့လးအတၢ်ဒဲးဘးတဖၣ်ကဘၣ်တၢ်ပျၢ် အီၤဖဲဒၣ်ပှၤဘါတၢ်ဂီၤအတၢ်လုၢ်လီၢ်အလၢၢ်တဖၣ်လီၤကလဲ ကွံာ်ဝဲဒ်ထူၣ်ဝါအကမူၣ်အသိး, ဒီးတၢ်နၢမူအတၢ်လုၢ်လီၢ် တဖၣ်မ့ၢ်ဂ့ၤ, ကစၢ်မုၣ်အၡ့ရၤအတၢ်ပနီၣ်တဖၣ်မ့ၢ်ဂ့ၤတအိၣ် လီၤတဲာ်လၢၤဘၣ်အဆၢကတီၢ်န့ၣ်လီၤ.

လံာ်ယၡါယၤ 44:17

ဒီးသ့ၣ်လၢအအိၣ်တီၢ်န့ၣ်အဝဲတ့ထီၣ်ဝဲတၢ်ဂီၤတၢ်ဖီၣ်တခါ, ဝံၤတီၤလီၤကဒွံကျိာ်ဒီးဘူၣ်ထီၣ်ဘါထီၣ်အီၤလီၤ. အဝဲဘါထုကဖၣ်တၢ်ဒီးစံးဝဲ, “နမ့ၢ်ယကစၢ်လီၤ. အုၣ်က့ၤခီၣ်က့ၤယၤတက့ၢ်.”

လံာ်ယဃ့းစက့လး 16:41

အဝဲသ့ၣ်ကဒွဲၣ်အူထီၣ်ကွံာ်နဟံၣ်တဖၣ်ဒီးပျဲပှၤပိာ်မုၣ်ဂီၢ် မုၢ်တဖုထံၣ်ဘၣ်တၢ်စံၣ်ညီၣ်နၤန့ၣ်လီၤ. ယကဒုးဆိကတီၢ်နၤလၢနတၢ်မ့ၢ်ပှၤဃဲသဲမုၣ်တဂၤ, ဒီးဆိကတီၢ်နၤလၢနတၢ်ဟ့ၣ်တဖၣ်ဆူပှၤလၢနအဲၣ်အီၤတဖၣ်န့ၣ်လီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်စကၤရယၤ 13:1

ဒီးသ့တၢ်လၢာ်အယွၤစံးဝဲဒၣ်, “ဖဲအဆၢကတီၢ်အဝဲန့ၣ်ဟဲ တုၤဃီၤန့ၣ်, ထံမူထီၣ်ပၢၢ်တပူၤကဘၣ်တၢ်အိးထီၣ်အီၤလၢကမၤ ကဆှီစီၤဒၤဝံးအစၢၤအသွဲၣ်တဖၣ်ဒီးဝ့ၢ်ယရူၤၡလ့ၣ် အပှၤဂီၢ်မုၢ်လၢအတၢ်ဒဲးဘးဒီးအတၢ်ဘါထီၣ်တၢ်ဂီၤတၢ်ဖီၣ်န့ၣ်လီၤ.

လံာ်သိၣ်လီၤသီလီၤတၢ် 18:14

အန့ၣ်ဝံၤဒီး, စီၤမိၤၡ့စံးဝဲဒၣ်, “လၢကီၢ်လၢသုကမၤန့ၢ် ဘၣ်အီၤအပူၤန့ၣ်, အပှၤဂီၢ်မုၢ်မၤထွဲပှၤတဖၣ်လၢအမၤတၢ်ဒုၣ်တၢ်ထု အတၢ်ဟ့ၣ်ကူၣ်ဟ့ၣ်ဖးအခံဒီးသံကွၢ်တၢ်လၢပှၤကွၢ်တၢ်ပနီၣ်တဖၣ်, ဘၣ်ဆၣ်ယွၤ, သုကစၢ်ယွၤတပျဲသုကမၤတၢ်အံၤန့ၣ်ဘၣ်.

လံာ်လီၣ်ဖျါ 19:20

တၢ်ဒူတၢ်ဃိၤတဒုန့ၣ်ဘၣ်တၢ်ဖီၣ်န့ၢ်အီၤတပူၤဃီဒီးဝံ အဘျၣ်လၢအမၤတ့ၢ်တၢ်လီၤလးတဖၣ်လၢတၢ်ဒူတၢ်ဃိၤ တဒုန့ၣ်အမဲာ်ညါလီၤ. (ခီဖျိတၢ်လီၤလးတဖၣ်န့ၣ်, အဝဲဒၣ်လီန့ၢ်တ့ၢ်ပှၤသ့ၣ်တဖၣ်လၢအအိၣ်ဒီးတၢ်ဒူတၢ်ဃိၤ တဒုန့ၣ်အတၢ်ပနီၣ်, ဒီးပှၤသ့ၣ်တဖၣ်လၢအဘါတ့ၢ်တၢ်ဒူတၢ်ဃိၤတဒုန့ၣ် အက့ၢ်အဂီၤလီၤ.) တၢ်ဒူတၢ်ဃိၤဒီးဝံအဘျၣ်စ့ၢ်ကီး, ဘၣ်တၢ်တ့ၢ်လီၤမူဒံးအီၤဆူနိၣ်မ့ၣ်အူလၢအအီၣ်ဃုာ် တၢ်ဒီးကးန့ၣ်လီၤ.

လံာ်လီၣ်ဖျါ 22:15

မ့မ့ၢ်, ဖဲဝ့ၢ်အချၢန့ၣ်, ပှၤလၢအဘၣ်တၢ်ဘိးဃၣ်အီၤဆူတၢ် အၢတၢ်သီတဖၣ်, ဒီးပှၤသ့ၣ်တဖၣ်လၢအဟိၣ်တၢ်ယီတၢ်, ပှၤမၤကမၣ်မုၣ်ကမၣ်ခွါဒီးပှၤမၤသံမၤဝီတၢ်တဖၣ်, ပှၤလၢအဘါတၢ်ဂီၤတၢ်ဖီၣ်တဖၣ်ဒီးပှၤသ့ၣ်တဖၣ်လၢ အလီတၢ်, လၢတၢ်စံးတၢ်ကတိၤ, ဒီးတၢ်ဖံးတၢ်မၤခံမံၤလၢာ်န့ၣ်, အိၣ်ဝဲဒၣ်လီၤ.